බාටා - සන්ඬේ ටයිම්ස් වසරේ පාසල් කි‍්‍රකට් කී‍්‍රඩකයා තේරීමේ තරගයේ සමස්ත ලංකා පාසල් කාණ්ඩයේ දෙවැනි ස්ථානයේ පසුවන වෙස්ලි විදුහලේ බාෂිත් මුසම්මිල්, පසුගිය සතිය තුළදී ලබාගත් ඡන්ද 4629 ත් සමග මුළු ඡන්ද 16005 ලබාගනිමින් එම කාණ්ඩයේ පෙරමුණේ රැදී සිටින තර්ස්ටන් විද්‍යාලයේ මින්හාජ් ජලීල්ට යම් තරමක අභියෝගයක් එල්ල කිරීමට සමත්වී තිබේ.

බාෂිත් මුසම්මිල්ට මෙම ඡන්ද 16,005 ලබාගැනීම සඳහා ගතවී ඇත්තේ සති තුනක කාලයක් පමණි. ජලීල්ගේ මුළු ඡන්ද සංඛ්‍යාව 23028 ක් වන අතර පසුගිය සතිය තුළදී ඔහු ලබාගෙන ඇත්තේ ඡන්ද 775 ක් පමණි. ජලීල් මේ වන විට බාෂිත්ට වඩා ඡන්ද 7023 ක් ඉදිරියෙන් සිටී. තරගය නිමාවීමට ඉතිරිව ඇත්තේ තවත් සතියක කාලයක් පමණි.

අන්තර් ජාතික පාසල් කාණ්ඩයේ පෙරමුණේ පසුවන වලීඞ් ජිෆ්රිගේ මුළු ඡන්ද සංඛාව 17,802 ක් වන අතර ඔහු පසුගිය සතිය තුළදී ඡන්ද 1640 ක් ලබාගනිමින් එම කාණ්ඩයේ දෙවැනි ස්ථානයේ පසුවන ශසික රත්නතිලකට වඩා ඡන්ද 7798 ක් ඉදිරියෙන් සිටී.

නැගී එන කාණ්ඩයේ කී‍්‍රඩකයන් අතර පෙරමුණේ රැඳී සිටින ගාල්ල විද්‍යාලෝක විදුහලේ සංජු ශාරුක් පසුගිය සතිය තුළදී ලබාගත් ඡන්ද 111 ත් සමග මුළු ඡන්ද 2256 ක් ලබා තවදුරටත් තම ස්ථානය රැකගැනීමට සමත්ව සිටී.

මෙම තරගයට අදාළ කූපන් පත් විජය පුවත් පත් අයතනයේ, දිනපතා ප‍්‍රකාශන වන ‘ලංකාදීප’ සහ ‘ඬේලි මිරර්’ පුවත් පත්වල සහ සති අන්තයේ පළවන ‘සන්ඬේ ටයිම්ස්’ පුවත් පතේ පළවේ.

තමන් කැමතිම කී‍්‍රඩකයා වෙනුවෙන් මනාපය පළ කිරීමට පඨකයන්ට ඉතිරිව ඇත්තේ තවත් එක් සතියක් පමණි.

සමස්ථ ලංකා පාසල් කාණ්ඩය

නැගී එන පාසල් කාණ්ඩය

අන්තර්ජාතික පාසල් කාණ්ඩය

(*)