ලන්ඩන් නුවර හවුන්ස්ලෝ ශ්රී ලංකා ජනහඬ පදනම ලන්ඩන් නුවර ජීවත්වන ශ්රී ලාංකිකයින් වෙනුවෙන් සැලකියයුතු සේවයක් ඉටුකරනු ලබන වැදගත් ශ්රී ලාංකික සංවිධානයකි. එමගින් එංගලන්තයේ පමණක් නොව ශ්රී ලංකාවේ වෙසෙන අපේ සහෝදර නෑදෑ හිතවතුන් වෙනුවෙන්ද සිදු කරන්නා වූ සේවය ඉතා විශාලය.
එම සංවිධානය මඟින් සංවිධානය කරනු ලබන සංස්කෘතික වැඩකටයුතු අතර ප්රධාන ස්ථානයක් ගනු ලබන්නේ වාර්ෂිකව පවත්වනු ලබන සිංහල අවුරුදු උත්සවයයි. සම්ප්රදායික සිංහල කෙළි සෙල්ලම් සහ සියලුම අවුරුදු අංගයන්ගෙන් සමන්විත මෙම උත්සවය මඟින් ලන්ඩන් නුවර හැදෙන වැඩෙන ශ්රී ලාංකික දෙමව්පියන්ගේ දුවා දරුවන්හට ශ්රී ලාංකික සංස්කෘතියේ වටිනාකම පිළිබඳව මනා අවබෝධයක් ලබාදීමට කටයුතු කරනු ලැබේ.
තවද ශ්රී ලංකාවට එරෙහිව ජාත්යන්තර විරෝධයන් නැගෙන සෑම අවස්ථාවකදීම හවුන්ස්ලෝ ශ්රී ලංකා ජනහඬ පදනම තම උපරිම ශක්ති ප්රමාණයෙන් එම විරෝධයන්ට එරෙහිව අනෙකුත් සංවිධානයන් සමග සහෝදරත්වයෙන් යුතුව කටයුතු කර එම විරෝධයන් පරාජය කරනට සමත් විය.
හවුන්ස්ලෝ නගර සභාව සමඟ ඉතාමත්ම සමීප සහයෝගයෙන් කටයුතු කරන එම සංවිධානය නගර සභා බල ප්රදේශය තුල වෙසෙන ශ්රී ලාංකිකයනට නගර සභාවෙන් කර ගත යුතු සේවාවන් ඉතාමත්ම ඵලදායි ලෙස ඉටු කර ගැනීමට රුකුල් වී ඇත.
ශ්රී ලංකාවේ වෙසෙන දුප්පත් ජනතාවගේ දරුවනට වාර්ෂිකව නොමිලයේ ලබා දෙන පාසල් උපකරණ ප්රධානය, ඈස් කණ්නාඩි ප්රධානය සහ රෝද පුටු ප්රධානය හවුන්ස්ලෝ ශ්රී ලංකා ජනහඬ පදනම ශ්රී ලංකාවේ වෙසෙන අපේම සහෝදර නෑදෑ හිතවතුන් වෙනුවෙන් සිදු කරන්නා වූ මෙහෙවර අතර ප්රධාන තැනක් ගනී.
මෙවන් වූ සේවාවන් සිදු කරන හවුන්ස්ලෝ ශ්රී ලංකා ජනහඬ පදනම මෙවර එංගලන්තයේ වෙසෙන ශ්රී ලාංකිකයින් වෙනුවෙන් තවත් දැවැන්ත සේවාවක් ලබා දීමට සැරසෙයි. එනම් ඔවුන්ගේ නීතිමය කටයුතු වෙනුවෙන් නොමිලයේ නීති උපදෙස් සේවයක් ලබාදීමය. මේ අනුව ඕනෑම ආකාරයේ නීතිමය අවශ්යතාවයක් සඳහා අවශ්ය උපදෙස් දක්ෂ ප්රවීණ නීති වේදීන් වෙතින් නොමිලයේ ලබා ගැනීමට එංගලන්තයේ ශ්රී ලාංකිකයින්හට දැන් අවස්ථාව සැලසී ඇත.
මෙම වැඩපිළිවෙලෙහි ආරම්භය ජුලි 13 වන සෙනසුරාදා සවස 3.30 සිට 6.00 දක්වා ෆෙල්ය්හම් හිදී පවත්වීම සඳහා කටයුතු යොදා ඇත.
07712519780 හෝ 07534303302 අංකයන්ට ඇමතීමෙන් වැඩි විස්තර ලබා ගත හැක.
ශ්රේඨාධිකරණය නියෝගයට පටහැනිව කටයුතු කළ පතල් කාර්යාංශයේ අධ්යකෂ ජනරාල්වරයාට එරෙහිව අධිකරණයට අපහාස කිරීම සම්බන්ධයෙන් පියවර ගැනීමට බලාපොරොත්තු වන බ
කුකුළේගඟ ජලාශයේ ගඟ ඉහළ ජල පෝෂක ප්රදේශවලට පවතින වර්ෂාව හේතුවෙන් ජලාශයේ වාන් දොරටු දෙකක් අද (27) විවෘත කර ඇතැයි බුලත්සිංහල ප්රාදේශීය ලේකම් කාර්යාලය ප
ජනාධිපති අනුර කුමාර දිසානායක මහතා විසින් ජනාධිපති කාර්යාලයේ නීති අධ්යක්ෂ ජනරාල් ලෙස ජ්යෙෂ්ඨ නීතිඥ ජේ.එම්. විජේබණ්ඩාර මහතා පත් කර ඇත.
ක්රීඩා අමාත්යංශය වියදම් කළ ප්රතිපාදනවල ප්රගතිය පිළිබඳ කඩිනම් විගණනයක් කරන්නැයි අග්රාමාත්ය ආචාර්ය හරිනි අමරසූරිය මෙනවිය පැවැසුවාය.
හක්මන ප්රදේශයට ඊයේ (26) දින මධ්යම රාත්රියේ සිට ඇදහැලුණු ධාරානිපාත වර්ෂාව හේතුවෙන් හක්මන, මුලටියන හා කඹුරුපිටිය, මුල ටියන ප්රධාන මාර්ගයේ ස්ථාන කිහිප
පසුගිය ජනාධිපතිවරණයේදී ශ්රී ලංකා පොදුජන පෙරමුණ හැරදා හිටපු ජනාධිපති රනිල් වික්රමසිංහ සමග එක්වූ පළාත්සභා සහ පළාත් පාලන ආයතන නියෝජිතයින්ට නැවතත් ශ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
හවුන්ස්ලෝ ජනහඬන් නොමිලයේ නීති උපදෙස්
තාරකා Thursday, 04 July 2013 08:40 PM
අනේද කියන්නෙ අපි නොදන්නා පදනම්? ලංඩන් ලාංකිකයො වෙනුවෙන් මොනවා කරනව ද මේ බොරු දේශප්රේමියො. (අ)
නිල්මිණි Thursday, 04 July 2013 01:36 PM
නියමයි. මෙවන් හොද වැඩ අනිත් රටවල දකින්න ලැබෙනවා නම් කොච්චර හොදද? (නි)
සිරිලාල් Sunday, 14 July 2013 07:26 PM
යූ ටියුබ්, ගූගල් වලට ගිහින් 'ජනහඩ' කියලා ටයිප් කරලා බලන්න. ඔබට ඇත්ත දැනගන්න පුළුවන් (නි)
දිනේෂ් Thursday, 04 July 2013 02:48 PM
මොන බොරුද? කට කයිවාරු විතරයි. ලකුණු ද ගන්න කරන වැඩ. හවුන්ස්ලව් වල මිනිස්සු දන්නවා හොඳට. ඉස්සලම එකතු කරන සල්ලි වලට කරන දේ, අය වැය පෙන්නන්නකො අනිත් අයට බැන බැන යන්නේ නැතිව.(නදී)
සිරී Tuesday, 16 July 2013 12:34 AM
ලන්ඩන් වල සිටින සමහර අපේ සිංහල අය යම් කෙනෙක් හොද දෙයක් කරන කොට ඉරිසියාව වගේ දැනෙනවා ඇති. එත කොට සමහර අපේම සිංහල කිහිප දෙනෙක් පමණක් තමන්ට කිසි දෙයක් කර ගන්න බැරිනිසා, රටට වැඩ දායක වැඩක් කරන අයගේ කකුලෙන් අදිනවා. අනුන්ගේ නම් පාවිච්චි කරමින් ඊ මේල් හදාගෙන මෙවැනි දේවල් කරනවා. නමුත් මේ අයව නීතියට ගෙන එන්න පුළුවන් පොලිසියට පැමිණිලි කිරීමෙන්. පොලිසියට දැනුම් දීමෙන් තමන් නිවැරදි බව ලෝකයට පෙන්නවන්න පුළුවන් ඔබගේ නම පාවිච්චි කරලා නම්. මට දුක කවදාද සිංහලයා එකමුතුව වැඩ කරන දවස එන්නේ කියලා මොකද සමහර අය මුදල් පසුපස යනවා ජාතියට හෙන ගැහුවත් ඒ අයට වැඩක් නැත. බොහොම දුකයි මේ වෙන දේවල් දිහා බැලුවම.(නදී)