චෝදනා දෙකක් සම්බන්ධයෙන් හිටපු ආර්ථික සංවර්ධන ඇමති බැසිල් රාජපක්ෂ හා හිටපු පොලිස්පතිවරයකුද තනාපතිවරයකුද වූ මහින්ද බාලසුරිය බරපතල වංචා හා දූෂණ සෙවීමේ ජනපති කොමිසමට අද කැඳවනු ලැබ සිටියහ.

ගිය රජය සමයේ උඩරට සංවර්ධන අධිකාරියේ සිදුවී යැයි කියන වංචාවක් ගැන පැය දෙක හමාරක් පමණ ප්‍රශ්න කළ කොමිසම රාජපක්ෂ මහාතාගෙන් කටඋත්තරයක් ලියා ගත්තේය.

ජාතික නිදහස් පෙරමුණේ මාධ්‍ය ප්‍රකාශක මොහොමඩ් මුසම්මිල් ඇතුළු කිහිපදෙනකුට රුපියල් කෝටි පනහක රජයේ වියදමින් ආරක්ෂාව සැලසී යැයි කියන සිද්ධියක් ගැන බාලසුරියගෙන් කොමිසම ප්‍රශ්න කළේය.