2014 වසරේ දීප ව්‍යාප්ත විද්‍යා දින වැඩසටහන් මාලාවට සමගාමීව ආනන්ද විද්‍යාලයේ නව නිපැයුම් කරුවන්ගේ සංගමය සංවිධානය කළ ප්‍රදර්ශනයේ ජයග්‍රාහකයන් සඳහා ත්‍යාග හා සහතිපත් බෙදා දීම අද (25) එම විද්‍යාලයීය කුලරත්න ශාලාවේදී පැවැත්විණි.

තාක්ෂණ හා පර්යේෂණ අමාත්‍ය පාඨලී චම්පික රණවක, ජාතික විද්‍යා  පදනමේ සභාපති මහාචාර්ය ඩබ්ලිව් ඒ සුමතිපාල, ආචාර්ය ජයන්ත වත්තේවිතානගේ, ශ්‍රී ලංකා නව නිපැයුම් කරුවන්ගේ කොමිසමේ නියෝජ්‍ය කොමසාරිස් ඉන්ජිනේරු නලීන් ඩී කරුණාසිංහ සහ ඉන්ජිනේරු චිත්‍රා බොතේජු   මහත්ම මහත්මීහු ප්‍රධාන ආරාධිතයෝ වූහ.

අනාගතයේ දී ඇති විය හැකි බල ශක්ති අර්බුදය සම්බන්ධයෙන් ඇමැති රණවක මහතා දේශනයක් කළේය.  

ආදි ආනන්දියකු වන චම්පික රණවක මහතා අතින් නව නිර්මාණ ජයග්‍රාහකයනට ත්‍යාග සහ සහතිකපත් පිරිනැමූ අතර නව නිපැයුම්කරුවන්ගේ සංගමය මගින් ඇමැතිවරයාට ද සමරු තිලිණයක් පිළි ගැන්වීය.

මේ අවස්ථාවට පාසල් රැසක් නියෝජනය කරමින් සිසුහු සහ ගුරුවරු සහභාගී වූහ.

ජතික විද්‍යා පදනම, තාක්ෂණ හා පර්යේෂණ අමාත්‍යංශය සහ ශ්‍රී ලංකා නය නිපැයුම්කරුවන්ගේ කොමිසම අනුග්‍රහය දැක්වීය.