ශ්රී ලංකා මලල ක්රීඩා සංගමයේ ජ්යෙෂ්ඨ උපසභාපතිවරයකු වන සුනිල් ජයවීර මහතාට පවරා තිබුණු කටයුතු වෙනත් නිලධාරියෙකුට පැවරීම හේතුවෙන් ඒ මහතා දැඩි විරෝධය පළ කිරීම නිසා මලල ක්රීඩා සංගමයේ මධ්යම කමිටු රැස්වීම උණුසුම්කාරී තත්ත්වයක් හමුවේ අවසන් වූ බව වාර්තා වේ.
මේ අතර ක්රීඩා අමාත්යාංශය කැඳවූ ජාතික ක්රීඩා සංගම් ප්රධානීන්ගේ රැුස්වීමට මලල ක්රීඩා සංගමයේ කිසිදු තනතුරක් නොදරන හමුදා නිලධාරියෙකු සහභාගි කරවීම සම්බන්ධයෙන් ද ප්රශ්න කිරීම නිසා පසුගිය සිකුරාදා (8) පැවැති මලල ක්රීඩා සංගමයේ මධ්යම කමිටු රැස්වීම තවත් උණුසුම් වීමට හේතු වූ බව දැනගන්නට තිබේ.
ක්රීඩා අමාත්යවරයා විසින් කැඳවන ලද රැස්වීමට සහභාගි වී ඇත්තේ මලල ක්රීඩා සංගමයේ සභාපති මේජර් ජනරාල් දයා රත්නායක මහතාගේ සම්බන්ධීකරණ නිලධාරියෙකු වන මේජර් මංජුල චන්ද්රසේකර මහතාය.
උණුසුම් මුහුණුවරක් ගත් රැස්වීම අතරමග දයා රත්නායක මහතා සභාවෙන් පිටවීයාමත් සමග න්යාය පත්රයේ එදිනට යොදාගත් කරුණු කිහිපයක්ම සාකච්ඡා කිරීම අත්හිටුවීමට සිදුව තිබේ.
උප සභාපතිවරයකු වන සුනිල් ජයවීර මහතාට බාරවූ කටයුතු පිළිබඳව සොයාබැලීමට පැවරී තිබුණේ මලල ක්රීඩා දත්ත සටහන්කරු ලෙස කටයුතු කරන ජී.ජී.යූ. සමන් කුමාර මහතාටය.
මලල ක්රීඩා සංගමයේ පුහුණු කටයුතු විද්යාත්මක පර්යේෂණ හා ප්රවර්ධන කමිටුවේ සභාපතිවරයාය. සමන් කුමාර මහතාට මෙම කටයුතු බාරවී ඇත්තේ ජයවීර මහතා කලකිරීම හේතුවන් පසුගිය කාලයේදී මලල ක්රීඩා සංගමයේ රැස්වීම්වලට සහභාගි නොවීම බවද පැවසේ.
ජයවිර මහතාගේ විරෝධයට පිළිතුරු දෙමින් මලල ක්රීඩා සංගමයේ සභාපතිවරයා පවසා ඇත්තේ ඔහු දිගින් දිගටම රැස්වීම්වලට සහභාගි නොවීම නිසා එම කටයුතු වෙනත් නිලධාරියෙකුට පැවරීමට තමාට සිදුවූ බවය.
කෙසේ වුවත් ඊට ප්රතිපිළිතුරු දෙමින් ජයවීර මහතා දැඩි ලෙස විරෝධය පළ කර තිබේ.
ජාතික මලල ක්රීඩා සංචිතයේ යගුලිය විසි කිරීම (පිරිමි) ඉසව්ව සඳහා ක්රීඩකයන් ඇතුළත් නොවීම ගැන කොළඹ දිස්ත්රික් මලල ක්රීඩා සංගමයේ නියෝජිත මාධව බණ්ඩාර මහතා කළ ප්රශ්න කිරීම් නිසා මධ්යම කමිටු රැස්වීම තව තවත් උණුසුම් මුහුණුවරක් ගෙන තිබේ.
යගුලිය විසි කිරීමේ ක්රීඩකයෙකු ඔලිම්පික් පරිසාදන මට්ටමට ළඟාවන තෙක් ජාතික සංචිතයට ඇතුළත් නොකිරීම සභාවේ දැඩි දෝෂදර්ශනයට ලක්ව තිබේ.
ඔලිම්පික් පරිසාදන මට්ටමට ළඟාවීමට අවම වශයෙන් ප්රසාද ලකුණු 1000ක් ඉක්මවා ගත යුතු බවට එහිදී නියම කෙරී තිබෙන අතර එහෙත් මේ වනවිට ශ්රී ලංකාවේ එම ඉසව්වෙන් ඉහළම දක්ෂතා පෙන්වන ක්රීඩකයා ලබාගෙන ඇත්තේ ලකුණු 600ක් පමණක් බවත් එහිදී සාකච්ඡා කෙරී තිබේ.
කෙසේ වුවත් මලල ක්රීඩා සංගමයේ උපසභාපති එම්.ඩබ්. නිමල්සිරි, මාතලේ දිස්ත්රික් සභාපති කිරාන් අතපත්තු, කෑගල්ල දිස්ත්රික් සංගම් නියෝජිත පේ්රමා පින්නවල, ට්රැක් මාස්ටර්ස් ක්රීඩා සමාජයේ නියෝජිත භානු ගුණවර්ධන මිය හා දත්ත සටහන්කරු සමන් කුමාර යන මහත්වරු එහිදී පක්ෂ විපක්ෂව අදහස් දක්වා තිබේ.
වසර 19 කට පෙර ආරක්ෂක හේතූන් මත වසා දැමුණු කොළඹ අරලියගහ මන්දිරය අසල මාර්ගයක් අද (04) දින සවස ජනතාව සදහා විවෘත කෙරිණි.
නිල සංචාරයක් සඳහා මෙරටට පැමිණි ඉන්දීය විදේශ කටයුතු අමාත්ය ආචාර්ය එස්. ජයශංකර් මහතා හිටපු ජනාධිපති රනිල් වික්රමසිංහ මහතා හමුවී අද(4)විශේෂ සාකච්ජාවක න
ඉන්දීය විදේශ කටයුතු පිළිබඳ අමාත්ය ආචාර්ය එස්. ජයශංකර් මහතා සහ සමගි ජන බලවේගයේ නායක සජිත් ප්රේමදාස මහතා අතර සුවිශේෂී හමුවක් කොළඹ පිහිටි ඉන්දිය මහකො
එක්දින නිල සංචාරයක් සඳහා මෙරටට පැමිණි ඉන්දීය විදේශ කටයුතු අමාත්ය ආචාර්ය එස්. ජයශංකර් මහතා අද (04) පස්වරුවේ ජනාධිපති කර්යාලයේ දී ජනාධිපති අනුර කුමාර දි
නුවරඑලිය කලාප අධ්යාපන කාර්යාලය යටතේ පාලනය වන කොටගල කෙම්බ්රිජ් දමිල විද්යාලයේ විවේක කාලයේදි ක්රිකට් සෙල්ලම් කරමින් සිටි සිසුවෙක් උඩ පන්දුවක් රැ
ජීවිත ආරක්ෂාව සඳහා සිවිල් පුද්ගලයන්ට ලබා දී ඇති සියලුම වර්ගයේ ගිනි අවි සහ පතුරම් නැවත බාර ගැනීමට රජය තීරණය කර ඇත.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මලල ක්රීඩා සංගමයේ මධ්යම කමිටු රැස්වීම ගිනිගනී