එසැණ පුවත්

රජයට එරෙහිව නුවරඑළියේ උද්ඝෝෂණයක්

රට ඇමරිකන් කොළණියක් බවට පත්කරන ගිවිසුම් වහාම හකුලා ගන්නා ලෙස හා අන්තවාදී ත්‍රස්ත කල්ලිවලට උදව් කරන ලද මුස්ලිම් දේශපාලඥයන් වහාම අත්අඩංතුවට ගන්නා ලෙස රජයට බල කරමින් නුවරඑළිය නගරයේදී අද (15) උද්ඝෝෂණයක් පැවැත්විණි.

15 June 2019

ජනාධිපතිවරණයට තරග කරන්නැයි මටත් ඉල්ලීම් තිබෙනවා

ඉදිරියේදි පැවැත්වීමට නියමිත ජනාධිපතිවරණය සඳහා ඉදරිපත් වන්නැයි විවිධ පාර්ශවයන්ගෙන් තමාට ඉල්ලීම් ලැබී ඇතැයි දඹාන ආදිවාසී නායක වනස්පති ඌරුවරිගේ වන්නයලැ ඇත්තෝ පැවසූහ.

15 June 2019

කොල්ලුපිටියේදී දුම්රියේ ගැටී මවක් - දරු දෙදෙනෙක් මරුට

කොළඹ කොටුවේ සිට ගාල්ල බලා ධාවනය වූ දුම්රියක ගැටී මවක් හා පිරිමි දරුවන් දෙදෙනෙකු කොල්ලුපිටිය දුම්රිය ස්ථානය ආසන්නයේදී අද (14) මියගොස් ඇතැයි කොල්ලුපිටිය පොලිසිය කියයි.

14 June 2019

මාලදිවයින පාර්ලිමේන්තුවේ දූත පිරිසක් ලංකාවට

මාලදිවයින පාර්ලිමේන්තුවේ දූත පිරිසක් දින තුනක සංචාරයක් සඳහා අද (14) කටුනායක ගුවන් තොටුපොළින් ශ්‍රී ලංකාවට පැමිණියහ.

14 June 2019

බැදුම්කර සිද්ධියේ දේශපාලන සබැඳියාවන් නොසලකා හැරීම අනුමත කරන්න බෑ

බැදුම්කර වංචාවේ දේශපාලන සබැඳියාවන් අතහැර චූදිතයන් නම් කිරීමෙන් සාධාරණයක් ඉටු වන්නේ නැතැයි ජනතා විමුක්ති පෙරමුණේ දේශපාලන මණ්ඩල සභික, කෝප් කමිටු සභාපති පාර්ලිමේන්තු මන්ත‍්‍රී සුනිල් හඳුන්නෙත්ති මහතා අද (14) පැවසීය.

14 June 2019

බැදුම්කර වංචාවේ විත්තිකරුවන්ට නඩු පවරන දිනය අධිකරණයට දැනුම් දෙන්නැයි නියෝග

මහ බැංකුව විසින් බැදුම්කර නිකුත් කිරීමෙන් අක‍්‍රමිකතාවක් සිදුකර රජයට පාඩු කළැයි කියන සිද්ධියට අදාළව අර්ජුන් මහේන්ද්‍රන්, අර්ජුන් අලෝසියස් ඇතුලු දස දෙනෙකුට එරෙහිව ස්ථීර ති‍්‍රපුද්ගල විශේෂ මහාධිකරණය හමුවේ අධි චෝදනා ගොනු කරන්නේ කවදාදැයි යන්න නිශ්චිත දිනයක් නීතිපතිවරයාගෙන් විමසා ලබන 19 වැනිදාට පෙර අධිකරණය වෙත දැනුම් දෙන ලෙස කොළඹ ප‍්‍රධාන මහේස්ත‍්‍රාත් ලංකා ජයරත්න මෙනෙවිය අද (14) පැමිණිල්ලට නියෝග කළාය.

14 June 2019

හිස්බුල්ලාගෙන් පැය තුනක ප්‍රකාශයක්

මඩකලපුව පූනානි හි පවත්වාගෙන යන ෂරියා විශ්ව විද්‍යාලය සම්බන්ධයෙන් රජයේ ආයතනවල සිදුවී ඇතැයි කියන දුෂණ වංචා පිළිබඳ සොයා බැලීමේ ජනාධිපති පරීක්ෂණ කොමිසමේ පොලිස් ඒකකය විසින් නැගෙනහිර හිටපු ආණ්ඩුකාර එම්.ඒ.එල්.එම්.හිස්බුල්ලා මහතාගෙන් අද (14) පැය තුනක කාලයක් ප‍්‍රකාශ සටහන් කර ගෙන ඇත.

14 June 2019

නිකරුණේ අත්අඩංගුවට ගත්තැයි හසලක කතගෙන් පෙත්සමක්

තමන් නැවක සුක්කානමක රුව රැගත් මැක්සි ගවුමක් ඇඳගෙන සිටියදී ධර්ම චක‍්‍රයක රැව රැගත් ඇඳුමක් ඇඳ සිටිනවා යැයි වැරදියට වටහා ගෙන අත්අඩංගුවට ගෙන රක්ෂිත බන්ධනාගාර ගත කිරීමෙන් තම මූලික අයිතිවාසිකම් කඩවී ඇතැයි කියමින් ඊට වන්දි ලබා දෙන ලෙස ඉල්ලා මුස්ලිම් කාන්තාවක් ශ්‍රේෂ්ඨාධිකරණය හමුවේ අද (14) මූලික අයිතිවාසිකම් පෙත්සමක් ගොනු කරන ලදී.

14 June 2019

ඉන්දීය රජයේ උපකාර ඇතිව නිවාස ගැටලුව විසඳනවා

ඉන්දීය රජයෙන් ලබා ගත හැකි සෑම උපකාරයක්ම ලබා ගනිමින් මෙරට නිවාස ගැටලුවෙන් පීඩා විඳින අසරණ ජනතාවගේ නිවාස සිහිනය සැබෑ කරන්නට ඇප කැප වී කටයුතු කරන බව නිවාස ඉදිකිරීම් හා සංස්කෘතික කටයුතු අමාත්‍ය සජිත් ප්‍රේමදාස මහතා අද (14) පැවසීය.

14 June 2019

වෛද්‍ය අනුරුද්ධ පාදෙණියට එරෙහි සයිටම් නඩුවට නව විනිසුරු මඩුල්ලක්

මාලඹේ සයිටම් ආයතනය සම්බන්ධයෙන් දෙන ලද නඩු තීන්දුව අපහාසාත්මකව විවේචනය කිරීමෙන් රජයේ වෛද්‍ය නිලධාරීන්ගේ සංගමයේ සභාපති වෛද්‍ය අනුරුද්ධ පාදෙණිය අධිකරණයට අපාහාසයක් සිදු කරන ලදැයි කියමින් ගොනු කළ පෙත්සම් විභාගය සඳහා අභියාචනාධිකරණ සභාපති විනිසුරු යසන්ත කෝදාගොඩ මහතා විසින් නව විනිසුරු මඩුල්ලක් අද (14) පත් කරනු ලැබීය.

14 June 2019

ඉදිකරමින් තිබූ බස් නැවතුම්පළක් කඩා වැටේ

හිඟුරක්ගොඩ නගරයේ ඉදිකරමින් තිබූ බස් නැවැතුම්පළක් අද(14) දින පස්වරුවේ කඩාවැටීමෙන් මගී ජනතාව සහ බස්රථ එම ස්ථානයෙන් ඉවත් කර එය ජනතාවට තහනම් ප්‍රදේශයක් බවට පත්කළ බව හිගුරක්ගොඩ පොලිසිය කියයි.

14 June 2019

ගෝඨාගේ ප්‍රතිශෝධන පෙත්සමේ තීන්දුව ජුලි 26 දා

ගාලූ වරායේ නවතා තිබූ පාවෙන අවි ගබඩාවක් පවත්වාගෙන යෑම සම්බන්ධයෙන් හිටපු ආරක්ෂක ලේකම් ගෝඨාභය රාජපක්ෂ මහතා විසින් ගොනුකර ඇති ප‍්‍රතිශෝධන පෙත්සමේ තීන්දුව ජූලි 26 වැනිදා ප‍්‍රකාශයට පත් කිරීමට අභියාචනාධිකරණය අද (14) තීන්දු කළේය.

14 June 2019

අගමැති යළි දිවයිනට

සිංගප්පූරුවේ තෙදින සංචාරයක යෙදුණු අග්‍රාමාත්‍ය රනිල් වික්‍රමසිංහ මහතා ඇතුළු දූත පිරිස අද(14) යළි දිවයිනට පැමිණියහ.

14 June 2019

අනතුරුවලින් මියයන - ආබාධිත වන අයට දෙන වන්දි වැඩි කරයි

රිය අනතුරුවලින් මිය යන, හප්පා පලාගිය හෝ ආබාධිත වුවන් සඳහා ලබාදෙන වන්දි මුදල ඉදිරියේ දී වැඩි කිරීමට රජය තීරණය කර ඇත.

14 June 2019

ගුරුකන්ද විහාරයේ නාම පුවරුව මාර්ග සංවර්ධන අධිකාරියෙන් ඉවත් කරලා

මුලතිව් ගුරුකන්ද පුරාණ රජමහ විහාරස්ථානය ලෙස නම් සඳහන් කර එම විහාරස්ථානය ඉදිරිපිට ප‍්‍රදර්ශනය කර තිබූ නාම පුවරුව අද (14) මාර්ග සංවර්ධන අධිකාරියේ නිලධාරීන් විසින් ගලවා ඉවත්කරනු ලැබීය.

14 June 2019

සරසවි සිසුවියට පිහිඇනුම් කළ තරුණයා රිමාන්ඩ්

කැලණිය විශ්වවිද්‍යාලයේ සිසුවියකට පිහියකින් ඇන බරපතල තුවාල සිදුකර ඝාතනය කිරීමට තැත් කළැයි කියන සිද්ධියක් සම්බන්ධයෙන් අත්අඩංගුවට ගත් තරුණයා 18 වැනිදා දක්වා රක්ෂිත බන්ධනාගාර ගත කිරීමට මහර ප්‍රධාන මහේස්ත්‍රාත් හේශාන්ත ද මැල් මහතා අද (14) නියම කළේය.

14 June 2019

බුදු පිළිම කැඩූවන්ට සහරාන් ලක්ෂ 20 ක් දීලා

මාවනැල්ල සහ අවට පෙදෙස්වල බුදුපිළිමවලට හානි කිරීමේ සිද්ධියේ සැකකරුවන්ට ඇප ලබාදීම සඳහා නිතීඥවරුන්ට ගෙවීමට රුපියල් ලක්ෂ 20ක මුදලක් ජාතික තවුහිද් ජමාත් සංවිධානයේ නායක මොහොමඩ් සහරාන් විසින් සැකකාර රෂීඩ් මොහොමඩ් ඊබ්‍රාහීම් නමැති මවුලවිවරයාට ලබාදී ඇති බව විමර්ශනවලදී හෙළීවී ඇතැයි අපරාධ පරීක්ෂණ දෙපාර්තමේන්තුව මාවනැල්ල මහේස්ත්‍රාත් උපුල් රාජකරුණා මහතාට දැනුම් දුන්නේය.

14 June 2019

බන්ධනාගාරගතව සිටින්නන් අතර උපාධිධාරීන් 114 ක්

බන්ධනාගාරගතව සිටින සිරුකරුවන් 24,000 දෙනා අතර උපාධිධාරීන් 114 ක් සිටින බව බන්ධනාගාර ආංචි මාර්ග කියයි.

14 June 2019

ඕස්ට්‍රේලියානුවන්ට ශ්‍රී ලංකාවේ සංචාරයට ඇති සීමා ලිහිල් කෙරේ

ශ්‍රී ලංකාවේ සංචාරය කිරීම සම්බන්ධයෙන් සිය වැසියන්ට පනවා තිබූ සීමාවන් ලිහිල් කිරීමට ඕස්ට්‍රේලියානු රජය පියවර ගෙන ඇත.

14 June 2019

ජාතික බුද්ධි අංශ ප්‍රධානී මේජර් ජනරාල් රුවන් කුලතුංග

ජාතික බුද්ධි අංශ ප්‍රධානී ධූරයට පත් කෙරුණු මේජර් ජනරාල් රුවන් කුලතුංග මහතා ඊයේ (13) පෙරවරුවේ සිය ධූරයේ වැඩ බාර ගත්තේය.

14 June 2019

‘ජනපතිවරණයේදී මා මහින්දට සහාය දෙද්දී සහරාන් මෛත්‍රීට උදව් කළා’

පාස්කු ඉරුදින ප්‍රහාරය මෙහෙයවූ ජාතික තවුහිද් ජමාත් සංවිධානයේ නායක මොහොමඞ් සහරාන් ඉකුත් ජනාධිපතිවරණයේදී උදව්කළේ ජනාධිපති මෛත්‍රීපාල සිරිසේන මහතාටයැයි නැගෙනහිර පළාත් හිටපු ආණ්ඩුකාර එම්.එල්.ඒ.එම්. හිස්බුල්ලා මහතා එම ප්‍රහාරය ගැන කරුණු සොයන පාර්ලිමේන්තු විශේෂ කාරක සභාව හමුවේ සාක්‍ෂි දෙමින් පැවැසීය.

14 June 2019

උතුරු ආණ්ඩුකාරගෙන් ‘ආවා‘ කල්ලියට ආරාධනාවක්

ආවා කල්ලියට ගැටලුවක් ඇත්නම් හෝ විසඳුමක් අවශ්‍ය වන්නේ නම් ඕනෑම අවස්ථාව ආරක්ෂකයින් නොමැතිව ඕනෑම ස්ථානයකට පැමිණ සාකච්ඡා කිරීමට තමන් සූදානම් බව උතුරු ආණ්ඩුකාර ආචාර්ය සුරෙස් රාඝවන් මහතා අද ආවා කල්ලියට (14) විවෘත ආරාධනාවක් කළේය.

14 June 2019

පාස්කු දා ප්‍රහාරයට සම්බන්ධ අයෙක් දකුණු ඉන්දියාවෙන් අත්අඩංගුවට

මෙරට පාස්කු ඉරිදා ත්‍රස්ත ප්‍රහාරයට සම්බන්ධ සැකකරුවෙකු ඉන්දීය ආරක්ෂක අංශ විසින් අත්අංඩගුවට ගෙන ඇතැයි ටයිම්ස් නිව් වෙබ් අඩවි අද ( 14) වාර්තා කර ඇත.

14 June 2019

වවුනතිව් සිද්ධියට සම්බන්ධ ජමාත් කල්ලියේ 5 ක් අත්අඩංගුවට

මඩකලපුව, වවුනතිව් පොලිස් මාර්ග බාධකයේ රාජකාරියේ නියැලී සිටි පොලිස් නිලධාරීන් දෙදෙනා මරා දැමූ , තව්හීද් ජමාත් සංවිධානයට අයත් ප්‍රධාන සැකකරු ඇතුළු තවත් 5 දෙනෙකු අද (14) අපරාධ පරීක්ෂණ දෙපාර්තමේන්තු නිලධාරීන් පිරිසක් විසින් සෞදි අරාබියේ දී අත්අඩංගුවට ගෙන කටුනායක ගුවන් තොටුපළ වෙත ගෙන එනු ලැබීය.

14 June 2019

ගින්නකින් පන්නල ඇඟළුම්හළක් විනාශයි

පන්නල-ඉරබඩගම පිහිටි අපනයන ඇඟළුම් කර්මාන්තශාලාවක අද(14) අලුයම ඇතිවූ ගින්නකින් කර්මාන්තශාලාවට දැඩි හානි ඇතැයි පොලීසිය කියයි.

14 June 2019

ලංගමයට ප්‍රවාහන ඇමැතිගෙන් තරවටුවක්

පොසොන් සමයේ වැඩ වර්ජනවලට ගොස් මහජනතාව අපහසුතාවයට පත්කිරීම කඩාකප්පල්කාරී ක්‍රියාවක් බව කී ප්‍රවාහන හා සිවිල් ගුවන් සේවා අමාත්‍ය අර්ජුන රණතුංග මහතා ශ්‍රී ලංකා ගමනාගමන මණ්ඩලයේ නිවාඩු අවලංගු කරන බවත්, එය නොතකා සේවයට වාර්තා නොකරන සියලු දෙනාම සේවය අතහැර ගියා සේ සලකන්නට සිදුවන බවත් පැවසීය.

13 June 2019

ලංගම වර්ජනය අවසන්

ශ්‍රී ලංගම ජාතික සේවක සංගමය මගින් ආරම්භ කර තිබූ ලංගම බස් රථ වර්ජනය අද (13) පස්වරුවේ සිට අත් හිටුවීමට තීරණය කළ බව ජාතික සේවක සංගමයේ නියෝජ්‍ය සභාපති සහ මාධ්‍ය ලේකම් සුනිල් ද සිල්වා මහතා පැවැසීය.

13 June 2019

කුලියාපිටිය සිද්ධියේ සැකකරුවන් තිදෙනෙකු යළි රිමාන්ඩ්

කුලියාපිටියේ මුස්ලිම් ව්‍යාපාරික ආයතන කිහිපයකට පහරදුන් බවට සැකපිට රක්‍ෂිත බන්ධනාගාර ගතව සිටි සැකකරුවන් 11දෙනෙකුට අදාළ නඩු 13කදී, එහි දොළොස්වෙනි සැකකරු යැයි අද(13) පොලිසිය විසින් නම්කරමින් අධිකරණයට ඉදිරිපත් කළ සැකකරු සමඟ පළමු සහ දෙවන සැකකරුවන් යළිත් මේ මස 21 දක්වා රක්‍ෂිත බන්ධනාගාර ගත කිරීමට කුලියාපිටිය මහේස්ත‍්‍රාත් ජනනි එස් විජේතුංග මහත්මිය නියම කළාය.

13 June 2019