2024 නොවැම්බර් මස 27 වන බදාදා
2024 නොවැම්බර් මස 27 වන බදාදා
(කරන්දෙණිය එම් .සුසිල් ප්‍රියන්ත)
ලෝක කුසලාන 2011 තරගය ශ්‍රී ලංකා ක්‍රිකට් කණ්ඩායම පාවා දුන්නේද? නැද්ද? යන්න සෙවීම සඳහා ආරම්භ කෙරුණු විමර්ශනය ආණ්ඩුව මැදිහත්වෙලා යටගැසූ බවත්, එය තව දුරටත් පවත්වා ගෙන ගියහොත් තමන්ට අවාසි වන බව දැන්ගත් ආණ්ඩුව එය ඉදිරියට යාම වැළැක්වූ බවත්, ක්‍රීඩාව සම්බන්ධයෙන් බොරු චෝදනා කළහොත් රටේ ක්‍රීඩා නීතිය යටතේ වසර 3ක සිර දඬුවමකට යටත් කරන්නට හැකි බවත් හිටපු විදෙස් කටයුතු සම්බන්ධීකරන ලේකම් හා හිටපු පාර්ලිමේන්තු මන්ත්‍රි සජින් වාස් ගුණ්වර්ධන මහතා අද (4) අම්බලන්ගොඩ පැවති මාධ්‍ය හමුවකදී පැවසීය.
තවදුරටත් අදහස් දැක්වූ ගුණවර්ධන මහතා මෙසේ ද කීවේය.
‘‘හිටපු ජනපති මහින්ද රාජපක්ෂ මහතාගේ හිටපු විදෙස් කටයුතු සම්බන්ධීකරණ ලේකම් ලෙස මටත් 2011 ලෝක කුසලාන අවසන් මහා තරගය නරඹන්න අවස්ථාව ලැබුණා. එහිදි මට නම් දැක ගන්නට ලැබුනේ නැහැ... ඒ තරගය අපේ ශ්‍රී ලංකා කණ්ඩායම පාවා දුන්නා කියලා. ඉන්දියාවත් ලංකාවත් අතර පැවති 2011 ලෝක කුසලාන අවසන් මහා තරගය මම හොඳින් නැරඹුවා. එහිදි කිසිවිටකවත් අපේ කණ්ඩායම ඒ තරගය පාවා දුන්නා කියලා පොඩිම සැකයක්වත් අපිට ඇති වුනේ නැහැ. එක් අවස්ථාවකදී අපේ කණ්ඩායම ජයග්‍රහණයේ මාවතට පැමිණිලා සිටියා.
එය ඉන්දීය ක්‍රිකට් කණ්ඩායම නතර කරලා ජය ඒ අයගේ පැත්තට යොමු කර ගත්තා. ඒකයි එදා සිද්ධවුනේ. සිද්ධවෙන්න පුළුවන් දෙයක් තමයි එදා සිද්ධවුනේ. ක්‍රිකට් ක්‍රීඩාව ගැන මම විශාරදයෙක් නෙමෙයි. නමුත් ක්‍රිකට් කියන්නේ අවිනිශ්චිත ක්‍රීඩාවක් බව මම දැනගෙන සිටියා . එදා ඒ දේ සැබවින්ම අත්වින්දා. මා මිත්‍ර හිටපු ක්‍රීඩා ඇමති මහින්දානන්ද අලුත්ගමගේ මහතා මෙය නොදැන සිටීමයි මෙයට එකම හේතුව....
මහින්දානන්ද ඇමැතිතුමා දැන හෝ නොදැන මේ කළ වැඩෙන් අපේ රටේ ක්‍රිකට් ක්‍රීඩාවට ජාත්‍යන්තරයෙන් ලොකු බලපැමක් එල්ලවුණා. අපේ රටේ ක්‍රිකට් ක්‍රීඩකයින් පිළිබඳව ජාත්‍යන්තරය වැරදි විදිහටයි දැන් බලන්නේ. ලෝකයේ වෙන කොහේ රටක ක්‍රිකට් තරග පාවාදෙන ක්‍රිකට් ක්‍රීඩකයින් හිටියත් ලංකාවේ එහෙම නැහැ කියලා මුලු ලෝකයාම පිළිගෙන තිබූ අවස්ථාවක මා මිත්‍ර මහින්දානන්ද අලුත්ගමගේ කල වැඩේ සුලුපටු වැඩක් නෙමෙයි.
මම හිතන්නේ මේක දේශපාලනික ගේමක් . මේක පිටිපස්සේ ඉන්නේ කවුද කියල බලන්න ඕන. අපේ රටේ ක්‍රිකට් කණ්ඩායමට මේ වගේ චෝදනාවක් එල්ල කලේ දේශපාලනික වශයෙන් වාසි ලබා ගන්නයි. ඒකයි අවුරුදු 9ක් නිදාගෙන හිටිය හිටපු ක්‍රිඩා ඇමති මා මිත්‍ර මහින්දානන්ද අලුත්ගමගේ මේ අවස්ථාවේදීම අපේ ක්‍රිකට් ක්‍රීඩාවට බවුන්සර් පන්දුවක් එව්වේ. ඒ අය හිතුවේ නැහැ මේක ජාත්‍යන්තරයේ පවා මහත් ආන්දෝලනයකට ලක්වේවි කියලා. මේ චෝදනාවෙන් ලංකාව විතරක් නෙමෙයි ජාත්‍යන්තරයම ඇවිස්සුනා. එයින් ආණ්ඩුවට විශාල චෝදනා එමින් තිබුණා. ආණ්ඩුවට අපකීර්තිය ගලා ඒම සිද්ධවුණා. එයින් බේරෙන්නයි මේ වෙනුවෙන් සිදු කෙරුණු විමර්ශන හදියේම නතර කරන්න කටයුතු කරලා තියෙන්නේ. මේකත් ආණ්ඩුවේ මැදිහත්වීමක්. තව දුරටත් මේ විමර්ශණය ඉදිරියට ඇදිලා ගියහොත් ආණ්ඩුවට ලොකු අවාසියක් ජාතික හා අන්තර් ජාතික වශයෙන් වෙන නිසා හදිසියේම එය නතර කරන්න ආණ්ඩුව කටයුතු කළා.
අපේ රටේ ක්‍රිකට් ක්‍රීඩාවට එල්ල කළ මේ චෝදනාව බොරුනම් ක්‍රීඩා නීතිය යටතේ එය වසර 3ක සිර දඬුවමකට යටත් කරන්න පුලුවන් ලොකු වරදක්.‘‘ යැයි හිටපු පාර්ලිමේන්තු මන්ත්‍රි සජින් වාස් ගුණ්වර්ධන මහතා පැවසීය.
කඳුකර ප්‍රදේශයට ඇදහැලෙන ධාරානිපාත වර්ෂාවත් සමඟ මෙරට පංච මහා ජලාශයන්ගෙන් ප්‍රධානතම ජලාශය වන වික්ටෝරියා ජලාශය වාන්දැමීම ආරම්භ කළ බව එම ජලාශයේ කාර්යභා
මාදිවෙල මන්ත්‍රී නිල නිවාස සංකීර්ණයෙන් නිවාස ලබා ගැනීමට නවක මන්ත්‍රීවරුන් 80 දෙනෙකු අයදුම්පත් යොමු කර ඇතැයි පාර්ලිමේන්තුවේ උසස් නිලධාරියෙක් ලංකාදීප
කෝප් සහ කෝපා ඇතුළු පාර්ලිමේන්තුවේ ප්රධාන කමිටු පිහිටුවන යාන්ත්‍රණය වන තේරීම් කාරක සභාව( committee of selection) සඳහා නාම යෝජනා ඉදිරිපත් කරන ලෙස කතානායක සපුමල් රන්
නිෂ්පාදිත දිනය සහ කල් ඉකුත්වන දිනය වෙනස් කරන ලද කුරක්කන් ටොන් 22ක් සහ කූනිස්සන් කිලෝග්‍රෑම් 975ක් කොටහේන ප්‍රදේශයේදී වෙළඳපලට නිකුත් කරමින් තිබියදී වැටල
සිය නිවසේ දී සිදුවූ විදුලි සැර වැදීමකින් ගල්කිරියාගම පුබ්බෝගම ප්‍රදේශයේ කාන්තාවක අද (27) මියගිය බව ගල්කිරියාගම පොලිසිය පවසයි.
පරිසර අමාත්‍යාංශයේ ලේකම්වරයා ලෙස කේ.ආර්. උඩුවාවල මහතාත්, විද්‍යා හා තාක්ෂණ අමාත්‍යාංශයේ ලේකම්වරයා ලෙස වයි.එල්.මොහොමඩ් නවාවි මහතාත් ජනාධිපති අනුර දිස
2024 නොවැම්බර් මස 05
563
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
766
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ආණ්ඩුවට වන අවාසිය නතර කරන්න විමර්ශන නතර කළා
අනුහස් Saturday, 04 July 2020 08:52 AM
පාවාදීමක් සිදු නොවන්නට ඇති. එදා ක්‍රීඩා කලේ සුහද ප්‍රදර්ශනාත්මක ක්‍රිකට් තරගයක්. අවුරුදු 9කට කලින් සිදුවූ දෙයක්නේ. අමතක කර දැමීම තමයි වඩාත්ම සුදුසු... ඒත් මේ වෙනම කතාවක්... එනම් පක්ෂ පාට නොබලා අධි පොහොසතුන් වූ සියලුම දේශපාලකයින් සම්බන්ධයෙන් විමර්ශන කෙරිය යුතුමයි. මෙවන් ප්‍රයෝග වලින් ඒවා යටපත් වීමට ඉඩ නොහැරිය යුතුයි.
මාලනී හේවාමල්ලිකා Saturday, 04 July 2020 10:07 AM
ගරු සජින් මැතිඳුනි, විකට්ටුව පිටුපස සිටි සංගක්කාරයන් අරතරම් කැච් මිස් කලේ ඇයි? බෝක්කු යැව්වේ ඇයි?
AmaraSaturday, 04 July 2020 11:11 AM
බෝක්කුනම් මොනවද මංගලිකා...?
SreemalSunday, 05 July 2020 04:26 AM
ක්‍රිකට් ගහපු අයගෙන් අහගන්න බෝක්කු කියන්නේ මොනවද කියලා.. කකුල් දෙක අතරින් පන්දුව යවනවට තමයි බෝක්කු අරිනවා කියන්නේ. ඔය ප්‍රශ්නය අපිටත් තියෙනවා. සංගක්කාර 2007 අවසන් තරගයත් හරියට කළේ නැහැ. එදත් අතහැරියා
Tharindu PereraSaturday, 04 July 2020 11:14 AM
දේශපාලන වහල්භාවයෙන් පෙළෙනකොට ඔහොම සැක මතුවෙන එක පුදුමයක් නෙවෙයි. එතකොට තමයි දේශප්‍රේමය තවරාගත්ත අයගේ රෙදි ගැළවෙන්නේ. තමන්ගේ දේශපාලන කඳවුරට විරුද්ධ වෙන හැම රටවිරුවාටම, සුවවිරුවාටම සහ රණවිරුවාටම වෙන්නේ දේශද්‍රෝහියන් කියන ලේබලේ වදින එකයි.
SreemalSunday, 05 July 2020 04:28 AM
තරිඳු, ඔය තරගය බැලුවේ නැතිනම් බලන්න. 2007 එකත් බලන්න. ඊට පස්සේ කියන්න වහල්ලු කවුද කියලා.
PrabaSunday, 05 July 2020 03:35 AM
අනේ මන්දා. චෝදනාව කරපු ඇමතිතුමා කියනවා ක්‍රීඩකයින් සම්බන්ධ නෑ කියලා. මෙතුමිය කියනවා සංගක්කාර උඩපන්දු අත හැරියා කියලා. උතුර, දකුණ මාරුවෙලා.
AnuruddaSunday, 05 July 2020 07:35 AM
එහෙනම් 2007 ලෝක කුසලානයත් පවා දුන්නා කියන්නකෝ.
Palitha Saturday, 04 July 2020 11:01 AM
මහින්දට හේත්තු වෙලා මහින්දවත් විනාශකළ දේශපාලන පරපෝෂිතයින් එළිබැහැලා..
NuwanSaturday, 04 July 2020 12:52 PM
මහින්දට තොත්ත බබා නේද?
නොකවුට් Saturday, 04 July 2020 11:41 AM
අසාමාන්‍ය කැච් මිස් කලේ බෝක්කු යැව්වේ ඇයි?
narada Saturday, 04 July 2020 12:05 PM
මේ අර ක්‍රිස් නෝනිස්ට ගහපු කෙනානේ... මහින්දගේ කාලේ හොරකම් කළානේ... මෙයා කියන ඒවා අහන්නේ කවුද?
karu Saturday, 04 July 2020 12:22 PM
මුට්ට කරගහලා, පස්සේ දේශපාලනයට ඇවිත් හොරකම් කළ අයට වංචා ගැන කතාකරන්න තියෙන අයිතිය කුමක්ද?
Wasantha Saturday, 04 July 2020 01:33 PM
මෙතුමා සහ මෙතුමා වගේ අය කිසිදෙයක් නොකර මෙහෙම කෝටිපතියෝ වුණේ කොහොමද කියලත් හොයන්න ඕනේ...
gundaWednesday, 08 July 2020 01:38 AM
වසන්ත, මෙයා කෝටිපති වුණේ මහින්ද නිසා... මොන හැකියාවන් තිබුණටද මොහු විදේශ කටයුතු අමාත්‍යාංශයේ සම්බන්ධීකරණ ලේකම් කළේ? මොනතරම් සොරකම්වලට අහුවුණාද? අපරාදේ ගෝඨාභය මහත්තයාට රට කරන්න දෙන්නේ නැති එක තමයි දුක...
විසල් Saturday, 04 July 2020 02:13 PM
සමහර ක්‍රීඩකයන් තමුන්ටත් පගාව දෙන්න උත්සාහ කලා කියලා මුලින්ම ICC යට දැන්වූ වීර ක්‍රීඩා ඇමැති කෙනෙක් යහපාලනය කාලයේ හිටියා. එයයි සැබෑ පවාදීම.
සමන්ත Saturday, 04 July 2020 07:27 PM
මේ කියන කථාව ඉතාම වැදගත්. මෙතන සංඝා හෝ මහේල ගැන කතාවක් නෙමේ තියෙන්නේ.
විජේ Saturday, 04 July 2020 10:18 PM
හිරේ යනවනං යන්න තව කට්ටිය ඔය ඕනෙතරම් ඉන්නෙ.
kuma Sunday, 05 July 2020 01:25 AM
මෙයා හිරේගිහින් ආව කෙනෙක්ද? හිරේ ඉන්න ඕනෑ කෙනෙක්ද?
Senarath Sunday, 05 July 2020 03:48 AM
මේ වගේ හොරුන් කොහොමද අද ක්‍රිකට් දූෂණ ගැන කරපු පැමිණිල්ල විවේචනය කරන්නේ? අවංකවම දේශපාලනය කළ කෙනෙක් කතා කළා නම් ප්‍රශ්නයක් නැහැ.
Samira Sunday, 05 July 2020 03:48 AM
හරි හරි ඒවා අපි බලාගන්නම්.
සමිත සේනක අලුත්ගමගේ. Sunday, 05 July 2020 04:11 AM
ඔබ දැන් මෙසේ කීවත්, කලින් පැත්තේ සිටියදී ඔබ හොඳට මුදල් මුදල් හදල් ගොඩ ගහ ගත්තු කෙනෙක්.... මහින්දානන්ද වැරදි ඇති ... ඒත් ඔබ නිවැරදිද? සාමාන්‍ය මට්ටමේ සිටි ඔබ මේ තරම් මහා ධන සම්භාරයක් උපයා ගත්තේ කෙසේද කියන්න.
palitha Sunday, 05 July 2020 07:23 AM
කරන්න තියෙන ඔක්කොම වෑඩ කරලා, දෑන් එනව බබා පාට් දාන්න. මිනිස්සු දන්නවා.