2024 සැප්තැම්බර් මස 27 වන සිකුරාදා
2024 සැප්තැම්බර් මස 27 වන සිකුරාදා
රජයේ වෛද්‍ය නිලධාරීන්ගේ සංගමය දැන් දුවන්නේ රාජපක්ෂලා වෙනුවෙන් යැයි අගමැති රනිල් වික්‍රමසිංහ මහතා කීවේය.
බ්‍රහස්පතින්දා (19) සිරිකොත එක්සත් ජාතික පක්ෂ මූලස්ථානයේ දී විශේෂ ප්‍රකාශයක් කරමින් අගමැති ඒ බව සඳහන් කළේය.
අගමැතිගේ විශේෂ ප්‍රකාශ පහත දැක්වේ.
‘‘මෙරට තරුණයන් සහ වෘත්තීයවේදීන් සහභාගි වන විශාල පෙළපාළියකට එක් වන්නැයි එක්සත් ජාතික පක්‍ෂයට ආරාධනා ලැබී තිබෙනවා. අපත් එම පෙළපාළියට එකතු වීමට තීරණය කර තිබෙනවා.
විශේෂයෙන්ම එක්සත් ජාතික පෙරමුණ මෙරට තරුණ තරුණියන්ට රැකියා ලබා දීම සඳහා විශේෂ වැඩපිළිවෙළක් ක්‍රියාත්මක කරමින් පවතිනවා. ජනාධිපති මෛත්‍රීපාල සිරිසේන මහතාගේ ජර්මන් සංචාරයත් එම වැඩපිළිවෙළට පිටුවහලක් වේවි. එම වැඩ කටයුතු කඩිනමින්ම ඇරැඹිමට නියමිතයි.
වසර 5 ක් ඇතුළත රැකියා ලක්‍ෂ 10 ක් බිහි කිරීමේ කටයුතු අපගේ වෙළෙඳපොළ මගින් පමණක් කරන්නට හැකියාවක් නැහැ. 1977 වසරේදීත් අප රැකියා බිහි කිරීම සඳහා විදේශ රටවල සහයෝගය ලබා ගත්තා. එදා අප බෙහෙවින්ම යුරෝපීය වෙළෙඳපොළේ සහයෝගය ලබා ගත්තා. අද අප ආසියාවේ වෙළෙඳපොළ සමග සමීපව කටයුතු කිරීමට බලාපොරොත්තු වෙනවා. විශේෂයෙන්ම ඉන්දියාව සහ චීනය ඒ අතර ප්‍රධාන වනවා. සිංගප්පූරුව, චීනය, ජපානය, ඉන්දියාව මෙන්ම යුරෝපය සමග වෙළෙඳ ගිවිසුම් ඇති කර ගත් පසුව ආයෝජකයන් අප රටට පැමිණෙනවා. මෙම කටයුතු සඳහා පසුගිය මහ මැතිවරණයේ දී එක්සත් ජාතික පෙරමුණ ජනතාවගෙන් වරමක් ලබා ගත්තා. විදේශයන් සමග වෙළෙඳ ගිවිසුම් ඇති කර රැකියා උත්පාදනය කරන බව අප මැතිවරණයේදී පැහැදිලිව කියා සිටියා.
මේ අතර ජාතික රජයේ රැකියා ලබාදීමේ වැඩපිළිවෙළට විරුද්ධව ක්‍රියා කරන පිරිසක් සිටිනවා. අප රැකියා ලබානොදුන්නොත් අපට දොස් කියන්නැයි මා ඔවුන්ට පවසනවා. අප ගමන් කරන වේගය මදි නම් අපට දොස් කියන්නැයි මා ඉල්ලා සිටිනවා. නමුත් මේ ගමන නවත්වන්නට කිසිවෙකුටත් හැකියාවක් නැහැ. සියලූම කඩාකප්පල්කාරීන්ට මුහුණදීමට අප සූදානම්.
රජයේ වෛද්‍ය නිලධාරීන්ගේ සංගමය මට විරුද්ධව චෝදනාවක් කර තිබෙනවා. ඔවුන්ගේ කටයුතු පිළිබඳව සෙවීමට රහස් පොලිසිය යෙදවූවාය යන්න එම චෝදනාවයි. මාධ්‍ය කිහිපයකුත් මේ සම්බන්ධයෙන් කරුණු වාර්තා කර තිබුණා. රජයේ වෛද්‍ය නිලධාරීන්ගේ සංගමයේ කාර්යභාරය වෙළෙඳ ගිවිසුම් පිළිබඳව සෙවීම නොවෙයි. එම සංගමයේ දැනට සිටින නිලධාරීන් මහින්ද රාජපක්ෂලා පසුපස දුවන විට අප ජනතාවගෙන් වරමක් ලබා ගත්තා. එම ජන වරමෙන් අනතුරුව පාදෙනිය ප්‍රමුඛ පිරිසක් පැමිණ මා හමුවුණා. දැන් ඔවුන් නැවත මේ අයුරින් ක්‍රියා කරනවා නම් ඊට දේශපාලන වශයෙන් පිළිතුරු දී එම සංවිධානය දේශපාලන සංවිධානයක් ලෙස පිළිගැනීමට අප සූදානම්. මේ පිරිස මහින්ද රාජපක්‍ෂ වෙනුවෙන් කඩේ ගියා. එය ඔප්පු කිරීමට සාක්‍ෂි තිබෙනවා. මේ පිළිබඳව කතා කරන්න එපා යැයි ඔවුන් මා හමු වී පැවසුවා.
මේ රටේ තරුණ තරුණියන්ට රැකියා ලබා දිය යුතුයි. ඊට විරුද්ධ වෙන්නට ඔවුන්ට තිබෙන අයිතිය කුමක්ද? මොවුන් නගන චෝදනාව සම්පූර්ණයෙන්ම අසත්‍යයි. මම මොවුන් නගන චෝදනාව පිළිබදව සොයා බැලූවා. එමෙන්ම පොලිසියෙන් ද වාර්තාවක් ලබා ගත්තා. රජයේ වෛද්‍ය නිලධාරීන්ගේ සංගමයට විරුද්ධව පොලිසියට විශේෂ පැමිණිල්ලක් කර තිබෙනවා. පොලිසිය එම පැමිණිල්ල විභාග කර තිබෙනවා. "Establishment of 'Specialist Registry' & Introduction of an evaluation procedure for foreign medical specialist" නැමැති ග්‍රන්ථයේ ඇතුළත් කර ඇති 67ඒ වගන්තියට සමානව වෛද්‍ය ආඥා පනත සංශෝධනය කර අනුමැතිය ලබා ගැනීම සඳහා යෝජනා කරන ලද කෙටුම්පතක් අනුමැතිය ලබා ගැනීම සඳහා පාර්ලිමේන්තුව වෙත යොමු කර ඇති නමුත් එම කෙටුම්පත මෙතෙක් අනුමත වී නොමැති බව ද පැමිණිල්ලේ වැඩිදුරටත් ප්‍රකාශ කර ඇතෙ යනුවෙන් පැමිණිල්ලේ වැඩිදුරටත් සඳහන් වනවා.
මේ පැමිණිල්ලේ ඇත්ත – නැත්ත පිළිබඳව මා දන්නේ නැහැ. විමර්ශන කටයුතු සඳහා මෙම පැමිණිල්ලේ පදනමක් තිබෙන බව පොලිසිය පවසනවා. මේක පුදුම වැඩක්... කවුරු හරි ගිහින් රජයේ වෛද්‍ය නිලධාරීන්ගේ සංගමයට විරුද්ධව පැමිණිල්ලක් කළොත් ඒක මගේ ඇඟ උඩට එනවා. දැන් මේ අය වර්ජනයක යෙදෙනවලූ... කවුරු හරි වරදක් කර තිබේ නම් එය පොලිසිය විසින් විභාග කරනවා. අප ඊට ඇඟිලි ගහන්නේ නැහැ. පොලිසියේ පරීක්‍ෂණ සඳහා බලපෑම් කරන්නේ නැහැ. ඔය නිලධාරීන්, ඇම්බැට්ටයො රාජපක්‍ෂ රෙජීමයෙන් සියලූම වරප්‍රසාද ලබා ගත්තා.
අප මේ සියලූම දේ වෙනස් කරනවා. දේශපාලනය කරනවා නම් දේශපාලන සංගමයක් විදියට සලකන්න. දැන් ඔය සෙල්ලම නවත්වන්න. අපේ රටේ රෝගීන් අමාරුවේ දමා නැවත පාරට බහින්න ආවොත් අපත් පාරට බහින්න ලෑස්තියි. එවිට හොඳ පිළිතුරක් ලැබේවි. ඔය සෙල්ලම කරන්න ලෑස්ති වෙන්න එපා. ඔබතුමාලා සමග හැම දෙනාම නැහැ. බොහෝ දෙනෙක් මා හමුවී ඒ බව පවසා තිබෙනවා.
මේ චෝදනාව පළ කර ඇත්තේ "ඩේලි මිරර්" පත්‍රයේයි. "PM's office pressuring CID" යනුවෙන් එම පුවත පළ කර තිබෙනවා. ඉස්සෙල්ලා රහස් පොලිසියෙන් අහන්නෙ නැත්තෙ ඇයි? මේ "ඩේලි මිරර්" පත්‍රයේ ඔක්කොම කට්ටිය එදා රාජපක්ෂලා එක්ක ගියා. මා පක්ෂ නායකත්වයෙන් ඉවත් විය යුතු යැයි කේසර අබේවර්ධන එදා ලියා තිබුණා. අලූත් රාමුවට අනුව හැදෙන්න මම කාලය ලබා දී තිබෙනවා. එහෙම හැදෙන්න බැරි නම් බොරු නොලියා කේසර අබේවර්ධනටත් ගෙදර යාමට අවස්ථාව තිබෙනවා. මේවාට ඉඩ දෙන්න අප ලෑස්ති නැහැ. ‘දෙරණ‘ නැවත සෙල්ලම පටන් ගෙන තිබෙනවා. දෙරණ නැවතත් රාජපක්‍ෂලාට කඩේ යනවා නම් ඒ අය කරපුවා අපට කියන්න පුලූවන්. ඒ ගැන මෙතැන කිසිම ප්‍රශ්නයක් නැහැ. මොවුන් කාන්තාවන්ට බැළලිය කියමින් අපහාස කරනවා. මේවා හැදෙන්න අවශ්‍යයි. හැදිල එන්න බැරි නම් අපත් ඊට මුහුණදෙන්න ලෑස්තියි. ජනතාව දුන් වරම නැවත කඩාකප්පල් කිරීමට නැවත මොවුන්ට ඉඩ දෙන්නේ නැහැ.
නිදහස් වෙළෙඳ ගිවිසුම් ඇති කර තරුණයන් සඳහා රැකියා ලක්‍ෂ 10 ක් බිහි කිරීම සඳහා ජනතාව අපට වරමක් ලබා දී තිබෙනවා. මොවුන් බහුතර ජන මතයට විරුද්ධව කටයුතු කරන්නේ ඇයි? මොවුන් නැති කරන්නේ ජනතාවගේ විකාශන අයිතියයි. ඊට අප ඉඩ දෙන්නේ නැහැ. ‘ඩේලි මිරර්‘ පත්‍රය හෝ ‘දෙරණ‘ හෝ මේ රටේ තරුණ තරුණියන්ට රැකියා ලබා දෙන වැඩපිළිවෙළ නවත්වනවා නම් අප ඊට ඉඩ දෙන්නේ නැහැ. මෙම ක්‍රියාවන්ට විරුද්ධව අප පාරට බහිනවා. විරුද්ධව සටන් කිරීම අපට ප්‍රශ්නයක් නොවෙයි. විරුද්ධවාදීන් ගෙනෙන සෙනග වගේ දස ගුණයක් ගෙනවුත් පෙන්වන්න අපට පුළුවන්. ඔය සෙල්ලම නවත්වන්නැයි මා සියලූම දෙනාට පවසනවා. කාට හරි හානියක් වෙනවා නම් අපට කියන්න. රජයේ වෛද්‍ය නිලධාරීන්ගේ සංගමයට කිසිම හානියක් වන්නේ නැතැයි අපේ අමාත්‍යවරයා ප්‍රකාශ කළා. එසේ නම් මොවුන් දැන් කරන්නේ දේශපාලනයක්. මොවුන් දුවන්නේ රාජපක්ෂලා වෙනුවෙන්. තරුණයන් පාරට බැස්සාම මොවුන්ට හොඳ පාඩමක් ඉගැන්විය හැකියි.‘‘
ජනාධිපති අනුර කුමාර දිසානායක මහතා විසින් ජනාධිපති කාර්යාලයේ නීති අධ්‍යක්ෂ ජනරාල් ලෙස ජ්‍යෙෂ්ඨ නීතිඥ ජේ.එම්. විජේබණ්ඩාර මහතා පත් කර ඇත.
ක්‍රීඩා අමාත්‍යංශය වියදම් කළ ප්‍රතිපාදනවල ප්‍රගතිය පිළිබඳ කඩිනම් විගණනයක් කරන්නැයි අග්‍රාමාත්‍ය ආචාර්ය හරිනි අමරසූරිය මෙනවිය පැවැසුවාය.
හක්මන ප්‍රදේශයට ඊයේ (26) දින මධ්‍යම රාත්‍රියේ සිට ඇදහැලුණු ධාරානිපාත වර්ෂාව හේතුවෙන් හක්මන, මුලටියන හා කඹුරුපිටිය, මුල ටියන ප්‍රධාන මාර්ගයේ ස්ථාන කිහිප
පසුගිය ජනාධිපතිවරණයේදී ශ්‍රී ලංකා පොදුජන පෙරමුණ හැරදා හිටපු ජනාධිපති රනිල් වික්‍රමසිංහ සමග එක්වූ පළාත්සභා සහ පළාත් පාලන ආයතන නියෝජිතයින්ට නැවතත් ශ
ලංකා රජයේ වංචා, දූෂණ පිටු දැකීමේ ව්‍යාපෘති සඳහා ණය ආධාර ලබාදීමටද කොරියානු අන්තර්ජාතික සහයෝගිතා ඒජන්සිය එකඟතාවය පළ කළ බව ජනාධිපති කාර්යාලය පවසයි.
ශ්‍රී ලංකා පොත් ප්‍රකාශකයින්ගේ සංගමය සිය රිදී ජුබිලිය සමරමින් කොළඹ ජාත්‍යන්තර පොත් ප්‍රදර්ශනය අද (27) ආරම්භ කළේය
2024 සැප්තැම්බර් මස 21
224
0
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්
2024 සැප්තැම්බර් මස 19
731
1
ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
2024 සැප්තැම්බර් මස 18
260
0
ශ්‍රී ලංකාවේ ප්‍රථම වරට, ප්‍රධාන ජනාධිපති අපේක්ෂකයින් තිදෙනාගේ ප්‍රතිපත්ති ප්‍රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්‍රීසි, සිංහල ස
‘වෙද සංගමයත් මාධ්‍ය පිරිසකුත් මහින්දලාට කඩේ යනවා‘
මිලී Friday, 19 February 2016 09:05 AM
සර්, ඔන්න ඔහොම කෙලින් යන්. හරි දේ කරන්න ජනතාව ඔබතුමා සමග. (ර)
සරත් Friday, 19 February 2016 03:41 PM
මහින්දට උදවු කරන එක වරදක් නොවේ (බ)
මොහාන් Friday, 19 February 2016 09:14 AM
එක්ටා ගිවිසුම පිළිබද සියලු දේ ජනතාවට හෙළි කරන්න. එහි හානියක් නැත්නම් අපි ඔබ සමග පෙළපාලි යන්න එනවා. (ර)
බන්දුල පෙරේරා Friday, 19 February 2016 09:20 AM
බලය හීනයක් වෙලා තිබුණු වේලි වේලි හිටපු සමහරක්ට හිතා ගන්න බැරි බලයක් එකපාර ලැබුනම මනස විකෘති වෙනවා. අවුරුදු දෙකෙන් අකුලා ගෙන ගිහිල්ල අවුරුදු 13 බලාගෙන ඉන්න වුනා..මේ යන විදියට මේ පාරත් වෙන්නේනම් ඒකම තමයි..(බ)
සමීර Friday, 19 February 2016 09:20 AM
ඔබතුමාට විතරයි ඔහොම බය නැතිව කතා කරන්න ශක්තිය තියෙන්නේ මොකද ඔබතුමා හොරෙක් නොවන නිසා සහ හොරකම් කරන්න ඉදිරියේදීත් බලාපොරොත්තුවක් නැති නිසා. ඔබට යෝධ බල යෝධ ශක්තිය ලැබෙන්න කියල යහපාලනයට ලැදි අපේ පැතුමයි. (බ)
අජිත් Saturday, 20 February 2016 01:53 AM
තර්ජනය, මර්දනය, උඩඟුකම, ඒකාධිපතිත්වය, ඉදිරි ජවනිකා වල පෙර රාමු. මෙය නොවෙයි යහපාලන ප්‍රතිපත්ති. රනිල්ට ජාතිකත්වය, සාමාන්‍ය ජනතාව පිළිබඳ සංවේදීතාව ඇත්තෙම නැහැ. මෙය භයානක ආරම්භයක මුල වෙන්න පුළුවන් බොහෝදුරට. (නි)
මහින්ද සෞදි Friday, 19 February 2016 09:31 AM
රටක පාලකයෙක් නිහතමානි වියයුතුය. (ර)
නන්දපාල Friday, 19 February 2016 04:04 PM
මොනවා කියනවද කියලා දන්නේ නැහැ. හැම කෙනෙකුටම බනිනවා. දෝෂාරෝපණය කරනවා. කරපු වැඩක් නම් නැහැ. (නි)
උදය Saturday, 20 February 2016 02:21 AM
කවුරුවත් කාටවත් කඩේ යන බවක් අපිට නම් පෙනෙන්නේ නැහැ (නි)
ශෂික Friday, 19 February 2016 09:34 AM
88-89 කාලේ ටයර්වල ගිය තරුණයොත් පෙළපාලියේ යාවි. (බ)
මොහාන් Friday, 19 February 2016 09:35 AM
තරුණයන් පාරට බැස්සාම මොවුන්ට හොඳ පාඩමක් ඉගැන්විය හැකියි.‘‘ ඒ කියන්නේ 89-90 වගේ.. (බ)
නිමල් ලලිත Saturday, 20 February 2016 02:29 AM
රැකියාව නැතිකම නිසා සහ ජීවත්වීමේ අපහසුව නිසා මේ රටේ පෙනෙනතෙක් මානයේ බෝට්ටුවෙන් නැත්නම් කට්ටමරමෙන් පැමිණ ඉතිරි හරිය මුහුදේ පිහිනා මෙරටට පැමිණියවුන්ට, නීත්‍යානුකුලව මෙරට පැමිණ රැකියා කිරීමේ අවස්ථාව ලබා දුන්නහම මෙරට රැකියා විරහිත අයට යන කලදසාව කුමක්ද? මෙරට අයට ඉන්දියානු රැකියා කෙසේවෙතත් දකුණු ඉන්දියානුවන්ට මෙරට රැකියාව කිරීමේ වරම සහ සිංහලයා වැනසීමේ වරම ලැබේවි. (නි)
ප්‍රියාන් Friday, 19 February 2016 09:44 AM
එහෙනම් දැන් මෙයාලට කඩේ යන අය ඕන තරම් ඉන්නේ..ඒවා ගැන ඇයි මෙයා කතා කරන්නේ නැත්තේ..වැරද්දක් පෙන්නුවොත් කඩේ යනවා..නැත්තම් හොදායි..!! අපි නොදන්න අගමැති..(බ)
සුසාන් Friday, 19 February 2016 09:45 AM
ගියපාර තරුණයන්ට කරපුදේම කරයි වගේ (කෞ)
රසින්ත Friday, 19 February 2016 10:01 AM
රැකියා උත්පාදනය වන ආකාරය රටට විස්තර සහිතව පෙන්වන්න. කඩේ යන අයට හොද පාඩමක් උගන්වන්න. (ර)
උපාලි Friday, 19 February 2016 09:55 AM
රජයේ වෛද්‍ය නිලධාරීන්ගේ සංගමය අපව ප්‍රාණ ඇපයට ගන්න එක වළක්වනවා නම් අපි හැමවිටම ඔබ සමගයි. (ර)
කුෂාන් Friday, 19 February 2016 05:16 PM
සැළෙන්න හොඳ නැහැ. ඔහුට විතරයි පුළුවන්. අනෙක් පුද්ගලයන්ට එය නොහැකියි. රස්සා වලිනුත් අස්කරන්න කියනවා. මේකද යහපාලනය? ලැජ්ජයි. (නි)
නවුෆර් Friday, 19 February 2016 10:33 AM
යහපාලානේ ඉවසීම සමහරු දුර්වලකමක් කියා සලකනවානම් එයාලට ඉතින් පාඩමක් නූගන්වා කොහොමද ? (බ)
චන්දි Friday, 19 February 2016 10:34 AM
මහින්දට කට්ටිය කඩේ යන එක හරි. එහෙත් එකට උත්තරේ ඕක නෙවෙයි.බලය ටිකක් ලැබුනහම කට්ටිය ඉදිමෙනවා ,මේක නෙවෙයි යහපාලනය .හරි දේ කරනවා නම් කවුරු කාට කඩේ ගියත් බයවෙන්න එපා. හැමදාම හදන අයවැයක් හරියට එකවර හදාගන්න තරම් නොහැකි අය නොදන්නා ක්ෂේත්‍රවල ජාත්ත්‍යන්තර ගිවිසුම් වලට කොහොම එළඹෙන්නද. ? . අදාල ක්ශේත්‍ර වල පළපුරුදු ඇති වෘත්තියවේදීන් ගෙන් අහල විමසල දැනගෙන ගිවිසුම් වලට ගියානම් මෙහෙම ප්‍රශ්න අත්වෙන්නේ නැහැ නේද? (බ)
විජය Saturday, 20 February 2016 03:27 PM
කරුණාකර රජයේ වෛද්‍ය සංගමයේ වෙබ් අඩවිය බලන්න. දොස්තර පාදෙනියගේ කතාවට සවන් දෙන්න. ඉන්පසුව කවුරුන් හරිද කියා ඔබට තීරණයක් ගතහැකිය (නි)
දහම් Friday, 19 February 2016 10:52 AM
මේ වගේ කතා කරන එක සාධාරණ නෑ.(හේ)
සමන් Friday, 19 February 2016 10:45 AM
බලය ලැබුනම කට්ටිය වෙනස් වෙනවා.(හේ)
විජය Saturday, 20 February 2016 03:33 PM
ඉතාම නරක සෞඛ්‍ය සේවයක් ඇති ඉන්දියාවෙන් හදිසි ගිලන් රථ සේවාවක් ලංකාවට ගෙන්වන්න හදන්නේ මොකටද? අපේ සෞඛ්‍ය සේවය බාල්දු කරන්න එපා (නි)
සෙනරත් Friday, 19 February 2016 06:44 PM
රජයේ තීරණවල වැරදි පෙන්වන්න හදනවිට 'මහින්දට කඩේ යනවා ' කිවුවාට හරියන්නේ නැත. ඔබ ගත් තීරණය නිවැරදි බව හැකි නම් බුද්ධිමත් ජනතාවට පැහැදිලි කර දෙන්න. (නි)
පුෂ්පා Friday, 19 February 2016 10:49 AM
ඔය කිසිම වෘත්තීය වගකීමක් නැති රටේ වෙදාලට නම් පාඩමක් උගන්නන්න ඕන. ඒ වගේම තමයි වගකීමක් නැති දේශපලුවන්ටත් පාඩමක් උගන්නන්න ඕන. එත් කවුද එහෙම කරන්න ඉන්නේ? ඔක්කොම එකයි. (හේ)
චමත් Friday, 19 February 2016 10:59 AM
ඒ දේ හරියටම ඔබ තුමා දන්නේ කොහොමද?(හේ)
නීටා Friday, 19 February 2016 11:06 AM
මේ එක්ටා ගිවිසුමෙන් වාසිය අත්වෙන්නේ ඉන්දියාවේ ඉන්න තරුණයින්ට මිසක් ලංකාවේ තරුණයින්ට නෙවෙයි. (ර)
ඔෂාන් Friday, 19 February 2016 07:49 PM
අනේ මන්දා මහත්තයෝ ඕවා! (නි)
ඕදාත Friday, 19 February 2016 11:16 AM
බන්දුල, ඔබේ අදහසත් සමග එකගයී. (ර)
සුසන්ත Friday, 19 February 2016 11:16 AM
අපේ රැකියා වෙළඳපල ඉන්දියාවට විවුර්ත කලාම අපේ රටේ අයට රැකියා හැදෙන්නේ කොහොමද කියල කවුරුහරි අහනවද කරුණාකරලා? රැකියා හදන්න ඕන ආයෝජන, එක දැනටමත් කරන්න පුළුවන්. මොකටද අපේ සේවා රැකියා ඔවුන්ට දෙන්නේ? එකෙන් කොහොමද අපිට රැකියා හැදෙන්නේ? (ර)
රාමන් Friday, 19 February 2016 09:13 PM
මොනවටද මන්දා මේ සූදානම? (නි)
සුමිත්‍රා බස්නායක Friday, 19 February 2016 11:52 AM
යහපාලනයට වැඩි ආයුෂ නැත. එක තමයි ඇත්ත කතාව.(ම)
විජය Saturday, 20 February 2016 11:56 PM
බලන්නකො මෙයාලගේ උජාරුව. ආසියාවේ හොඳම සුව සේවය මේ රටේ ඉන්න දොස්තරලා නර්ස්ලා සහ අනෙක් සුව සේවකයන් නිසා බව මතක තියාගත්තොත් හොඳයි (නි)
විදානේ Saturday, 20 February 2016 12:38 AM
මම නම් ඔබතුමා කියන දේවල් වලට එකඟ වෙන්නේ නැහැ (නි)
ජනක Saturday, 20 February 2016 12:43 AM
අගමැතිතුමනි, ඔබට මාගේ සහය. (නි)
නිමල් Saturday, 20 February 2016 01:09 AM
දෙවියන් මේ රට ගොඩගන්න ඔබතුමාට අවස්ථාවක් දීලා තියනවා. කල්පනාවෙන් වැඩකරන්න. ඔබතුමාට සියලු දෙවි රැකවරණය ලැබේවා! (නි)
පුලාරා Saturday, 20 February 2016 01:19 AM
දේශපාලන නායකයෝ මෙලෙස හැසිරෙන්නේ, කතා කරන්නේ, තර්ජන කරන්නේ තමන්ගේ දීර්ඝ පාලන කාලයකින් පසු අවසානයේ පරාජය පෙනි පෙනීය. මේ පැහැදිලිවම තමනට පාලනය ගෙනයන්නට නොහැකිව කරන හැසිරීමක් බව දන්නෝ දනිති. (නි)
රුවන් Friday, 19 February 2016 12:56 PM
අගමැතිතුමා කියන කතාව හරි. (ර)
දිලිප් වික්‍රමරත්න Friday, 19 February 2016 01:20 PM
සමහර අයගේ අදහස් දැක්කම ලජ්ජා හිතෙනවා. (ර)
සේකර Friday, 19 February 2016 01:23 PM
චන්දි ; ඔබගේ කතාව ඉහලින්ම අනුමත කරමි. (ර)
අසංක සංජය Friday, 19 February 2016 02:38 PM
මොවුන් කඩේ යන පිරිසක් එ්ක සෞඛ්‍ය අමාත්‍යංශයේ අය දන්නවා මොවුන්ට කිසිම ඉඩක් දෙන්න එපා මිනිස්සුන්ගේ වකුගඩුත් විකුනපු අය (බ)