ශ්‍රී ලංකා ගුවන්විදුලි සංස්ථාවේ හිටපු සභාපති හඩ්සන් සමරසිංහට පොලිස් මූල්‍ය අපරාධ කොට්ඨාසයේ සහකාර පොලිස් අධිකාරිවරයකු යැයි කියමින් රුපියල් ලක්ෂ දෙක හමාරක අල්ලස් ඉල්ලූ පුද්ගලයකු අත් අඩංගුවට ගැනීමට කුරුඳුවත්ත පොලිසිය පරීක්ෂණ පවත්වයි.

හඩ්සන් සමරසිංහට එරෙහි පොලිස් පරීක්ෂණ දේශපාලන පළිගැනීම් බව කියමින් ඒවා විසඳාගැනීමට උදව් උපකාර කරන බවට පොරොන්දු වෙමින් රුපියල් ලක්ෂ දෙක හමාරක් තම ගිණුමට බැර කරන ලෙස එම පුද්ගලයා දුරකථනයෙන් දැනුම් දුන් බව හඩ්සන් සමරසිංහ කුරුඳුවත්ත පොලිසියට කළ පැමිණිල්ලේ සඳහන් වේ.

මේ අනුව පොලිසිය අද කොළඹ මහේස්ත්‍රාත් උසාවියට මේ පිළිබඳ දැනුම් දීමෙන් පසු ඔහුගේ දුරකථන ඇමතුම් පිළිබඳ වාර්තාවක් ලබාගැනීමට අවසර ලැබිණි.