මෝදිගේ ශ්‍රී ලංකා සංචාරයේදී ත්‍රිකුණාමලයේ තෙල් ටැංකි ගැනත් සාකච්ඡා

එක්සත් ජාතීන්ගේ වෙසක් දින සැමරුම නිමිත්තෙන් ශ්‍රී ලංකාවට පැමිණීමට නියමිත ඉන්දියානු අගමැති නරේන්ද්‍ර මෝදි මහතා ත්‍රිකුණාමල වරායේ තෙල් ටැංකි සංවර්ධනය කිරීම සඳහා වූ යෝජනා ඇතුළු කරුණු කිහිපයක් පිළිබඳවද සාකච්ඡා කිරීමට නියමිත ය. එක්සත් ජාතීන්ගේ වෙසක් සැමරුම නැරඹීම සඳහා මෝදි මහතා මැයි 12 වැනි දා ශ්‍රී ලංකාවට පැමිණීමට නියමිත ය. ඔහු දින දෙකක් ශ්‍රී ලංකාවේ සිටිනු ඇත.

මෙම සංචාරය මෝදි මහතාගේ දෙවැනි ශ්‍රී ලංකා සංචාරයයි. මෝදි මහතා ශ්‍රී ලංකාවේ නව ආණ්ඩුව පත්වී මාස දෙකකින් පසු 2015 මාර්තු මාසයේදී මෙරට සංචාරයක නිරත විය.එම සංචාරය ඉන්දියානු අගමැතිවරයකු වසර 28 කට පසු මෙරට සංචාරයක නිරත වූ ප්‍රථම අවස්ථාව විය. දැනගන්නට ලැබෙන තොරතුරු අනුව මෝදි මහතා දෙවරක් සංචාරය කරන ලද එකම අසල්වාසී රටද ශ්‍රී ලංකාවයි.

මේ වන විට ත්‍රිකුණාමලය වරායේ ඉහළ තෙල් ටැංකි පර්යන්තය සංවර්ධනය කිරීම සඳහා දෙපාර්ශවය සාකච්ඡා ආරම්භ කර තිබේ.එම සංවර්ධන කටයුතු ලංකා ඉන්දියානු තෙල් සමාගම සමග ඒකාබද්ධ ව්‍යාපෘතියක් යටතේ කෙරෙනු ඇත. 2003දී අත්සන් කර ඇති ගිවිසුමක් යටතේ එම ඉන්දියානු තෙල් සමාගම මේ වන විටත් තෙල් ටැංකියේ කොටසක් භාවිත කරයි.

ඉන්දියානු අගමැතිවරයාගේ එම සංචාරයට පෙර අගමැති රනිල් වික්‍රමසිංහ මහතා සාකච්ඡා සඳහා නවදිල්ලිය බලා යාමට නියමිතය.තම සමාගම පහළ තෙල් ටැංකි සංකීර්ණය අලුත්වැඩියා කර ඇති බව ලංකා ඉන්දියානු තෙල් සමාගමේ කළමනාකරණ අධ්‍යක්ෂ ශ්‍යාම් බෝරා මහතා කීවේය. එමෙන්ම ඉහළ තෙල් ටැංකි සංකීර්ණය අලුත්වැඩියා කිරීමට ශ්‍රී ලංකා රජයේ අවසරය ලැබෙන තෙක් සිටි බවද ඒ මහතා පැවසීය.

“ඉහළ තෙල් ටැංකි සංකීර්ණය අලුත්වැඩියා කිරීම සඳහා පසුගිය අවුරුදු කිහිපයේදි අප සමාගම ශ්‍රී ලංකා රජයට යෝජනා ඉදිරිපත් කළා.නමුත් ඒ කිසිවක් අනුමත වූයේ නැහැ. නමුත් දැන් රාජ්‍ය මට්ටමෙන් තිරණය වෙලා තියෙනවා මෙම ව්‍යාපෘතිය ඒකාබද්ධ ව්‍යාපතියක් ලෙස කිරීමට. ඒ සඳහා ඉන්දියානු රජය හා ශ්‍රී ලංකා රජය අතර සාකච්ඡා පැවැත්වෙනවා.“යැයිද ශ්‍යාම් බෝරා මහතා කීවේය.

අදහස් (11)

මෝදිගේ ශ්‍රී ලංකා සංචාරයේදී ත්‍රිකුණාමලයේ තෙල් ටැංකි ගැනත් සාකච්ඡා

upali Thursday, 20 April 2017 07:43 AM

මෝදි වෙසක් එකට එනව කිව්වට එන්නෙ හරියට "දඹුලුත් ගිහිල්ල තල ගොයියොත් මරා ගන්න වගේනේ"

: 115 111

රොමේෂ් Thursday, 20 April 2017 07:48 AM

අපේ ගේ මාසෙට රුපියල් දාහකට කුළියට දීලා, කුළියට ගත්ත කෙනාගෙන් ආයේ අපිම එක්දහස් එකසීයකට කුළියට ගන්නවවගේ වැඩක් තමයි මේ. මෝදිලා වගේ අය එන්නෙම නැතිනම් තමයි හොඳ. නමුත් අපේ කට්ටිය එහෙටම ගිහින්නේ දෙන්නේ. දකුණ චීනෙටම දුන්නා, නැගෙනහිර ඉන්දියාවට, තව පැත්තක් අරාබියට, ඇමරිකාවට, මොනවද මේවයින් වෙන වාසිය රටේ සාමාන්‍ය ජනතාවට. දැනෙන වාසියක් නැහැ. නමුත් මහබැංකු වාර්තාව එළියට ආවම පේනවා ඉලක්කම් වගයක් විතරක්. ඒවත් ඕන එක්කෙනෙක්ට ඕනෑම විදිහකට විග්‍රහ කරගන්න පුළුවන්. අවසානයේ අපි අපේ රටේම "නිදහස් වහල්ලු" වෙනවා. මේවා පිටරටට නොදී කරගන්න බැරි තරම් මහාපරිමානේ වියාපෘති නෙමෙයි. අපේ දැනුමෙන් කරගන්න පුළුවන් ඒවා. නමුත් ලොකු අය වකුටුවෙනකොට පොඩි අපි ඉබේම වකුට්ටෝ වෙනවා.

: 0 277

arunalu Thursday, 20 April 2017 08:43 AM

මේ ටැංකි වල තියෙන්නේ පොල්තෙල් මගේ හිතේ වෙසක් උත්සවයට පහන් පත්තු කරන හැටි කතාකරන්න තමයි මෙයා ලංකාවට එන්නේ.....

: 0 85

thusitha Thursday, 20 April 2017 09:12 AM

රටම විකුනපන් ඉන්දියාවට කාලකන්නි ආණ්ඩුව

: 0 157

Nandalal de Silva - France Thursday, 20 April 2017 09:17 AM

ඔය සාකච්චා කරාට කමක් නැහැ. රටට අවාසි වෙන කිසිම ගිවිසුමකට අත්සන් තැබීමට තරම් ශ්‍රී ලංකා රජය නිවට වෙන්න නම් එපා. ඒ වගේම පසුගිය රජය සමයේ ගසාගත් තෙල් ටැංකි ගිවිසුමට අනුව ඉන්දියන් සමාගම විසින් මෙතෙක් නොගෙවා තිබෙන රුපියල් කෝටි ගණන පොළී සහිතව ඉක්මනින් ලබාගැනීමටත් අගමැති මෝදී මැදිහත් කරවා ගත යුතු වෙනවා.

: 1631 0

රත්නායකFriday, 21 April 2017 12:56 AM

ඔයාට මොංගල්ද.මේ ගිවිසුම ගැහුවෙ 2001-2004 රනිල්ගෙ අාණ්ඩුව බව රටේ හැමෝටම මතකයි.ඔයා හැමදාම ප්න්සෙටම වෙලා ඉන්න.රටම විකුණනව.දැන් ඉතිරි ටික විකණන්න තමයි හදන්නෙ.

: 0 0

Senarath Thursday, 20 April 2017 09:18 AM

ඔය පාන්නේ බලල මල්ලෙන් එලියට. මෙඋන් එන්නේ වෙසක් සමරන්න නෙමෙඉ, තෙල් ටැංකි ටිකේ ගනුදෙනුවට. JR ජයවර්දන අනාගත්තෙත් ඔය තෙල් ටැංකි ඇමෙරිකාවට දෙන්න ගිහිල්ල. මුන්ට මේ රට විකුනනවා ඇරෙන්න කරන්න දෙයක් ඇත්තෙම නැහැනේ හැබැටම.

: 0 103

uddika Thursday, 20 April 2017 10:29 AM

වෙනදා එනකොට අර කෑ මොරදෙන තමිල්නාඩු ය දැන් එහෙම කරන්නේ නැට්ටේ සංහිදියාව නිසාද එහෙම නැත්තම් තෙල් ටැංකි ටික ඔවුනට ලැබෙන නිසාද

: 0 17

upali Thursday, 20 April 2017 10:43 AM

මෝදි එන්නෙ දඹුලුත් ගොහින් තලගොයියොත් මරා ගන්න වගේ

: 0 54

Lanka Perera Thursday, 20 April 2017 01:19 PM

තෙල් ටැංකි වලින් වැඩක් ගන්නේ නැතිනම් කුලියට දුන්නාම මක්ක වෙනවාද ? කවුරුත් මේවා තියා වරායක් වත් විකුනන්නේ නැහැ නේ...

: 0 0

sanju Friday, 21 April 2017 02:19 AM

යහපලානේ.

: 0 0

ඔබේ අදහස් එවන්න

එසැණ පුවත්

හිස්බුල්ලා ‘වෝකි-ටෝකි’ පුපුරයි

2024 සැප්තැම්බර් මස 19 874 0

ලෙබනනයේ හිස්බුල්ලා සංවිධානයේ සාමාජිකයන් පණිවුඩ හුවමාරු කිරීමට යොදා ගන්නා ‘වෝකි-ටෝකි’ යන්ත්‍ර ද පුපුරා යෑමට පටන් ගත්තේය. ‘වෝකි-ටෝකි’ යන්ත්‍ර පුපුරා ය

ගවහිමියා වෙඩි තබා මරාදමලා

2024 සැප්තැම්බර් මස 18 862 0

වෙඩි තබා ඝාතනය කර තිබූ තරුණයෙකු ගේ මළසිරුරක් අද (18) රාත්‍රි 8 ට පමණ තංගල්ල නලගම පොල්තවාන හංදියේ පොල් ඉඩමක තිබී සොයාගත් බව තංගල්ල මූලස්ථාන පොලිසිය පවසයි .