(විමුක්ති එස් රුද්රිගු)
මියන්මාර අත් අත්අඩංගුවේ පසුවූ ශ්රී ලාංකික ධීවර බෝට්ටු දෙකෙහි නියමුවන් දෙදෙනාට වසර 5 බැගින් සිර දඬුවම් සහ දඩ මියන්මාර අධිකරණය නියම කළ බව එරට ශ්රී ලංකා තානාපති ජනක බණ්ඩාර මහතා ප්රකාශ කළේය.
එම ධීවර බෝට්ටු දෙකෙහි ඉතිරි ධීවරයන් 13 ට වසර 3 බැගින් වූ සිර දඬුවම් හා දඩ මියන්මාර අධිකරණය නියම කළ බව තානාපතිවරයා පැවැසුවේය.
මියන්මාර අත් අඩංගුවේ පසුවූ ධීවරයන් 15 දෙනාට චෝදනා දෙකක් යටතේ නඩු පවරා තිබූ බවද ඔහු ප්රකාශ කළේය.ඔවුන්ට එල්ල කර තිබූ පළමු චෝදනාව වූයේ ආගමන විගමන නීති උල්ලංඝනය කරමින් මියන්මාර මුහුදු සීමාවට ඇතුළු වීම බවත් දෙවැනි චෝදනාව වූයේ මියන්මාර මුහුදු සීමාවේ නීති විරෝධී අන්දමින් මසුන් ඇල්ලීම බවත් ජනක බණ්ඩාර මහතා පැවැසුවේය.ධීවරයන් 15 දෙනාම වරද පිළිගැනීමෙන් පසු මියන්මාර අධිකරණය මෙම දඬුවම් නියම කළ බවද ඔහු ප්රකාශ කළේය.
ධීවරයන් 15 දෙනා සම්බන්ධයෙන් නඩු කටයුතු කඩිනමින් අවසන් කරන ලෙස තානාපති කාර්යාලය මියන්මාර රජයෙන් ඉල්ලීමක් කළ බවත් එහි ප්රතිඵලයක් ලෙස නඩු කටයුතු කඩිනමින් අවසන් වූ බවත් තානාපතිවරයා පැවැසුවේය.ධීවරයන් 15 දෙනාට නියම වූ සම්පූර්ණ දඩ මුදල එදිනම තානාපති කාර්යාලය ගෙවා දැමූ බවද ඔහු ප්රකාශ කළේය.
සිර දඬුවම් නියම වූ ධීවරයන් 15 දෙනාට මියන්මාර රජය එකඟ වී තිබෙන බවත් ඒ සඳහා විදේශ කටයුතු අමාත්යංශයේ උපදෙස් මත තානාපති කාර්යාලය සාකච්ඡා ආරම්භ කර තිබෙන බවත් ජනක බණ්ඩාර මහතා පැවැසුවේය.ඉදිරි කාලයේදී ධීවරයන් 15 දෙනාට පොදු සමාව ලබා ගැනීමට සහ ධීවර බෝට්ටු දෙක නිදහස් කර ගැනීමට හැකිවෙනු ඇති බවත් නිදහස් කර ගැනීමෙන් පසු ධීවරයන් පිරිස ශ්රී ලංකාවට එවීමට බලාපොරොත්තු වන බවත් තානාපතිවරයා ප්රකාශ කළේය.
බස් රථ වලදී මගීන්ට අපහසුවට පත් වන අයුරින් කටයුතු කළොත් දැනුම් දීම සඳහා දුරකථන අංකයක් හඳුන්වා දී තිබේ.
අහංගම වැල්හේන්ගොඩ ප්රදේශයේ නිවසක් තුලදී අඹු සැමි යුවලක් කපා කොටා ඝාතනය කර ඇතැයි අහංගම පොලිසිය පවසයි.
ඉදිරියේදී පැවැත්වීමට නියමිත පාර්ලිමේන්තු මහ මැතිවරණය සදහා තමන් ඉදිරිපත් නොවන බව හිටපු ප්රවාහන මහා මාර්ග සහ ජනමාධ්ය කැබිනට් අමාත්ය ආචාර්ය බන්දුල
ඉරානය පසුගියදා ඊශ්රායලයට එල්ල කළ මිසයිල ප්රහාරයට පිළිතුරු ලෙස ඊශ්රායලයෙන් එල්ල විය හැකි ප්රහාරය මැඩ පැවැත්වීම සඳහා චන්ද්රිකා දත්ත ලබාදී ටෙහෙර
2024 මහ මැතිවරණය සඳහා හම්බන්තොට දිස්ත්රික්කයෙන් අද (04) දහවල්වන විට ස්වාධීන කණ්ඩායම් හතරක් ඇප මුදල් තැන්පත් කිරීම සිදු කර ඇත.
දකුණු කොරියාවෙන් හෝ ඇමෙරිකාවෙන් ප්රහාරයක් එල්ල වුවහොත් ඊට පිළිතුරු දීම සඳහා කිසිම පැකිලීමකින් තොරව න්යෂ්ටික අවි භාවිත කරන බව උතුරු කොරියානු නායක ක
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මියන්මාර අත්අඩංගුවේ සිටි ලාංකික ධීවර බෝට්ටු නියමුවන් වසර 5ක් හිරේට