දින හතරකට පෙර මීගලෑවේ නිවසකින් පැහැර ගත් සිව් හැවිරිදි දිනිඳු යශේන් ඒකනායක දරුවා රහස් පොලිසියෙන් සොයා ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී අජිත් රෝහණ මහතා කියයි. සැකකරුවන් හඳුනා ගත් බව ද ඔහු පවසයි.

දරුවා ලබා දීමට රුපියල් කෝටියක කප්පමක් ඉල්ලූ බවට පොලිසියට තොරතුරු ලැබී තිබිණි.

පැහැරගත් දරුවා බළලුවැව කැළැවේ සිටිතියි ලැබුණු ඔත්තුවක් ඔස්සේ සහකාර පොලිස් අධිකාරිවරයෙකුගේ ප්‍රධානත්වයෙන් යුත් කණ්ඩාමක් ද  කැලය  බලා යන්නට සූදානමින් සිටියදි මෙම දරුවා ඇඹෝගම ප්‍රදේශයට ගෙනැවිත් දමා ඇතැයි පොලිසිය කියයි.

සාමාන්‍ය ඇඳුමින් සැරසුණු පොලිස් නිලධරයෝ, බුද්ධි අංශ  සහ රහස් පොලිසිය වළල්ලක් සේ  ප්‍රදේශයම වටකරගෙන සිටි නිසාත්  අපරාධ කරුවන්ට  පැන යන්නට අවස්ථාව ලැබී නැත.

දරුවා පැහැරගත් පිරිස දරුවගේ පියාගෙන්  රුපියල් කෝටියක  කප්පමක් ඉල්ලා ඇතත් කප්පම් නොදී  දරුවා බේරා ගැනිමට පොලිසිය යෙදු උපක්‍රම සමත් විය

දරුවාගේ මව තම දරුවා හඳුනාගත්තාය. සහකාර පොලිස් අධිකාරීවරයා  දරුවා සොයා ගන්නා විටත් දරුවාගේ මව පොලිස් කණ්ඩායම සමඟ එහි ගොස් සිටි බව පොලිසිය කියයි.

fefe