එසැණ පුවත්

විෂ පොල්තෙල්වලට එරෙහිව කාවින්ද පොලිසි යයි

පිළිකා කාරක අඩංගු පොල්තෙල් මෙරටට ගෙන්වා ඇතැයි කියන සිද්ධිය සම්බන්ධයෙන් වහාම විමර්ශන පවත්වා අවශ්‍ය ක්‍රියාමාර්ග ගන්නා ලෙස ඉල්ලමින් සමගි ජන ජන බලවේගයේ පාර්ලිමේන්තු මන්ත්‍රී කාවින්ද ජයවර්ධන මහතා පොලිස් මූලස්ථානය වෙත අද(26) පැමිණිල්ලක් ඉදිරිපත් කරනු ලැබීය.

26 March 2021

‘‘පාස්කු ප්‍රහාරය ගැන දැන සිටියා නම් මඟ හරින්නේ නෑ‘‘

පාස්කු ඉරුදින ප්‍රහාරය ගැන තමා කල්තියා තොරතුරු දැනගෙන හිටියේ නම් එවැනි බිහිසුණු ප්‍රහාරයකට කිසිවිටෙකත් ඉඩ නොදෙන බවත් ප්‍රහාරය ගැන කල්තියා තොරතුරු දැනගෙන හිටියේ නම් එය මඟ හැරීමට තරම් මිලේච්ඡයකු නොවන බවත් හිටපු ජනාධිපති මෛත්‍රීපාල සිරිසේන මහතා පවසයි.

26 March 2021

යාපනයේ පැත්තක් වසයි

කොරෝනා රෝගීන් 80 දෙනකු වාර්තා වීමත් සමග යාපනයේ ප්‍රදේශ කීපයක් වසා තැබීමට සෞඛ්‍ය අංශ තීරණය කර ඇත.

26 March 2021

නඩු දෙකකින් ඇමැති ජොන්ස්ටන් නිදහස්

ඇමැති ජොන්ස්ටන් ප්‍රනාන්දු මහතා ඇතුළු තවත් තුන් දෙනකුට එරෙහිව ගොනුකර තිබූ නඩු දෙකකින් ඔවුන් නිදොස් කොර නිදහස් කිරීමට කොළඹ මහෙස්ත්‍රාත් අධිකරණය අද (26) නියම කළේය.

26 March 2021

රුපියලේ වටිනාකම තවත් අඩුවේ

ශ්‍රී ලංකා රුපියල තවදුරටත් අවප්‍රමාණය වෙමින් ඇමෙරිකානු ඩොලරයට සාපේක්ෂව අද (26) නැවත වරක් 201 සීමාව ඉක්මවා පහළ ගියේය.

26 March 2021

මඟ වැරදුණු ත්‍රිරෝද රියේ රියැදුරුගේ හොරේ අසුවේ

ගමන් මඟ වැරදී කොට්ටාව දක්ෂිණ අධිවේගී අන්තර් හුවමාරුවට ඇතුළු කළ ත්‍රිරොද රථයක තිබී ගංජා සහ මත් ද්‍රව්‍ය සොයාගත් බව අධිවේගී අන්තර් හුවමාරු පොලිසිය කියයි.

26 March 2021

අන්තවාදයට සම්බන්ධ දෙදෙනෙක් අල්ලයි

අන්තවාදීමත පැතිර වීම,මුදල් රැස් කිරීම,සහ පාස්කු ප්‍රහාරය සාධාරණී කරණය කිරීම ඇතුළු අන්තවාදී කටයුතු සම්බන්ධයෙන් පුද්ගලයෝ දෙදෙනෙක් මාතලේ සහ මඩකලපුව ප්‍රදේශයේ දී ත්‍රස්තවාදී විමර්ශන කොට්ඨාසය විසින් අත්අඩංගුවට ගනු ලැබූහ.

26 March 2021

බොරු පැමිණිල්ලක් කර අමාරුවේ වැටේ

රුපියල් ලක්ෂ 23 ක මුදලක් සහ රුපියල් 80.000 ක චෙක් පතක් බැංකුවේ තැන්පත් කිරීමට රැගෙන එමින් සිටියදී හෙයියන්තුඩුව ප්‍රදේශයේ දී යතුරුපැදියකින් පැමිණි කොල්ලකරුවන් දෙදෙනකු විසින් කොල්ලකෑ බවට පොලිසියට ව්‍යාජ පැමිණිල්ලක් කළ පුද්ගලික සමාගමක විධායක නිලධාරියකු අත්අඩංගුවට ගත් බව මීගහවත්ත පොලීසිය කිය.

26 March 2021

අද දවසේ කාලගුණය

නැගෙනහිර සහ ඌව පළාත්වලත්, හම්බන්තොට දිස්ත්‍රික්කයේත් අද (26) දිනයේදී වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

26 March 2021

අල්ලස් කොමිසමේ ඉඩ පහසුකම් නැතිව නවක‍යෝ 200ක් ගෙදර

අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් හැටියට සුදුසුකම් ලැබූ උපාධිධාරින් දෙසීයකගේ පත්වීම් වසරකට අධික කාලයක් තිස්සේ පමාවෙමින් තිබෙන්නේ එහි ගොඩනැගිලිවල ඉඩකඩ මදිවීම හේතුවෙන් යැයි කොමිෂන් සභාවේ ජ්‍යෙෂ්ඨ නිලධාරියෙක් කියයි.

26 March 2021

කොළඹ කුණුවලින් කෝටි 32ක පාඩුවක්

කොළඹ මහනගර සභාව කසළ එකතු කිරීම හා ප්‍රවාහනය සඳහා කොන්ත්‍රාත් ලබාදීමේදි නගර සභාවට කෝටි තිස්දෙකක පාඩුවක් සිදුකර ඇතැයි ජනතා විමුක්ති පෙරමුණේ නාගරික මන්ත්‍රී හේමන්ත වීරකෝන් මහතා පවසයි.

26 March 2021

ආහාර දෙපාර්තමේන්තුවට කෝටි 36ක පොල්ලක්

ආහාර කොමසාරිස් දෙපාර්තමේන්තුව වෙනත් ආයතනවලට කුලියට ලබාදුන් ගබඩා 237ක් සඳහා රුපියල් කෝටි 36ක කුලී ගෙවා නැති බව විගණකාධිපති දෙපාර්තමේන්තුව නිකුත් කළ නවතම වාර්තාකින් අනාවරණය වේ.

26 March 2021

‘‘ජිනිවා යෝජනාවේ යුද්ධය ගැන සටහන්ව ඇත්තේ පිටු දෙක හමාරයි‘‘

ශ්‍රී ලංකාව පිළිබඳ ජිනීවා මානව හිමිකම් යෝජනාවෙි පිටු 15කම තිබෙන්නේ ගෝඨාභය රාජපක්ෂ ජනාධිපතිවරයාගේ ප්‍රජාතන්ත්‍ර විරෝධී පාලන ක්‍රමය ගැන යැයි විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා පවසයි .

25 March 2021

‘‘ඉන්දියාව අපට එන්නත් නොකඩවා දෙනවා‘‘

ඔක්ස්ෆර්ඩ් ඇස්ට්‍රාසෙනිකා කොවිෂීල්ඩ් එන්නත ආපනයනය තාවකාලිකව නතර කිරීමට ඉන්දියාව තීරණය කර ඇතත් ශ්‍රී ලංකාවට එන්නත නොකඩවා ලබාදෙන බව එරට දැනුම් දී ඇතැයි ඖෂධ නිෂ්පාදනය, සැපයීම හා නියාමනය පිළිබඳ රාජ්‍ය අමාත්‍ය මහාචාර්ය චන්න ජයසුමන මහතා කියයි.

25 March 2021

සිංහරාජ වන විනාශය බලන්න මන්ත්‍රීවරු 11 රක්වානට

සිංහරාජයේ වන විනාශයක් සිදුවන බවට එල්ලවන චෝදනා සම්බන්ධයෙන් සොයා බැලීමට ආණ්ඩු පක්ෂයේ පසුපෙළ මන්ත‍්‍රීවරු 11 දෙනෙක් රක්වාන ප‍්‍රදේශයේ අද (25) සවස නිරීක්ෂණ චාරිකාවක නිරත වූහ.

25 March 2021

රවී ඇතුළු පිරිසට ඇප නියෝගය හෙට

මහ බැංකුව විසින් භාණ්ඩාගාර බැදුම්කර නිකුත් කිරීමේදී රජයට රුපියල් කෝටි 1500 ක පමණ පාඩුවක් සිදුකළ බවට චෝදනා ලැබ සිටින හිටපු මුදල් අමාත්‍ය රවී කරුණානායක මහතා ඇතුළු විත්තිකරුවන් 07 දෙනා හෙට (26) දක්වා රිමාන්ඞ් බාරයට පත් කළ ත‍්‍රිපුද්ගල මහාධිකරණ විනිසුරු මඩුල්ල විත්තිකරුවන්ගේ ඇප ඉල්ලීම පිළිබඳ නියෝගය අද (25) දින ප‍්‍රකාශයට පත් කරන බව දැනුම් දුන්නේය.

25 March 2021

මහ බැංකු විත්තිකරුවන්ට චෝදනා පත්‍ර බාර දෙයි

මහ බැංකුව විසින් භාණ්ඩාගාර බැදුම්කර නිකුත් කිරීමේදී රජයට රුපියල් කෝටි 1500 ක පමණ පාඩුවක් සිදුකළ බවට චෝදනා කරමින් හිටපු මුදල් අමාත්‍ය රවී කරුණානායක මහතා ඇතුළු විත්තිකරුවන් 07 දෙනෙකුට එරෙහි චෝදනා පත‍්‍ර ත‍්‍රිපුද්ගල මහාධිකරණ විනිසුරු මඩුල්ල විසින් අද (25) කොළඹ මහාධිකරණයේදී බාර දෙන ලදී.

25 March 2021

අලුත් අවුරුද්දට හාල් ලාබෙට

අලුත් අවුරුදු සමයේ සුදු සහ රතු කැකුළු රුපියල් 95 ටත් නාඩු සහල් රුපියල් 93 ටත් ලබාදෙන බව කෘෂිකර්ම අමාත්‍ය මහින්දානන්ද අලුත්ගමගේ මහතා ලංකාදීපයට පැවැසීය.

25 March 2021

බටහිර පර්යන්තය සංවර්ධන වාර්තාව කඩිනමින්

කොළඹ වරායේ බටහිර පර්යන්තය සංවර්ධනය කිරීමට අදාළ කැබිනට් පත්‍රිකාව සහ එම සංවර්ධන වැඩපිළිවෙළ පිළිබඳ වාර්තාවක් වරාය හා නාවික අමාත්‍යංශයීය උපදේශක කාරක සභාවට නොපමාව ඉදිරිපත් කරන බව වරාය හා නාවික කටයුතු අමාත්‍ය රෝහිත අබේගුණවර්ධන මහතා පවසයි.

25 March 2021

පන්තියක උපරිම සිසුන් ගණන 15 සීමා කරයි

බස්නාහිර පළාතේ පාසල්හි සියලුම ශ්‍රේණි ලබන සඳුදා සිට යළි ආරම්භ කළ ද එක් පන්ති කාමරයක සිිටිය හැකි උපරිම ශිෂ්‍ය සංඛ්‍යාව 15කට සීමා කළ යුතු යැයි අධ්‍යාපන අමාත්‍යංශයේ ලේකම් නිකුත් කළ චක්‍රලේඛයක සඳහන් වේ.

25 March 2021

හොරෙක් අපාගත වෙන වැඩක් කරයි

අග්ග මහා පණ්ඩිත කොටුගොඩ ශ්‍රී ධම්මාවාස ශ්‍රී ලංකා අමරපුර මහා නිකායේ උත්තරීතර මහා නායක හිමියන්ගේ ලේකම් ධූරය හෙබවූ බටපොල මේධානන්ද හිමියන් වැඩම කළ වෑන් රථයේ වීදුරුව කඩා බැංකු පොත් සහ ලිපි ලේඛන රැසක් සොරාගෙන ගොස් ඇතැයි ගල්කිස්ස පොලිසිය කියයි.

25 March 2021

රජයේ වියදම් අඩුකරන හැටි කබ්රාල් කියයි

පෞද්ගලික ගොඩනැගිලිවල පවත්වාගෙන යන අමාත්‍යංශ ගෙන යෑම සඳහා නව කාර්යාල සංකීර්ණයක් ඉදිකිරීමට නාගරික සංවර්ධන අධිකාරිය කටයුතු කරගෙන යන බව මුදල් රාජ්‍ය අමාත්‍ය අජිත් නිවාඩ් කබ්රාල් මහතා පවසයි.

25 March 2021

ගුරු විදුහල්පති එකමුතුව කුරුණෑගල පාරවල් වසති

එක්දහස් නවසිය අනූහතේ සිට පවතින තම වැටුප් විෂමතාවයට විසඳුමක් ලබා දෙන ලෙස ඉල්ලමින් ගුරු විදුහල්පති එකමුතුව අද (25) පස්වරුවේ කුරුණෑගල නගරයේදී දැවැන්ත විරෝධතාවයක් පැවැත්වූූහ.

25 March 2021

පෙරපාසල් සිසුවාගේ මරුවා වෑන් රථයෙන් එයි

පාසල නිමාවී නිවෙස බලා වෑන් රථයකින් ගමන්ගත් පෙර පාසල් දරුවකු එම වෑන් රථයෙන් එළියට විසිවී තුවාල ලබා මියගොස් ඇතැයි පොලිසිය කියයි.

25 March 2021

වසර පහ පැන්න ලංගම සේවකයන්ට සුභ ආරංචියක්

ශ්‍රී ලංකා ගමනා ගමන මණ්ඩලයේ කොන්ත්‍රාත් පදනම මත සේවය කරන වසර පහට වැඩි සේවා කාලයක් සැපිරූ සියලු සේවකයන් ස්ථීර කිරීමට පියවර ගන්නා බව ප්‍රවාහන රාජ්‍ය අමාත්‍ය දිලුම් අමුණුගම මහතා පවසයි.

25 March 2021

‘‘මානව හිමිකම් කොමිසමේ උත්සාහය ප්‍රතික්ෂේප කරනවා‘‘

ශ්‍රී ලංකාවේ අභ්‍යන්තරයට පදනම් විරහිතව ඇඟිලි ගැසීමට එක්සත් ජාතීන්ගේ මානව හිමිකම් කොමිසම දරන උත්සාහය ප්‍රතික්ෂේප කරන බව විදේශ කටයුතු අමාත්‍ය දිනේෂ් ගුණවර්ධන මහතා කියයි.

25 March 2021

පාර්ලිමේන්තු මහලේකම්ට,මැතිවරණ කොමසාරිස්ට නොතීසි

දිගාමඩුල්ල දිස්ත්‍රික් ශ්‍රී ලංකා පොදුජන පෙරමුණ පාර්ලිමේන්තු මන්ත්‍රී වෛද්‍ය තිලක් රාජපක්ෂ මහතා පාර්ලිමේන්තු මන්ත්‍රී ධූරයට නුසුදුසු බවට ප්‍රකාශයක් නිකුත් කරන්නැයි ඉල්ලා ගොනු කළ රිට් පෙත්සම සම්බන්ධයෙන් අධිකරණයේ කරුණු දක්වන්නැයි අභියාචනාධිකරණය පාර්ලිමේන්තු මහලේකම් , මැතිවරණ කොමසාරිස් ඇතුළු වගඋත්තරකරුවන්ට අද ( 25) නොතීසි නිකුත් කළේය.

25 March 2021

ස්මාර්ට් බස් නැවතුම ජනතා අයිතියට

ජනාධිපති ගෝඨාභය රාජපක්ෂ මහතාගේ සෞභාග්‍යයේ දැක්ම ප්‍රතිපත්ති ප්‍රකාශයට අනුව දිවයින පුරා ඉදිකිරීමට නියමිත ’’සුහුරු (SMART) බස් නැවතුම්පොළ ව්‍යාපෘතියේ පළමු බස් නැවතුම විවෘත කිරීම මහා මාර්ග අමාත්‍ය ජොන්ස්ටන් ප්‍රනාන්දු මහතාගේ ප්‍රධානත්වයෙන් කොළඹ රාජගිරිය ප්‍රදේශයේ දී අද (25) සිදු කෙරිණ.

25 March 2021