එසැණ පුවත්

බැසිලුත් රටින් යයි

හිටපු මුදල් අමාත්‍ය බැසිල් රාජපක්ෂ මහතා ශ්‍රී ලංකාවෙන් පිටව ගොස් ඇතැයි බී.බී.සී පුවත් සේවය වාර්තා කළේය.

13 July 2022

’’ජනපතිගේ අස්වීමේ ලිපිය ලැබී නෑ: බලාපොරොත්තුවෙන් ඉන්නවා’’

ජනධිපතිවරයාගේ ඉල්ලා අස්වීමේ ලිපිය තවමත් තමා අතට ලැබී නැතැයි කතානායක මහින්දයාපා අෙබ්වර්ධන මහතා පැවසීය.

13 July 2022

අගමැති කාර්යාලය අසළ කඳුළු ගෑස් ප්‍රහාරයක්

කොළඹ 7 මල්පාරේ පිහිටි අග්‍රාමාත්‍ය කාර්යාලය ඉදිරිපිට විරෝධතාවක් දැක්වූ පිරිසකට මීට සුළු මොහොතකට පෙර පොලිසිය කඳුළු ගෑස් ප්‍රහාරයක් එල්ල කර විසුරුවා හැරියේය.

13 July 2022

ජනපති තනතුරට තුන් කොන් සටනක් ?

ජනාධිපති ධුරය සඳහා නම් තුනක් යෝජනා වී ඇතැයි පාර්ලිමේන්තු ආරංචි මාර්ග සඳහන් කරයි.

13 July 2022

ඉන්දියාවෙන් නිවේදනයක්

ජනාධිපති ගෝඨාභය රාජපක්ෂ මහතාට සහ බැසිල් රාජපක්ෂ මහතාට ශ්‍රී ලංකාවෙන් පිටවීම සඳහා ඉන්දීයාව සහාය හා පහසුකම් දැක්වූ බවට පළ වන වාර්තා අසත්‍ය බව මෙරට ඉන්දීය මහ කොමසාරිස් කාර්යාලය ට්විටර් පණිවුඩයක් නිකුත් කරමින් සඳහන් කරයි

13 July 2022

ගාලුමුවදොර අරගල භූමියේ ගැටුමකින් හතරක් රෝහලට

කොළඹ ගාලු මුවදොර අරගල භූමියේදී දෙපිරිසක් ඇතිවූ ගැටුමකින් කැපුම් තුවාල ලැබූ සිව් දෙනකු කොළඹ ජාතික රෝහල වෙත ඇතුළත් කළ බව එහි ජ්‍යෙෂ්ඨ ප්‍රකාශකයෙක් පැවසීය

13 July 2022

ජනපති රටින් පිටව ගිය බව ගුවන් හමුදාව තහවුරු කරයි

ජනාධිපති ගෝඨාභය රාජපක්ෂ මහතා, බිරිය සහ ආරක්ෂකයන් දෙදෙනකු ගුවන් හමුදාවට අයත් නායක ගුවන් තොටුපොළේ සිට අද (13) අළුයම මාලදිවයින බලා රැගෙන ගිය බව ගුවන් හමුදාව නිවේදනයක් නිකුත් කරමින් දන්වා සිටී.

13 July 2022

ඌරගහ වෙඩි තැබීමකින් අයෙක් රෝහලට

ඌරගස්මංහංදිය කොරකින ප්‍රදේශයේ සිදුවූ වෙඩි තැබීමකින් පුද්ගලයකු රෝහල්ගත කළ බව ඌරගස්මංහංදිය පොලිසිය කියයි .

13 July 2022

සබරගමුව,මධ්‍යම ඇතුළු පළාත් කීපයකට වැසි

සබරගමුව පළාතේත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් අද (13) වැසි වාර කිහිපයක් ඇතිවන බව කාලගුණ විද්‍යා දෙපාර්තමේන්තුව පවසයි.

13 July 2022

ජනපති රටින් යයි

ජනාධිපති ගෝඨාභය රාජපක්ෂ මහතා අද අලුයම මාලදිවයින බලා නික්ම ගොස් ඇති බව කටුනායක ගුවන් තොටුපළ ආරංචි මාර්ග සදහන් කළේය.

13 July 2022

ජනාධිපති ගෝඨාභය හරවා යවන්න ආගමන විගමන නිලධාරීන්ට බලයක් නෑ

ජනාධිපති ගෝඨාභය රාජපක්‍ෂ මහතා කටුනායක ගුවන් තොටුපළෙන් විදේශ ගතවීමට පැමිණි අවස්ථාවේදී ආගමන හා විගමන නිලධාරීන් ඔහුට රටින් පිටවීමට අනුමැතිය දීම ප්‍රතික්ෂේප කළ බවට පළවන ප්‍රචාරවල කිසිඳු සත්‍යතාවක් නොමැති බව ශ්‍රී ලංකා ආගමන හා විගමන නිලධාරීන්ගේ සංගමයේ සභාපති කේ. ඒ. ඒ. එස්. කණුගල මහතා නිවේදනයක් නිකුත් කරමින් අද (12) රාත්‍රී පැවසීය.

12 July 2022

ජනපති මැදුරේ ආරක්ෂාවට පියවර ගනී

ඉකුත් 9 වැනි දින වූ සිදුවීම්වලින් ඇති වූ තත්වයන් නිසා කොළඹ ජනාධිපති මන්දිරය ඇතුළු පුරාවිද්‍යා ස්මාරකවලට හානි සිදු වී ඇති බවත් එසේ හානි සිදුකළහොත් පුරාවිද්‍යා ආඥා පනත ප්‍රකාරව නීතිමය ක්‍රියාමාර්ග ගැනීමට සිදුවන බවත් පුරාවිද්‍යා අධ්‍යක්ෂ ජනරාල්, මහාචාර්ය අනුර මනතුංග මහතා නිවේදනයක් නිකුත් කරමින් කියා සිටී.

12 July 2022

ජනපති ඇමෙරිකාවෙන් ඉල්ලූ වීසා ප්‍රතික්ෂේප වෙයි

ශ්‍රී ලංකා ජනාධිපති ගෝඨාභය රාජපක්ෂ මහතාගේ ඇමෙරිකානු වීසා අයදුම්පත ඇමෙරිකා එක්සත් ජනපදය ප්‍රතික්ෂේප කර ඇතැයි හින්දු’ පුවත් පත වාර්තා කළේය.

12 July 2022

ජනපති ගියොත් ඊළඟ ජනපති වත්මන් අගමැති

ජනපතිගේ ඉල්ලා අස්වීම ප්‍රකාශයට පත් වූ පසුව ව්‍යවස්ථානුකූලව සිදු විය යුත්තේ අග්‍රාමාත්‍යවරයා ජනාධිපති ධුරයට පත්වීම යැයි හිටපු ජනාධිපති මෛත්‍රීපාල මෛත්‍රීපාල සිරිසේන මහතා පැවසීය.

12 July 2022

ජනතාව නිවන්න කළ හැකි හොඳම දේ මහින්ද දේශපාලනයෙන් සමු ගැනීමයි

ජනතාව නිවීමට ඇති එකම මාර්ගය මහින්ද රාජපක්ෂ මහතා දේශපාලනයෙන් සම්පූර්ණයෙන්ම සමුගැනීම බව පාර්ලිමේන්තු මන්ත්‍රී පාඨලී චම්පික රණවක මහතා පැවසීය.

12 July 2022

ජනපති ඉල්ලා අස්වීමේ ලිපියට අත්සන් තබයි?

ජනාධිපති ගෝඨාභය රාජපක්ෂ මහතා එම තනතුරින් ඉල්ලා අස්වීමේ ලිපිය කතානායකවරයාට බාර දුන් වහාම නව ජනාධිපතිවරයකු පත් කර ගැනීම සම්බන්ධයෙන්වූ පාර්ලිමේන්තු කටයුතු හෙට (13) දිනයේම ආරම්භ කෙරෙනු ඇතැයි පාර්ලිමේන්තු ආරංචි මාර්ගවලින් පැවසේ.

12 July 2022

දුම්රිය ගැන තොරතුරු 1971 න්

දුම්රිය පිළිබඳ තොරතුරු විමසීමට සහ පැමිණිලි කිරීමට 1971 ක්ෂණික දුරකථන අංකයක් අනිද්දා (14) පෙරවරු 7.00 සිට පැය 24 පුරා ක්‍රියාත්මක වන බව දුම්රිය සාමාන්‍යාධිකාරී ධම්මික ජයසුන්දර මහතා පැවසීය.

12 July 2022

ලංකාවේ ආහාර සුරක්ෂිතතාවට ඉන්දියාව අතදෙයි

චීනය,ඉන්දියාව සහ ජපානය සමඟ ශ්‍රී ලංකාව පැවැත්වීමට අපේක්ෂා කරන යෝජිත විදේශ ආධාර සමුළුවට ඉන්දියාව සහභාගී වන බව සහතික කර ඇතැයි ආරංචි මාර්ග ප්‍රකාශ කළ බව නිව්ස් 18 ඉන්දීය පුවත් සේවය සඳහන් කළේය.

12 July 2022

ආගමන විගමන නිලධාරීන් මත්තල සාමාන්‍ය පරිදි වැඩ

කටුනායක ජාත්‍යන්තර ගුවන්තොටුපළ විශේෂ සත්කාර මගින් සඳහා වන සේද මාවත (සී.අයි.පී) මගී නිෂ්කාශන කටයුතුවලින් පමණක් ආගමන හා විගමන නිලධාරීන් ඉවත් වූ බවත් මත්තල ඇතුළු සෙසු සියලුම ගුවන්තොටුපළවල සාමාන්‍ය රාජකාරි පවත්වාගෙන යන බවත් ශ්‍රී ලංකා ආගමන හා විගමන නිලධාරීන්ගේ සංගමයේ සභාපති කේ. ඒ. ඒ. එස්. කණුගල මහතා අද (12) පස්වරුවේ පැවසීය.

12 July 2022

අන්තර් පළාත් පෞද්ගලික බස් රථ 3000ක් ධාවනයෙන් ඉවතට

ඉන්ධන හිගය හේතුවෙන් අද (12) දිනයේ අන්තර් පළාත් ඇතුලු පෞද්ගලික බස් රථ ධාවනය විශාල ලෙස අඩුවූ අතර මේ හේතුවෙන් මගීහු දැඩි පීඩාවට පත්වූහ.

12 July 2022

ජනපතිගේ ඉල්ලා අස්වීම ලැබුණු වහාම කතානායකගෙන් විශේෂ ප්‍රකාශයක්

ජනාධිපති ගෝඨාභය රාජපක්ෂ මහතා එම තනතුරින් ඉල්ලා අස්වීමේ ලිපිය කතානායකවරයාට බාර දුන් වහාම නව ජනාධිපතිවරයකු පත් කර ගැනීම සම්බන්ධයෙන්වූ පාර්ලිමේන්තු කටයුතු හෙට (13) දිනයේම ආරම්භ කෙරෙනු ඇතැයි පාර්ලිමේන්තු ආරංචි මාර්ගවලින් පැවසේ.

12 July 2022

අඩුම ලංසුවට ගෑස් ගන්න: ලිට්රෝ සමාගමට එරෙහිව රිටි පෙත්සමක්

පාරිභෝගිකයන්ගේ යහපත උදෙසා අඩුම ලංසුවට ගෑස් මිලදී ගැනීමට බලකරමින් ලිට්රෝ ගෑස් සමාගමට රිට් ආඥාවක් නිකුත් කරන ලෙස ඉල්ලා විනිවිද පෙරමුණේ මහ ලේකම් නාගානන්ද කොඩිතුවක්කු මහතා අභියාචනාධිකරණය හමුවේ අද (12) රිට් පෙත්සමක් ගොනු කරනු ලැබ ඇත.

12 July 2022

කොළඹට අද ගෑස් සිලින්ඩර 75,000 ක් බෙදලා

කොළඹ ප්‍රදේශයට ගෑස් සිලින්ඩර 75,000 ක් අද (12) දිනයේ බෙදාහැරිය බව ලිට්‍රෝ ගෑස් සමාගමේ මාධ්‍ය ප්‍රකාශක වී. කේතේෂ්වරම් මහතා අද (12) පස්වරුවේ පැවසීය.

12 July 2022

අගමැති ජපන් මිතුරාට සමු දෙයි

අග්‍රාමාත්‍ය රනිල් වික්‍රමසිංහ මහතා ශ්‍රී ලංකාවේ ජපාන තානාපති කාර්යාලයට පැමිණ ජපානයේ හිටපු අග්‍රාමාත්‍ය ෂින්ෂෝ අබේ මහතාගේ අභාවය වෙනුවෙන් අද (12) සටහනක් තබා ශෝකය පළ කළේය.

12 July 2022

ගුවන් හමුදාපතිගෙන් නිවේදනයක්

ජනාධිපති ගෝඨාභය රාජපක්ෂ මහතා ගුවන් හමුදාපති එයාර් මාෂල් සුදර්ශන පතිරණ මහතාට අයත් පෞද්ගලික නිවස රැඳී සිටින බවට ශ්‍රි ලංකා පොලිසිය දේශපාලනීයකරණයෙන් මුදා ගැනීමේ ජාත්‍යන්තර සංවිධානයේ සභාපතිවරයා කියා ගන්නා හිටපු පොලිස් නිලධාරියකු සමාජ මාධ්‍ය වෙත මුදා හැර ඇති හඬපටයේ කිසිදු සත්‍යතාවක් නොමැති බව ගුවන් හමුදාව නිවේදනයක් නිකුත් කරමින් පවසයි.

12 July 2022

පාන් - බනිස් මිල නඟී

තිරිගු පිටි මිල ඉහළ දැමීම හේතුවෙන් පාන් ඇතුලු බේකරි නිශ්පාදන, ඇතුලු ආහාර ද්‍රව්‍ය වල මිල ඉහළ දැමීමට බේකරි හිමියන් පියවර ගෙන තිබේ.

12 July 2022

දරු දෙදෙනා ගෙදර දමා අම්මයි තාත්තා ඉසුරු සොයා ගිහින්

අම්මයි තාත්තයි විදේශ ගතවීම නිසා නව හැවිරිදි නැගණිය රැකබලා ගැනීමට තමන්ට හැකියාවක් නැතැයි පවසමින් දහතුන් හැවිරිදි අක්කකු දිවි හානිකර ගන්නා බවට පොලීසියට ලැබුණු තොරතුරක් මත වහා ක්‍රියාත්මක වූ පොලීසිය එම දැරියන්ගේ නිවාස සොයා ගොස් දැරියන් දෙදෙනා පොලීසිය වෙත රැගෙන ආ බව ගෝනාපීනුවල පොලීසිය කියයි.

12 July 2022

ගෑස් පෝලිමේ මරණයක්

කොට්ටාව බස් නැවතුම්පළ භූමියේ ගෑස් පෝලිමක රැඳී සිටි පුද්ගලයකු හදිසියේ ඇති වූ රෝගී තත්ත්වයක් හේතුවෙන් ප්‍රතිකාර සදහා හෝමාගම මූලික රෝහලට ඇතුළත් කිරීමෙන් පසුව ජීවිතක්ෂයට පත්ව ඇතැයි කොට්ටාව පොලිසිය පවසයි .

12 July 2022