(විමුක්ති එස් රුද්‍රිගු)

ලොව මිල අධිකම රත්තරන් කාසිය ලෙස සැලකෙන "ඊද් මාර්" කාසිය ඇමෙරිකානු බලධාරීන් විසින් ග්‍රීසියට නැවතත් භාර දී තිබේ.2021 වසරේ වෙන්දේසියකදී  මෙම කාසිය ඇමෙරිකානු ඩොලර් මිලියන 4.2 කට අලෙවි කර තිබේ. මෙම කාසිය සෙනෙට් සභික බෘටස් විසින් සීසර් ගේ ඝාතනය සිහිවීම සඳහා සමරුවක් ලෙස වසර 2000 කට පෙර නිර්මාණය කර ඇත.

ඇමෙරිකානු ස්වදේශ ආරක්ෂක නිලධාරීන්(හෝම් ලෑන්ඩ්) සිදු කළ විමර්ශනයකදී ව්‍යාජ ලේඛන යොදා ගනිමින් මෙම කාසිය වෙන්දේසියේ ලැයිස්තුගත කර ඇති බවත් කාසිය ග්‍රීසියේ සිට සොරකම් කර රැගෙන ආ එකක් බවත් අනාවරණය කර ගෙන ඇත. "ඊද් මාර්" කාසිය නැවත ග්‍රීසියට භාරදුන් උත්සවයේදී කාසිය සමඟ තවත් පැරණි පුරාවස්තු 28ක් ග්‍රීසියට භාර දී තිබේ.

කාසිය වෙන්දේසියේ අලෙවි කළ පුද්ගලයාද  ස්වදේශ ආරක්ෂක නිලධාරීන් විසින් අත් අඩංගුවට ගනු ලැබ ඇත.