එසැණ පුවත්

සහරාන්ගේ මුල් ඉලක්කය වුණේ දළදා පෙරහැරයි

පාස්කු ඉරුදින ප්‍රහාරයේ මහමොළකරු වූ සහරාන් හෂීම් විසින් සැලසුම් කරන ලද මුල්ම සැලැස්ම මහනුවර ඇසළ පෙරහරට පහරදීම යැයි පාස්කු ඉරුදින ප්‍රහාරය පිළිබඳ විමර්ශනය කිරීමේ ජනාධිපති කොමිෂන් සභා වාර්තාවේ සඳහන් කර ඇත.

24 February 2021

සාලිය පීරිස් නීතිඥ සංගමයේ මුල් පුටුවට

ශ්‍රී ලංකා නීතිඥ සංගමයේ 26 වැනි සභාපතිවරයා වශයෙන් ජනාධිපති නීතිඥ සාලිය පීරිස් මහතා විශිෂ්ඨ ජයක් වාර්තා කරමින් අද (24) තේරී පත්විය.

24 February 2021

ඉදිරි මාස දෙක තුළ ලංකාවේ සිටින සියලුම භයානක සිරකරුවන් බූස්ස බන්ධනාගාරයට

ඉදිරි මාස දෙක තුල මාස ලංකාවේ සිටින භයානක යයි කියන සිරකරුවන් සියලු දෙනාම බූස්ස අධි ආරක්ෂිත බන්ධනාගාරයට ගෙන එන බව බන්ධනාගාර කළමනාකරණ හා සිරකරුවන් පුනරුත්ථාපන කටයුතු පිලිබඳ රාජ්‍ය අමාත්‍ය ලොහාන් රත්වත්ත මහතා පැවසිය.

24 February 2021

හිජාස් පෙත්සම ඉල්ලා අස්කරගනී

රැඳවුම් නියෝග මත රදවා සිටින තමාව වහාම මුදාහරින්නැයි පොලිස්පතිවරයාට සහ අපරාධ පරීක්ෂණ දෙපාර්තමේන්තුවට නියෝග කරන ලෙස ඉල්ලා නීතීඥ හිජාස් හිස්බුල්ලා මහතා අභියාචනාධිකරණය ගොනු කළ රිට් පෙත්සම අද (24) ඒ මහතා විසින්ම ඉල්ලා අස් කරගන්නා ලදි.

24 February 2021

සුළු සේවක වර්ජනය වැඩ ආවරණයට හමුදාවෙන් 185 ක්

රෝහල් කිහිපයක කණිෂ්ඨ සේවක කර්ය මණ්ඩල දියත් කර ඇති වැඩවර්ජනය හේතුවෙන් ජනතාවට සිදුවන අපහසුතාවන් වලක්වා ගැනීම සදහා යුද හමුදාවේ නිලධාරීන් දෙදෙනකු සමග 185 ක භට කණ්ඩායමක් යොදවා ඇති බව යුද හමුදාව පවසයි.

24 February 2021

අමාත්‍ය නිමල් සිරිපාල ලංකා - පාකිස්ථාන මිත්‍රත්ව සංගමයේ නව සභාපති ධූරයට

ශ්‍රී ලංකා පාකිස්ථාන පාර්ලිමේන්තු මිත්‍රත්ව සංගමයේ නව සභාපතිවරයා ලෙස කම්කරු අමාත්‍ය නිමල් සිරිපාල සිල්වා මහතා නිතරඟයෙන් පත්විය.

24 February 2021

පාකිස්තානය ලොව විශාලතම බෞද්ධ උරුමයක් තිබෙන රටවලින් එකක්

ත්‍රස්තවාදය ශ්‍රී ලංකාවත් පාකිස්තානයත් මුහුණ දෙන පොදු ප්‍රශ්නයක් බවත් ශ්‍රී ලංකාවේ වසර තිහක ත්‍රස්තවාදය පරාජයට පත් කිරීමේදී ශ්‍රී ලංකාවට සහාය වෙමින් පාකිස්තානය සිය කාර්යභාරය ඉටු කළ බවත් දෙදින නිල සංචාරයක නිරත වන පාකිස්තාන අග්‍රාමාත්‍ය ඉම්රාන් ඛාන් මහතා පැවැසීය.

24 February 2021

ශ්‍රී ලංකාවේ සංචාරය කරන්න’යි පාකිස්තානු ජනතාවට ජනපතිගෙන් ආරාධනාවක්

ශ්‍රී ලංකාවේ සංචාරය කිරීම සඳහා පාකිස්තාන ජනතාවට ආරාධනා කරන බව දෙදින නිල සංචාරයක් සඳහා මෙරටට පැමිණි පාකිස්තාන අග්‍රාමාත්‍ය ඉම්රාන් ඛාන් මහතා සමඟ ද්විපාර්ශවීය සාකච්ඡා පවත්වමින් ජනාධිපති ගෝඨාභය රාජපක්ෂ මහතා අද (24) ප්‍රකාශ කළේය.

24 February 2021

රන්ජන්ගේ ආරක්ෂාවට තනි සිරමැදිරියක රඳවයි

’’සජිත් ප්‍රේමදාස මහත්මයා කිව්වා අඟුණකොළපැලැස්සෙ බන්ධනාගාරයේ රඳවා සිටින රන්ජන් රාමනායක මහතාට අනෙක් සිරකරුවන් සමඟ මිශ්‍රව සිටින විට ආරක්ෂාවක් නෑ කියලා . අපි පසුව වහාම රංජන් රාමනායක මහතා තනි සිරකුටියක රඳවා තැබීමට කටයුතු කළා.’යැයි බන්ධනාගාර ප්‍රතිසංස්කරණ රාජ්‍ය අමාත්‍ය ලොහාන් රත්වත්තේ මහතා පැවසීය.

24 February 2021

සා.පෙළ විභාග රාජකාරි යන ගුරුවරු කොවිඩ් එන්නත ඉල්ලති

කොවිඩ්-19 වසංගත අවදානම් තත්වය හමුවේ මෙවර සාමාන්‍යපෙළ විභාග රාජකාරිවල නිරත වන 46,000ක් පමණ ගුරුවරුන්, විදුහල්පතිවරුන් ඇතුලු අනෙකුත් කාර්ය මණ්ඩල සඳහා එන්නත ලබාදීමට වහා මැදිහත් වන ලෙස අධ්‍යාපන අමාත්‍යවරයා ප්‍රමුඛ බලධාරින්ගෙන් ඉල්ලා සිටින බව ලංකා ගුරු සේවා සංගමයේ මධ්‍යම පළාත් ලේකම් ගමගෙදර දිසානායක මහතා අද (24)දා පැවසීය.

24 February 2021

ට්‍රම්ප්ගේ ෆේස්බුක් තහනම ගැන තීන්දුව මාස දෙකහමාරකින්

ඇමෙරිකාවේ හිටපු ජනාධිපති ඩොනල්ඩ් ට්‍රම්ප් මහතාට පනවා ඇති ෆේස්බුක් තහනම සම්බන්ධ ස්ථිර තීරණයක් ගැනීම සඳහා මාස දෙක හමාරක් පමණ ගතවිය හැකි බව ෆේස්බුක් අධීක්ෂණ කමිටුවේ සම සභාපතිවරයකු වන හිටපු ඩෙන්මාර්ක අගමැති හෙලේ තෝර්නිං - ෂ්මිට් මහත්මිය පවසයි.

24 February 2021

බදුලු රෝහලේ සේවකයන්ගේ වැඩ ආවරණයට හමුදාව යොදවයි

බදුල්ල මහ රෝහලේ සියලු කණිෂ්ඨ කාර්ය මණ්ඩලය අද(24) වැඩවර්ජනයක නිරතව සිටින අතර, මේ හේතුවෙන් සෞඛ්‍ය කටයුතු ආවරණය කිරීම සඳහා බදුල්ල එළදලුව යුද හමුදා කඳවුරේ යුද හමුදා සාමාජිකයන් 50 දෙනෙකු යෙදවා තිබේ.

24 February 2021

බස්රියේ පමණට වඩා සිටි මගියෝ පොලිස් අණින් බසිති

නිරෝධායනය නිතී උල්ලංඝනය කරමින්, කෑගල්ල සිට දිප්පිටිය නගරය දක්වා බස් රථයක් ධාවනය කළ රියැදුරුට දැඩි අවවාද කර නිදහස් කිරීමට කෑගල්ල සෞඛ්‍ය අංශ සහ පොලීසිය අද(24) කටයුතු කළේය.

24 February 2021

බලන්ගොඩ රෝහලේ කාර්ය සහයකයෝත් ලෙඩ නිවාඩු දමති

බලන්ගොඩ මූලික රෝහලේ සෞඛ්‍ය කාර්ය සහයකයින් සහ තවත් සුළු සේවා අංශ කිහිපයක කාර්ය මණ්ඩලය අද (24) අසනීප නිවාඩු දමා සේවයට වාර්තා කර නොමැත.

24 February 2021

නිකවැරටිය මාගල්ල ජලාශ බැම්මේ මහසෙන් ප්‍රතිමාවක් විවෘත කරයි

අක්කර දහසකින් පමණ යුතු නිකවැරටිය මාගල්ල ජලාශය ඉදිකරන ලද මහසෙන් රජු සිහිපත් කරමින් , ජලාශ බැම්ම මත ඉදිකරන ලද මහසෙන් රජ ප්‍රතිමාව විවෘත කිරීම අද (24) පෙරවරුවේ සිදුකෙරිණි.

24 February 2021

කරාපිටිය-මහමෝදර රෝහල් කාර්ය මණ්ඩලය වැඩවරති

රෝහල්වල කනිෂ්ඨ කාර්ය මණ්ඩල අද (24) අසනීප නිවාඩු දමා සේවයට වාර්තා නොකිරීම නිසා කරාපිටිය සහ මහමෝදර රෝහල්වල සාමාන්‍ය ප්‍රතිකාර සේවාවන්ට සහ සායන කටයුතුවලට බාධා පැමිණ තිබිණි.

24 February 2021

බදුල්ලේ රෝහල්වල සෞඛ්‍ය සේවකයෝත් ලෙඩ වෙති

බදුල්ල දිස්ත්‍රික්කයේ රෝහල් රැසක සේවයේ නිරත සෞඛ්‍ය කාර්ය සහායකයින් ඇතුළු අංශ කිහිපයක සේවකයෝ අද (24) ලෙඩ නිවාඩු වාර්තාකරමින් රෝහල් සේවයට වාර්තාකිරීමෙන් වැළකී සිටියහ.

24 February 2021

පුත්තලම රෝහලේ කණිෂ්ඨ සේවකයෝත් වැඩවරති

ඉල්ලීම් කිහිපයක් මුල් කරගනිමින් පුත්තලම දිස්ත්‍රික් රෝහල් කණිෂ්ඨ කාර්ය මණ්ඩලය අද(24) සිදුකරන වැඩ වර්ජනය හේතුවෙන් රෝහල් කටයුතු සම්පූර්ණයෙන් බිඳ වැටී ඇති බව පුත්තලම නියෝජ්‍ය සෞඛ්‍ය සේවා අධ්‍යක්ෂ වෛද්‍ය දිනුෂා ප්‍රනාන්දු මහත්මිය පවසයි.

24 February 2021

එන්නත් පොකුරුවලට ඉඩක් තියන්න එපා

කොරෝනා වයිරසයට එරෙහි එන්නත්කරණ වැඩපිළිවෙළ අපේ රට තුළ ද සක්‍රීය මට්ටමින් ක්‍රියාවට නැංවෙමින් තිබේ. ඉදිරි මාස කිහිපය තුළ දී රටේ ජනගහනයෙන් වැඩි ප්‍රතිශතයකට එන්නතේ ආරක්ෂාව ලබාදීමට රජයේ ඉලක්කය බව ද ප්‍රකාශ වේ. මුළු රටේම ජනතාවට එන්නත් කිරීම අවසන් කළ ප්‍රථම රට ශ්‍රී ලංකාව විය යුතු බව ජාතික කොවිඩ් මර්දන ක්‍රියාන්විතයේ අරමුණ බව ද සඳහන් වේ. ඒ අරමුණ ඒ ආකාරයෙන්ම ජය ගත යුතු බව අපගේ ද ප්‍රාර්ථනයයි.

24 February 2021

ගම්පහ රෝහල් සෞඛ්‍ය කාර්ය මණ්ඩලය වැඩ වරති

සෞඛ්‍ය දෙපාර්තමේන්තුවෙහි බදවා ගැනීමේ පරිපාටිය උල්ලංඝනය කරමින් රැකියා ලක්ෂයේ වැඩපිළිවෙල යටතේ සිදු කර ඇති බදවා ගැනීමේ ක්‍රමවේදයට විරෝධය පළ කරන බව පවසමින් ගම්පහ දිස්ත්‍රික් මහ රෝහලෙහි සෞඛ්‍ය කාර්ය සහායකයින් ඇතුළු අංශ කිහිපයක සේවකයින් සේවයට වාර්තා කිරීමෙන් වැළකී සිටිති.

24 February 2021

හරක් කටාගේ ගෝලයන් දෙදෙනෙකු අවි ආයුධ සමඟ අල්ලයි

දකුණු පළාතේ සංවිධානාත්මක අපරාධකරුවකු හා පාතාල නායකයකු වන මිදිගම චින්තක නොහොත් හරක් කටාගෙ ප්‍රධාන ගෝලයෙකු හා තවත් පුද්ගලයෙකු අවි ආයුධ රැසක් සමග ඊයේ රාත්‍රීයේ අහංගම ,රිදීගම නැගෙනහිර ,දම්මල වත්ත ප්‍රදේශයේ සිදුකළ වැටලීමකදී අත්අඩංගුවට ගත් බව පොලිස් විශේෂ කාර්ය බලකා සංවිධානාත්මක අපරාධ මර්ධන ඒකකය කියයි.

24 February 2021

ලක්ෂයක කේරළ ගංජා ලූනාවෙන් අල්ලයි

මොරටුව ලුනාව ප්‍රදේශයේදී රුපියල් ලක්ෂයකට අධික වටිනා කේරල ගංජා සමඟ පුද්ගලයෙක් ඊයේ රාත්‍රියේ අත්අඩංගුවට ගත් බව මොරටුව පොලිසිය කියයි.

24 February 2021

අද කොරෝනා මරණ 3 යි : ආසාදිතයන් 492 යි

කොවිඩ්-19 වයිරසය ආසාදනය වීම හේතුවෙන් තවත් පුද්ගලයන් 3 දෙනෙකු මරණයට පත්ව ඇතැයි සෞඛ්‍ය සේවා අධ්‍යක්ෂ ජනරාල්වරයා අද (23 වැනිදා) තහවුරු කරයි.

23 February 2021

පාස්කු ප්‍රහාරයට හිටපු ජනපති - අගමැති වගකිව යුතුයි

පාස්කු ඉරිදා එල්ලවූ ප්‍රහාරයෙන් ඇතිවූ ඛේදවාදකයට එවකට සිටි ජනාධිපති මෛත්‍රීපාල සිරිසේන සහ අගමැති රනිල් වික්‍රමසිංහ යන මහත්වරුන් ප්‍රමුඛ රජය වගකිව යුතුයැයි පාස්කු ඉරුදින ප්‍රහාරය සම්බන්ධයෙන් විමර්ශනය කළ ජනාධිපති කොමිෂන් සභාව නිර්දේශ කර ඇත.

23 February 2021

නාපානේ පේමසිරි නාහිමි ගුණ සැමරේ

අපවත්වී වදාළ ශ්‍රී ලංකා රාමඤ්ඤ මහා නිකායේ මහනායක, අග්ගමහා පණ්ඩිත නාපානේ පේමසිරි නාහිමියන්ගේ තෙමස් පූර්ණ ගුණ සැමරුම ඇඹිලිපිටිය බෝධිරාජ ධර්මායතනයේ දී අද පැවැත්විණි. සඟසතු දානමය පිංකමක්, ධර්ම පුස්තකයක් දොරට වැඩීමක් සහ කුලදරුවෙකු පැවිදි කිරීමේ පිංකමක් මෙම ගුණ සමරු උත්සවයට සමගාමීව පැවැත්විණ.

23 February 2021

ඇමෙරිකාවේ කොරෝනා මරණ ලක්ෂ 5 පනී

ඇමරිකාවේ කොරෝනා ආශ්‍රිත මරණ 500,000 ඉක්මවීමත් සමග ජනාධිපති ජෝ බයිඩන් ජාතිය ඇමතීය.

23 February 2021

මහා වංශය පුස්කොළ පොත ලෝක උරුමයක් ලෙස නම් කරයි

පේරාදෙණිය විශ්වවිද්‍යාල පුස්තකාලයේ ඇති මහා වංශයේ සියලු කොටස් කිසිදු අඩුවකින් තොරව අන්තර්ගතව තිබෙන පුස්කොළ පොත් එකතුව පරීක්ෂා කිරීමට පැමිණි යුනෙස්කෝ සංවිධාන නියෝජිතයින් ඒ පිළිබඳ සෑහිමකට පත්ව මහා වංශය පුස්කොළ පොත යුනෙස්කෝ සංවිධානය මගින් ලෝක උරුමයක් ලෙස නම්කර කිරීමට තීරණය කර තිබේ.

23 February 2021

ඉම්රාන් ඛාන්ගේ පාර්ලිමේන්තු කතාව නවත්වයි

ඉන්දියාව සමඟ ගැටුමක් ඇති වීම වැළැක්වීමේ අරමුණින් පාකිස්තාන අග්‍රාමාත්‍ය ඉම්රාන් ඛාන් පාර්ලිමේන්තුවේදී කිරීමට සැලසුම් කර තිබූ කතාව නැවැත්වීමට ශ්‍රී ලංකාව පියවර ගෙන ඇතැයි ‘ටයිම්ස් ඔෆ් ඉන්දියා’ පුවත් වෙබ් අඩවිය වාර්තා කරයි.

23 February 2021