අලුත්ගම ප්‍රදේශයේ පසුගිය දා ඇති වු කලබලකාරී වාතාවරණයෙන් විනාශයට පත් වු ව්‍යාපාරික ගොඩනැගිලි 35 ක් යළි යථා තත්වයට පත්කිරීමට සහයෝගය ලබා දීමට  ශ්‍රී ලංකාව ගුවන් හමුදාව තීරණය කර ඇත.

ගුවන් හමුදාපති එයාර්  මාර්ෂල් කෝලිත ගුණතිලක මහතාගේ උපදෙස් මත ඒ සඳහා ගුවන් හමුදා සාමාජිකයෝ  110 දෙනෙකු යොදවා ඇත.

මේ පිළිබඳව සොයා බැලීම සඳහා ගුවන් හමුදාපතිවරයා  අලුත්ගම ප්‍රදේශයේ නීරීක්ෂණ චාරිකාවක නිරත වු අතර එහිදී  ඔහු ප්‍රදේශවාසීන් සමග එක්ව  හානි වු ගොඩනැගිලි නිරීක්ෂණය කළේය.

අනතුරුව ඔහු  අළුත්ගම ඛෙල්ලන සංඝාවාසය සහ ධර්මපාල පිරිවෙනේ ඉදිකිරීම් කටුයුතු නිරීක්ෂනය කිරීමට එහි ගියේය. 

එහිදී එම ඉදිකිරීම් කටයුතු සඳහා  ගුවන් හමුදාවේ  ශ්‍රම දායකත්වය සැපයීමට   කටුකුරුන්ද කඳවුරේ ගුවන් හමුදා සාමාජිකයෝ  පිරිසක් යොමු කිරීමටද ගුවන් හමුදාපතිවරයා පියවර ගත්තේය.

මේ සඳහා   ගුවන් හමුදාපතිවරයා සමග ගුවන් හමුදා සිවිල් ඉංජිනේරු එයාර් වයිෂ් මාර්ෂල් සී.ආර් ගුරුසිංහ සහ කටුකුරුන්ද අණ දෙන නිලධාරී විංග් කමාන්ඩර් එම් බාලසුරිය යන මහත්වරුන්ද එක්වුහ.

 1 2 3 4 5 6 7 Aluthgama0