නවග්රහ මණ්ඩලයේ විවිධ ග්රහයින් අතර එකම රාශියක වැඩිම කාලයක් ගමන් කරන ග්රහයෙක් ලෙස සෙනසුරු හඳුන්වන අතර, ඒ ගමන ඉතා සෙමෙන් සිදුවෙන්නකි. එම නිසාම සෙනසුරු ඉතා බලවත් ග්රහයෙක් ලෙස ජෝතිෂ්ය විද්යාව තුළ හඳුනා ගැනෙයි.
සෙනසුරු කර්මයට තීන්දු දෙන ග්රහයායි. ඊට මූලික හේතුව සෙනසුරු ගේ වෙනස් වීම් තුළින් කෙනකුගේ දියුණුව මෙන්ම කඩා වැටීමත් එක ලෙසින් සිදුවීමට ඇති ඉඩකඩයි. මෙලෙසින් විවිධ යෝග කාරකයන් ගෙන දෙන බලවත් සෙනසුරු ග්රහයා ගේ සුවිශේෂී ග්රහ මාරුවක් 2025 මාර්තු මස 29 වැනි දින සිදුවීමට නියමිතව ඇත. එය වසර 30කට පසුව සිදුවෙන්නකි. එදින සෙනසුරු ග්රහයා මීන රාශියට සම්ප්රාප්ත වේ. මෙම සංසිද්ධිය එක් එක් රාශියට බලපාන ආකාරය පිළිබඳ සංක්ෂිප්ත විමසුමකි මේ.
මේෂ ලග්නය
මෙම ලග්නය හිමි ඔබගේ සෙනසුරු පිහිටන්නේ ලග්නයෙන් දොළොස් වැන්නේය. දොළොස් වැන්න වැයස්ථානය නැතහොත් මෝක්ෂ ස්ථානය ලෙසින් ද හඳුන්වයි. මෙම ස්ථානගත වීම ජ්යා්තිෂ විද්යාව තුළ පොදුවේ හඳුන්වන්නේ වසර හත හමාරක දීර්ඝ ලග්න සෙනසුරු ඒරාෂ්ටකය ලෙසයි. නමුත් මෙයට බිය නොවිය යුත්තේ තමාගේ උත්සාහය කැපවීම තුළින් මේ තත්ත්වය වෙනස් කර ගැනීමටත් එය යහපත් පැතිකඩකට හරවා ගැනීමටත් තමන්ටම හැකි නිසාවෙනි. ඔබ මේ සමයේ එනම් මේ වසර දෙක හමාරක කාලය තුළ තරමක් ප්රවේශම් විය යුත්තේ - තමාගේ වැයවීම් ගැන ය. ඒ තමාගේ වැයවීම් අනිසි වියදමක් වීමට ඇති ඉඩකඩ නිසාවෙනි. ඔබ උත්සාහ කළ යුත්තේ මෙම මුදල් වැයවීම උපක්රමශීලීව ආයෝජනයක් බවට පත්කර ගැනීමටයි. එමෙන්ම මෙම ග්රහ මාරුව තුළ යෙදෙන කාලය තුළ ඔබ ආධ්යාත්මික පැත්තට, ආගමට දහමට යොමු වීම යෝග්ය වනු ඇත.
වෘෂභ ලග්නය
වෘෂභ ලග්න දරන්නන් ගේ සෙනසුරු ගමන් කරන්නේ එකොළොස් වැන්නේය. ඇත්තෙන්ම ඔබට මෙය විශේෂ පිහිටීමක් වේ. එයට බලපාන ප්රධාන කාරණා දෙකකි. ඉන් පළමුවැන්න වන්නේ එකොළොස් වැන්න කර්මය පිහිටුවන අයස්ථානය නැතහොත් භාග්යස්ථානය වීමයි. ඒ අනුව මෙයින් සියලු ලැබීම් පෙන්වයි. දෙවැන්න එකොලොස්වැනි ස්ථානයේ පිහිටීමෙන් ධනයෝගයන් ඇති වීමයි. මේ නිසාවෙන් වෘෂභ ලග්න හිමි ඔබට මේ කාල වකවානුව තුළ හොඳ ආර්ථිකමය ධනලාභ යෙදෙයි. සමස්ත ග්රහ පිහිටීමේ විශේෂ වෙනසක් නොමැති නම් ඔබට මෙම කාලය ව්යාපාර කටයුතු ආරම්භ කිරීමට ඉතාම සුබ කාලයකි. ආයෝජකයින්, ව්යාපාරිකයින් වන ඔබගේ මුදලට හොඳ වැඩිවීමක්, වටිනාකමක් ලැබෙයි. හොඳ මිතුරන් ලැබේ. හොඳ සමාජ වටපිටාවක් නිර්මාණය කර ගැනීමේ අවස්ථාව හිමි වේ. ඔබ උත්සාහවන්ත වෙන්න ජීවිතය වෙනස් කරගන්න.
මිථුන ලග්නය
මිථුන ලග්නයේ උපන් ඔබගේ සෙනසුරු දහවැනි ස්ථානයට ගමන් කරයි. මෙම ස්ථානය මුද්රණස්ථානය, කර්මස්ථානය ලෙසින්ද හඳුන්වන්න පුළුවන්. මෙහිදී ප්රධාන පැතිකඩ දෙකකින් මිථුන ලග්න ඔබට මෙම ග්රහ මාරුවේ වාසි හිමි වේ. ඒ අනුව රැකියා ස්ථානයේ, ව්යාපාර කටයුතුවල මෙන්ම උපසය භාවයන්හි ඔබට කරදර බාධා තිබුණේ නම් රැකියාවේ රැඳී ඉන්න පුළුවන් ස්ථිර මට්ටමක් ඔබ තුළ ඇතිවෙයි. ආයතනයෙන් කාලයක් තිස්සේ රැඳෙන දීමනා ලැබේ. ඒ අනුව ඔබට ඔබගේ රැකියාවේ වැඩකටයුතු සාර්ථක කරගත හැකියාව ලැබෙයි. එමෙන්ම කෘෂිකර්මාන්තය, ඉංජිනේරු සේවා, පොළොව- භූමිය පිළිබඳව වැඩ, පතල්, ඇගලුම් ආදී වෘත්තීන්වලට යහපත් කාලයක් උදාවේ.
කටක ලග්නය
කටක ලග්නය හිමි ඔබට සෙනසුරු ගෙන් සිදුවන පීඩාකාරී තත්ත්වයන් පසුගිය කාලය තුළ තරමක ඉහළ තත්ත්වයේ පැවැතුණි. නමුත් 29 වන දින සිදුවන ග්රහමාරුව හරහා ඔවුනට ලබා තිබූ අෂ්ටම සෙනසුරු ඒරාෂ්ටකය දුරු වී යහපත් කාලයක් ඇතිවීමට නියමිතයි. මෙම ලග්නය හිමි ඔබට ජීවිතයේ ලබා ගැනීමට නොහැකි වූ බොහෝ දේවල් ලබා ගැනීමට හැකියාව ලැබෙයි. සෙනසුරු නමවැන්න වූ උසස් අධ්යාපන භාවයේ පිහිටන නිසා. අධ්යාපනය ලබන දරුවන් ගේ අධ්යාපන කටයුතු බොහෝ ඉහළ මට්ටමකට පත්වේ. තරග විභාගවලින් ජය ලැබේ. එමෙන්ම ඔබ අධ්යාපනය හෝ රැකියාව සඳහා විදේශ රටකට යෑමට බලාපොරොත්තුවෙන් සිටිය අයෙක් නම් ඔබේ එම බලාපොරොත්තු ඉෂ්ට කර ගැනීමේ හැකියාව ලැබෙයි. මෙම කාලය තුළ තමාට වඩා වයසින් වැඩිමහල් අය සමග පවතින සබඳතා නිසාවෙන් ඔබට වැඩිහිටියන්ගේ ආශිර්වාදය හිමිවේ. ඔබේ උත්පත්ති කේන්ද්රරයට අනුව ඒරාෂ්ඨක හෝ අපල නොමැති නම් කටක ලග්නයේ ඔබට මෙය ඉතාම සුභ කාල පරිච්ඡේදයකි.
සිංහ ලග්නය
මෙම ග්රහ මාරුව නිසාවෙන් සිංහ ලග්නධාරීන්ට වසර දෙක හමාරක අෂ්ටම සෙනසුරු ඒරාෂ්ටක අපලය ලබයි. එය සිදුවන්නේ සෙනසුරු ලග්නයෙන් අටවැන්නට ස්ථානගතවීම නිසාවෙනි. මෙහිදී විදේශගත වූ සිංහ ලග්න මෙන්ම දිවා රාත්රී නොලබා වෙහෙසෙන අයට, අධ්යාපනය ලබන අයට මෙම ඒරාෂ්ටකයන්ගේ බලපෑම අවම මට්ටමේ පවතී. එයට හේතුව මහන්සි වීම තුළින්ම ඒරාෂ්ටකය දුරු කරගත හැකි නිසාවෙනි. මෙම ඒරාෂ්ටකය නිසාවෙන් ඔබ මානසිකව කඩන් වැටීමක් සිදුවිය යුතු නැත. ඔබට මේ තත්ත්වයන් පාලනය කර ගැනීමට මෙන්ම වළකා ගැනීමටත් හැකිය. එමෙන්ම මෙම කාලය තුළ ඔබට ගුප්ත ශාස්ත්රීය දැනුම වර්ධනය කරගත හැකි අතරම ඔබට නොපෙනෙන බලවේගවල යම් ආශිර්වාදයක් ලැබේ. නමුත් ඔබ ඔබගේ ශරීර සෞඛ්ය පිළිබඳ මෙන්ම ණය ගනුදෙනු සහ අවධානම් සහගත වැඩකටයුතුවල නිරතවීමේ දී ඉතා කල්පනාකාරී විය යුතුය.
කන්යා ලග්නය
කන්යා ලග්න හිමියන්ගේ සෙනසුරු පිහිටන්නේ ලග්නයෙන් හත් වැන්නේය. හත් වැන්නට සෙනසුරුගේ බලය වැඩිවේ. හත් වැන්න විවාහස්ථානය නැතහොත් හවුල් ව්යාපාරස්ථානය ලෙසින් හඳුන්වන්න පුළුවන්. මෙම ග්රහ මාරුව තුළින් පවුල් ජීවිතය ඇතුළත යම් යම් මතභේදාත්මක තත්ත්ව ගැටලුකාරී තත්ත්ව ඇතිවීමට ඉඩකඩ ඇත . නමුත් සෙනසුරු හතේ බලවත්ව සිටින අවස්ථාවලදී විවාහයන් ගැටලු මතින් යා දෙන අවස්ථාවන් දැකගත හැකි නිසාවෙන් කසාද යා දෙයි. පවුල් ජීවිතය තුළ ඔරොත්තු දීමේ හැකියාව, දරා සිටීමේ හැකියාව වැඩිවෙයි. කාලයක් රඳා පවතින මිත්ර සබඳතා මෙන්ම ලාභ ලැබීමේ අරමුණින් හෝ සුභසාධන අරමුණින් ඔබත් සමඟ පිරිසක් එකතු වීම සිදුවේ. මේ තත්ත්වය හවුල් ව්යාපාර ආරම්භ කිරීමේදී සුභ තත්ත්වයක් ලෙස හඳුනාගත හැකියි. මෙම කාලය තුළ තමාට වඩා වයසින් වැඩිමහල් අය සමග පවතින සබඳතා නිසාවෙන් ඔබට වැඩිහිටියන්ගේ ආශිර්වාදය ද හිමිවේ. එමෙන්ම සෙනසුරු හත්වැන්නේ බලවත්ව සිටින අවිවාහක කන්යා ලග්නධාරීන් හට පරිණත, අත්දැකීම් සහිත අයත් සමග එකට එකතු වීමේ හැකියාව ලැබෙයි.
තුලා ලග්නය
ඇත්තෙන්ම සෙනසුරු ග්රහයා තුලා ලග්නයට ඉතා හොඳින්ම ප්රතිඵල ලබා දෙන ග්රහයෙකි. එයට හේතුව තුලා ලග්නයේ ලග්නාධිපති සිකුරු ග්රහයා වීම සහ යෝග කාරකයා සෙනසුරු වීමයි. එම නිසාවෙන් ඔබේ උත්පත්ති කේන්දරයේ සෙනසුරු ප්රබලව පැවතුණහොත් ඔබ දුගී දුප්පත් පැළක සිට රජ මැදුර දක්වා ඉහළට ඔසවා තැබීමට සෙනසුරුගේ බලය හේතුවෙයි. වසර තිහකට පසුව කර්මයට තීන්දු දෙන සෙනසුරු මීන රාශිගත වීමේදී සෙනසුරුගේ පැමිණීම සිදුවන්නේ හයවැන්නටයි. මෙම හයවැන්න රෝගස්ථානය නැතහොත් සතුරස්ථානය වේ. මෙම ස්ථානගතවීම කෙනෙකුට යහපත් වේද යන ගැටලුව මතුවේ. නමුත් ඇත්තෙන්ම එය යහපත්. සෙනසුරු නෛසර්ගිකව පාපී ග්රහයෙක් වීම නිසා උපචයභාවය වූ හයවැන්නට හොඳටම වැඩ කරයි. මෙම කාලය තුළ සතුර බලවේගයන්ගෙන් වෙන්වී යාමක් සිදු වේ. රැකියාවේ වැඩකටයුතු වගකීම් බහුල විය හැකියි. එම වගකීමත් සමඟ ඔබගේ තනතුර, ආදායම, බලය උසස් කරගත හැකිය.
වෘෂ්චික ලග්නය
වෘෂ්චික ලග්නයේ උපන් ඔබට සෙනසුරු මීන රාශිගත වීමේදී සෙනසුරු පැමිණෙන්නේ පස් වැන්නටයි. පස් වැන්න අධ්යාපන ස්ථානය, විද්යාස්ථානය, පූර්ව පුණ්යස්ථානය ලෙසද හඳුන්වන්න පුළුවන්. මේ කාලයේ දී ඔබගේ එක කුස උපන් සහෝදර සහෝදරියන් අතර හෝ ඥාති සහෝදර සහෝදරියන් අතර පවතින බැඳීම ශක්තිමත් වේ. ඔබ සහෝදර සහෝදරියන්ට තිබෙන ප්රේමය වැඩිවීම නිසාම ඔබ ඔවුනට උදව් කිරීමට පෙළඹේ. ආගමික ආධ්යාත්මික නැඹුරුවක් ප්රදර්ශනය වේ. අධ්යාපනය ලබන දරුවන්ට මෙම කාලය සාර්ථක කාලසීමාවකි. කාලයක් රැඳෙන හොඳ ගුරුවරුන් හමුවිය හැක. හොඳ පොත පත ඇසුරට ලැබේ. දැනුම, ආකල්ප, කුසලතාවලින් සන්නද්ධ වෙන කාලයකි. විශ්වාසයෙන් අධ්යාපන කටයුතුවල නියැළීමේ හැකියාව ලැබේ. කාලයක් තිස්සේ ඔබ බලාපොරොත්තු වූ යම් ධර්මතාවක් පවතින්නේ නම් එය සාර්ථකවේ. මෙම කාලය වෘෂ්චික ලග්න ඔබට සුබ අසුභ ප්රතිඵල ඇති කාලයක් ලෙස දක්වන්න පුළුවන් අතරම ඔබට අලුත් දෙයක් ආරම්භ කරන්න හොඳ කාලසීමාවක් ලෙසත් හඳුන්වන්න පුළුවන්.
ධනු ලග්නය
ධනු ලග්නධාරීන්ගේ සෙනසුරු පැමිණෙන්නේ ලග්නයෙන් හතර වැන්නටයි. හතරවැන්න සුඛස්ථානය, මාතෘ ස්ථානය, පොළව භූමිය ඉඩකඩම් නියෝජනය කෙරෙන භාවයයි. ඔබේ ජන්ම කේන්ද්රයේ සෙනසුරු බලවත් වී සුභ ග්රහයෙකුගේ මහාදසාවක්, අතුරු දසාවක්, විදසාවක් ඇතිවන්නේ නම් ඔබට තිබූ ඉඩකඩම්, දේපළ සම්බන්ධ ප්රශ්න විසඳේ. නොවිසිඳුණු ඉඩකඩම්, දේපළ ප්රශ්න විසදා ගැනීමේ හැකියාවක් ලැබෙයි. ඊට අමතරව අලුත් ඉඩකඩම් සම්බන්ධ බලාපොරොත්තුවක් තිබුණේ නම් එම බලාපොරොත්තු ඉටුවේ. යාන වාහන සම්බන්ධ බලාපොරොත්තු ඉටු වේ. කෘෂිකර්මාන්තය, ඉංජිනේරු සේවා, පොළොව- භූමිය පිළිබඳව ව්යාපාර සිදු කරන්නේ නම්, පතල්, ඇගලුම් ආදී වෘත්තීන්වල නියැලෙන්නේ නම් මෙය ඔබට යහපත් කාලයකි. රැකියාවේ වැඩකටයුතු වගකීම් බහුල විය හැකියි. මෙම වගකීම් නිසා ඔබට යහපත් ප්රතිඵල උදාකර ගත හැකි වේ. ඔබේම ව්යාපාරයක් ආරම්භ කිරීමට ධනු ලග්නයට මේ කාල වකවානුව සුභයි. විටෙක හුස්ම ගැනීමේ අපහසුතා ආශ්රිත යම් යම් සුළු සුළු රෝග තත්ව ඇති වේ. මෙය බරපතල තත්ත්වයක් නොවේ.
මකර ලග්නය
2025 මාර්තු මස 29 දින සිදුවන සෙනසුරු මීන රාශී ගතවීම මකර ලග්න හිමි ඔබට ඉතාම සුභ කාලයකි. වසර හතක් තිස්සේ පැවති දීර්ඝ ඒරාෂ්ටකයක් වල ලග්න ඒරාෂ්ටක අපලය මේ ග්රහ මාරුවෙන් නිදහස් වේ. පහුගිය කාලසීමාවේ අතපසු වූ, මගහැරුණු, කරගත නොහැකි වූ, බොහෝ දේවල් සිදුකර ගැනීමේ හැකියාවක් ලැබෙයි. ගමන්බිමන් බහුල කරයි. එම ගමන් බිමන් වලින් වාසිදායක ලාභ ප්රයෝජන ලබා ගැනීමේ හැකියාවක් පවතී. ඔබට ඔබව හඳුනා ගැනීමට ලැබෙන කාලයකි. ඔබේ ශක්තීන්- දුර්වලතා හඳුනා ගැනීමට ලැබෙන කාලයකි. ඔබ ආගමික- අධ්යාත්මික පැත්තට ඇතිවන නැඹුරුව ඉහළ මට්ටමක පවතින අතරම ඔබගේ ජීවිතයේ අලුත් අවස්ථාවන් හඳුනා ගැනීමට අවස්ථාව ලැබෙයි. මෙම ග්රහමාරුවෙන් පසු ඔබ ගමන් කරන්නේ සෙනසුරුගේ මහා දසාවක හෝ අතුරු දසාවක නම් ඔබේ ජීවිතේ රැකියාව, වෙළෙඳ ව්යාපාර සහ විවාහයන් සම්බන්ධ පොදුවේ පැවති සියලු බලාපොරොත්තු, අරමුණු ඉටුවීමට ඇති ඉඩකඩ ඉතා ඉහළයි. ඔබේ ප්රශ්න බොහෝමයක් විසඳී යයි. මකර ලග්නධාරී අධ්යාපනය ලබන දරුවන්ටත් ඉදිරි කාල පරිච්ඡේදය යහපත් කාලයක් වේ.
කුම්භ ලග්නය
කුම්භ ලග්නයේ ලග්නාධිපති සෙනසුරු ග්රහයා වන අතර කුම්භ ලග්නධාරීන්ට සෙනසුරුගේ බලපෑම නිසාවෙන් 2025 මාර්තු 29 දක්වා යම් ආකාරයක කර්කශ පීඩාකාරී බවක් ගෙන දෙයි. එහෙති මෙකී දුෂ්කර කාලය තුළ ද ජයග්රහණ හිමි වීමට සෙනසුරුගේ පවතින බලවත්කම බලපායි. 2025 මාර්තු 29 න් පසු එළබෙන අවුරුදු දෙක හමාරක කාලය තුළින් ලග්නාධිපති ලග්නයෙන් දෙවැන්නේ ගමන් කීරීම හේතුවෙන් ධන යෝග හිමි කර දෙයි. මෙකල ලග්න සෙනසුරු ඒරාෂ්ටකය පැවතිය ද පීඩන දරාගෙන සාර්ථකව අභියෝග වලට මුහුණ දීම සිදු කළ යුතුය. කුම්භ ලග්නධාරීන්ට සෙනසුරු ග්රහයාගෙන් ප්රබල හානියක් සිදු නොවන අතර ශිෂ්යන්ට පවා වෙහෙස මහන්සි වී අධ්යාපන කටයුතු වල නිරත වීමෙන් හොද ප්රතිඵල හිමි කර ගත හැක. එමෙන්ම කුම්භ ලග්නධාරීන්ගේ උත්පත්ති කේන්ද්රයේ සෙනසුරු දෙවැන්නේ ගමන් කීරීම නිසාවෙන් වෘත්තීය අධ්යාපනය සාර්ථක වේ.
මීන ලග්නය
සෙනසුරු මීන රාශිගත වීම මීන රාශියට බලපාන ආකාරය මෙහිදී විමසා බැලීමේ දී පෙනී යන්නේ දැනටමත් මීන ලග්නධාරීන්ට ඒරාෂ්ටකයක් ලබා ඇති බවයි. මීන ලග්නධාරීන්ගේ සියලු ලැබීම් පෙන්වන අයස්ථානපතියා සහ වැයස්ථානපතියා 2025 මාර්තු 29 වන දින තම ලග්නයට පැමිණෙයි. සාමාන්යයෙන් සෙනසුරු ලග්නයට එන කාලය තුළදී කර්කෂ බව සහ ආතතිය වැඩි වේ. එමනිසා ඔබට තරමක් මහන්සි වීමට සිදුවේ. ඉරුවාරදය හෝ හිස සම්බන්ධ ආබාධ සෙම් රෝග ආදිය ද ඇතිවිය හැකියි. මේ නිසා ඔබේ ශරීර සෞඛ්ය පිළිබඳව විමසිලිමත් වීම ඉතා වැදගත්. සෙනසුරු ලග්නයේ ගමන් කිරීමේදී ඒරාෂ්ටකයක් වුවත් මහන්සියෙන් වැඩ කිරීමේ දී උසස් ප්රතිඵල හිමිකර ගත හැකියි. මහන්සියෙන් උත්සාහයෙන් වැඩකටයුතු කළ විට එම අපලවලින් ගැලවී යාමේ හැකියාව ලැබේ. වැඩකටයුතු සෙමෙන් සෙමෙන් සිදුකරන සිදුවෙන තත්ත්වයක් මෙම කාලය තුළ දැකගත හැකි නිසාවෙන් එය තමාට අවාසිදායක විය හැක. ඒ අනුව එම ඉඩකඩ අවම කර කරගනිමින් තම උත්සාහයෙන් මේ කටයුතු කාරණා සිදුකරමින් මෙම ඒරාෂ්ටක කාලයෙන් මිදීමට ඔබ කටයුතු කළ යුතුයි.
දුලක්ෂි ලියනගේ.
සෙනසුරු ග්රහයා ගේ සුවිශේෂී ග්රහ මාරුවක් 2025 මාර්තු මස 29 වැනි දින සිදුවීමට නියමිතව ඇත. එය වසර 30කට පසුව සිදුවෙන්නකි. එදින සෙනසුරු ග්රහයා මීන රාශියට සම්ප
යුරෙනස් වක්ර ගමනින්ම අඟහරුට අයත් මේෂ රාශියට 2024 දෙසැම්බර් මස 13 වැනිදා කිවි දින දවල් 11.20ට පිවිස 2025 මාර්තු මස 19 වැනිදා බුධ දින අලුයම 5 පසුවී විනාඩි 50 දක්වාම යු
ග්රහ මණ්ඩලයේ සියුම් බුද්ධි කාරයා වූ බුධ තමාට සම රාශි භවනක් වූ වෘෂ්චික රාශියට 2024 – ඔක්තෝම්බර් 29 වන කුජ දින රාත්රී 10.39 ට පිවිසෙන අතර නොවැම්බර් මස 26 වන කුජ ද
‘’’කාල සර්ප යෝගය’’ -පුද්ගලයකුගේ ජීවිතයේ කුඩා කාලය, තරැණ කාලය හා මහලු කාලය යන අවධි තුනේදී , වෙන් වෙන් වශයෙන් බලපානු ලබනවා. කුඩා කාලයේදී කාලසර්ප යෝගය ඵලදී
ලෝකායන විද්යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්රහචාරය ද
මෙවර සූර්ය මංගල්යයට තව ඇත්තේ සති කිහිපයකි. සූර්යයා මීන රාශියේ සිට මේෂ රාශියට ගමන් කරනු ලබන්නේ 2024 ක් වූ අප්රේල් මස 13 වැනි ශනිදා රාත්රී 9.05ට වන අතර එම අවස්
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්යක්ෂකවරයෙක් තමයි ජෝ දිසානායක. Hello Dada අධ්යකෂණය සිදු කරන්නේද ඔහු විසින්ම. බොහෝ ජනප්රිය
ප්රයිම් සමූහය ශ්රී ලංකාවේ දේපළ වෙළඳාම් ක්ෂේත්රයේ පෙරළියක් සිදුකරමින් නව ගෙවීම් ක්රමවේදයක් හඳුන්වා දීමට පසුගියදා කටයුතු කළේ ය.
දේශයේ ආරක්ෂකයා ලෙස ශ්රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ්රී ලංකාවේ පවතින වඩාත්ම උපයන රාජ්
වසර 30කට පසුව කර්මයට තීන්දු දෙන සෙනසුරු මාරුව ඔබේ ලග්නයට කොහොමද?
Smm පත්මිනි Friday, 07 March 2025 11:53 AM
තෙරුවන් සරණයි