2025 අප්‍රේල් මස 13 වන ඉරිදා
2025 අප්‍රේල් මස 13 වන ඉරිදා
(මුදිතා දයානන්ද)
විධායක බලතල අහෝසි කරන්න අවශ්‍යම නම් ඊට පෙර පළාත් සභාවලට බලය බෙදන 13 වැනි සංශෝධනය අහෝසි කරන්න යැයි ඇල්ලේ ගුණවංශ හිමියෝ අද (27) සම්බුද්ධත්වය ජයන්ති මන්දිරයේදි පැවසීය.
නව ආණ්ඩුක්රම ව්‍යවස්ථාවක අවශ්‍යතාවයක් දැනට අපි දකින්නේ නැහැ. මේක ගේන්නේ ජාත්‍යන්තර සංවිධානවල බලපෑම් අනුවයි. මේ ජාත්‍යන්තර සංවිධානත් අපේ පාලකයින් ඇතුළු දේශපාලඥයිනුත් ගහන මැච් එකේ මේ රටේ සිංහල හා දෙමළ සාමාන්‍ය ජනතාව පන්දුවලට පත්කරගෙන. මෙවැනි ව්‍යවස්ථාවක් දෙමළ ජනතාවට අවශ්‍යත් නැහැ.
විධායක බලතල අහෝසි කරන්න ඕන කියලා කියනවා. ඒක එහෙම කරනවා නම් පළාත් සභාවලට බලය බෙදන 13 වැනි ආණ්ඩුක්රම ව්‍යවස්ථාව සංශෝධනය අහෝසි කළ යුතුයි. මෙපමණ කලක් පළාත් සභා මගින් රට බෙදෙන්න තිබුණ ඉඩකඩ අහුරා ගත්තේ නූලෙන් වගේ මේක එල්ලගෙන හිටියේ විධායක බලතල නිසයි.
ඒක නැතිවුණ ගමන් රට බෙදෙන එක වළක්වන්න බැහැ. ඒ වගේම මේ ව්‍යවස්ථාව ගේන එක නවත්ව ගත්තත් ආණ්ඩුව ගැටයක් ගහලා පළාත් සභාවලට මෙතෙක් ලබානොදුන් අධිකරණ, පොලිස් හා ඉඩම් බලතල ලබාදෙන්න ඉඩ තිබෙනවා. ඒ නිසා ඒ ගැනත් අවධියෙන් සිටිනා ලෙස අපි රට ගැන කැක්කුමක් තිබෙන පාර්ලිමේන්තු මන්ත‍්‍රීවරුන්ගෙන් හා ජනතාවගෙන් ඉල්ලා සිටිනවා.
මේ වන විට ආණ්ඩුව ශක්තිමත් ජාත්‍යන්තර සබඳතා හදා ගෙන තිබෙන බව ජනාධිපති අනුර කුමාර දිසානායක මහතා අක්කරපත්තුවේ ජන රැළියකදී පැවසීය.
අයවැයෙන් වෙන් කළ මුදල් විනිවිදභාවයෙන් ගමේ සංවර්ධනයට යොදවන්න පිරිසිදු ප්‍රාදේශිය පාලනයක් නිර්මාණය කරගන්නා ලෙස අග්‍රාමාත්‍ය ආචාර්ය හරිනි අමරසූරිය
සුබ නැකැතට රට අනුරට දුන් ජනතාවට ජීවත් විමේ අරගලයක නිරත වීමට සිදුව ඇතැයි විපක්ෂ නායක සජිත් ප්‍රේමදාස මහතා පැවසීය.
රණවිරුවන්ට බ්‍රිතාන්‍ය පැනවූ තහනමින් ප්‍රවර්ධනය වන්නේ මානව හිමිකම් නොව ත්‍රස්තවාදී අභිලාෂයන් බව ජාතික නිදහස් පෙරමුණේ නායක හිටපු පාර්ලිමේන්තු මන්ත
ආණ්ඩුව එක පැත්තක සහ පළාත් පාලන ආයතන තවත් පැත්තක තිබුණ හොත් ප්‍රතිවිරෝධයක් නිර්මාණ වී අවුලක් ඇති වන බවත් ඒ හේතුවෙන් පළාත් පාලන ආයතනවල බලය මාලිමාව සතුව
අද සිංගප්පූරුව තියෙන ආර්ථිකයට පැමිණෙන්න නම් මේ වේගයෙන් ගියොත් තව අවුරුදු 65ක් වත් යන බව පත් කළ මන්ත්‍රී නාමල් රාජපක්ෂ මහතා:-(පො.පෙ) පාර්ලිමේන්තුවේදී පැව
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
205
0
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
2025 අප්‍රේල් මස 09
740
0
ඇමරිකානු තානාපතිනී ජූලි චන්ග් මැතිනිය ඉකුත් අප්‍රේල් මස හතර වැනිදා ශ්රී ලංකාවේ උසස් අධ්‍යාපනයේ හැරවුම් ලක්ෂයක් සනිටුහන් කළ NSBM හරිත සරසවියට පැමිණියා
‘ විධායක බලතල වලට කලින් 13 වැනි ව්‍යාවස්ථාව අහෝසි කළ යුතුයි’
දේශ මාමක Friday, 27 October 2017 01:11 PM
ව්‍යවස්ථාව ගේන එක නවත්ව ගත්තත් ආණ්ඩුව ගැටයක් ගහලා පළාත් සභාවලට මෙතෙක් ලබානොදුන් අධිකරණ, පොලිස් හා ඉඩම් බලතල ලබාදෙන්න ඉඩ තිබෙනවා. මේක වැදගත් කරුණක්. අපට මේක මග ඇරිලා වගෙයි. අර අත උස්සන්න ලැහැස්ති වෙලා ඉන්න සෙට් එකට මේකත් කියන්න ඕනේ. ජාතියක්, ජන්මයක් තියෙන අය බලාගත හැකියි.
gunaratna Friday, 27 October 2017 02:12 PM
ඔබ වහන්සේට මේ මොහොතේ මීට වඩා යමක් රට වෙනුවෙන් කීරීමට හැකියාව ලැබෙන පරිදි නිරෝගි බව ලැබීමට රට වාසනාවන්ත වනු ඇතැයි ප්‍රාර්ථනා කරමි
emerson Friday, 27 October 2017 06:13 PM
පරිස්සමින් කතා කරන්න හාමුදුරුවනේ... ෆොන්සේකාට ඇහුණොත් කියයි ඔබ වහන්සේත් එයාගේ ජාතියේ කෙනෙක් කියලා....
Sathyayaa Friday, 27 October 2017 10:44 PM
හිටපු පාලකයා කොහොම කෙනෙක්ද කියලා දැන දැනත් එයාව නැවත බලයට ගේන්න වලිකන කෙනෙක් හැටියට ඒ කාලයේ දීම "මහා රජාට" කියලා 13 සංශෝධනය ඉවත් කර ගන්න තිබුනනේ. දැන් ඉන්න අය ඒක කීයටවත් ඉවත් කරන්නේ නැති බව දැන දැනත්, කෙරෙන්නේ නැති දෙයක් ගැන ඔහේ කියවනවා.
rocky Saturday, 28 October 2017 01:01 AM
අසවු, අසවු! ආණ්ඩුක්රම ව්‍යවස්ථා ගැන විශේෂඥ දේශපාලකයෙක් කතා කරයි! මුන් වහන්සේලා ඉන්නේ ආගමික කටයුතුවලට නොව දේශපාලන කටයුතු වලටය. රට දෙකට බෙදන්නේ මේ දේශපාලන වහන්සේලායි !!!
bud Saturday, 28 October 2017 02:19 AM
කියන තැනකට වඳින්නම්. හාමුදුරුවන්ට දේශපාලනය ගැලපෙන්නේ නැහැ. සිවුර ගලවන්න. මේක හරි කැතයි.
Rohana Saturday, 28 October 2017 03:33 AM
සේරටම කලින් රජයේ දේපොළ මන්ත්‍රීවරු, මැති, ඇමති වරුන්ගෙන් බේරාගැනීමට ක්‍රමවේදයක් සකසන්න.
kumara Saturday, 28 October 2017 05:17 AM
හාමුදුරුවනේ, ඔබවහන්සේලා නිවන් මග අත්ඇරියාද?
Perakum Saturday, 28 October 2017 05:38 AM
ලංකාවට මොන පළාත් සභාද? මුළු ලංකාවම ගත්තත් එ්ක පළාත් සභාවකට මදි...! එහෙව් එකේ මොන කෙහෙල්මලකටද මේ රට තව කෑලි නවයකට කඩන්නේ? පාර්ලිමේන්තු මන්ත්‍රී කොට්ඨාසය තමයි අපට ගැලපෙන හොඳම පරිපාලන ඒකකය. ආයි මොන පළාත් සභාද? අපේ බදු මුදල් එක එක පන්දම්කාර දේශපාලකයින්ට බෙදාදෙන්න යොදාගත් උප්පරවැට්ටියක් නෙ මේක. එ්කෙන් මෙච්චර කාලෙකට රටට වෙච්ච යහපත මොකක්ද?
dhamneth Saturday, 28 October 2017 03:44 PM
අලුත් ව්‍යවස්ථාව ගෙනාවට පස්සේ කියවා බලා හොඳ නැත්නම් අපිත් විරුද්ධ වෙනවා. දැනට ගෙනත් නැති එකකට කොහොමද විරුද්ධ වන්නේ? මේ ගැන කලබලවෙලා දඟලන සමහර උන්නාන්සේලාගේ වැඩ දැක්කහම මතක්වෙන්නේ අර තල් අත්තට බෙලි ගෙඩියක් වැටුනහම ලෝකේ කඩාවැටෙනවා කියා දුවගිය හාවාගේ කතාවයි. අර ශ්රී පාදේ යන බැතිමතුන් දමන කුණු නිසා ශ්රී පාදය අනතුරට පත්වී තිබෙනවා. අතීතයේ සිටම ඔබවහන්සේලා උපදෙස් දුන්නා. සටන්කලා කියනවා. එහෙම කලානම් අපේ බෞද්ධයෝම ඕව අපිරිසිදු කරනවද? මෙම ආගමික සිද්ධස්ථාන ආරක්ෂා කිරීම ඔබවහන්සේලගේ යුතුකමක්... මුල් තැන දියයුත්තේ ආගමික කටයුතුවලටයි...
Ajith Nissanka Sunday, 29 October 2017 03:02 AM
13 (ප්ලස්) දෙනවා කියලා ඔබ වහන්සේලා කඩේ ගිය නායකයෝ කිව්වේ ඕකටද?
bamunu Sunday, 29 October 2017 03:50 AM
සත්‍යය, හිටපු නායකයා කොහොම කෙනෙක්ද කියලා අපි දන්නවා. ඒ නායකයා තමයි රට සිංහලයාට බේරා දුන්නේ. හිටපු නායකයෝ හැදුවේ දෙමළුන්ට උතුර සින්නක්කර ලියලා දෙන්න. "හිටපු පාලකයා කොහොම කෙනෙක්ද කියලා දැන දැනත් එයාව නැවත බලයට ගේන්න වලිකන කෙනෙක්" එයා ගැන අපි දන්නවාට වඩා ඔබ මොනවාද දන්නේ? අපි කව්රුත් වලිකන්නේ නැවත ඒ නායකයා ගෙන එන්නයි. මේ නායකයා මොන ඉටිගෙඩියක්ද මේ අවුරුදු දෙකහමාරට කලේ? පුලුවන්නම් එක කියන්න.
bamunu Sunday, 29 October 2017 03:56 AM
"අලුත් ව්‍යවස්ථාව ගෙනාවට පස්සේ කියවා බලා හොඳ නැත්නම් අපිත් විරුද්ධ වෙනවා." ඔබ කියවලා එය තේරුම් ගන්න විට වැඩේ ඉවරයි. ඔබ තේරුම් ගත්තත් නොගත්තත් ඕකට හවුල් වුණු 225 දෙනා ඕකට අත උස්සනවා. ඔබටයි මටයි කරන්න දෙයක් ඉතිරි වෙන්නේ නැත. අලුත් ව්‍යවස්ථාව හදන්නේ ඒ ගොල්ලන්ගේ පැවැත්මට සහ දෙමලුන්ගේ පැවැත්මට සහ පරදේශක්කාරයින්ගේ වුවමනාවට. ඉන්න යකා අලුත් සුරදූතියට වඩා හොඳයි කියමු.
kalpa Monday, 30 October 2017 01:34 AM
හාමුදුරුවෝ කියනදෙය හරිකියල මම හිතනවා පළාත්සභා අහෝසිකරලා ප්‍රාදේශිය ලේකම් කොට්ටසයකට වගකියන පාර්ලිමේන්තු මන්ත්‍රී වරයෙක් පත්කරලා කටයුතු කලොත් දහස් ගණනක් වන මහජන නියෝජිතයන්යයි කියාගන්න අයට වියදම් කරන මහජන ධනය සංවර්ධනයට යොදාගන්න පුළුවන් වේවි රටත් සංවර්ධනය කලහැකිවේවි