2024 සැප්තැම්බර් මස 30 වන සඳුදා
2024 සැප්තැම්බර් මස 30 වන සඳුදා
ක`ඵතර දිස්ත‍්‍රික් කනිෂ්ඨ ක‍්‍රිකට් සංචිත තේරීමේදී කළුතර දිස්ත‍්‍රික් ක‍්‍රිකට් සංගමයේ තේරීම් කමිටු සභාපතිවරයා පමණක් තේරීම් කටයුතු වල නිරතව සිටීමෙන් එම තේරීම්හි සාධාරණත්වය පිළිබඳව ගැටළු මතුවී ඇතැයි පුහුණුකරුවන් ඇතුළු දෙමව්පියන් පිරිසක් එම සංගමයේ සභාපති සුමිත් පෙරේරා මහතාට පැමිණිළි කර තිබේ.
පානදුර නගර සභා ක‍්‍රීඩාංගණයේදී පැවැති වයස 15 න් කළුතර දිස්ත‍්‍රික් සංචිතයේ තේරීම් අතරතුරදී මෙම පැමිණිල්ල ලැබී තිබෙන බව ද දැනගන්නට ඇත.
සභාපතිවරයා පමණක් තේරීම් සඳහා සහභාගිවීමෙන් මතුගම, අලූත්ගම, හොරණ, බණ්ඩාරගම ඇතුළු සෙසු ප‍්‍රදේශවල ක‍්‍රීඩකයන්ට ආසාධාරණයක් විය හැකි බවත් පාසල් පැවැත්වෙන දිනවල පෙරවරුවේ තේරීම් පැවැත්වීමෙන් ක‍්‍රීඩකයන් එම තේරීම් සඳහා සහභාගිවීමේ ගැටළුවකට ද මේ වන විට මුහුණදී සිටින බව එම පැමිණිල්ලෙන් කියවේ.
තේරීම් සිදුකිරීමේදී ඇතැම් දෙම්පියන් සහ පුහුණුකරුවන් තේරීම් කමිටු නිලධාරියා ළග සිටිමින් බලපෑම් කරන බවද එල්ලවී තිබෙන තවත් චෝදනාවකි.
මේ පිළිබඳව ‘ලංකාදීප’ කළ විමසුමකදී කළුතර දිස්ත‍්‍රික් ක‍්‍රිකට් සංගමයේ සභාපති සුමිත් පෙරේරා මහතා පැවසුවේ සංගමයේ කමිටු රැස්වීමක් කැඳවා සෙසු තේරීම් කමිටු සාමාජිකයන්ට ද තේරීම් සඳහා සහභාගි වන ලෙස දැන්වීමට තීරණය කළ බවයි.
‘‘පාසල් වේලාවේ ක‍්‍රීඩකයන් තේරීම් සඳහා කැඳවීම වැරදි වැඩක්, මේවා නිවාඩු දිනවල කළ යුතුයි. ක‍්‍රිකට් ආයතනයෙන් පත්කර ඇති පුහුණුකරුවෝ නිවාඩු දවස ඔවුන්ගේ වැඩට යොදාගෙන දරුවන් අධ්‍යපන ලබන කාලය මේවට යොදා ගැනීම වැරදි’’ යැයි ද සුමිත් පෙරේරා මහතා වැඩි දුරටත් පැවසීය.
මේ පිළිබඳව අදහස් දැක්වූ කළුතර දිස්ත‍්‍රික් ක‍්‍රිකට් සංගමයේ ලේකම් දුමිඳු හේමාල් මහතා පැවසුවේ තේරීම් කරන අවස්ථාවලදී අවම වශයෙන් සංගමයේ ලේකම්වරයා ලෙස තමන් හෝ සහභාගි කරවීම යුතුකමක් බවයි.
කළුතර දිස්ත‍්‍රික් තේරීම් කමිටු සභාපති චන්ද්‍රා රොද්‍රිගු මහතාගෙන් මේ පිළිබඳව කළ විමසුමකදී පැවසුවේ වසර 8 ක පමණ කාලයක සිට තමන් තනිවම තේරීම් කරන නමුත් තේරීම් කමිටුවේ සෙසු සාමාජිකයන්ට ද ඒ සඳහා සහභාගි වීමේ අවස්ථාව හිමිව තිබෙන බවත්ය.
‘‘මම මෙච්චර කල් තනිවම තේරීම් කළා, කිසිම ප‍්‍රශ්නයක් තිබුණේ නෑ. මම හරි දේ කළා. මගේ මුදල් වියදම් කරගෙනයි එහෙම කළේ, එහෙම එපානම් තේරීම් නවත්වලා දානවා.’’ යැයි ද රොද්‍රිගු මහතා පැවසීය.
මේ පිළිබඳව කළ විමසුමකදී කළුතර ප්රධාන පෙළේ පාසලක නිලධාරියකු පැවසුවේ තේරීම් කමිටුවේ සාමාජිකයන් පහක් සිටියදී එක පුද්ගලයකු පමණක් තේරීම් කිරීම පිළිගත නොහැකි බවයි.
‘‘මේ තේරීම් කමිටුවට කළුතර දිස්ත‍්‍රික්යේ සෙසු ප‍්‍රදේශ ද නියෝජනය වන පරිදි සාමාජිකයන් පත්කර තිබෙනවා. එක ප‍්‍රදේශයක පුද්ගලයකු පමණක් තේරීම් කිරීමෙන් අසාධාරණයක් වීම නවත්වන්න බෑ’’ යැයි ද ඔහු පැවසීය.
මෙම තේරීම් කමිටුවට සම්බන්ධ බව කියන නිලධාරියකුගේ ක‍්‍රීඩා සමාජයකට අයත් පානදුර ප‍්‍රදේශයේ පාසලක ක‍්‍රීඩකයන්ට එහිදී වැඩි අවස්ථාවක් ලැබී තිබෙන බවටද චෝදනාවක් එල්ලවී තිබේ.
ජනාධිපති සංචිතයේ තිබු සුපිරි වාහන අවභාවිතා කළ ජනාධිපතිවරු සහ නිලධාරීන් කවුරුන්ද? යන්න අනාවරණය කරගෙන අදාළ වාහන අවභාවිතා කිරීමෙන් රටට වු පාඩුව ඔවුන්ගෙ
ජනතාවගේ ප්‍රර්ථනා ඉටුකරන ප්‍රධානතම බලවේගය වන සමගි ජන සන්ධානයේ අරමුණ කඩාකප්පල් කිරීම නොව ප්‍රගතිශීලීව රටේ ප්‍රශ්නවලට විසඳුම් ලබා දීම යැයි - විපක්ෂ නා
ඊශ්‍රායල ආරක්ෂක හමුදාව විසින් හිස්බුල්ලා සංවිධානයේ නායක හසාන් නසරල්ලා ඝාතනය කරනු ලැබීමත් සමග ඉරානයේ අධ්‍යාත්මික නායක අයතුල්ලා අල් කමේනි ආරක්ෂිත ස
තමා විදේශ රටවලින් නීත්‍යානූකූලව උපයාගත් මුදල් හා දේපළ වලින් මෙරට ණය බරින් අඩක් ගෙවා නිම කිරීමට හැකියාව ඇතැයි කී අවුරා ලංකා සමාගෙම් සභාපති විරන්ජිත් ත
මහ මැතිවරණය සඳහා අවශ්‍ය වන රුපියල් කෝටි 1100 ක මුදල නිදහස් කිරීමේ බලපත්‍රය සඳහා ජනාධිපතිවරයා අත්සන් තබා ඇතැයි මැතිවරණ කොමසාරිස් ජනරාල් සමන් ශ්‍රී රත
ශිෂ්‍යත්ව විභාගයට කලින් සාකච්ඡා වූවා යැයි හඳුනාගෙන ඇති ප්‍රශ්න තුන සඳහා විභාගයට පෙනී සිටි සියලුම දරුවන්ට ලකුණු ලබාදීම සුදුසු බව අදාළ ගැටලුව සම්බන්ධ
2024 සැප්තැම්බර් මස 21
251
0
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්
2024 සැප්තැම්බර් මස 19
813
1
ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
2024 සැප්තැම්බර් මස 18
288
0
ශ්‍රී ලංකාවේ ප්‍රථම වරට, ප්රධාන ජනාධිපති අපේක්ෂකයින් තිදෙනාගේ ප්‍රතිපත්ති ප්‍රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්‍රීසි, සිංහල ස
කළුතර ක‍්‍රිකට් තේරීම් සභාපතිට ‘වන්මෑන් ෂෝ’ චෝදනාවක්