"හිරුණිකාට එක නීතියක් ඥානසාර හිමිට එක නීතියක්"

ඩිලන්ත විතානගේ මහතාගේ අදහස වන්නේ, ඥානසාර හිමියන්ට ක්‍රියාත්මක වූ නීතිය හිරුණිකා මන්ත්‍රීවරියටත් ක්‍රියාත්මක වියයුතු බවද? (නි)

අම්බිලිපිටියටත් ඒකමයි, කිරා බුදීද බන් ?(කෞ)

චීවරයේ ප‍්‍රමිතීන්ට නොගැළපෙන ජීවන චරිතයක් ඇති භික්‍ෂුවක් තමන්ට දායකයන් දෙන දානය වැළඳිය යුත්තේ සහලඟුරු හෙවත් ගිනියම් වූ අඟුරු ලෙස සලකායැ’යි බුදුන්වහන්සේ වදාල සේක අවිහිංසාවාදී බුදු දහමට පටහැණි ව , රණවිරු ලේබලය අලවා අපරාධකාරයන් චීවරයෙන් වසන්නට තැත් දරන භික්‍ෂූන් ද තමන්ගේ දානය ගැන සිතිය යුත්තේ එලෙසිනි. (කෞ)

නීතිය හිරුනිකාලගේ මිසක් ඔය බල සේනාවේ නෙවෙයිනේ. (බ)

හිමියනි රට වෙනුවෙන් හඬ නැගීම අවශ්‍යයයි. නමුත් ඔබ මේ කර ගත්තේ බලෙන්ම අවස්ථාවක් දුන්න එක. (බ)

මේ ප්‍රශ්නය අහන අයගෙන් මම අහන්නේ , එදා මහින්දගේ රජය කාලයේ හිරුනිකාගේ පිය වන භාරත ලක්ෂමන් මරපු වෙලාවේ සැකකරු දුමින්ද සිල්වා හුරතල් කලේ කෙසේද ? ඔහුට එක නීතියක් , මිනි නොමරපු අයට වෙනත් නීතියක් එදාත් , (කෞ)

මොහොමෙඩ් භාරත කියන්නෙත් මැරයෙක් .දුමින්ද කියන්නෙත් මැරයෙක්.හිරුනිකා කියන්නේ මැරයෙක් ගේ දුවෙක් .ඥානසාර හාමුදුරුවෝ යුක්තිය වෙනුවෙන් සටන් වදින කෙනෙක්.යහපාලනයෙන් මැරකමට මිස යුක්තියට ඉඩ නැත (බ)

හිරුණිකා දේශපාලන පවුලකින් පැවතඑනවා මෙන්ම, ඇයගේ පියා දේශපාලනය නිසා දිවි පුජා කර අකාලයේ මියගිය කෙනෙක්. හිරුණිකා සහ මෙම හිමි සමාන නැහැ. (නි)

එතකොට අර ඒ.එස්.පී.ට? ලංකාවේ ඉතින් ඔහොම තමයි (නි)

නීතිය කාටත් පොදු නැද්ද? (නි)

දෑස් පියා සිටිනා තාක්කල් සත්‍ය නොවැටහෙන්නේය (නි)

හාමුදුරුවෝ හිරගෙට, මැර මන්ත්‍රිනිය නිදහස්, පොලිස් මිනීමරුවෝ නිදැල්ලේ. අපුරු යහපාලනය!(කෞ)

අපිත් දැන් ඉන්නේ හොඳටම කළකිරිලා (නි)

ඇයි අර රජයේ සේවකයින් ගස් බැඳපු ආචාර්යතුමාටත් ඒ කාලේ තිබුනේ වෙන නීතියක්නේ. නේද? (නි)

සහතික ඇත්ත මේ කියන දේ (නි)

කුලසේකර හරි (නි)

අපි නම් මේ සිදුවුණ දේ ගැන සතුටුයි (නි)

යෝනුසලවි, ඔහේ වගේ අයට සතුටු නැද්ද මේ වගේ ආණ්ඩු තියනකොට නේද? (නි)

ලංකාවේ තියෙන්නේ පුදුම නීතියක්. (නි)

ඔය දෙදෙනාගේම වැඩි වෙනසක් නැත (ම)

අනේ මේ විරෝධතාව අපේ ගමෙත් කරන්නකෝ...... මගෙත් කොණ්ඩෙ කප්පගන්න බාබර් කෙනෙක් නැතුව ඉන්නේ...(හේ)

ඉතින් වැරදි දෙකක්නේ. නීති දෙකක් තමයි (නි)

හිරුණිකායි ඥානසාර හිමියි එකම වැරැද්ද කළා නම් එකම දඬුවම හිමිවිය යුතුයි. එහෙම වෙලා නැහැනේ. (නි)

බුද්ධ පුත්‍රයෙක් උසාවියට විරුද්ධව?(හේ)

ඔව් ඒකනම් ඇත්ත.(හේ)

ජනතාවට නිතිය පිළිබද විශ්වාසයක් ඇති වීම අරමුණු කොට සැමට සමාන ලෙස නිතිය ක්‍රියාත්මක විය යුතු බව පෙන්විය යුතු වේ (ම)

ලංකාවේ කොහෙද සාධාරණ විදිහට ක්‍රියාත්මක වෙන්නේ. සාදාරණ විදිහට නිතිය ක්‍රියාත්මක වෙනවා නම් සිංහල බෞද්ධ අයිතිය වෙනුවෙන් හඬ නගන්නට වෙන්නේ නැහැනේ.(ම)

ඒ මොකෝ ? හිරුණිකා උසාවි භුමිය තුළ නීතියට අපහස නොකරමින් සීලාචාර විදියට හැසිරුණ බව හැමෝම දැක්ක නේ.... (ම)

හිරුණිකා අධිකරණයට අපහාස කළේ නැහැනේ. මේ වගේම එයත් අපහාස කළා නම් අපිටත් ඔය ප්‍රශ්නයම අහන්න තිබුනා. (නි)

උසාවියට ගල් ගහපු අයත් කිසිම ප්‍රශ්නයක් නැතුව ඇමති පට්ටම් ගහගෙන ඉන්න රටක් මේක. (නි)

ඒක එහෙම වුණා කියලා අපිට නම් හිතුනේ නැහැ (නි)

මහත්තයෝ, කරන වරදේ හැටියට තමයි දඬුවම් ලැබෙන්නේ. (නි)

හිරුණිකා කවදද උසාවියට අපහාස කළේ? (නි)

තමන්ට වැඩකට නැති අනුන්ගේ නඩුවකට උසාවි ගානේ ගිහින් කෑගහලා, මිනිස්සුන්ට පහත් විදිහට කතා කරලා, විනය විරෝදී වැඩ කරලා , උසාවි වලට අපහස කරලා, හිරේ ගිහාම දැන් කට්ටිය හෝ ගාල පෙත්සම් අස්සන් කරනවා, බොරු වැඩ , තමාගේ තරම දැනගෙන කටයුතු කරා නම් හරිනේ.(හේ)

කොහොමත් ඉතින් වැරදි දෙකක්නේ! (නි)

මෙම ස්වාමින් වහන්සේ තැන නොතැන බලා කටයුතු කළා නම් මෙහෙම වෙන්නේ නැහැ. මාළුවා නහින්නේ කට නිසා කියලා කියමනක් තියෙනවානේ. (නි)

ඔහොම තමයි නීතියෙ ආරක්ෂකයො. කාවහරි නිදොස්කොට නිදහස් කරන්න හරි ඇප දෙන්න හරි ඕනෑ නම් එක වගන්තියක්, දඬුවම් දෙන්න ඕනෑ නම් වෙන වගන්තියක්. නඩුත් එයාලගෙ නීතියත් එයාලගෙ සිපිරි ගෙදර අපේ. (නි)

හිරුනිකා සමාජයෙන් පිදුම් ලබන කෙනෙකු නොවෙයි. අපේ හාමුදුරුවෝ ආදර්ශමත් විය යුතුයි.(කෞ)

ඩිලන්ත විතානගේ මහතාගේ ප්‍රකාශය ඉතා නිවැරදිය. ඥානසාර හිමියන්ට ඉටුවූ සාධාරණ නීතිය හිරුණිකා මන්ත්‍රිවරියටද, යෝෂිත රාජපක්ෂ මහතාටද නීතිය කඩකරන සැමටද පොදු වියයුතුය. ආගම් වෙනුවෙන් සහ ජාතිය වෙනුවෙන් පෙනිසිටින්නන්ට නීතිය වෙනස් නොවිය යුතුය. (නි)

ඒක තමයි යහපාලනේ. (නි)

හිරුණිකා කළේ පවුල් ආරවුලකට මැදිහත් වී අනවශ්‍ය ලෙස විසඳීමට යාමයි. ඥාසසාර හිමි කළේ අධිකරණයට අභියෝග කිරීමයි. නීතියට අපහාස කිරීමයි. ඉතින් මේ දෙකට නීති දෙකක් තමයි ක්‍රියාත්මක වෙන්න ඕනෑ. (නි)

හිරුණිකායි හාමුදුරුවොයි කිසිසේත්ම සමානවෙන්නේ නැහැනේ (නි)

හිරුණිකා අධිකරණයේ තීන්දු තීරණ වලට අභියෝග කළේ නැහැනේ අපේ හාමුදුරුවනේ. නමුත් හිරුණිකාවත් අත්අඩංගුවට ගත්තනේ (නි)