2025 අප්‍රේල් මස 03 වන බ්‍රහස්පතින්දා
(අංජුල මහික වීරරත්න)
”රනිල් වික‍්‍රමසිංහ යනු තාන්නxමාන්න, නිලතල ලැබීම මෙන්ම එහි දුක්බර ස්වභාවය හොඳින්ම විඳගත් ශ්‍රේෂ්ඨ පුද්ගලයකු යැයි” කොළඹ නව කෝරළේ ප‍්‍රධාන සංඝනායක, හුණුපිටිය ගංගාරාමාධිපති ගල්බොඩ ඤාණිස්සර නාහිමියෝ කොළඹදී පැවැසූහ.
රටේ ගිනි නිවන්න නම් අප කවුරුත් එක්ව කැපවිය යුතු බව ද ගලබොඩ ඤාණිස්සර නාහිමියෝ තවදුරටත් ප‍්‍රකාශ කළහ.
ප‍්‍රවීණ ආර්ථික විශ්ලේෂක දිනේෂ් වීරක්කොඩි සම්පාදනය කළ ”රනිල් වික‍්‍රමසිංහ දේශපාලන චරිතාපදානය” ග‍්‍රන්ථය දොරට වැඞීමේ උත්සවයට සහභාගී වෙමින් නාහිමියෝ මේ බව කීහ.
කොළඹ - බණ්ඩාරනායක අනුස්මරණ ජාත්‍යන්තර සම්මන්ත‍්‍රණ ශාලාවේදී උත්සවය පැවැත්විණි.
යහපාලන රජය පිහිටුවීම සඳහා මූලික වී ක‍්‍රියා කළ මාදුළුවාවේ සෝභිත නාහිමියන්ට ගෞරව දැක්වීම සඳහා විනාඩියක නිහඬතාවක් ආරක්ෂා කිරීමෙන් පසු උත්සවයේ වැඩ කටයුතු ඇරැඹිණි.
ජනපති, අගමැති ප‍්‍රමුඛ ආරාධිතයන් අයි පෑඩය ඇසුරින් මංගල පහන් දැල්වීම විශේෂත්වයක් විය.
කතුවරයා විසින් කෘතිය ජනපති, අගමැති සහ කථානායකට පිරිනැමීමෙන් අනතුරුව අන්තර්ජාලය ඔස්සේ ග‍්‍රන්ථය ජනගත කිරීම ද සිදුවිය.
ග‍්‍රන්ථය අලෙවියෙන් ලැබෙන ලාභය ජාතික වකුගඩු අරමුදලට බැර කරනු ලැබේ.
වැඩිදුරටත් අදහස් දැක්වූ ගල්බොඩ ඤාණිස්සර නාහිමියෝ මෙසේ ද කීහ.
”රනිල් වික‍්‍රමසිංහ නම් වටිනා පුද්ගලයාගේ ආරම්භක ඉතිහාසය මට සිහිපත් වෙනවා. හෙලේනා විජයවර්ධන ළමාතැනියට සහ දොන් පිලිප් විජයවර්ධන මුහන්දිරම් තුමාට දරුවන් නව දෙනකු සිටියා. ඔවුන් මෙරට අක්කර තිස් - හතළිස් දහසක් වගා කළ වීර කාන්තාවක් වෙනවා. වීර පියෙකු වූවා.
භාෂාවට - සංස්කෘතියට, මුළු මහත් රටට සේවයක් කළ මාපිය යුවළක් ද වෙනවා.
ජේ.ආර්. ජයවර්ධන ජනාධිපති තුමාත් ඒ ළමාතැනීගේ මුණුබුරෙක්. අභාවප‍්‍රාප්ත වී සිටින රවී ජයවර්ධන මහතා පූජ්‍ය පක්ෂයට බස්රථ, දුම්රිය, පොදු වාහනවල නොමිලේ ගමන් කිරීමට අවසර පත‍්‍ර දීමට කටයුතු කළා. එතුමාත් මෙහිදී සිහිපත් කළ යුතුයි.
ජේ.ආර්. ජයවර්ධන මහතාගේ සහෝදරයකු වන කෝබට් ජයවර්ධන පැවිද්ද ලබා අප ඇසුරේ ගංගාරාමයේ වැඩ සිටියා.
විජයවර්ධන පවුලේ හැංගිච්ච රහස ඞී.ආර්. විජයවර්ධන මහතායි. එමෙන්ම රූබි විජයවර්ධන මැතිනියයි. ඔවුන්ගේ වැඩිමහල් දියණිය නාලනී වික‍්‍රමසිංහ මහත්මියයි. එතුමියගේ සැමියා වන්නේ එස්මන්ඞ් වික‍්‍රමසිංහ මහතායි. ඔහු මෙරට ප‍්‍රවෘත්ති පත‍්‍ර කලාවේ විප්ලවය කළ නිහඬ පුද්ගලයායි. රනිල් වික‍්‍රමසිංහ මහතා ඔවුන්ගේ පුත‍්‍රයායි.
සතර බ‍්‍රහ්ම විහරණ ගැන බුදුන්වහන්සේ දේශනා කළා. මෙත්තා, කරුණා, මුදිතා, උපේක්ඛා යනු එයයි. ඕනෑම කෙනකුට තිබිය යුතු ශ්‍රේෂ්ඨතම ගුණය මෛත‍්‍රියයි. සමානාත්මතාව, කැපවීම, ඉවසීම වැනි ගුණාංග ද පැවැතිය යුතුයි.
මා දුටු විඳදරා ගැනීමේ හැකියාව ඇති පුද්ගලයකු මෙරට සිටිනවා නම් ඒ ශ්‍රේෂ්ඨම පුද්ගලයා හිටපු ජනාධිපති ජේ.ආර්. ජයවර්ධන මහතායි. ඉන් පසුව තාන්න-මාන්න නිලතල ලැබුණා සේම එහි දුක්බර ස්වභාවයත් හොඳින් විඳගත් ශ්‍රේෂ්ඨ පුද්ගලයා ලෙස රනිල් වික‍්‍රමසිංහ මහතා හඳුන්වාදිය හැකියි.
රටේ ගිනිගන්න ප‍්‍රශ්න නිවන්න අප කවුරුත් කැපවිය යුතුයි. ඉදිරියට එන වෙසක් දිනය ඒ සඳහා සුදුසු දිනයයි.
විදේශීය ජාතීන් මෙරටට එන අවස්ථාවේ සියලූම ජාතීන් එකා වගේ කටයුතු කළ යුතුයි. අපට ලැබී ඇති අවනම්බු නැති කර ගැනීමට එය හොඳ අවස්ථාවක් වේවි.
අපි සියලූම වාද බේද අමතක කර මධ්‍යස්ථව, සමගියෙන්, එකමුතුව රට ගොඩනගමු. රනිල් වික‍්‍රමසිංහ අගමැතිතුමාට සහ ජනපති මෛත‍්‍රීපාල සිරිසේන මහතාට දිය හැකි ශක්තිය එයයි.”
සෞඛ්‍ය පෝෂණ සහ දේශීය වෛද්‍ය අමාත්‍ය දොස්තර රාජිත සේනාරත්න මහතා
”රනිල් වික‍්‍රමසිංහ ගැන මෙවැනි වේදිකාවක විනාඩි කීපයකින් කතා කර නිම කරන්න බැහැ. ඒ නිසා එක් පැතිකඩක් ගැන පමණක් මා කතා කරන්නම්.
එතුමා ආදී රාජකීය විද්‍යාලයේ ශිෂ්‍යයකු වෙනවා. රාජකීය බව එක් පැත්තකිනුත්, අනික් පැත්තෙන් සරල බවත් ගැන මා අද කතා කරනවා.
1948 නිදහස ලැබුණු පසු අප රටේ නායකත්වය බාරගත් සියලූම දෙනා විදේශ අධ්‍යාපනය ලැබූ අයයි. ඩඞ්ලි, ජේ.ආර්., සර් ජෝන්, සර් ඔලිවර් ගුණතිලක, නුගවෙල, කන්නන්ගර ආදීන් විදේශ අධ්‍යාපනය ලැබූ නායකයන් වූවා.
1951 දී බණ්ඩාරනායක මේ කඳවුරෙන් ඉවත්වී වෙනම පිළකට ගමන් කළා. ඒ පිළෙහි සිටි නායකයන් ද විදේශ අධ්‍යාපනය ලැබූ අයයි. බණ්ඩාරනායක, ශ්රී නිශ්ශංක, ඒ.පී. ජයසූරිය, ජෝර්ජ් ආර්. ද සිල්වා ඒ කඳවුරේ සිටියා.
මේ පිල් දෙකටම මැද සිටි සම සමාජ පක්ෂ නායකයන් වූ අයත් විදේශ අධ්‍යාපනය ලැබූ අයයි. එන්.එම්. පෙරේරා, කොල්වින් ආර්. ද සිල්වා, ලෙස්ලි ගුණවර්ධන, දොස්තර එස්.ඒ. වික‍්‍රමසිංහ, පිලිප් ගුණවර්ධන, පීටර් කෙනමන් ආදීන් ඒ අතර වෙනවා.
මේ පළමු පරපුරෙන් පසුව අපට දෙවැනි පරපුර හමුවෙනවා. ඒ පරපුර මෙරට ජාතික අධ්‍යාපනය සමග මුසු වෙනවා. රනිල් වික‍්‍රමසිංහ එහි සුවිශේෂී නිෂ්පාදනයයි. මෙරට විශ්වවිද්‍යාලයක අධ්‍යාපනය ලබා අගමැති වූ පළමු දේශපාලකයා රනිල් වික‍්‍රමසිංහයි.
1953 දී රනිල් රාජකීය විද්‍යාලයට ඇතුළු වෙනවා. ඒ රටට සුවිශේෂී වසරකයි. හර්තාලය ඇරැුඹුණේ 1953 දීයි. රනිල්ගේ පියා මෙරට මාක්ස්වාදී දේශපාලනය හැදෑරූ ලංකා සම සමාජ පක්ෂයේ ඉහළ නායකයකු වූවා.
එස්මන්ඞ් වික‍්‍රමසිංහ මහතාගේ විවාහය ගැන ලංකා සම සමාජ පක්ෂය මධ්‍යම කාරක සභා රැස්වීම් දෙකක කතා කළා. ධනපති පවුලක් වන විජයවර්ධන පවුල සමග එස්මන්ඞ් වික‍්‍රමසිංහ සහෝදරයා විවාහ ගිවිස ගත්තේ කෙසේ ද යනුවෙන් ඒ සාකච්ඡුා පැවැත්වුණා.
එස්මන්ඞ් වික‍්‍රමසිංහ මහතා විජයවර්ධන පවුලෙන් විවාහය කරගෙන විජයවර්ධන පවුලේ ධනය සම සමාජ ව්‍යාපාරය වෙනුවෙන් යෙදිය යුතු යැයි මොරටුව සම සමාජ පක්ෂ මන්ත්රී හර්මන් පීරිස් යෝජනාවක් ඉදිරිපත් කළා. ඒ අනුව විජයවර්ධන පවුලෙන් විවාහ ගිවිස ගන්නට ඔහුට අවසර දුන්නා.
එස්මන්ඞ් වික‍්‍රමසිංහගේ සහෝදර බිෂෝප් ලක්ෂ්මන් වික‍්‍රමසිංහ වරෙක ගුණදාස අමරසේකර සමග කී කතාවක් අමරසේකර මට පැවැසුවා. ”ගුණදාස මා කිසිවිටෙක යූ.එන්.පී. එකට ඡුන්දය දී නැහැ” යනුවෙන් ඔහු ප‍්‍රකාශ කර තිබුණා. ඒ තමයි වික‍්‍රමසිංහ පවුල.
පසු කලෙක වෙන මත දැරුවත් රනිල් වික‍්‍රමසිංහට ඒ ආභාෂය හොඳින්ම ලැබුණා. රාජකීය මව එක් පැත්තකින් තබාගෙන අනෙක් පැත්තෙන් පියාගේ ඇති සරල බව තබාගන්න රනිල් කැමතියි.
70 දශකය වනවිට ඔහු නීති උපාධිය ගෙන නීති විදුහලට ගොස් නීතිවේදියකු බවට පත්වුණා. නීති පීඨ ශිෂ්‍ය සංගමයේ නායකයකු ලෙස ක‍්‍රියා කළා.
රබර් සෙරෙප්පු දෙකක් දමා සරසවියට එන රනිල් මට තවමත් මතක යැයි මා සමග ජනවේගය ව්‍යාපාරයේ වැඩ කළ දැනට ඕස්ටේ‍්‍රලියාවේ සිටින මාවෝවාදියකු වන ශ්රී ස්කන්ධ රාජා මහතා මා සමග පැවැසුවා.
මා එජාපයට පැමිණි පසු ශ්රී ගැන විස්තර රනිල්ට කියන විට හාර හාර ඔහු ගැන තවදුරටත් විමසුවා. තද වාමාංශික මතධාරියකු පිළිබඳවත් ප‍්‍රසංශ සහගතව කතා කිරීමේ ගුණය රනිල් සතුයි.
ඔහු එක් පැත්තකින් සරසවියේ ශිෂ්‍ය සටන් පෙරමුණේ සිටිනවා. අනෙක් පැත්තෙන් රාජකීය සබඳතා අතහැරියේ නැත. රාජකීය ශාන්ත තෝමස් මහ ක‍්‍රිකට් ගැටුම නරඹන්නට ඔහු නොවරදවාම යනවා. මේ කොන් දෙකෙහි සංකලනය වී ගමන් කරන්න එතුමාට හැකිවුණා.
එකල දේශපාලන නායකයන් නායකත්වයට පත්වීම සඳහා ආගම පවා වෙනස් කරන යුගයක පැවතුණා. බොහෝ රාජකීයයන් අප වැනි ආනන්ද නාලන්දියන් අඳින ජාතික ඇඳුම පොරවා ගන්නා විට රනිල් රාජකීය විදුහලේ පුරුදු යුරෝපීය ඇඳුම කිසිදා අත් හැරියේ නැහැ. ඇඳුමින් දේශපාලන ප‍්‍රතිපත්ති මාලාව අපට කියාදෙන්න ඔහු තැත් කළේ නැහැ.
2001 රජයේදී මා රනිල් සමග ඉතා සමීපව වැඩ කළා. ඔහුගේ හොඳ ගතිගුණ මා එකල තේරුම් ගත්තා. මනුස්සකම, සරලබව මෙන්ම ඔහු රකින මිනිහා ඔහු සියලූ දේ පසෙක දමා ආරක්ෂා කළා.
මා මිත‍්‍ර මංගල සමරවීර එදා මට හතරවටින් පහර දෙන විට ශබ්ද කෝෂ, සිංහල සාහිත්‍ය ග‍්‍රන්ථ ගෙනැවිත් ඒවාට උත්තර බැඳිය යුතු ආකාරය ඉගැන්වූයේ රනිල් වික‍්‍රමසිංහයි.
2001 දී රාජකීයයන් 18 දෙනකු පාර්ලිමේන්තුව ජයගෙන හිටියා. ඔවුන් පිළිගැනීම සඳහා රාජකීය විදුහලේ උත්සවයක් තිබුණා. එහි ප‍්‍රධාන ආරාධිත වූ අගමැති රනිල් මෙසේ කියනවා. ”අපගේ පිය පරපුරට, අනගාරික ධර්මපාල, ජේම්ස් පීරිස්, ශ්‍රීමත් පොන්නම්බලම් රාමනාදන්, පොන්නම්බලම් අරුණාචලම්, ජෝන් කොතලාවල, ජේ.ආර්. වැනි අයට මග කියා දුන්නේ රාජකීය විදුහලයි. අප සැවොම ඉතිහාසය, දේශපාලනය, සාහිත්‍ය ඉගෙන ගත්තේ මෙහිදීයි. විනය උගත්තේත් මෙහිදීයි.”
රාජකීය විදුහල ගැන මා මෙතරම් කතා කරන්නේ ඇයි? ඔහුට රාජකීය විදුහලෙන් ලැබුණු හොඳම ආභාෂය ලිබරල්වාදයයි. ඔහු ලිබරල් අන්දමින් නිදහස්ව සිතනවා. ඔහු නිදහස් චින්තනය නිසා සිංහල ජාතිකත්වයටම යටවුණේ නැහැ. සියලූ ජාතීන් නියෝජනය වන ශ්රී ලාංකික ජාතිය ගැන හැම විටම කල්පනා කළා. සිංහල මිනිසුන් සමග එක්ව ශ්රී ලාංකික ජාතිය රැුක ගන්නා ආකාරය ගැන රනිල් කල්පනා කළා.
රනිල්ට බහුතර සිංහල ජනතාව දිනා ගන්න නොහැකි යැයි චෝදනාවක් තිබුණා. එය චෝදනාවක් පමණයි. ඊට පිළිතුරු දීමට ඔහු රාජකීය පෙනුම අතහැරියේ නැහැ. එය අවශ්‍ය වන්නේත් නැහැ. අවශ්‍ය වන්නේ සිංහල සමාජය පොදු ශ්රී ලංකාව වෙනුවෙන් දිනා ගැනීමේ දේශපාලනය ක‍්‍රියාත්මක කිරීමයි.
රනිල් වික‍්‍රමසිංහ දේශපාලන අනන්‍යතාව රාජකීය හැඩතලය යොදා ගැනීමට මීට වඩා සුදුසු කාලයක් නැහැ. එය මීට වඩා අත්‍යවශ්‍ය වන කාලයක් ද නැහැ. ශ්රී ලාංකික අනන්‍යතාව ගොඩනැගීම සඳහා රනිල් වික‍්‍රමසිංහ රාජකීය පසුතලය යොදා ගනිමු.”
මුඛ්‍ය දේශනය පැවැත්වූ ඉන්දීය පාර්ලිමේන්තුවේ විදේශ කටයුතු කාරක සභාවේ සභාපති සම්මානලාභී ලේඛක ශෂී තරූර් මහතා
”ශ්රී ලංකාවේ ඇති දැඩි පරිසර නීති බොහෝවිට ඉන්දීය ආයෝජකයන්ට හිරිහැර ගෙනදෙන අවස්ථා තිබෙනවා. නමුත් චීනය ඒ නීතිවලින් ගැලවී යන බව අපේ හැඟීමයි. ඒ පිළිබඳව ලංකා රජය අවධානය යොමු කරන්න.
ජනවාර්ගික ප‍්‍රශ්නය සඳහා කඩිනම් විසඳුමක් අවශ්‍ය බව ඉන්දියාවේ මතයයි. නමුත් ඒ වෙනුවෙන් කිසිවිටෙක ඉන්දියාව ලංකාවේ ස්වාධීන බවට බලපෑමක් කරන්නේ නැහැ. ලංකාවේ ශීඝ‍්‍ර සංවර්ධන කාර්යය සඳහා ඉන්දියාවේ උපරිම සහයෝගය ලැබෙනවා. ආයෝජන වෙනුවෙන් ඉන්දීය සහයෝගය පළ කරනවා.
ශ්රී ලංකාවේ ජනවාර්ගික ප‍්‍රශ්නයට විසඳුම දීම තමිල්නාඩුවේ සිටින මිලියන 70ක ජනතාවටත් සහනය සැලසීමක් බව කිව යුතුයි.”
ක‍්‍රිස්තියානි කටයුතු සහ ඉඩම් අමාත්‍ය ජෝන් අමරතුංග මහතා පිළිගැනීමේ කතාව පැවැත්වීය.
මහා සංඝරත්නය, මැල්කම් කාදිනල් රංජිත් කොළඹ අගරදගුරුතුමන් ඇතුළු සෙසු ආගමික නායකයෝ ද මැති ඇමැතිවරු ඇතුළු විශාල පිරිසක් ද මේ අවස්ථාවට සහභාගි වූහ.
සුබ නැකැතට රට අනුරට දුන් ජනතාවට ජීවත් විමේ අරගලයක නිරත වීමට සිදුව ඇතැයි විපක්ෂ නායක සජිත් ප්‍රේමදාස මහතා පැවසීය.
රණවිරුවන්ට බ්‍රිතාන්‍ය පැනවූ තහනමින් ප්‍රවර්ධනය වන්නේ මානව හිමිකම් නොව ත්‍රස්තවාදී අභිලාෂයන් බව ජාතික නිදහස් පෙරමුණේ නායක හිටපු පාර්ලිමේන්තු මන්ත
ආණ්ඩුව එක පැත්තක සහ පළාත් පාලන ආයතන තවත් පැත්තක තිබුණ හොත් ප්‍රතිවිරෝධයක් නිර්මාණ වී අවුලක් ඇති වන බවත් ඒ හේතුවෙන් පළාත් පාලන ආයතනවල බලය මාලිමාව සතුව
අද සිංගප්පූරුව තියෙන ආර්ථිකයට පැමිණෙන්න නම් මේ වේගයෙන් ගියොත් තව අවුරුදු 65ක් වත් යන බව පත් කළ මන්ත්රී නාමල් රාජපක්ෂ මහතා:-(පො.පෙ) පාර්ලිමේන්තුවේදී පැව
මෙම රජය කලින් තිබූ රජයන් මෙන් නොව ඕනෑම දෙයක් පිළිබදව සාකච්ඡා කළ හැකියි. නමුත් රෝගීන් ඇපයට තබාගෙන රෝගීන් දුෂ්කරතාවට පත්වන ලෙස කටයුතු කරන්නේ නම් ජනතාවග
අයවැයෙන් සුරබිදෙන පහල වන්නේ නැති නැති නමුත් මෙතෙක් කලක් ගෙන ආ අසාර්ථක ආර්ථික කළමනාකරණය නතර කොට ආර්ථිකය හැරවුම් ලක්ෂයකට ගෙන එන බව ප්‍රවාහන සහ මහාමාර්ග
2025 මාර්තු මස 31
279
0
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
830
0
ප්‍රයිම් සමූහය ශ්රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
2025 මාර්තු මස 07
797
2
දේශයේ ආරක්ෂකයා ලෙස ශ්රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ්රී ලංකාවේ පවතින වඩාත්ම උපයන රාජ්‍
’රටේ ගිනි නිවන්න නම් අපි කවුරුත් එක් විය යුතුයි’