කොම්පඤ්ඤවීදිය ගුවන් පාලම ජනතා අයිතියට

(අංජුල මහික වීරරත්න)

ප්‍රවාහන හා මහාමාර්ග අමාත්‍යංශය මගින් රුපියල් මිලියන 5278 ක වියදමින් ඉදිකළ කොම්පඤ්ඤවීදිය හා විනිසුරු අක්බාර් මාවත අතර දුම්රිය මාර්ගයට ඉහළින් ඉදිකරන ලද ගුවන් පාලම් ව්‍යාපෘතියේ දෙවන අදියර ජනාධිපති රනිල් වික්‍රමසිංහ මහතා අතින් අද (11) විවෘත කෙරිණි .

දෛනික දුම්රිය ගමන්වාර 109 ක් සඳහා දුම්රිය ගේට්ටු වසා තැබීම නිසා සිදුවන ප්‍රමාදය හා මාර්ග තදබදය මඟහරවා ගැනීම ඉලක්ක කර මාර්ග සංවර්ධන අධිකාරිය විසින් සිදු කරන මෙම ව්‍යාපෘතියේ ඉදිකිරීම් කටයුතු සිදු කළේ මාගා ඉංජිනේරු සමාගම (Maga Engineering) විසිනි.

රජයේ කාර්යාල, රෝහල්, ආගමික ස්ථාන, ආපනශාලා, චිත්‍රපට ශාලා ඇතුළු විවිධ ආයතනයන්ගෙන් සමන්විත ඉතා කාර්යබහුල වාණිජ නාගරික ප්‍රදේශයක් වන කොම්පඤ්ඤවීදිය ප්‍රදේශයේ පිහිටි දුම්රිය හරස් මාර්ගය හේතුවෙන් දෛනිකව පැය 3කට ආසන්න කාලයක් අපතේ යන බව නිරීක්ෂණය වී තිබිණ.

ඒ අනුව මෙම ගුවන් පාලම් ව්‍යාපෘතියේ නිමවීමත් සමඟ කොම්පඤ්ඤවීදියේ සිට ගාලුමුවදොර දෙසට හා ජනාධිපති ලේකම් කාර්යාලය දෙසට රථවාහන තදබදයකින් තොරව ගමන් කිරීමේ හැකියාව හිමිවන අතර වාහන තදබදය නිසා නිකරුණේ මහමඟට වැයවු‍ණු ජනතාවගේ කාලය ජාතික ආර්ථිකයට එක්කර ගැනීමට හැකියාව ලැබෙනු ඇත.

අදහස් (7)

කොම්පඤ්ඤවීදිය ගුවන් පාලම ජනතා අයිතියට

Nimesh Thursday, 11 July 2024 12:26 PM

මේක කලිනුත් විවෘර්ත කරා නේද ? රනිල් තුමා ටැටූ ෂොප් එහෙම විවෘත කරන්න යන්නේ නැත්ද ?

: 13 47

Achini Thursday, 11 July 2024 12:33 PM

ජනාධිපතිවරයා පාරක් හෝ ගුවන් පාලමක් විවෘත කිරීමට පැමිණෙනවා හෝ අත්‍යාවශ්‍ය භාණ්ඩ මිල අඩු කළා යැයි කියමින් ජාතියක් අමතනු මා දැක ඇත්තේ ශ්‍රී ලංකාවේ පමණි

: 11 55

පිටිගල මිලානෝ Thursday, 11 July 2024 12:47 PM

ඕක හැදුවේ ජනතාවගේ මුදල්වලින් .ඒ නිසා නැවත වරක් ජනතා අයිතියට පවරනවා කියලා ජනතාව අන්දවන්න එපා. තමන්ම රැවටුනු බව ඊළග මැතිවරණයෙන් තේරෙයි

: 15 50

අරවින්ද මොනරවිල Thursday, 11 July 2024 01:06 PM

රනිල්ගේ හරි බන්දුලගේ පුද්ගලික ධනය යොදවලා මේක හැදුවා නම් ඔවුන්ට ඇවිල්ලා ජනතා අයිතියට පවරන්න තිබුණු නමුත් මේක හැදුවේ ජනතාවගේ බදු මුදලින් නිසා ඔය මොකෙක්වත් අවශ්‍ය නැහැ ඒක නැවත ජනතාවට පවරන්න. ටික කාලයක් නැවතිලා තිබුණ මේ රැවටිලිකාර ව්‍යාජ සංස්කෘතික අංග, නැවත පන පොවන්න මේ පිං ගොනා උත්සාහ කරනවා.

: 3 24

සෙනෙවිරත්න Thursday, 11 July 2024 03:16 PM

ඔව් මොනරවිල, අවුරුදු හැත්තෑවක් තිබිච්ච මේ දහදුරා දේශපාලන සංස්කෘතිය තමයි මේ ගෙනියන්නෙ. අපේ බදු මුදලින් හදලා, උන්ගේ නම ගහලා ටයි දාපු පොරවල් එක්ක පටිය කපලා විවෘත කරලා නැව් ටෝක් දෙනවා.

: 3 21

Rohana Kasthurii Thursday, 11 July 2024 06:57 PM

මට නම් සින්නක්කර අයිතියටවත් එපා.මේ ඇමතිතුමාගේ ඔලුව අංජබජල් ද ?

: 0 0

upul Friday, 12 July 2024 09:14 AM

පිටිගල බෝට්ටුවෙන් ඉතාලි ගියාට කොළඹ ඇවිදලා නෑ වගේ. මේක කලින් විවෘත කරපු එක නෙවෙයි මැට්ටෝ. මේක වෙන එකක්. උඹලා රට තොට මොකුත් දන්නෙ නැතුව උම්බෑ කියන්න එපා .

: 0 1

ඔබේ අදහස් එවන්න

එසැණ පුවත්

බංගදෙණියේදී කාර්යාල දුම්රියක් නවතී

2024 සැප්තැම්බර් මස 25 95 0

කොළඹ සිට පුත්තලම බලා ධාවනය වන දිනපතා කාර්යාල දුම්රිය අද (25) බංගදෙණිය - මානුවන්ගම මුක්කන්දළුව ප්‍රදේශයේ කාර්මික දෝෂයකට ලක්වී තිබේ.

පොලීසියට අල්ලස් දෙන්න ගිහින් අමාරුවේ වැටෙයි

2024 සැප්තැම්බර් මස 25 342 0

ලොරි රථයක් අත්පත් කර ගැනීම සඳහා පැමිණිල්ලක් ඉදිරිපත් කිරීමට පැමිණ විවිධ පැමිණිලි අංශයේ ස්ථානාධිපතිවරයාට රුපියල් 5000ක අල්ලස් දීමට ගිය බව කියන පෞද්ගලි

ආරවුල මරණයෙන් කෙළවර වෙයි

2024 සැප්තැම්බර් මස 25 716 0

ජනාධිපතිවරණයේ ප්‍රචාරණ රැස්වීමකට ගොස් මත්පැන් පානය කර නිවසට පැමිණෙමින් සිටි කීපදෙනෙකු අතර ඇතිවුණු ආරවුලක් දුර දිග යාමෙන් එක් පුද්ගලයෙකුට මොට යුධයක

අවුරුද්දේ දියණිය මැරී යැයි මව අත්අඩංගුවට

2024 සැප්තැම්බර් මස 25 812 0

අවුරුද්දයි මාස පහක් වයසැති තම දියණියගේ නාසය තදකර ඝාතනය කළ බව කියන මවක අත්අඩංගුවට ගත් බව ගලහ පොලිසිය පවසයි.

අදත් වැසිවාර කිහිපයක්

2024 සැප්තැම්බර් මස 25 68 0

බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇති වන බව කාලගුණ විද්‍යා දෙපාර්තමේන්තුව කියයි.

ජනපති -මහ බැංකු අධිපති විශේෂ සාකච්ඡාවක්

2024 සැප්තැම්බර් මස 24 13505 2

ජනාධිපති අනුර දිසානායක මහතා සහ මහ බැංකු අධිපති නන්දලාල් වීරසිංහ මහතා අතර රටේ ආර්ථික තත්ත්වය සම්බන්ධයෙන් විශේෂ සාකච්ඡාවක් ජනාධිපති කාර්යාලයේදී අද පස