”මහින්ද රාජපක්‍ෂ කුසලාන යටතේ පාපන්දු (ලීග්) තරගාවලිය වාර්ෂිකව පැවැත්වීමට තීරණය කර ඇතැයි කී‍්‍රඩා ඇමැති මහින්දානන්ද අලූත්ගමගේ මහතා පවසයි. මෙම වසරේ සිට පැවැත්වෙන තරගාවලිය ලබන දෙසැම්බර් 2 වැනිදා නාවලපිටිය ජයතිලක කී‍්‍රඩාංගනයේදී පැවැත්වේ. කී‍්‍රඩා අමාත්‍යාංශයේදී පැවැති සාකච්ඡාවකදී අදහස් දැක්වූ ඇමැතිවරයා තරගාවලිය ආරම්භ කිරීමට ශ්‍රී ලංකාව මුල්වී කි‍්‍රයා කළ බැවින් තරගාවලිය දිගටම මහින්ද රාජපක්‍ෂ කුසලාන සඳහා පැවැත්වීමට කලාපයේ රටවල් එකඟවී සිටින බව පැවසීය. ඒ අනුව ලබන වසරේදී තරගාවලිය මාලදිවයිනේ පැවැත්වීමට නියමිතය. කලාපයේ සෙසු රටවල් වලටද එතැන්  සිට තරගාවලියේ සත්කාරය පිරිනැමේ. නාවලපිටියේදී ආරම්භ වන  තරගාවලියේ ශූරයන්ට ඇමෙරිකානු ඩොලර් 15,000ක් (රුපියල් ලක්‍ෂ 19කට වැඩි) හා අනුශූරයන්ට  ඩොලර්  10,000ක් ප‍්‍රදානය කෙරේ. ශ්‍රී ලංකා පාපන්දු  සම්මේලනයේ සහයෝගයෙන් කී‍්‍රඩා අමාත්‍යාංශය පළමු ”මහින්ද රාජපක්‍ෂ” කුසලාන පාපන්දු  තරගාවලියට අනුග‍්‍රහය දක්වයි. ජනාධිපති මහින්ද රාජපක්‍ෂ මහතාගේ ප‍්‍රධානත්වයෙන් තරගාවලියේ සමාප්ත උත්සවය දෙසැම්බර් 8 වැනිදා පස්වරුවේදී පැවැත්වීමට නියමිතය. මහින්ද රාජපක්‍ෂ ශූරතා සාක් පාපන්දු තරගාවලිය පැවැත්වෙන ආකාරය. *දෙසැම්බර් 2 -: බංග්ලාදේශය හා පාකිස්තානය අතර  ශ්‍රී ලංකාව හා මාලදිවයින අතර. *දෙසැම්බර් 4 :- පාකිස්තානය හා මාලදිවයින අතර ශ්‍රී ලංකාව හා බංග්ලාදේශය අතර. දෙසැම්බර් 6 :- මාලදිවයින හා බංග්ලාදේශය අතර ශ්‍රී ලංකාව හා පාකිස්ථානය අතර. දෙසැම්බර් 8 :- අවසන්  මහ තරගය. (පස්වරු 2ට හා පස්වරු 4ට තරග පැවැත්වේ. වැඩිම ප‍්‍රසාද ලකුණු ලබන කණ්ඩායම් දෙක අවසන් මහ තරගයට සුදුසුකම් ලබති).