IMG-LOGO

2025 දෙසැම්බර් මස 15 වන සඳුදා


අවදානම් කළමනාකරුගෙන් සාක්කි විමසීමේදී පර්පෙචුවල් ට්‍රෙෂරීස් නිලධාරියා එළියට

(මනෝප‍්‍රිය ගුණසේකර සහ රන්ජන් කටුගම්පොළ)

ලංකා බැංකුවේ හිටපු අවදානම් කළමණාකරු ජේ.කේ. ධර්මපාල මහතා බැඳුම්කර කොමිසම හමුවේ දෙන සාක්කිය අසා සිටි පර්පචුවල් ටෙ‍්‍රෂරීස් සමාගමේ ප‍්‍රධාන විධායක නිලධාරී කසුන් පළිසේන මහතා කොමිසමෙන්  පිටතට  යැවීමට කොමිසම අද (07) පියවර ගත්තේය.

පර්පචුවල් ටෙ‍්‍රෂරීස් සමාගමේ ප‍්‍රධාන විධායක නිලධාරී කසුන් පළිසේන මහතා කොමිෂන් සභා ශාලාවට වී එහි කටයුතු සිදු වන අයුරු නීරීක්‍ෂණය කරමින් සහ ධර්මපාල මහතා බැඳුම්කර කොමිසම හමුවේ දෙන සාක්කිය අසා සිටින බව කොමිසමට දැනුම් නොදීම සම්බන්දයෙන් මහා බැංකුවේ හිටපු අධිපති අර්ජුන් මහෙන්ද්‍රන් මහතා වෙනුවෙන් පෙනී සිටි ජනාධිපති නීතීඥ නිහාල් ප‍්‍රනාන්දු මහතා කොමිසමට සිය කණගාටුව පළ කළේය.
 
දිවා විවේකයෙන් අනතුරුව කොමිසමේ කටයුතු ආරම්භ කළ අවස්ථාවේදී කොමිසම ඇමතූ කොමිසමේ සභාපති විනිසුරු කේ.ටී. චිත‍්‍රසිරි මහතා පර්පචුවල් ටෙ‍්‍රෂරීස් සමාගමේ ප‍්‍රධාන විධායක නිලධාරී කසුන් පළිසේන නමැත්තා කොමිෂන් සභා ශාලාවට වී එහි කටයුතු සිදු වන අයුරු නීරීක්‍ෂණය කරමින් සහ  ධර්මපාල මහතා බැඳුම්කර කොමිසම හමුවේ දෙන සාක්කිය අසා සිටින බවට පර්පචුවල් ටෙ‍්‍රෂරීස් සමාගම වෙනුවෙන් පෙනී සිටින නීතීඥවරයා කොමිසමට දැනුම් නොදීම බරපතල වරදක් යැයි පැවසීය.

ඒ අවස්ථාවේදී පර්පචුවල් ටෙ‍්‍රෂරීස් සමාගම වෙනුවෙන් පෙනී සිටින ජනාධිපති නීතීඥ නිහාල් ප‍්‍රනාන්දු මහතා කොමිසම අමතමින් මෙම සිද්ධියට සම්බන්ධ ප‍්‍රධාන පුද්ගලයෙකු වන අර්ජුන් මහෙන්ද්‍රන් මහතා කොමිසමට වී දෙන සාක්කි වලට සවන් දෙන්නේ යැයි කීය.

ධර්මපාල මහතාගෙන් හරස් ප‍්‍රශ්න විමසීමට පර්පචුවල් ටෙ‍්‍රෂරීස් සමාගමේ පළිසේන මහතාගෙන් උපදෙස් ලබා ගැනීමට අවශ්‍ය නිසා ඔහුට කොමිසමට පැමිණීමට දැනුම් දුන්නේ යැයිද පළිසේන මහතා මෙම කොමිසමට කැඳවුයේ ඒ හැර වෙනත් හේතුවකින් නොවේ යැයිද ජනාධිපති නීතීඥ ප‍්‍රනාන්දු මහතා කීය.

කෙසේ නමුත් පළිසේන මහතා මෙම කොමිසමට කැඳවීමෙන් කොමිසමට යම් අපහසුතාවයක් සිදුවුයේ නම් ඒ සම්බන්ධයෙන් ජනාධිපති නීතීඥ ප‍්‍රනාන්දු මහතා සිය කණගාටුව පළ කළේය.



අදහස් (0)

අවදානම් කළමනාකරුගෙන් සාක්කි විමසීමේදී පර්පෙචුවල් ට්‍රෙෂරීස් නිලධාරියා එළියට

ඔබේ අදහස් එවන්න

 

 
 

මේවාටත් කැමතිවනු ඇති

ශ්‍රී ලංකාව යළි ගොඩනැගීම වෙනුවෙන් HUTCH සමාගම රුපියල් ලක්ෂ 600 ක සුවිශේෂී මූල්‍ය දායකත්වයක් ලබා දෙයි 2025 දෙසැම්බර් මස 04 774 2
ශ්‍රී ලංකාව යළි ගොඩනැගීම වෙනුවෙන් HUTCH සමාගම රුපියල් ලක්ෂ 600 ක සුවිශේෂී මූල්‍ය දායකත්වයක් ලබා දෙයි

’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 575 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 460 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

Our Group Site