සෞදි අරාබියේ ගෘහ සේවිකාවන් ලෙස සේවයට යන කතුන්ගෙන් සැලකිය යුතු පිරිසක් මේ වනවිටත් අතරමංව තානාපති කාර්යාල රැකවරණ සොයා එනබව දැනගන්නට ඇත .2013 වසරේ සෞදි රජයෙන් දුන් පොදු සමා කාලයට සමගාමීව විසිදෙදහසකට නොඅඩු පිරිසක් ශ්‍රී ලංකාවට එවීම හෝ නීත්‍යනුකුල හාම්පුතෙකු යටතට පත් වුවද මේ වනවිටත් විවිධ නිවෙස් වල හෝ නීත්‍යනු කුල නොවන ආකාරයට රැකියාවල නියුතු කාන්තාවන් පිලිබදව තොරතුරු ලැබෙයි.
සෞදි අරාබියේ ශ්‍රී ලංකා තානාපති කාර්යාලයෙන් කොපමණ දැනුවත් කළද කොපමණ අවවාද කළද නිවෙස් වලින් පැනයාම දිගටම සිදුවෙන බව තානාපති නිලධරයෝ කියති.

ගිය ජුනීයේ සහ ජුලියේ නැගෙනහිර කලාපීය ජංගම සේවාව වෙතද කාන්තාවන් සැලකියයුතු පිරිසක් රැකවරණ පතා පැමිණ සිටි අතර විවිධ අඩම්තේට්ටම් සහ හිරිහැර වලට ගොදුරු වූ කාන්තාවන් කිහිපදෙනෙක්ම සිටියහ.ඒ අතර තලතුනා වයසේ කාන්තාවක් මා සමග පැවසුවේ මාස 7 ක් පුරාවට කිසිදු වැටුපක් ලබා නුදුන් බවයි.

වැටුප් ඉල්ලු විට දත් දෙකක් කැඩෙනතුරු පහර දුන් බවත් ඈ කීවාය.තවත් කාන්තාවක් ජංගම සේවාවේදී කදුළු සලමින් පැවසුවේ තානාපති නිලධාරීන් පොලිසියක් වෙත ගෙනගොස් බැස්සුවද තමන් පොලිස් නිලධාරීන් විසින්  එලවා ගත්බවයි,මේ කාන්තාවන්  පිළිබද තොරතුරු මේ වනවිට තානාපති කාර්යාලය සතුව ඇති අතර මීටත් වඩා කෘර ලෙස හිංසනයට ලක්වූ කාන්තාවන් පිළිබදව තොරතුරු තානාපති කාර්යාලයේ කම්කරු අංශය වෙත ඇති නමුත් නිලධාරීන්ටද කළහැකි වන්නේ සීමිත වැඩකොටසක් බව සැළයි.ඒ අතරම සමහර කාන්තාවන් ලංකාවේ ඇතැම් විදේශ රැකියා ආයතන වලින් ලොකු මුදලක් ලබාගෙන සෞදි අරාබියට පැමිණ මසක් ගතවෙන්නටත් ප්‍රථම කුමන හෝ ගැටළුවක් මැදිකරගෙන තානාපති කාර්යාලයට එතියි කියති.

lali1 lali2 lali3