(තුසිත කුමාර ද සිල්වා) .

අලුත්ගම මොරගල්ල  තරු පන්තියේ සංචාරක හෝටලයක  ප්‍රධාන   කළමනාකරැවකුට සාමාන්‍ය සේවකයෙකු විසින් අද (4) වීදුරු බෝතලයකින් හිසට පහරදී බරපතළ තුවාල කර ඇතැයි කියන සිද්ධිය සම්බන්ධයෙන් එම සේවකයා අත්අඩංගුවට ගත් බව  අලුත්ගම පොලිසිය කියයි.

කාන්තාවකගේ පසුපස පෙදෙස ස්පර්ශ කිරීමේ විනය විරෝධී  ක්‍රියාවක් සේවකයා විසින් සිදුකළැයි කියන සිද්ධියක් සම්බන්ධයෙන්  එම කළමනාකාරවරයා  අදාල සේවකයා කාර්යාලයට කැඳවූ අවස්ථාවේ උරණ වූ සේවකයා මෙසේ එම කළමනාකාරවරයා ට පහර දී ඇතැයි   පොලිසිය කියයි.

සිද්ධිය  සැලවීමත් සමඟ මොරගල්ල සංචාරක පොලිසියේ නිලධාරීන් හා අලුත්ගම  පොලිස්  කණ්ඩායමක්   සහකාර පොලිස් අධිකාරි  දුමින්ද රාජපක්ෂ  මහතා දැනුවත් කර    ඒ මහතා ද සමඟ  සිද්ධියසිදු වූ    හෝටලයේ කාර්යාල පරිශ්‍රයනිරීක්ෂණය කර තිබේ.

පහරකෑමට ලක්වූ කළමනාකාර වරයා  කළුතර ශික්ෂණ රෝහලට ඇතුළත් කර ඇති අතර  එම පහර දීමෙන් එක් අතකට තුවාල සිදුවී ඇතැයි කියන සැකකාර සේවකයාද ප්‍රතිකාර සඳහා අලුත්ගම රෝහලට ඇතුළත්ව සිටියදී අත්අඩංගුවට ගත් බව පොලිසිය කියයි

සිද්ධිය සම්බන්ධයෙන් අලූත්ගම ප්‍රදේශය බාර භාර සහකාර පොලිස් අධිකාරී දුම්න්ද රාජපක්ෂ මහතාගේ උපදෙස් මත අලුත්ගම හා  මොරගල්ල සංචාරක  පොලිස් ස්ථාන ඒකාබද්ධව පරීක්ෂණ පවත්වයි.