2025 අප්‍රේල් මස 16 වන බදාදා
ජනතාවගේ යහපැවැත්ම සහ සමෟද්ධිය වෙනුවෙන් විධායකය විසින් ගනු ලබන සංවර්ධන ප්‍රයත්නයන් සඳහා අධිකරණයට බාධා නොකිරීම වැදගත් යැයි ජනාධිපති ගෝඨාභය රාජපක්ෂ මහතා සිකුරාදා (14) පැවැසීය.
එබැවින් සමෟද්ධිමත් අනාගතයක් නිර්මාණය කිරීමට රජය ගෙන යන ක්‍රියාවලියට නීති ප්‍රජාවේ සාමාජිකයන්ගෙන් පූර්ණ සහය අපේක්‍ෂා කරන බවද ඔහු කීය.
ශ්රී ලංකා නීතිඥ සංගමයේ ජාතික සමුළුව අමතමින් ජනාධිපතිවරයා මේ බව සඳහන් කළේය. මෙම සමුළුව මීගමුවේදී ඉකුත්දා (14) පැවැත්විණි.
‘ශ්රී ලංකාව, මූල්‍ය සහ වාණිජ කේන්ද්‍රය, දැක්ම, අභියෝග සහ ඉඩ ප්‍රස්ථා’ මැයෙන් මෙම සමුළුව සංවිධානය කර තිබිණි.
සමුළුව අමතමින් ජනාධිපතිවරයා මෙසේද පැවැසීය.
මේ වනවිට පුළුල් ක්‍ෂේත්‍ර රැසක් ඔස්සේ වේගයෙන් දියුණු වන තාක්‍ෂණික ක්‍රමවේද ගෝලීය වාණිජ සහ කර්මාන්තවල විශාල පරිවර්තනයක් ඇති කරමින් තිබෙනවා. එම පරිවර්තනය සමඟ ශ්රී ලංකාවද ඉදිරියට ගමන් කළයුතුයි. ඒ අනුව වේගවත් ආර්ථික සංවර්ධනයක් උදෙසා නව වෙනස්කම් මගින් ලබාදෙන අවස්ථා ප්‍රයෝජනයට ගැනීමට අප උත්සුක විය යුතුයි.
ඇති වෙමින් තිබෙන වේගවත් තාක්‍ෂණික විපර්යාසයන් සමග ලොව වඩාත් වැදගත් වෙළඳපොළ වශයෙන් ආසියාව කේන්ද්‍රගත වී තිබෙනවා. ආසියාවේ නැගී සිටීම අප රටේ ආර්ථික සංවර්ධනය අත්කරගැනීමට ද උපරිම වශයෙන් ඉවහල් කරගත යුතුයි. ඒ සඳහා කෙටි, මධ්‍ය සහ දිගුකාලීන වශයෙන් ක්‍රමවේද සකසා ගැනීමේ අවශ්‍යතාවන් ඉටුකර ගන්න රජය කැපවී ක්‍රියා කරනවා.
විශේෂයෙන්ම තොරතුරු තාක්‍ෂණ අංශයේ සමාගම්වලට සැලකිය යුතු බදු සහන මේ වනවිට ලබාදී තිබෙනවා. ක්‍ෂේත්‍රයේ ආයෝජනයට සහ වැඩි රැකියා අවස්ථා නිර්මාණයට දේශීය සහ විදේශීය සමාගම් දිරි ගැන්වීමට රජය ක්‍රියාකරනවා. ජාතික සංවර්ධනය වේගවත් කිරීමට සහ ආර්ථිකයේ පූර්ණ ශක්‍යතාවට අවශ්‍ය සංශෝධන කිරීමට රජය අදහස් කරනවා. එමෙන්ම ව්‍යාපාරික රෙගුලාසි පද්ධතිය වැඩිදියුණු කිරීමටත් අවශ්‍යයි. එමගින් ව්‍යාපාර කිරීමේ පහසුව සැලසෙනවා මෙන්ම අක්‍රමිකතා සහ අයතා භාවිතය වළක්වා ගන්න පුළුවන් වෙනවා.
එමෙන්ම යුක්තිය පසිඳලීම ප්‍රමාදවීම යුක්තිය ප්‍රතික්‍ෂේප වීමක් ලෙස සැලකෙනවා. රටේ සාමාන්‍ය ජනතාවට ඔවුන්ගේ ආරවුල් කඩිනමින් පහසුවෙන් දැරිය හැකි මිලකට විසඳා ගන්න අවස්ථාවක් තිබිය යුතුයි. එබැවින් යුක්තිය පසිඳලීමේ ක්‍රියාවලියේ කාර්ක්‍ෂමතාව සහ නීතියේ පිහිට පැතීමේදී දැරිය හැකි මිල පිළිබඳව සැලකිල්ලට ගතයුතු කාලය එළැඹිලා තිබෙනෙවා.
විශේෂයෙන්ම යුක්තිය පසිඳලීමේ ක්‍රියාවලිය ප්‍රතික්‍ෂේපවීම හේතුවෙන් ඒ සම්බන්ධයෙන් උනන්දුවන පුද්ගලයන් කලකිරීමට පත්වෙනවා. ඒ නිසා මෙරට නීති පද්ධතිය ලෝකයේ වඩාත් හොඳ ස්ථානයකට ගෙන ඒමට අධිකරණය සහ නීති ක්‍ෂේත්‍රය එක්ව පූර්ණ විසඳුමක් ඉදිරිපත් කිරීමට කාලය එළැඹ තිබෙනවා.
විධායකය හෝ ව්‍යවස්ථාදායකයේ නීතිමය ක්‍රියාවලියට සහ අධිකරණයට මැදිහත් වුවහොත් එය ප්‍රජාතන්ත්‍රවාදයට හානිකරයි. ඒ හා සමානව විධායකයේ සහ ව්‍යවස්ථාදායකයේ ක්‍රියාකාරීත්වයට අධිකරණය අනවශ්‍ය ලෙස මැදිහත් නොවිය යුතුයි.
විධායකය හා ව්‍යවස්ථාදායකය ප්‍රජාතන්ත්‍රවාදී ක්‍රියාවලියක් ඔස්සේ ජනතාව විසින් තෝරාපත් කරගන්නවා. විශේෂයෙන් විධායකයට ජනතාවගේ අවශ්‍යතා සපුරාලීමට අපිට ජනවරම ලැබී තිබෙනවා. එබැවින් ජනතාවගේ යහපැවැත්ම සහ සමෟද්ධිය වෙනුවෙන් විධායකය ගනු ලබන සංවර්ධන ප්‍රයත්නය සඳහා අධිකරණය බාධා නොකිරීම වැදගත්. සමෟද්ධිමත් අනාගතයක් නිර්මාණය කිරීමට රජය ගෙන යන ක්‍රියාවලියට නීති ප්‍රජාවේ සාමාජිකයන්ගෙන් පූර්ණ සහය අපේක්‍ෂා කරනවා යැයිද ජනාධිපතිවරයා සඳහන් කළේය.
කතානායක කරු ජයසූරිය, අගවිනිසුරු ජයන්ත ජයසූරිය, අධිකරණ අමාත්‍ය නිමල් සිරිපාල ද සිල්වා, එක්සත් ජාතික පක්‍ෂයේ නායක රනිල් වික්‍රමසිංහ, පාර්ලිමේන්තු මන්ත්‍රී ආචාර්ය විජයදාස රාජපක්ෂ, ශ්රී ලංකා පොදුජන පෙරමුණේ සභාපති මහාචාර්ය ජී.එල්. පීරිස්, නීතිපති දප්පුල ලිවේරා යන මහත්වරු ද නීතිඥ සංගමයේ සභාපති ජනාධිපති නීතිඥ කාලිංග ඉන්ද්‍රතිස්ස මහතා ඇතුළු පිරිසක් ද එම අවස්ථාවට සහභාගි වූහ.
මේ වන විට ආණ්ඩුව ශක්තිමත් ජාත්‍යන්තර සබඳතා හදා ගෙන තිබෙන බව ජනාධිපති අනුර කුමාර දිසානායක මහතා අක්කරපත්තුවේ ජන රැළියකදී පැවසීය.
අයවැයෙන් වෙන් කළ මුදල් විනිවිදභාවයෙන් ගමේ සංවර්ධනයට යොදවන්න පිරිසිදු ප්‍රාදේශිය පාලනයක් නිර්මාණය කරගන්නා ලෙස අග්‍රාමාත්‍ය ආචාර්ය හරිනි අමරසූරිය
සුබ නැකැතට රට අනුරට දුන් ජනතාවට ජීවත් විමේ අරගලයක නිරත වීමට සිදුව ඇතැයි විපක්ෂ නායක සජිත් ප්‍රේමදාස මහතා පැවසීය.
රණවිරුවන්ට බ්‍රිතාන්‍ය පැනවූ තහනමින් ප්‍රවර්ධනය වන්නේ මානව හිමිකම් නොව ත්‍රස්තවාදී අභිලාෂයන් බව ජාතික නිදහස් පෙරමුණේ නායක හිටපු පාර්ලිමේන්තු මන්ත
ආණ්ඩුව එක පැත්තක සහ පළාත් පාලන ආයතන තවත් පැත්තක තිබුණ හොත් ප්‍රතිවිරෝධයක් නිර්මාණ වී අවුලක් ඇති වන බවත් ඒ හේතුවෙන් පළාත් පාලන ආයතනවල බලය මාලිමාව සතුව
අද සිංගප්පූරුව තියෙන ආර්ථිකයට පැමිණෙන්න නම් මේ වේගයෙන් ගියොත් තව අවුරුදු 65ක් වත් යන බව පත් කළ මන්ත්‍රී නාමල් රාජපක්ෂ මහතා:-(පො.පෙ) පාර්ලිමේන්තුවේදී පැව
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
295
0
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
2025 අප්‍රේල් මස 09
947
0
ඇමරිකානු තානාපතිනී ජූලි චන්ග් මැතිනිය ඉකුත් අප්‍රේල් මස හතර වැනිදා ශ්රී ලංකාවේ උසස් අධ්‍යාපනයේ හැරවුම් ලක්ෂයක් සනිටුහන් කළ NSBM හරිත සරසවියට පැමිණියා
‘‘ජනතා පැවැත්ම, සමෘද්ධිය වෙනුවෙන් විධායකය ගන්නා තීරණ වලට අධිකරණයෙන් බාධා එපා‘‘
Chathuri Monday, 17 February 2020 03:45 PM
ජනාධිපති වෙලා ඉන්නකොට හිටපු විදියයි දැන් ඉන්න විදියයි සම්පුර්ණ වෙනස්.
Rata Perata Wednesday, 19 February 2020 07:47 AM
දැනටත් එහෙම තමා කොහොමත් තියෙන්නේ. බලය නැති කාලෙත් නඩු කාරයෝ බය වෙලා නඩු අහන්නේ නැතුව හිටියා අපිට මතකයි.
රණවක Thursday, 20 February 2020 01:57 AM
විධායක බලතල නොමැති සහ පාර්ලිමේන්තුවේ බහුතරයද නොමැතිව අදිකරණයට පසුගියදා සිට රටේ නායකයාගෙන් සියුම් ප්‍රහාරයක් එල්ල වෙමින් තිබේ. එයට මුලික හේතුව නම් මිග් යානා ගනුදෙනුවේ සහ ගුවන් යන මිලදී ගැනීම් වලදී ඔවුන්ගේ පවුලේ සමීප තමයන් එම ගනුදෙනුවල ප්‍රධාන කොටස් කරුවන් වී සිටි නිසා ඔවුන්ව බේරාගැනීමට මෙසේ අධිකරණයට වක්‍රාකාරව පීඩනයක් එල්ල කරමින් සිටිනවාදෝ කියා සැකයක් මතුවේ. ජනතා පැවැත්ම, සමෘද්ධිය වෙනුවෙන් අධිකරණය ගන්නා තීරණ වලට විධායකයෙන් බාධා එපා කියා වෙනස් විය යුතුය. 2005 සිට 2014 දක්වා සිදුවූ එසේය. එම ක්‍රියා දාමය වෙනස් වුයේ 19 වන සංසෝධනය නිසා බව කිව යුතුවේ.
vidya Thursday, 20 February 2020 06:00 AM
ජනාධිපතිතුමනි , කරුණාකරලා ඔය වටේ ඉන්න පිරිසට කියන්න අවශ්‍යදෙත් අනවශ්‍යදේත් ගැන ඕනෙවට එපාවට කියවන්න ගිහින් වැඩ කාලා දැම්මොත් ඔබතුමා කරන්න යන වැඩ පිළිවෙලට ප්‍රශ්න ඇතිවෙන්න පුළුවන්. අනිත් එක පරණ ආණ්ඩුවට දොස් කීමේ කිසිම ප්‍රතිපලයක් නැත . අද ඉන්න තරුණ පිරිස උගත් පිරිසක් . එම දරුවෝ මහ ඡන්දය එනකම් බලාගෙන ඉන්නවා. අලුත් ක්‍රමවේදයක් කිරීමට අලුත් උගත් , බුද්දිමත් පිරිසක් සමග යා යුතුයි.