රුපියල්  ලක්ෂ  විසිපහක් වටිනා හෙරොයින් කුඩු  රැගෙන  පකිස්ථානයේ සිට මෙරටට   පැමිණි පාකිස්ථාන ජාතිකයෙකු රේගු මත් ද්‍රව්‍ය ඒකකයේ  නිලධාරීන් විසින්  අත්අඩංගුවට ගත් බව රේගු මාධ්‍ය ප්‍රකාශක ලෙස්ලි ගාමිණී මහතා පැවසුවේය.

සැකකරු  තිස් හතර වියේ  පසුවන  පකිස්ථානයේ කරච්චි නුවර පදිංචි පුද්ගලයෙකි.

ඔහු ගෙන ආ  ගමන් මළු දෙකක හෙරොයින් ග්‍රෑම් 100 බැගින්ද, ඔහු පැළඳි සපත්තුවේ යටි පතුලේ  තවත් හොරොයින් ග්‍රෑම් 100 ක්ද  සගවා තිබු  බව රේගුව කියයි.

අත් අඩංගුවට ගනු ලැබු හෙරොයින් වල බර ග්‍රෑම් තුන්සීයකි.

සැකකරු ශ්‍රී ලංකන් ගුවන් සේවයට අයත් යු.එල් 184 දරණ ගුවන්යානයෙන් මෙරටට පැමින ඇත.

මොහු  නිතර නිතර ශ්‍රී ලංකාවට යන එන අයෙකු බව කරන ලද පරීක්ෂණවලින් අනාවරණය වී ඇත.

මේ පිළිබඳ විමර්ශන කටයුතු ගුවන්තොටුපොළ රේගු අධ්‍යක්ෂක  දීපාල් සිරිබද්ධන මහතාගේ  අධීක්ෂනය යටතේ නියෝජ්‍ය රේගු අධිකාරී එම්.ඩබ්ලිව්.ඒ.ටී.එම් රෂීක් සහ සහකාර රේගු අධිකාරී තනුෂ්ක විජේසුරිය යන නිලධාරීහු සිදුකරති.