2025 අප්‍රේල් මස 04 වන සිකුරාදා
(මහේෂ් කිර්තිරත්න)
මාතලේ සාහිත්‍යකලා සංසදයේ අනුශාසක රාජ්‍ය සම්මානලාභී ප්‍රවීණ ලේඛක කේ.බී.මානෑව මහතා අභාවප්‍රාප්ත විය.
මිය යනවිට 87 වන වියේ පසු වූ ඒ මහතා දියණියන් තිදෙනකුගේ පියෙකි.
රජරට නුවරකලාවියේ මානෑව ගමේ ඉපදුනු කිරි බණ්ඩා මානෑව මහතා මානෑව විදුහලින් මූලික අධ්‍යානය ලැබ පාසල් අධ්‍යාපනයෙන් අනතුරුව ශිෂ්‍ය ගුරුවරයකු ලෙස ගුරු සේවයට එකතු වූ ඒ මහතා අනුරාධපුරයේ සහ මාතලේ දිස්ත්‍රීක්කයේ පාසල් කිහිපයක සේවය කිරීමෙන් අනතුරුව විශ්‍රාම ගත්තේය.
දිවයිනේ ප්‍රකට ජනශ්‍රැතිවේදියෙකු වූ ඒ මහතා ඒ වෙනුවෙන් තුන් වතාවක්ම රාජ්‍ය සාහිත්‍ය සම්මානයෙන් පිදුම් ලැබූවේය.
නුවරකලාවියේ ජන වහර, ලග්ගල ජනවහර, මාතලේ ජනවහර, නුවර කලාවියේ ජනමංගල්ල, සීහල ජනවහර, යන ශාස්ත්‍රීය පොත්, මකුලේතැන්න, සන්නසක සෙනෙහස, ඉව යන නිර්මාණ ග්‍රන්ථ රැසක් සිංහල සාහිත්‍යට එක්කොට ඇත.
කලාභූෂණ සහ කලාකීර්ති සහ මැදරට අභිමානී සම්මානයන්ගෙන් ද පිදූ ඒ මහතා කලක් සාහිත්‍ය අනු මණ්ඩලයේද කටයුතු කොට තිබේ .
දේහය මාතලේ ඇල්වල නිවසේ තැම්පත් කොට ඇති අතර අවසාන කටයුතු ඉරිදා ප.ව.5.00 මාතලේ ආදාහනාගාරයෙදී සිදු කිරීමට නියමිතය.
ප්‍රවීණ රංගන ශිල්පියෙකු හා හඬකැවීම් ශිල්පියෙකු වන ප්‍රසන්න ෆොන්සේකා මහතා අභාවප්‍රාප්ත වී තිබේ.
ප්‍රවීණ ටෙලිනාට්‍ය සහ චිත්‍රපට රංගන ශිල්පිනී සුසන්තා චන්ද්‍රමාලි මහත්මිය අභාවප්‍රාප්ත වූවාය.
මහනුවර ඓතිහාසික ශ්‍රී දළදා පෙරහරේ අඩ සියවසකට අධික කාලයක් ප්‍රධාන වෙස් නර්තන ශිල්පියා වශයෙන්කටයුතු කළ පීටර් සූරසේන මහතා අභාවප්‍රාප්ත වී තිබේ.
ප්‍රවීණ ගායන ශිල්පිණි අමිතා වැදිසිංහ මහත්මිය අද උදෑසන අභාවප්‍රාප්ත වූ බව ඇගේ පවුලේ ඥාතීන් පවසයි.
ප්‍රවීණ වේදිකා, ටෙලිනාට්‍ය සහ සිනමා රංගන ශිල්පිණී කුමාරි පෙරේරා අද (13) දින සිය දිවි ගමන නිමා කළාය.
ජෝන් කීල්ස් සමූහ ව්‍යාපාරයේ පළමු ශ්‍රී ලාංකික සභාපතිවරයා වන දේශමාන්‍ය කෙන් බාලේන්ද්‍ර මහතා අභාවප්‍රාප්ත විය.
සාහිත්‍ය වේදී මානෑව දිවි ගමනට සමු දෙයි