හැට පැන්නත් වැඩ පුළුවන්ලු

ඇමෙරිකාවේ විශ්‍රාම ගියහැකි වයස 62 න් පටන්ගත්තට හුගදෙනෙක් වයස 70 පැනලත් වැඩකරනවා. ඒ වගේම ඒ අයගෙන් රටට ලොකු සේවයක් වෙනවා .පහුගිය කලේ පත්තරේ දැක්ක වයස 80 පැනලත් එක කාන්තාවක් රැකියාව කරනවා.වැඩ කරන්න පුළුවන් අයට එකට ඉඩ දෙන එක රටට සේවයක්. මගේ මේ කතාවට කවුරුත් විරුද්ද වෙන්න ඕන නැහැ .වැඩ දන්නා වැඩකරයින්ට එයින් හානියක් නැහැ .ඒ අයට වැඩ පෙන්නන්න පුළුවන් .(අ)

පාර්ලිමේන්තුවේ අවුරුදු 5න් පෙන්ෂන් දෙන එක අන්තිම අසාධාරණයි නේද? ඔවුනුත් එක දිගට නැතත් කඩින් කඩ හෝ පාර්ලිමේන්තුවේ ගතකළ මුළු සේවා කාලය අවුරුදු 20 විය යුතුයි. මේවා මහා අපරාධ. (නි)

60 පැනපු මහත්තුරු අවංකව කල්පනා කරලා බලන්න තමන් තරුණ කාලේදී වැඩ කරපු ජවයෙන් අද වැඩකරන්න පුලුවන්ද කියල වයසට යනකොට සැම අංශයක්ම දුර්වලවන බව සාමාන්‍ය තත්ත්වයක්. සෞඛ්‍ය සේවා දැන් ගොඩක් දියුණු නිසා තවත් කාලයක් ජීවත් වෙන්න නම් පුළුවන් නමුත් ඒක වැඩ කිරීමේ හැකියාවක් නොවේ . (අ)

අපි ලණුවක් කාල වගේ. ඔය දිගුව තියෙන්නේ ඉහල තනතුරුවල පාක්ෂිකයන්ට විතරද මන්දා. (අ)

තරුණ ජවය නොසළකා හරින්න හදනවද? අර කිව්වා වගේ කාර්යක්ෂමතාවය ඇත්නම් වැඩ කරන්න ඉඩ හරින්න. නැත්නම් වයස නොබලා ගෙදර අරින්න. (නි)

හැට පැන්නද සමහරුන්ට වැඩකළ හැක. සමහරුන්ට බැහැ. එහෙමනම් කොහොමද මෙය තෝරාබේරා ගන්නේ. වෛද්‍ය පරීක්ෂණයකින් හෝ නැවත විභාගයකින්ද? ඒත් ඕවා කරන්න ලංකාවේ පුලුවන්ද? (නි)

අනේ මන්දා! තරුණ පාර්ෂවයටම රැකියා නැතිවෙන පොටක් වගේ (නි)

අපෝ! මොකට වැඩිකළාද මන්දා? ඔය රාජ්‍ය සේවයේ ඉන්න වයසක උදවියට වැඩක් කරගන්න හරිම අමාරුයි. පුදුම රෙගුලාසිකාරයෝ ඉන්නේ. තරුණ පිරිස වැඩියෙන් බඳවා ගැනීමයි කළයුත්තේ. (නි)

ඕනෑම රජයේ කාර්යාලයකට ගිහින් පුලුවන්නම් පැත්තකට වෙලා පැයක් දෙකක් බලාහිටියොත් කොහොමද කියලා ඕනෑ කෙනෙකුට දැකගන්න පුළුවන්. (නි)

කරුණාකරලා 60 පැනිල්ලට වැඩිය රජයේ සේවකයන්ගේ කාර්යක්ෂමතාව ගැන අවධානය යොමු කරන්න. වයස 25 එක්කෙනා උදේ දහය පහුවෙලා වැඩට ඇවිල්ලා 80 පැනපු කෙනා වගේ ඈනුම් ඇර ඇර ඉන්න හැටි දැක්කහම වැඩක් කරගන්න ආණ්ඩුවේ කාර්යාල වල එන අපේ දවසම ඉවරයි. දවල් බත් කන්න එළියට ගියාම බවලතුන් ෂොපින් යනවා. එක්කෝ හැමතිස්සෙම නිවාඩු. නැත්නම් වේලාසනින් යනවා. මෙන්න මේවා ගැන ටිකක් සොයලා බලන්න. (නි)

ඔය විශ්‍රාම යන වයස නෙවෙයි වැඩ කරන කාලෙවත් ඒ ටික හරියට කරනවාද කියලා හොයලා බලන්න. රජයේ ආයතනයකින් වැඩක් කරවාගන්න ගියාම අපිට එදාම විශ්‍රාම යන්න හිතෙනවා. තව තව පුටු රත්කරන්න ඉඩ දෙන්නකෝ. මේ රටේ ඵලදායිතාවය කියලා දෙයක් නැත්තේ මේ කම්මැලි රජයේ සේවකයන්ට අපේ බදු මුදලින් පඩි ගෙවන නිසා තමයි. අඩුගානේ තමන්ගේ රාජකාරියවත් කාර්යක්ෂම නම් තව කමක් නැහැ. (නි)

කාලෝචිත බුද්ධිමත් තීරණයක් ! හැටෙන් පසු සේවා දීර්ඝ කරැනීමට ඉඩ සැළසීම වඩා යහපත් (අ)

හොඳ යෝජනාවක්! (නි)

මේ රජයේ ලොකු පුටුවල ඉන්න අය මේ ආණ්ඩුවත් අන්දනවා ලස්සනට.මේ් වැඩේ කරන්නේ රජයේ සේවයේ එක්කරා සේවාවක අය.එයාලා මේක මාෆියාවක් කරගෙන ඉන්නේ.අනේ අපරාදේ ජනතා බලාපොරොත්තු.(හේ)

හොඳ තීරණයක්. පනස් පහෙන් යන්න කැමති අයට යන ක්‍රමයත්ද තිබිය යුතුයි (නි)

දේශපාලකයනුත් 65න් පසු විශ්‍රාම යැව්වොත් හොඳයි නේද? (නි)

එතකොට රස්සා බලාපොරොත්තුව ඉන්න තරුණ අයට රජයේ රැකියා ගන්න තව අවුරුදු 5 ක් බලාගෙන ඉන්න වෙනවා. (නි)

රටේ තරුණ තරුණියන් රැකියා නැතුව ලතවෙනවා. නියම යහපාලනය! (නි)

රජයේ සේවකයන්ගේ වැඩකාරයෝ ඉන්නේ ලොකු පුටුවල නොවේ. දක්ෂයෝ ඉන්නේ පහළ. ඒ අයගේ වාර්තා, සැළසුම් ඉහළ අය අරගෙන ගිහිල්ලා පෙන්නලා නම්බුනාම ගන්නවා. අන්න ඒ අයගේ සේවය ලබාගන්න උත්සාහ කරන්න. (නි)

ඕස්ට්‍රේලියාවේ විශ්‍රාම යැවීමේ වයස අවුරුදු 65 සිට 70 දක්වා වැඩිවුණා. එයට හේතුව වුණේ රැකියාවක් කළා හෝ නොකළා ඕස්ට්‍රේලියාවේ සියලුම පුරවැසියන් විශ්‍රාම වැටුපට හිමිකම්කීමයි. දැන් 65 සිට 70 දක්වා අවුරුදු 5 ක කාලයක් රජයට එම පුරවැසියන්ට විශ්‍රාම වැටුප නොගෙවා, එම මුදල් ඩොලර් බිලියන ගානක් ඉතුරුකර ගැනීමයි රජයේ එකම පරමාර්ථය. (නි)

දැන් ටික ටික වයස දික්කරලා 100 දක්වා දික්කරන්න. එවිට රජයේ සේවකයන් වැටුප පමණක් ගෙන, පුද්ගලික අංශයට ඇති බෝනස් වැනි ප්‍රතිලාභ නොමැතිව සදාකල් සිටීවි. (නි)

හැත්තෑව පැන්නත් තවමත් සමහරු කරන වැඩ ගැනත් අපිට දියවන්නාවේ සුළඟින් ආරංචි වෙනවා (නි)

මීට අවුරුදු 70 කට 80 කට පෙර නම් වයස 60 කියන්නේ ටිකක් දුර්වල මිනිසුන්. අද එය වෙනස්. දැන් අපේ රටේ පරම ආයුෂ වැඩිවෙලා. සෞඛ්‍ය සේවා දැන් ගොඩක් දියුණුයි. වයස 60 කියන්නේ දැන් වැඩ කළහැකි වයසක් සහ අත්දැකීම් පිරුණු වයසක්. ලෝකයේ දියුණු රටවල විශ්‍රාම වයස 65 හෝ ඊට වැඩියි. රැකියා වියුක්තියට පිළියම රැකියා අවස්ථා වැඩිකිරීමයි. (නි)

65න් විශ්‍රාම යාම බොහොම හොඳයි. විශ්‍රාම ගිය බොහෝ දෙනෙකු ඉන්නේ හුදකලා වුණ ස්වභාවයකින්. පළපුරුදු අයගෙන් නිසි සේවයක් ගත හැකි වුණත් මේ රජය තරුණයන්ට වුණ පොරොන්දු නම් ඉෂ්ට කරන්න බැරිවෙනවා. (නි)

හොඳ තීරණයක්. විශ්‍රාම යන වයස අධිරාජ්‍යවාදීන්ගේ කාලේ 55 ට තිබුණෙ ආයු අපේක්ෂාව අඩු කාලෙ. දැන් සෞඛ්‍ය පහසුකම් හොඳයි, ආයු අපේක්ෂාව 80ට ආසන්නයි. ඉතින් හොඳට වැඩ කරන්න පුළුවන් අත්දැකීම් තිබෙන අයගෙන් රටට ප්‍රයෝජනයක් ගතයුතුයි (නි)

මින් තරුණ තරුණියන්ට අසාධාරණයක් නොවේද? (නි)