ඒ.එස්.පී.ගේ වැරදි නියෝග ක්‍රියාත්මක නොකළ අයිපී මාරු

(සිරාජ් හසීම්)

කේරළ ගංජා ජාවාරමකට සැකපිට අත්අඩංගුවට ගත් වෑන් රියක් මුදා හරින ලෙස උසස් පොලිස් නිලධාරියෙකු කළ අනිසි බලපෑමක් ක්‍රියාත්මක නොකළ කිලිනොච්චි කොට්ඨාසයේ පොලිසියක පොලිස් පරීක්ෂකවරයකු කන්කසන්තුරේ කොට්ඨාසයට ස්ථාන මාරු කර ඇතැයි පොලිස් ආරංචි මාර්ග කියයි.

මෙම පොලිස් පරීක්ෂකවරයා කිලිනොච්චි කොට්ඨාසයේ පොලිසියක සේවය කරමින් සිට ඇති අතර ගංජා ජාවාරමට අදාළව වෑන් රිය අත්අඩංගුවට ගත් දිනයේ එම පොලිසියේ ස්ථානාධිපතිවරයා නිවාඩු ගොස් සිටි බව පොලිසිය පවසයි.

ගංජා කිලෝග්‍රෑම් හැටක් සහ ප්‍රවාහනය කළ වෑන් රිය අත්අඩංගුවට ගත් පොලිස් පරීක්ෂකවරයා නිසි ආකාරව විමර්ශන සිදු කර සටහන් තබා ඇති අතර අත්අඩංගුවට ගත් වාහනය මුදා හරින ලෙස පොලිස් ස්ථානාධිපතිවරයකු දුරකතනයෙන් උපදෙස් දී තිබේ.
එම ස්ථානාධිපතිවරයා පොලිස් පරීක්ෂකට එම නීති විරෝධී නියෝගය දී ඇත්තේ සහකාර පොලිස් අධිකාරීවරයකුගේ කීමට බවත්, නීති විරෝධී නියෝගය අහක දැමූ පොලිස් පරීක්ෂකවරයා තමාට පැමිණි බලපෑම් ගැනද සටහන් තබා ඇති බවත් එම පොලිසියේ නිලධාරියෙක් පැවසීය.

අදහස් (7)

ඒ.එස්.පී.ගේ වැරදි නියෝග ක්‍රියාත්මක නොකළ අයිපී මාරු

Shan Tuesday, 04 April 2017 06:23 AM

මේ වගේ හොර නිලධාරීන් නිසා තමයි පොලිසිය පිරිහෙන්නේ.

: 0 27

nihal Tuesday, 04 April 2017 06:31 AM

නීතිය නොනමන ඔබ පොලිස්පති ධූරයටත් සුදුසුයි.

: 1 168

wedage Tuesday, 04 April 2017 06:49 AM

කෝ එතකොට පොලිස් කොමිසම - ලොක්කන්ට ඕන විදියට මාරුකරන්න බෑ නේද

: 4 49

kumar (galf) Tuesday, 04 April 2017 06:51 AM

දැන් නීතිය ක්‍රියාත්මක වෙන්නේ කාගේ වාසියටද?

: 0 27

asitha Tuesday, 04 April 2017 07:17 AM

මේකටද නිතිය නවනවා කියන්නේ

: 0 10

mahinda Tuesday, 04 April 2017 08:52 AM

පොලිස් පති තුමනි දැන් ඔබේ වාරය. මේ ගැන ඔබ මොකද ජනතාවට කියන්නේ ?

: 0 8

ravin Tuesday, 04 April 2017 01:28 PM

පොලිස්පතිතුමනි !!! සටහන් ටික පරික්ෂාකර/ විභාගකර ස්ථානාධිපති වරයාට/ සහකාර අධිකාර වරයාට සහ පරීක්ෂක වරයාට සුදුසු ප්‍රවර්දන(හෝ?) ලබාදීමෙන් පොලිසියේ ගෞරවය රැකගන්න.

: 0 5