හිටපු ජනපති මහින්ද රාජපක්ෂ මහතාගේ පුත් යෝෂිත රාජපක්ෂ අත්අඩංගුවට ගැනීම දේශපාලන පළිගැනීමක් නොවන බව ජනතා විමුක්ති පෙරමුණේ නායක පාර්ලිමේන්තු මන්ත්‍රී අනුර කුමාර දිසානායක මහතා අද (3) බත්තරමුල්ල පක්ෂ මූලස්ථානයේ පැවැති  ප්‍රවෘත්ති සාකච්ඡාවකදී පැවසීය.

රජයේ මුදල් අවභාවිත කළ පුද්ගලයන් අත්අඩංගුවට ගැනීම දේශපාලන පළිගැනීම් ලෙස හැඳින්වීමට උත්සාහ කරන්නේ පසුගිය කාලයේදී මහජන මුදල් සොරකම් කළ සහ ඉදිරි කාලයේදී මහජන මුදල් සොරකම් කිරීමට බලාපොරොත්තු පාර්ශවයන් බව ද දිසානායක මහතා කීවේය.

රාජපක්ෂ ආණ්ඩුව රට පාලනය කළ කාලය සළකා බැලුවහොත් සැබෑ දේශපාලන පළිගැනීම් මොනවාදැයි බලාගත හැකි බවද ඔහු කීවේය.

මහජන මුදල් වංචා කිරීම හේතුවෙන් එෆ්සීඅයිඩියේ ප්‍රශ්න කිරීමට ලක්විය යුතු මැති ඇමැතිවරුන් එය අහෝසි කළ යුතු යැයි කියමින් සිටින බවද දිසානායක මහතා සඳහන් කළේය.