එසැණ පුවත්

ජාත්‍යන්තර වෙළෙඳ පොළට ප්‍රවේශ වීමෙන් වේගවත් ආර්ථික වර්ධනයක් අත් කර ගත හැකියි

මිලියන 22ක කුඩා වෙළෙඳපොළක් තුළ වේගවත් ආර්ථික වර්ධන වේගයක් ලබාගත නොහැකි බවත් ඒ සඳහා විශාල වෙළෙඳපොළවලට පිවිසිය යුතු බවත් අග්‍රාමාත්‍ය රනිල් වික්‍රමසිංහ මහතා අද (26) පැවැසීය.

26 June 2018

විනය හේතු මත ඉවත් කළ විදුහල්පතිවරුන් දෙපළ යළි පාසලට

විනය හේතු මත කොළඹ ප්‍රධාන පෙළේ පාසලකින් ඉවත් කරන ලද විදුහල්පතිවරුන් දෙදෙනකු යළිත් පාසලට ගෙන්වා අද (26) එම විදුහල්පතිවරුන්ගේ ප්‍රධානත්වයෙන් මාපිය වන්දනා වැඩසටහනක් පැවැත්වීමේ සිදුවීමක් වාර්තා වී ඇතැයි අධ්‍යාපන අමාත්‍යංශයේ ආරංචි මාර්ග කියයි.

26 June 2018

උපාධිධාරීන් 4800 කට රජයේ රැකියා

උපාධීධාරීන් රාජ්‍ය සේවයට බඳවා ගැනීමේ වැඩපිළිවෙල යටතේ පළමු අදියර ලෙස උපාධිධාරීන් 4800 දෙනෙකු බඳවා ගැනීමට කැබිනට් මණ්ඩලය තීරණය කර ඇත. ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ජනාධිපති කාර්යාලයේ අද (26) පැවැති කැබිනට් රැස්වීමේ දී මෙම තීරණය ගෙන තිබේ.

26 June 2018

සංවර්ධන යෝජනා ගැන සොයන්න අගමැති අනුකමිටුවක්

අමාත්‍යංශවල දැනට හිරවී ඇති සංවර්ධන යෝජනා පිළිබඳව සොයා බලා කඩිනම් කිරීම සඳහා ජනාධිපති මෛත්‍රීපාල සිරිසේන මහතා විසින් අගමැති අනු කමිටුවක් පත් කර ඇතැයි වාර්තා වේ.ජනාධිපතිවරයාගේ ප්‍රධානත්වයෙන් ජනාධිපති කාර්යාලයේ අද (26) පැවති කැබිනට් රැස්වීමේ දී මෙම කමිටුව පත්කර ඇත.

26 June 2018

කැබිනට් රැස්වීමේදී මත ගැටුමක්

ආපදාවට ලක්වූවන්ට වන්දි ලබාදීම සම්බන්ධයෙන් ස්වදේශ කටයුතු ඇමති වජිර අබේවර්ධන සහ ආපදා කළමනාකරණ ඇමති දුමින්ද දිසානයක යන මහහත්වරුන් අතර අද (26) පැවැති කැබිනට් රැස්වීමේදී මත ගැටුමක් ඇති වු බව රජයේ ආරංචි මාර්ග සඳහන් කරයි.

26 June 2018

වල්ලපට්ටා තොගයක් කටුනායකදී අත්අඩංගුවට

වල්ලපට්ටා තොගයක් නීතිවිරෝධී ලෙස ඩුබායි වෙත රැගෙන යෑමට තැත් කළ ශ්‍රී ලාංකික ගුවන් මගියෙකු අද (26) කටුනායක ගුවන් තොටුපොළේදී රේගු නිලධාරීන් විසින් අත් අඩංගුවට ගත් බව රේගු මාධ්‍ය ප්‍රකාශක සුනිල් ජයරත්න මහතා පැවසීය.

26 June 2018

පොලිස් නිලධාරීන් රෝහල් ගත කිරීමට ඉදිරිපත් වූ 9ක් පොලිස්පතිගේ ඇගයීමට

පාතාල කල්ලි සාමාජිකයින් හා පොලිසිය අතර ඇතිවූ වෙඩි හුවමාරුවේදී තුවාල ලැබූ පොලිස් නිලධාරීන් රෝහල් ගත කිරීමට ඉදිරිපත් වූ සිවිල් වැසියන් 9 දෙනෙකු ඇගයීම සඳහා රුපියල් පනස් දහස බැගින් මුදල් ත්‍යාග පිරිනැමීම පොලිස්පති පූජිත් ජයසුන්දර මහතාගේ ප්‍රධානත්වයෙන් අද (26) සිදු කෙරිණි.

26 June 2018

වෛද්‍යවරියකට මරණ තර්ජන කළ පුද්ගලයෙකු අත්අඩංගුවට

කල්පිටිය - ආලංකුඩාව මධ්‍යම බෙහෙත් ශාලාවේ බාහිර රෝගී අංශයේ රෝගීන්ට ප්‍රතිකාර කරමින් සිටි ගැබිණි වෛද්‍යවරියකට මරණ තර්ජන එල්ල කළේ යැයි පුද්ගලයෙකු නොරොච්චෝල පොලිසිය විසින් අද (26) අත්අඩංගුවට ගෙන තිබේ.

26 June 2018

රාජපක්ෂ නාමය නොමැතිව ඒකාබද්ධයට ගමනක් යාමට නොහැකි දැයි විමසයි

රාජපක්ෂ නාමය නොමැතිව ඒකාබද්ධ විපක්ෂයට ගමනක් යාමට නොහැකි දැයි ඒකාබද්ධ විපක්ෂයේ නායක දිනේෂ් ගුණවර්ධන මහතා ඇතුළු එහි ජ්‍යෙෂ්ඨයන්ගෙන් විමසා සිටින බව එක්සත් ජාතික පක්ෂයේ කුරුණෑගල දිස්ත‍්‍රික් පාර්ලිමේන්තු මන්ත‍්‍රී තුෂාර ඉඳුනිල් අමරසේන මහතා පැවසීය.

26 June 2018

බදු ගෙවන්නන්ට උපදෙස් ලබාදීමේ සේවාවක්

දේශීය ආදායම් දෙපාර්තමේන්තුව බදු ගෙවන්නන්ට උපදෙස් ලබාදීම සඳහා සේවාවන් ආරම්භකර තිබෙන අතර ඒ සඳහා රුපියල් 25000ක මුදලක් අය කෙරෙන බව දේශීය ආදායම් කොමසාරිස් ජනරාල් ඩී .එම්.එල්.අයි දිසානායක මහතා පැවසීය.

26 June 2018

අමරපුර මහා නිකායේ සිරි සුමන පාර්ශ්වයේ මහ නායක ධූරය කොලොන්නාවේ සිරි සුමංගල හිමියන්ට

පන්නිපිටිය ශ‍්‍රී දෙව්රම් මහා විහාරාධිපති, ආචාර්ය කොලොන්නාවේ ශ‍්‍රී සුමංගල හිමියෝ ශ‍්‍රී ලංකා අමරපුර මහා නිකායේ සිරි සුමන පාර්ශ්වයේ මහා නායක පදවියට සඳහා පත්කරනු ලැබ තිබේ.

26 June 2018

භික්ෂුව දේශපාලන පලිහක් වෙලා

බලලෝභී දේශපාලකයන්ගේ පලිහක් බවට භික්ෂුව පත්වීම කනගාටුවට කරුණකැයි ශ්‍රී ලංකා රාමඤ්ඤ මහා නිකායේ අධිකරණ ලේඛකාධිකාරී මහාචාර්ය අත්තන්ගනේ රතනපාල හිමියෝ පවසති.

26 June 2018

පළාත් සභා මැතිවරණය ගැන විවාදයක් ලබන මස 4 වැනිදා

පළාත් සභා මැතිවරණය පිළිබඳ විශේෂ පාර්ලිමේන්තු විවාදයක් ලබන මස 4 වැනිදා දවස පුරා පැවැත්වීමට පාර්ලිමේන්තු පක්ෂ නායකයින් තීරණය කර ඇත.

26 June 2018

තැපැල් වර්ජනය මැදියම් රැයෙන් අවසන්

තැපැල් සේවක වර්ජනය අද (26) මධ්‍යම රාත්‍රීයේ සිට අවසන් කෙරේ

26 June 2018

පොලිස්පතිගෙන් මියගිය සැරයන්ගේ පවුලට වන්දියක්

කොල්ලකරුවන්ගේ වෙඩි ප්‍රහාරයෙන් මියගිය මාතර පොලීසියේ සැරයන් සුරංග ප්‍රදීප් වීරසිංහ මහතාගේ සේවය අගය කර ඔහුගේ බිරිඳ හා දරු දෙදෙනාට පොලිස්පති පූජිත් ජයසුන්දර මහතා අද (26) රුපියල් විසි පන් ලක්ෂ හැට දහසක වන්දි මුදලක් පිරි නැමීය.

26 June 2018

ත‍්‍රස්තවාදී ලේබල් ගසා ප‍්‍රගීත්ගේ පරීක්‍ෂණ නොමඟ යැවීමට උත්සහ කරනවා

ප‍්‍රගීත් එක්නැලිගොඩ මහතා එල්.ටී.ටී.ඊ යට හෝ වෙනත් කිසිම ත‍්‍රස්ත සංවිධානයකට සම්බන්ධව නොසිටි බවට ත‍්‍රිවිධ හමුදාපතිවරුන්, ආරක්‍ෂක අංශ මෙන්ම ඔහුගේ අතුරුදන්වීම සම්බන්ධව පරීක්‍ෂණ පැවැත්වූ සියලූ අංශ

26 June 2018

කොල්ලයෙන් තුවාල ලැබු කොස්තාපල් බලන්න පොලිස්පති රෝහලට

මාතර නගරයේ ස්වර්ණාභරණ ආයතනයක් කොල්ල කෑමට පැමිණි කොල්ලකරුවන්ගේ වෙඩි ප‍්‍රහාරයට ලක්ව තුවාල ලබා කොළඹ ජාතික රෝහලේ දැඩි සක්තාර ඒකකයේ ප‍්‍රතිකාර ලබන සැරයන් සුගතපාලගේ සහ පොලිස් රෝහලේ ප‍්‍රතිකාර ලබමින් සිටින කොස්තාපල් වසන්ත පුෂ්පකුමාර යන අයගේ සුවදුක් බැලීමට අද (26) පොලිස්පතිවරයා එම රෝහල් වෙත ගියේය.

26 June 2018

’දළදා හාමුදුරුවා් ළඟ පාෙරොන්දු දෙන කෙනකුට ජනාධිපතිවරණයේ දී සහය දෙනවා’

භික්ෂුන් වහන්සේලා විසින් මේ වනවිට සකස් කරමින් සිටින ප‍්‍රතිපත්ති ප‍්‍රකාශනය පිළිගන්නා බව දළදා හිමියන් ඉදිරිපිට දී එම ප‍්‍රකාශනයට අත තබා පොරොන්දු වන අපේක්ෂකයකුට 2020 ජනාධිපතිවරණයේ දී සහය දෙන බව බොදුබල සේනා සංවිධානයේ මහ ලේකම් ගලගොඩඅත්තේ ඥානසාර හිමියෝ පැවැසූහ.

26 June 2018

ඉන්ෆ්ලුවන්සාව නිසා උදුගොඩ රාජසිංහ විද්‍යාලයේ 1 ශ්‍රේණිය වසා දමයි

කෑගල්ල , උදුගොඩ , කනන්ගමුව රාජසිංහ මහා විද්‍යාලයේ සිසුන් තිදෙනෙකුට ඉන්ෆ්ලුවන්සා (ඒ) වෛරස් උණරෝගය වැළඳී ඇති බව තහවුරු වීමත් සමඟ එම විදුහලේ පළමු ශ්‍රේණිය අද (26) වසා දැමීමට පියවර ගෙන තිබිණි.

26 June 2018

එළවලු ගිනි ගණන්

කොළඹ ඇතුළු ප‍්‍රධාන නගරවල එළවලූ මිල ගණන් මේ දිනවල ඉහළ ගොස් ඇතැයි පාරිභොගිකයෝ චෝදනා කරති.

26 June 2018

‘මා සිරගත කිරීමේ වගකීම මුළුමනින්ම ආණ්ඩුව බාරගත යුතුයි‘

තමන් සිරගත කිරිමේ වගකීම අනිවාර්යයෙන් ආණ්ඩුව භාරගත යුතු යැයි ගලබොඩඅත්තේ ඥානසාර හිමියෝ පැවැසූහ.

26 June 2018

ඇවන්ට්ගාඩ් නඩුව ජූලි 25 දාට කල්යයි

ලංකාව අවට මුහුදේ ‘පාවෙන අවි ගබඩාවක්’ පවත්වාගෙන යෑමට කටයුතු සළසා දීම සඳහා රුපියල් ලක්‍ෂ 355ක මුදලක් තුටු පඩුරක් ලෙස පිරිනැමීමෙන් හා එම මුදල ලබා ගැනීමෙන් අල්ලස් පණතේ දුෂණය නමැති වරද සිදු කළැයි චෝදනා ලැබ සිටින ‘‘ඇවන්ට් ගාඩ්’’ සභාපති නිශ්ශංක සේනාධිපති මහතාට සහ විශ‍්‍රාමික මේජර් ජනරාල් පාලිත ප‍්‍රනාන්දු මහත්වරුන්ට එරෙහි නඩුව ලබන ජුලි මස 25 වැනිදා කැඳවීමට කොළඹ මහාධිකරණ විනිසුරු ශෂී මහෙන්ද්‍රන් මහතා අද (26) නියම කළේය.

26 June 2018

එක්දින හැඳුනුම්පත් සේවයෙන් වසරකදී කෝටි 25 ක්

පුද්ගලයින් ලියාපදිංචි කිරීමේ දෙපාර්තමේන්තුව එම දෙපාර්තමේන්තුවේ එක් දින සේවාව මගින් ජාතික හැදුනුම්පත් නිකුත් කිරීමෙන් ගිය වසරේදී රුපියල් විසිපන් කෝටි පනස් හතර ලක්ෂ තිස් අට දහසක මුදලක් උපයා ගෙන ඇත.

26 June 2018

අගමැතිගේ සමීපතමයන් අඟේ ඉඳන් කන කනවා

ආර්ථිකය සම්බන්ධයෙන් වැරදි සංඛ්‍යා ලේඛන දෙමින් අගමැතිවරයාගේ ප‍්‍රතිරූපයට හානිකිරීමට ඔහු සමීපයේම සිටින නිළධාරීන් පිරිසක් කටයුතු කරමින් සිටින බව පාර්ලිමේන්තු මන්ත‍්‍රී ආචාර්ය බන්දුල ගුණවර්ධන මහතා අද (26) පැවසීය.

26 June 2018

සිසු විරෝධතාවෙන් නාවල මාර්ගය අවහිර වෙයි

නාවල විවෘත විශ්ව විද්‍යාලයේ සිසුන්ගේ විරෝධතා පා ගමනක් හේතුවෙන් නාවල අවට මේ වන විට දැඩි රථවාහන තදබදයක් ඇති වී තිබේ.

26 June 2018

අනතුරට පත් නෞකාවේ සිටි 11 ක් නාවික හමුදා සහයෙන් බේරා ගනිති

කොළඹ වරායට නාවික සැතපුම් 11.6 ඔබ්බෙන් වු මුහුදු ප‍්‍රදේශයේ දී අනතුරට පත්ව තිබු ‘‘මුතා පයනියර්’’ නැමැති වෙළෙඳ නෞකාවේ සිටි කපිතාන් ඇතුළු නාවිකයන් 11 දෙනෙකු අද (26) අලුයම නිරුපද්‍රිතව බේරාගත් බව නාවික හමුදාව කියයි.

26 June 2018

‘උදයංග වීරතුංග ගෙන්වීමට හිට්ලර්ගේ සොහොයුරාට බාධාවක් නෑ‘

මිග් යනා ගණුදෙනුව සම්බන්ධයෙන් ජාත්‍යන්තර පොලිස් වරෙන්තු ලැබ සිටින රුසියාවේ හිටපු තනාපති උදයංග වීරතුංග මෙරටට ගෙන්වීමට අදටත් ඔහු සමඟ සමීප සබඳතා පත්වන හිට්ලර්ගේ සොහොයුරාට කිසිදු බාධාවක් තිබිය නොහාකියැයි අග්‍රාමාත්‍ය රනිල් වික්‍රසිංහ මහතා අද (26) පැවසීය.

26 June 2018

බැතිමතුන් ජල අනතුරුවලින් වළක්වා ගැනීමට ජීවීතාරක්ෂක බලෑණියක්

පොසොන් සමයේ මාතලේ දිස්ත්‍රික්කයේ වෙහෙර විහාරස්ථාන වැඳ පුදා ගැනීමට පැමිණෙන බැතිමතුන් දිය අනතුරුවලින් වළක්වා ගැනීම සඳහා හැත්තෑ පස් දෙනෙකුගෙන් යුත් ජීවිතාරක්ෂක බලඇණියක් මාතලේ දිස්ත්‍රික්කයේ ප්‍රධාන වැව් අමුණු සඳහා යොදවා තිබෙන බව දඹුල්ල මුලස්ථාන පොලිස් පරීක්ෂක සම්පත් වික්‍රමරත්න මහතා පැවසීය.

26 June 2018