එසැණ පුවත්

මහින්දානන්දගේ නඩුවේ තීන්දුවෙන් පසු නඩුව වෙනත් අධිකරණයට

පාර්ලිමේන්තු මන්ත්‍රී මහින්දානන්ද අලුත්ගමගේ මහතාට පවරා ඇති නඩුවේ තීන්දුව ලැබුණු පසු නඩුව වෙනත් අධිකරණයකට මාරුකර යැවීමට නඩු ගොනුව කොළඹ ප්‍රධාන මහාධිකරණ විනිසුරු වෙත යොමු කිරිමට පියවර ගන්නා බව මහාධිකරණ විනිසුරු ගිහාන් කුලතුංග මහතා දැනුම් දුන්නේය.

26 June 2018

ලෝටස් පාර වහයි

ආබාධිත රණවිරුවන් පිරිසකගේ පාගමනක් හේතුවෙන් ගාලුමුවදොර මාර්ගය කොටුව ලෝටස් වටරවුමෙන් මේ වන විට වසා දමා තිබේ.

26 June 2018

දකුණේ පෞද්ගලික බස් වර්ජනය දිගටම

දකුණු පළාතේ සිට කොළඹ දක්වා දෙවන පුද්ගලික සාමාන්‍ය සේවා බස් රථ වර්ජනය දෙවන දිනටත් ක්‍රියාත්ම වන අතර මේ වන විට පුද්ගලික බස්රථ කිසිවක් ධාවනය නොවන බව මගීහු පවසති.

26 June 2018

හිටපු ජනපති කාර්ය මණ්ඩල ප්‍රධානි- දැව සංස්ථා සභාපති යළි රිමාන්ඩ්

රුපියල් මිලියන 20 ක අල්ලස් සිද්ධිය සම්බන්ධයෙන් ජනාධිපති කාර්ය මණ්ඩල හිටපු ප්‍රධානි අයි.කේ මහානාම සහ දැව සංස්ථාවේ හිටපු සභාපති පී.දිසානායක ලබන මස 07 වැනිදා තෙක් යළි රිමාන්ඩ් කරන්නැයි අධිකරණය නියෝග කර තිබේ.

26 June 2018

ක්‍රීඩකයාගේ පියා ගැන ඔත්තු දුන් දුරකතනය සොයාගනී

ක්‍රිකට් ක්‍රීඩක ධනංජය ද සිල්වාගේ පියා කේ රංජන්ද සිල්වා ඝාතනය කිරීමට ඔහු සිටිනා තැන ගැන තොරතුරු ලබා දුන්නේයැයි සැක කරන දුරකතනයක් රත්මලානේ ඇළක තිබී අද උදේ සොයා ගත් බව පොලිස් ආරංචි මාර්ග කියයි.

26 June 2018

හොර ඒජන්සියක් වටලා ගමන් බලපත්‍ 49 අත්අඩංගුවට

නීති විරෝධී ආකාරයට, වලංගු බලපත්‍රයක් නොමැතිව මැදපෙරදිග රැකියා ලබාදෙන බව පවසමින් මුදල් එක් රැස් කළ පුද්ගලයෙක් විදෙස් ගමන් බලපත්‍ර 49 ක් සමඟ ශ්‍රී ලංකා විදේශ සේවා නියුක්ති කාර්යාංශයේ විශේෂ විමර්ශන ඒකකය විසින් අත්අඩංගුවට ගෙන තිබේ.

26 June 2018

යාපනයේ ළිඳක හය හැවිරිදි දැරියකගේ සිරුරක්

යාපනය සුලිපුරම් ප්‍රදේශයේදී පාසල් නිල ඇඳුමින් සිටි හය හැවිරිදි දැරියකගේ සැක සහිත මළ සිරුරක් ළිඳක තිබියදී හමු වූ බවට වඩුක්කොඩෙයි පොලීසිය පවසයි.

26 June 2018

ලංවිමට ජෙනරේටර් 50 ක් ගැනීම නවතී

විදුලිබල මණ්ඩලයට අවශ්‍ය ජෙනරේටර් පනහක් මිලදී ගැනීමට ටෙන්ඩර් කැඳවා තෝරාගත් සමාගමට එරෙහිව වැඩිමිල ටෙන්ඩරය ඉදිරිපත් කළ සමාගම අධිකරණයට සහ අල්ලස් හෝ දූෂණ කොමිසමට යෑම නිසා එම ජෙනරේටර් මිලදී ගැනීම නැවතී ඇතැයි විදුලිබල හා පුනර්ජනනීය බලශක්ති අමාත්‍යාංශයේ ලේකම් ආචාර්ය සුරේන් බටගොඩ මහතා ලංකාදීපයට පැවැසීය.

26 June 2018

ශ්‍රී ලංකන් අතිරේක සේවකයෝ ඉවතට

වියදම් අඩු කිරීමේ අරමුණින් ‘ශ්‍රී ලංකන් එයාර්ලයින්ස්’ සමාගමේ අතිරේක සේවකයන් ඉවත් කිරීමට රජය තීරණය කර ඇතැයි වාර්තා වේ.

26 June 2018

පාසල් සිසුන්ට මත්පෙති විකිණූ අයෙක් අත්අඩංගුවට

පාසල් සිසුන් ඇතුළු බාලවයස්කරුවන් සඳහා අඩු මිලට ඇපල් පෙති විකිණීමේ නිරත ජංගම අලෙවිකරුවෙකු ඇපල් පෙති 100 ක් ද සමඟ අද (26) අලුයම ඒත්තුකාල කජුවත්ත දී අත්අඩංගුවට ගත් බව කල්පිටිය පොලිසිය පවසයි.

26 June 2018

මහින්ද උදයංගට එන්න කියයි

මිග් යානා ගණුදෙනුවක් සම්බන්ධයෙන් අධිකරණය මඟින් වරෙන්තු නිකුත් වී ඇති රුසියාවේ හිටපු තානාපති උදයංග වීරතුංග මහතාට මෙරටට පැමිණෙන ලෙස හිටපු ජනාධිපති මහින්ද රාජපක්‍ෂ මහතා දැනුම්දී ඇතැයි යහපාලන වින්දිතයෝ සංවිධානය සඳහන් කරයි.

26 June 2018

බැදුම්කරවල ආයෝජනය ගැන ආචාර්යවරු පරීක්ෂණයක් ඉල්ලති

විශ්ව විද්‍යාල ප්‍රතිපාදන කොමිෂන් සභාව අර්ථසාධක අරමුදල අවභාවිත කරමින් බැදුම්කරවල ආයෝජනය කිරීම සම්බන්ධයෙන් ස්වාධීන පරීක්ෂණයක් සිදුකළ යුතු යැයි විශ්ව විද්‍යාල ආචාර්ය සමිති සම්මේලනය සඳහන් කරයි.

25 June 2018

මාතර පොලිස් වීරයාගේ දරුවන්ගේ අනාගතය ව්‍යාපාරිකයෝ බාරගනිති

මාතර නගරයේදී කොල්ලකරුවන් එල්ල කළ වෙඩි ප්‍රහාරයකින් ජීවිතක්ෂයට පත්වූ පොලිස් සැරයන් සුරංග ප්‍රදීප් වීරසිංහ මහතාගේ බිරිඳ හා දරු දෙදෙනාට රුපියල් ලක්ෂ 20 මුදලක් මාතර ව්‍යාපාරික ප්‍රජාව විසින් ලබා දීමට ඉදිරිපත්වී ඇති බව මාතර පොලිස් අධිකාරී කාර්යාලය පවසයි.

25 June 2018

ළඟම තැපැල් කාර්යාලට වාර්තා කරන්න - තැපැල්පති

තමන් සේවය කරන තැපැල් කාර්යාලවල රාජකාරීවලට වාර්තා කිරීමට අපහසු තැපැල් සේවකයින්ට ළඟම පිහිටි තැපැල් අධිකාරී කාර්යාලවලට වාර්තා කළ හැකි අතර ඒ වෙනුවෙන් අවශ්‍ය පහසුකම් සලසා තිබෙන බවද තැපැල්පති ඩි.එල්.පී ආර් අභයරත්න මහතා පවසයි.

25 June 2018

වෙඩි ප්‍රහාරයකින් මධූෂ්ගේ දකුණේ ප්‍රධානියා මරුට

දකුණේ ප්‍රබල පාතාල නායක මාකදුරේ මධූෂ්ගේ දකුණේ ප්‍රධානතම ගෝලයා වශයෙන් හැඳින්වෙන සුදුහකුරගේ මානෙල් රෝහණ හෙවත් තිලක් නැමැත්නා අද (25) රාත්‍රීයේ කඹුරුපිටිය අකුරැස්ස පාරේ විල්පිට රක්ෂිත ප්‍රදේශයේ විශේෂ කාර්ය බලකාය සමඟ ඇති වු වෙඩි හුවමාරුවකින් මියගොස් ඇති බව පොලිසිය කියයි.

25 June 2018

සංවර්ධන නිලධාරී කඩඉමේ වෙනසක් නෑ

සංවර්ධන නිලධාරී සේවයේ 1 වැනි කාර්යක්ෂමතා කඩඉම් විභාග කලින් තීරණය කර තිබූ පරිදි මේ මස 30 වැනිදින පැවැත්වෙන බව විභාග දෙපාර්තමේන්තුව සඳහන් කරයි.

25 June 2018

ළමාරක්ෂක අපේක්ෂකයෝ මහානාහිමිවරුන්ට දුක කියති

ජාතික ළමා ආරක්ෂක අධිකාරියේ ප්‍රාදේශීය ළමා ආරක්ෂක නිලධාරි තනතුරට තමන් තෝරාගෙන තිබියදී මාස හයකට අධික කාලයක් තිස්සේ සිය පත්වීම් අසාධාරණ ලෙස පමාකරමින් සිටීම ගැන මැදිහත්වන්නැයි ඉල්ලා පත්වීම් අපේක්ෂිත සුදුසුකම්ලාභීහු ත්‍රෛනිකායික මහා නාහිමිවරුන්ගෙන් ඉල්ලා සිටිති.

25 June 2018

ඇමැති ෆවුසිගේ නඩුවට අදාල ගොනුව උසාවියෙන් ඉල්ලයි

රාජ්‍ය අමාත්‍ය ඒ එච් එම් ෆවුසි මහතා සම්බන්ධ අල්ලස් නඩුවට අදාළ ජීප් රථය සම්බන්ධයෙන් ආපදා කළමනාකරණ අමාත්‍යාංශය මගින් පවත්වාගෙන යනු ලැබූ ලිපි ගොනුව අධිකරණය වෙත ඉදිරිපත් කරන ලෙස කොළඹ ප‍්‍රධාන මහේස්ත‍්‍රාත් රංග දිසානායක මහතා එම අමාත්‍යාංශයේ ලේකම්වරයාට නියෝග කළේය.

25 June 2018

පොලිස් නිලධාරීන් රෝහල්ගත කිරීමට ඉදිරිපත්වූ තිදෙනාට උපහාර

මාතර නගරයේ ස්වර්ණාභරණ වෙළඳ සැලක් මංකොල්ල කෑමට පැමිණි පාතාල කල්ලිය සමඟ ඇති වූ වෙඩි හුවමාරුවේදී තුවාල ලැබූ පොලිස් නිලධාරීන් රෝහල් ගත කිරීමට ඉදිරිපත් වූ සිවිල් වැසියන් තිදෙනෙකු ඇගයීම සඳහා මුදල් ත්‍යාග ලබා දීමට තීරණය කළ බව මාතර කොට්ඨාස භාර පොලිස් අධිකාරී ගයංග හසන්ත මාරපන මහතා පැවසීය.

25 June 2018

බස් වර්ජනය අවසන් නොකළොත් බලපත්‍ර අහෝසියි

බස් වර්ජනයට එක්වූ සියලුම දෙනාගෙන් එය නවතා දමනලෙස ඉල්ලා සිටින බවත් එසේ නොවන්නේ නම් හෙට සිට ධාවන බලපත්‍රය අවලංගු කිරීමට කටයුතු කරන බවත් ජාතික ගමනා ගමන කොමිසමේ සභාපති එම්.ඒ.පි.හේමචන්ද්‍ර මහතා පැවසීය.

25 June 2018

ශ්‍රීලනිපය කළා නම් එජාපයට බැරි ඇයි - ඇමැති නවීන්

ශ්‍රී ලංකා නිදහස් පක්ෂය 1994 දී සමෘද්ධි සහනාධාරය මත රැකියා ලබාදුන්නේ නම් එක්සත් ජාතික පක්ෂයට දැන් එය කළ නොහැක්කේ මන්දැයි වැවිලි කර්මාන්ත ඇමැති නවීන් දිසානායක මහතා ප්‍රශ්න කරයි.

25 June 2018

සංවර්ධන නිලධාරීහු කඩඉම් විභාගය කල් දමන්නැයි ඉල්ලති

සංවර්ධන නිලධාරී කාර්යක්ෂමතා කඩඉම් විභාගය තැපැල් වර්ජනය අවසන්වීමෙන් පසුව පවත්වන්නැයි සංවර්ධන නිලධාරී සංගමය ලිපියක් යොමුකරමින් විභාග කොමසාරිස්වරයාගෙන් ඉල්ලා ඇත.

25 June 2018

සිංගප්පූරු ගුවන්තොටේදී රෝහාන් වැලිවිටගෙන් ප්‍රශ්න කරයි

සී.එස්.එන් රූපවාහිනී නාළිකාවේ හිටපු සභාපති මෙන්ම හිටපු ජනාධිපති මහින්ද රාජපක්‍ෂ මහතාගේ මාධ්‍ය ලේකම්වරයාද වූ රොහාන් වැලිවිට මහතා සිංගප්පූරු ජාත්‍යන්තර ගුවන්තොටුපළේදී අද (25) අත්අඩංගුවට ගෙන පැය තුනකට පසුව මුදාහැර ඇතැයි ආරංචි මාර්ග සඳහන් කරයි.

25 June 2018

කොත්තුවක ගෙම්බෙක් - ආපන ශාලා හිමිකාරියට ඇප

අම්බලන්තොට ආපනශාලාවක කොත්තුවක ‍ ගෙම්බෙක් සිටීමේ සිද්ධිය සම්බන්ධයෙන් ආපනාශාලා හිමිකාරිනිය අත්අඩංගුවට ගෙන (25) හම්බන්තොට අධිකරණය හමුවට ඉදිරිපත් කිරීමෙන් පසු සැකකාරිය රුපියල් ලක්ෂ දෙකක ශරීර ඇප දෙකක් මත මුදා හැරීමට හම්බන්තොට මහේස්ත්‍රාත් නාලක සංජීව ජයසූරිය මහතා නියෝග කළේය.

25 June 2018

දේශපාලනඥයා අගයමින් පාසල්වලින් බැනරයක්

දකුණු පළාතේ දේශපාලනඥයකුට උපහාරයක් පුද කිරීමේ සිද්ධියක් පාදක කරගෙන සෑම පාසලකම එම දේශපාලනඥයාට උපකාහර පුද කිරීමට රුපියල් 4000ක වියදමින් බැනරයක් ප්‍රදර්ශනය කිරීමට උපදෙස් දී ඇතැයි ලංකා ගුරු සංගමය කියයි.

25 June 2018

හිටපු නියෝජ්‍ය ඇමැති සරණට වරෙන්තු

සංවර්ධන ලොතරැයි මණ්ඩලයේ සභාපතිවරයාව සිටිමින් රුපියල් අසූ ලක්ෂ අනූ පන්දහසක් වටිනා සුඛෝපභෝගී රථයක් ආනයනය කර සාවද්‍ය පරිහරණය කළැයි කියන සිද්ධිය සම්බන්ධයෙන් අධිකරණයේ පෙනී නොසිටි

25 June 2018

කරුණා පාර්ශවයේ තිදෙනාම නිදහස්

2010 ජනාධිපතිවරණයට ආසන්න දිනයකදී මාලිගාවත්ත ශ්‍රී බෝධිරාජාරාම විහාරස්ථානයේ ටී-56 ගිනි අවි, අත් බොම්බ සහ පතුරම් තොගයක් ළඟ තබාගත් බවට එම විහාරස්ථානයේ විහාරාධිපති හිමියන් සමඟ චෝදනා ලැබ සිටි ‘කරුණා‘ පාර්ශවයේ ආධාරකරුවන් බව කියන තිදෙනා කොළඹ මහාධිකරණ විනිසුරු සම්පත් විජයරත්න මහතා නිදොස් කොට නිදහස් කළේය.

25 June 2018

ජාතික විගණන කෙටුම්පත ලබන 05 වැනිදා විවාදයට

රටේ මහත් කතාබහට ලක්ව පවතින ජාතික විගණන පනත් කෙටුම්පත් ලබන මස 05 වැනිදා පාර්ලිමේන්තුවේදී විවාදයට ගැනීමට නියමිතය.

25 June 2018