(සුජිත් හේවාජුලිගේ සහ අංජුල මහික වීරරත්න)
කොටස් වෙළඳපොළ ආයෝජයනය 6 ශ්රේණියේ සිට පාසල් විෂය නිර්දේශයට ඇතුළත් කිරීමට කටයුතු කෙරෙමින් පවතින බව ආර්ථික අර්බුදයේ බලපෑම සමනය කිරීම පිළිබඳ ආංශික අධීක්ෂණ පාර්ලිමේන්තු කාරක සභාවේ සභාපති රත්නපුර දිස්ත්රික් පාර්ලිමේන්තු මන්ත්රී ගාමිණී වලේබොඩ මහතා පැවසීය.
ආර්ථික අර්බුදයේ බලපෑම සමනය කිරීම පිළිබඳ ආංශික අධීක්ෂණ කාරක සභාව පාර්ලිමේන්තු මන්ත්රී ගාමිණී වලේබොඩ මහතාගේ ප්රධානත්වයෙන් පසුගිය (19) වැනිදා පාර්ලිමේන්තුවේදී රැස්විය. මෙම තොරතුරු අනාවරණය වූයේ එම රැස්වීමේදීය.
ශ්රී ලංකා සුරැකුම්පත් සහ විනිමය කොමිෂන් සභාවේ ප්රධානීහු එදින එම කාරක සභාව හමුවට කැඳවනු ලැබ සිටියහ. කොළඹ කොටස් වෙළඳපොළ ප්රගතිය වර්ධනය කිරීම වෙනුවෙන් ශ්රී ලංකා සුරැකුම්පත් සහ විනිමය කොමිෂන් සභාවට ගතහැකි ක්රියාමාර්ග පිළිබඳව එහිදී කාරක සභාවේ අවධානය යොමුවිය.
කොටස් වෙළඳපොළ ආයෝජනයන් හා ක්රියාකාරීව සම්බන්ධවන ආයෝජකයන් සංඛ්යාව පිළිබඳව සෑහීමකට පත් විය නොහැකි බව ඊට සහභාගිවූ නිලධාරීහු පෙන්වා දුන්හ. මෙහිදී නිලධාරීන් අමතමින් කාරක සභාවේ සභාපතිවරයා පෙන්වා දුන්නේ රටේ දළජාතික නිෂ්පාදනයට වැඩි බලපෑමක් ඇති ක්ෂේත්ර හඳුනාගෙන ඒවායෙන් වැඩි දායකත්වයක් රටේ ආර්ථිකයට ලැබෙන ආකාරයෙන් උපාය මාර්ගික සැලසුමක් සකස් කිරීම ඉතා වැදගත් බවයි.
රටේ ආර්ථිකය බේරන්න ගියොත් මිනිසුන් තරහ කරගන්න සිදුවන බව හිටපු ජනාධිපති එක්සත් ජාතික පක්ෂ නායක රනිල් වික්රමසිංහ මහතා එජාප නිලධාරීන් හමුවේ ප්රකාශ කර
අකුරැස්ස සියඹලාගොඩ - පිටබැද්දර මාර්ගයේ බෝපගොඩ මංසන්ධිය ආසන්නයේදී අද සැන්දෑවේ සිදුවූ මාරක රිය අනතුරින් පාසල් ගුරුවරියක හා ඔහුගේ සැමියා මියගොස් ඇතැයි
ණය ප්රතිව්යුහගතකරණ වැඩ සටහන ඉදිරියට ගෙන යාම සඳහා, අදාල පාර්ශව සමග සාකච්ඡා කර ණය සහන ලබා ගැනීමට කටයුතු කරන බව ජනාධිපති අනුර කුමාර දිසානායක මහතා ජාතිය
පොල්ගොල්ල වේල්ලට පහළින් ජලාශයට බැස දියකෙළියේ යෙදෙමින් සිටි මිතුරන් පස් දෙනකු අතරින් දෙදෙනෙකු ජල පහරේ ගසාගන්න ගොස් අතුරුදන් වී ඇති බව වත්තේගම පොලිසිය
ජාතික රූපවාහිනී සංස්ථාවේ නව සභාපති ලෙස ශ්රී ජයවර්ධනපුර විශ්ව විද්යාලයේ ජ්යෙෂ්ඨ කථිකාචාර්ය සෙනෙෂ් දිසානායක බණ්ඩාර මහතද , ස්වාධීන රූපවාහිනියේ සහ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
කොටස් වෙළෙඳපොළ පාසල් පොතට
sam Monday, 01 July 2024 12:23 PM
අපේ හාමුදුරුවනේ, ලිංගික අධ්යාපනයට විරුද්ධ වුණා වගේ මේකටත් විරුද්ධ වෙන්න. කොටස් වෙළඳපොළ කියන්නේ සූදුවක්...!
SACHITH Monday, 01 July 2024 12:53 PM
ඉතාම හොඳ තීරණයක්, මේවාගේ දේවල් ගැන හොඳ අවබෝධයක් තියෙන එක හොඳයි පොඩි වයසේ ඉදලාම
BALANGODA Monday, 01 July 2024 12:56 PM
මේ මිනිහත් ප්රසිද්ධ වෙන්න ලොකු දැඟලිල්ලක් තියෙන කෙනෙක් . කොටස්වෙළඳපොළ ගැන උගන්වන්න ඕනේ පාසලේ උසස්පෙළ පන්තිවලදී . ඊට වැඩිය නරකද උන්නැහේ ළමයින්ට සාමාන්ය නිතිය ගැන එහෙම නැත්නම් විනය ගරුකව හැසිරීමේ වැදගත්කම. සහකම්පනය වගේ දේවල් ඔයවගේ පොඩි පන්තිවල ළමුන්ට ඉගැන්නුවොත් ?
Chandanie Monday, 01 July 2024 05:32 PM
අපි ගමේ සාමාන්ය පෙළ විභාගය කල කාලයේ අපේ පාසල් වල තිබුනේ අංක ගණිතය කියලා විෂයයක් පමණයි. ඉතින් ජේ.ඊ ජයසූරිය මැතිතුමා ලියූ අංක ගණිතය පොත තනිවම කියවා තේරුම් ගෙන තමයි විභාගය ලිව්වේ. පාසලේදී ඉගැන්වීම උසස්ම අන්දමින් තිබුණා වුණත් ජයසූරිය පොතේ ආකාරයට ස්වයං අධ්යාපනය හරිම පහසුයි... උදාහරණයක් පැහැදිලි කර ගණන් ප්රමාණයක් හදන්න අනුබල දීම එමගින් සිදුවුණා. එම පොතේ කොටස් වෙළඳාම ගැන තරමක් පැහැදිලි කර තිබුණා. එය ව්යාපාර වස්තු ලෙසට තමයි තිබුණේ... ඇත්තටම ගණිතය විෂය වෙනුවෙන් හා ආර්ථික විද්යාව මගින් දරුවන්ට එම දැනුම දෙනවා නම් ඉතාමත් හොඳයි. මන්ත්රිතුමා කළ යෝජනාව ඉතාමත් කාලෝචිත එකක් කියන්න පුළුවන්. තවත් එකක් මම කොළඹ කොටස් වෙළඳපොළ වැඩ සටහන් කීපයක් සඳහා සහභාගි වෙලා තියෙනවා. ඒත් ඉතින් එය කරන ආකාරය ප්රායෝගිකවම ලබාදෙන දැනුම නම් ප්රමාණවත් නැහැ. අඩුම ඔන්ලයින් මගින් සහන මිලකට අවශ්ය අයට පාඨමාලා කරන්න පුළුවන් නම් ඉතාමත් හොඳයි. නිදහස් අධ්යාපනය යටතේ උගන්වා රැකියා සපයා විදෙස්ගත කිරීමට වඩා මෙවැනි පාඨමාලා ආරම්භ කර රටේ සංවර්ධනය කරන්න පුළුවන් නම් හොඳයි...
සමන් Monday, 01 July 2024 08:58 PM
මෙහෙමත් පිස්සො ටිකක්. 6 වසරේ ළමයින්ට දරාගන්න පුළුවන් ප්රමාණයක් විෂය නිර්දේශයට ඇතුළු කළොත් ඔවුන් හොඳින් ඉගෙන ගනියි. කොටස් වෙළඳපලට විතරක් නෙවෙයි. ව්යාපාර කරන්නවත් මිනිස්සු නොඑන්නේ ඒ සඳහා සුදුසු පරිසරයක් නැති නිසා. අනවශ්ය බදු, දේශපාලුවන්ගේ පගා, කප්පම් කරුවන්ගේ කප්පම්, රේගු නිලධාරින්ගේ පගා ආදිය නැනැත්තුවොත් ඔය සේරම හරි..., මේ බූරු වැඩ නොකර...
ශිරෝමි Monday, 01 July 2024 10:31 PM
මම 1982දී සාමාන්ය පෙළ විභාගයට මුහුණ දුන්නේ. අපි 9 හරි 10 ශ්රේණියේ ඉගෙන ගන්න කාලේ කොටස් සහ ව්යාපාර වස්තු ගැන ගණිතයේදී ඉගෙන ගත්තා. අපිට අංක ගණිතය, වීජ ගණිතය සහ ජ්යාමිතිය යන ගණිත වර්ග තුනම පාසලේ උගැන්වුවා වගේම සාමාන්ය පෙළ විභාගයට ඔය තුන් අංශයෙන්ම ගණිතය ප්රශ්න පත්රය සමන්විත වුණා. මට හොඳට මතකයි කොටස් සහ ව්යාපාර වස්තු සම්බන්ධ ප්රශ්නයක් දෙවෙනි ප්රශ්න පත්රයේ තිබුණා කියලා.එතකොට මේ ඒ දේවල් උගන්වන පළවන වතාව නෙවෙයි.