2024 නොවැම්බර් මස 24 වන ඉරිදා
2024 නොවැම්බර් මස 24 වන ඉරිදා
(අජිත්ලාල් ශාන්තඋදය)
කළුගඟේ හැරනියාවක ප්රදේශයේ මැණික් ගැරීමට ටෙන්ඩර් ලබා දී ඇත්තේ කෝටි දොළහ හමාරකට වුවත් මැණික් ඉල්ලම් ගත්තහොත් කෝටි 1500ක 2000ක මහා අලාභයක් අනාගතයේ දී රටට විඳින්නට සිදුවන බව සබරගමු පළාත් සභා එජාප මන්ත්රී සිරිපාල කිරිඇල්ල මහතා පවසයි.
“මෙතන ගැඹුර තැනක්. ගං පතුලේ ඉඳලා අඩි 50ක් 60ක් යටට ඉල්ලම ඇතැයි කියලා විශ්වාස කරනවා. ඒ ඉල්ලම මඩ, වැලි සහ පස් එක්ක මිශ‍්‍රවෙලා තියෙන්නේ. ඒ ටික ගත්තොත් ගංඟාවේ ඉවුරු කඩා වැටෙන එක අනිවාර්යයි. එහෙම වුණොත් ඉවුර දෙපැත්තේ ඉඩම්වල තියෙන ගෙවල් 100කට විතර හානි වේවි. ඒවා පිටුපස කන්ද නායයාවි. හැරනියාවක පාලම සහ ඊට ඉහළින් අලූතින් ඉදිකළ පාලමට හානි වේවි. මේ කරන්නේ අනාගත ව්‍යසනයකට අතවැනීමක්“
“වාරිමාර්ග දෙපාර්තමේන්තුව, මාර්ග සංවර්ධන අධිකාරිය, පරිසර අධිකාරිය මේ පතල් කැපීමට සම්පූර්ණයෙන්ම විරුද්ධයි. භූවිද්‍යා හා පතල් කැනීම් කාර්යාංශය වගේම ගොඩනැගිලි හා පර්යේෂණායතනය මේ ගැන වාර්තා ලබා දියයුතුයි. මෙතන පතල් කැපීමෙන් අපි ඔය කිව්ව හානි කිසිවක් වෙන්නේ නෑ කියලා ඔය ආයතන සියල්ලම සහතික වෙනවානම් පතල් කැපුවට අපි විරුද්ධ නෑ. ඒ නිසා දැනටමත් ආයතන තුනක් විරුද්ධ වෙලා තියෙද්දි මේ අනාගත විනාශය ගෙනෙන ක‍්‍රියාවට ඉඩ දෙන්න එපා.“
හැරනියාවක පාලම සහ ඊට කිලෝමීටරයකට පමණ ඉහළින් කෝටි ගණනක් වැයකර කළු ගඟ හරහා ඉදිකළ පාලම අතර කළුගඟේ පතුලේ ඇති මැණික් ඉල්ලම් ගැනීමට පසුගිය 12 වැනි දා ජාතික මැණික් හා ස්වර්ණාභරණ අධිකාරිය මගින් පෞද්ගලික සමාගමකට කෝටි දොළහ හමාරකට ටෙන්ඩර් දී ඇත්තේ කිරිඇල්ල ප්රාදේශීය සම්බන්ධීකරණ කමිටුවේ දැඩි විරෝධය මත බව ද කිරිඇල්ල මහතා පැවසුවේ ය.
“මෙතන මැණික් නිධානයක් ඇති බවටයි මැණික් ක්ෂේත්‍රයේ අයගේ විශ්වාසය. වාරිමාර්ග දෙපාර්තමේන්තුව, මාර්ග සංවර්ධන අධිකාරිය, පරිසර අධිකාරිය, භූවිද්‍යා හා පතල් කැනීම් කාර්යාංශය සහ ගොඩනැගිලි හා පර්යේෂණායතනය කියනවා නම් පතල් කැපීමෙන් අපි කියන හානිය වෙන්නේ නෑ කියලා මේක සොච්චම් මුදලකට ටෙන්ඩර් දාන්න එපා. රජයට ආදායම එනවිදියට නියාමන ක‍්‍රමයට හෝ වෙනත් ක‍්‍රමයකට ඉඩදීලා ඒ ආදායම රජයට ගන්න.අපි මේ විරුද්ධ වෙන්නේ දේශපාලන වාසි ගන්න නෙවෙයි. අපි දේවත්වයෙන් පරිසරයට ආදරෙයි. “යැයි ඒ මහතා ප්‍රකාශ කරයි.
නිසි අයුරින් පාරිසරික වාර්තා ලබා නොගෙන මැණික් කැපීම සඳහා ටෙන්ඩර් මගින් කෝටි දොළහ හමාරකට ලබාදීම ගැන නැවත සලකා බලන්නැයි තමන් ජනපති,අගමැති ඇතුළු රජයෙන් දැඩි අවධානයෙන් ඉල්ලා සිටින බවද ඒ මහතා කීය.
ව්‍යාජ 5000 මුදල් නෝට්ටුවක් රැගෙන රටබීම මිලදී ගැනීම සදහා අලෙවිසැලකට පැමිණි පුද්ගලයින් දෙදෙනෙකු අත්අඩංගුවට ගත්බව උහන පොලිසිය පවසයි.
වෙළෙඳ පොළේ බිත්තර මිල යලි ඉහළ ගොස් ඇතැයි පාරිභෝගිකයෝ පවසති.
තේ දළු නෙලමින් සිටි වතු කම්කරුවන් පිරිසකට එල්ල වු බඹර ප්‍රහාරයකින් තුවාල ලැබු වතු කම්කරු කාන්තාවන් හත්දෙනෙකු බගවන්තලාව ප්‍රාදේශිය රෝහල වෙත ඇතුලත් කර
ගිනිකොණ දිග බෙංගාල බොක්ක ආශ්‍රිතව මේ වන විට අඩු පීඩන කලාපයක් නිර්මාණය වී ඇතැයි කාලගුණ විද්‍යා දෙපාර්තමේන්තුව පෙන්වා දෙයි.
ජනාධිපතිතුමා, අගමැතිතුමිය, ඇමතිවරු, නියෝජ්‍ය ඇමතිවරු හා අපේ මන්ත්‍රිවරු 159 දෙනාම වැටුප් ගන්නේ නැති බවත් එම මුදල් පොදු අරමුදලකට බැර කරණවා යැයි ධීවර ජලජ
ප්‍රවීණ මෙන්ම ජ්‍යෙෂ්ඨතම බැංකුකරුවකු වන දමිත් පල්ලෙවත්ත මහතා, HNB බැංකුවේ ප්රධාන විධායක නිලධාරියා ලෙස එම තනතුරට පත් කිරීමට මහ බැංකුවේ අනුමැතිය හිමිවි
2024 නොවැම්බර් මස 05
500
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
720
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
කෝටි 12 කට ටෙන්ඩරයක් දී මහා විනාශයකට අත වනයි
siri Sunday, 13 August 2017 08:19 AM
මෙතුමාගේ උත්සාහය සපල වේවායි පතමි. එ්ත් සමහර විට ඔබගේ ඉල්ලීම "බීරි අලින්ට වීණා වැයුවා වගේ" වෙන්නත් බැරි නැහැ.
raveendra Sunday, 13 August 2017 08:20 AM
කරුණාකර මෙය අනුමත කල මේවාකළ අයගේ නම් ගම් මාධ්‍යයට හෙළිකරන්න.
abaran Sunday, 13 August 2017 09:01 AM
සිරිපාල මහත්තයෝ පරෙස්සමෙන්... පක්ෂයේ ඇතුලේ ඉඳගෙන ඔය දැලිපිහියෙන් කිරිකනවා වාගේ වැඩක්....
raveendraSunday, 13 August 2017 10:25 AM
ඔබගේ අදහසට අප හට එකඟ විය නොහැක. පක්ෂය මෙතනට කොහෙත්ම අවශ්‍ය නැත. කවුරු කළත් හොඳ දේට හොඳ කීමට අපි පසුබට නොවෙමු. එලෙසම වැරදි දේට වැරදියි කීමටද අපි පසුබට නොවෙමු. රනිල්ගේ පක්ෂයද, මෛත්‍රීගේ පක්ෂද අනුරගේ පක්ෂයද අපට අදාල නැත.
Anton austria Sunday, 13 August 2017 11:33 AM
අද දැක්කේ මහත්මා ගතියක් තියෙන මහත්මයෙක්ව... ස්තුතියි ඔබට ...!!! අපේ රටේ ගොඩක් මිනිසුන්ට තියෙන්නේ බෙදාගත් දේශපාලනයක්... මං මේකේ අරයා, අරහේ කිව්වට... බොළඳ මිනිසුනේ කවුරු අාවත් අපට ඕනේ අපේ රට හැදෙන්නයි. අපි එහෙම හිතුවේ නැතිනම් හැමදාමත් නොදියුණු රටක් !
abaranSunday, 13 August 2017 11:56 AM
ඔබ සිරිපාල යයි මම අනුමාන කරමි!! කමක් නැහැ නොබියව වැඩේ කරන්න....
raveendraSunday, 13 August 2017 01:16 PM
අබරන් මයා වෙත. ඔබගේ අනුමානය 100% ම වැරදි බව කණගාටුවෙන් පවසමි. නිවැරදි දෙය දැකීමට... නිවැරදි දෙයට තම කැමැත්ත ප්‍රකාශ කිරිමම ප්‍රමුඛත්වය දෙන්නෙමි. මෙතෙක් කලක් මා තව කෙනෙකුගේ නමින් පෙනී නොසිටි අතර මෙයමගේ නියම නම බව නොබියව සඳහන් කරමි. මා මගේ රටට ආදරය කරන පුරවැසියකු වන්නෙමි. එබැවින් අප රටේ මුල් පුරවැසියාට වුණත් හොඳ දේ හොඳය සහ නරක දෙය නරකය කීමට මා නොපැකිළෙමි. " කවුරු" බලයට පත් වුණත් මට එය අදාල නැත. මොකද මා මෙතෙක් කල් කිසිම "දේශපාලකයෙකුගෙන් " සතයක දෙයක් වත් ලබාගෙන නොමැති අතර ලබාගැනීමටද බලාපොරොත්තු නොවෙමි. පුරාදශක දෙකකටත් වැඩි කාලයක් මව්බිමෙන් ඈත්ව සිටින අප මව්බිමේ සිදුවන සෑම දෙයක් ගැනම ඉතා සංවේගයෙන් බලාසිටින අතර නොබියව අදහස් ද ප්‍රකාශ කරන්නෙමු.
ලුම්බිණි Sunday, 13 August 2017 09:38 AM
වාරිමාර්ග දෙපාර්තමේන්තුව, මාර්ග සංවර්ධන අධිකාරිය, පරිසර අධිකාරිය මේ පතල් කැපීමට සම්පූර්ණයෙන්ම විරුද්ධ නම් කොහොමද මේක වෙන්දේසි කලේ?
kalpa Sunday, 13 August 2017 11:37 AM
ප්‍රාදේශිය කමිටුව විරුද්ධ වුනත් අපි පසුගිය අවුරුදු දවස්වල දැක්කා වර්තමාන උසස් අධ්‍යාපන ඇමතිතුමාගේ අයිතිය තිබිල දැනට විකුණපු ඉඩම ඉදිරිපිට ගඟේ අනෙක් ඉවුරේ ප්රාදේශීය ලේකම් කාර්යාලය ආසන්නව ප්රදේශයේ ආරක්ෂාව භාර නිලධාරීන් අනවසරයෙන් ගඟ ඉවුරේ පතල් කප්පවනවා. මොකද ඒ ගැන නොකිව්වේ?
raveendra Sunday, 13 August 2017 01:26 PM
ඇන්ටන් මහත්මාවෙත, ඔබගේ අදහස පිළිබඳව ස්තුතිවන්ත වෙමි. අප අපගේ මව්බිම දෙස ඉතා ඕනෑකමකින් බලා සිටින්නේ එය ඔබේත්, මගේත්, අප සියලුදෙනාගේත් මාතෘභූමිය බැවින්ය. ජරාජීර්ණ, අශීලාචාර දේශපාලකයන්ගේ දඩබිමක් වී ඇතිබැවින් එය පිළිබඳව කණගාටු වෙමි.
de silva berlin Sunday, 13 August 2017 04:13 PM
කොටි 12 කට කළු ගඟ හාරන්න ඉඩ දෙන්න එපා , ඕක කරලා නය ගිහින් පළාතම විනාශ වුනහ ම මොකද කරන්නේ ? රටේ ගඟ වල සහ ගන් ඉවුරක සිට අඩුම තරමේ මීටර් 50 ක්වත් සීමාවක පතල් කැනීම ටහනම් කරන නීති ගෙන එන්න ,
akila Monday, 14 August 2017 12:03 AM
අපේ පාර්ලිමේන්තු මන්ත්රී කෙනෙක් පරිසරය ගැන හිතනවා මේ දැක්කමයි , සමහර විට ඔයාව ඕකට සම්බන්ද කර නොගත්ත හින්ද තරහටද දන්නේ නැහැ
සුනිල් පෙරෙරා Monday, 14 August 2017 01:34 AM
පරිසර අරක්ශන බලපත්‍රයක් නොමතිව මෙවනි ක්‍රියකරකම් සිදුකල නොහෙක