ලන්ඩන් නුවර ශ්රී සද්ධාතිස්ස ජාත්යන්තර බෞද්ධ මධ්යස්ථානයට අනුබද්ධිත දහම් පාසලේ සහ සංගීත හා නර්තන පන්තිවල දරු දැරියන් සහභාගී වූ සිංහල අවුරුදු උත්සවය පැවැත්විණි.
විහාරාධිපති මහා බ්රිතාන්යයේ ප්රධාන සංඝනායක අග්ගමහා පණ්ඩිත ගලයායේ පියදස්සි හිමියන්ගේ අනුශාසකත්වයෙන් සහ දහම් පාසලේ ප්රධානාචාර්ය නේපාලේ සුමන හිමියන් ඇතුළු ගුරු මණ්ඩලයේත් අනෙකුත් දායක කාරකාදීන්ගේත් උත්සාහයෙන් සංවිධානයකර තිබු එම බක්මහ උළෙල ශ්රී ලාංකික දෙමාපියන්ගේ දරු දැරියන් විසින් මෙතෙක් එංගලන්තයේදී ඉදිරිපත් කරනු ලැබූ විශිෂ්ට තම කලා උළෙල බව එය නැරඹීමට පැමිණි බොහෝදෙනා පැවසුහ.
දරු දැරියන් ඉදරිපත් කළ නර්තන අංගයන් පුහුණු කරන ලද්දේ ප්රවීණ නර්තන ශිල්පී ඒ.පී.අත්තනායක, රසිකා අත්තනායක සහ ඕලු සුරවීර විසිනි.
සිංහල ගැමි සංගීතය සහ ගැමි ගීත තේමා කරගත් වටිනා ගායන අංගයන් පුරුදු පුහුණුකර ඉදිරිපත් කරන ලද්දේ සංගීත විශාරද අර්චනා දිසානායක විසිනි. වාදනයෙන් චන්දන ෆොන්සේකා ඇයට සහාය විය.
මිහිඳු මහ රහතන් වහන්සේගේ ලංකා ගමනය තේමා කර ගනිමින් නිර්මාණය කර තිබු කෙටි නාට්ය පිටපත ලියා අධ්යක්ෂණය කරන ලද්දේ චන්දන විතාන සහ ශර්මිලා විතාන විසිනි.
උත්සවයේ විස්තර කථනය ද චන්දන විතාන ගෙනි.
බක් මහ උළෙල සඳහා ආරාධිත අමුත්තන් වශයෙන් ශ්රී ලංකා මහකොමසාරිස් වෛද්ය ක්රිස් නෝනිස් ද තානාපති නිලධාරයෝ ද දරු දැරියන්ගේ දෙමාපියෝ සහ හිතමිත්රාදී හු ද සහභාගී වුහ.
උත්සවය ආරම්භයේදී සියලුම දෙනා තිසරණ සහිත පංචශීලයෙහි පිහිටුවන ලද්දේ පියදස්සී නාහිමියන් විසිනි.
ඉන් පසුව දහම් පාසල් සිසු සිසුවියන් ශ්රී ලංකා ජාතික ගීය ගායනා කරද්දී මහ කොමසාරිස් වෛද්ය ක්රිස් නෝනිස් විසින් ජාතික කොඩිය එසැවීය.
ආරාධිත අමුත්තෝ ඊළඟට සම්ප්රදායික පොල්තෙල් පහන දැල්වූහ. ඒ සඳහා අලංකාර පහනක් නිර්මාණය කරන ලද්දේ ප්රවීණ කලාශිල්පී ජයරත්න බණ්ඩාර විසිනි.
උදෑසන සියලුම සිසු සිසුවියන් සම්බන්ධ කර ගනිමින් සිංහල අවුරුදු චාරිත්ර සහ සම්ප්රදායික කෙලි සෙල්ලම් ඇතුළත් වැඩසටහනක්ද සවස් භාගයේදී අලංකාර සංස්කෘතික සංදර්ශනයක්ද පැවැත්විණි.
කැවුම්,කොකිස්, කිරිබත්, අතිරස ඇතුළු සම්ප්රදායික ශ්රී ලාංකික ආහාර පානාදියද එහි විය.
නේපාලේ සුමන හිමියන් පැවසුවේ ශ්රී ලාංකික ජාතික සහ සංස්කෘතික උරුමයේ වටිනාකම අනාගත පරපුරට අවබෝධ කරදීම අත්යාවශ්යම යුගයක් බවට පත්ව ඇති කාල වකවානුවක මේ උත්සාහය පැසසිය යුතු බවයි. "කාර්ය බහුල ව සිටියදී තමන්ගේ වටිනා කාලයත් ශ්රමයත් කැප කරමින් මෙම බක්මහ උළෙලේ වැඩකටයුතු සාර්ථක කර ගැනීම උදෙසා ස්වෙච්ඡාවෙන් උදව් උපකාර කළ දහම් පාසලේ ගුරු මණ්ඩලය,පරිපාලන සහායක නිලධාරී මහත්ම මහත්මීන්, කුසලතා පුර්ණ කලා ශිල්පීන් ඇතුළු සියලුම දෙනාහට තම ස්තුති පුර්වක ගෞරවය පුදකරන බවද" සුමන හිමියෝ පැවසුහ.
ලන්ඩනය වැනි නවීන මෙන්ම සංකීර්ණ නගරයක ජීවත්වන ශ්රී ලාංකික දෙමාපියන්ගේ දු දරුවන් ඉදිරිපත් කළ නර්තන සහ ගායනා මගින් එදින ඔවුනගේ ආගම සහ මුල් සංස්කෘතිය පිළිබඳව ඔවුන් අතර ඇති ඇල්ම මෙන්ම පරිනත භාවය පුදුම සහගත බව මෙම සංදර්ශනය සඳහා සහභාගිවූ ජාතික රුපවානිනී සේවයේ ප්රවීණ වැඩසටහන් නිෂ්පාදක වරයෙකු සහ වාර්තා වැඩසටහන් අධ්යක්ෂවරයකු ලෙස සේවය කළ වරුණ ලේල්වල පැවසීය.
පසුගිය වසර කිහිපයක් පුරා එංගලන්තයේ විවිධ නගරවල ශ්රී ලාංකික විහාරස්ථාන සහ සංස්කෘතික සංවිධාන ඉදිරිපත්කළ ඉතාම උසස් මට්ටමේ සංස්කෘතික සහ ආගමික වැඩසටහන් සඳහා තමන් සහභාගීවී ඇතිබවත් ඒ අතරින් මෙම වැඩ සටහන ප්රමුඛ ස්ථානයේ තැබිය හැකි බවත් ඔහු කිවේය.
රුසියාව සමඟ යුද්ධය අවසන් කිරීමට ඔන්න මෙන්න යැයි යුක්රේන ජනාධිපති ව්ලොදිමීර් සෙලෙන්ස්කී පවසයි.
ලෝකය යහපත් තැනක් කළ හැක්කේ, සාමය පවතින්නේ නම් පමණක් බවත්, යුද ගැටුම්වලින් එය කළ නොහැකි බවත්, ඉන්දීය අග්රාමාත්ය නරේන්ද්ර මෝදි පෙන්වා දෙයි.
උතුරු පළාත් අාණ්ඩුකාර පි. එස්. එම් චාර්ල්ස් මහත්මිය සිය ධූරයෙන් අද (23) ඉල්ලා අස්විය.
ඉදිරි දේශපාලන කටයුතු වෙනුවෙන් විපක්ෂයේ පොදු සන්ධානයක් පිහිටුවීම සඳහා සමගි ජන බලවේගය සමඟ සාකච්ඡා අරඹන්නැයි එක්සත් ජාතික පක්ෂ නායක හිටපු ජනාධිපති රනි
සමගි ජන සන්ධානයේ ප්රතිපත්ති පිළිගත හැකි සියලු දෙනාට ඉදිරි මැතිවරණ වෙනුවෙන් දොරටු විවෘත කරන බව විපක්ෂයේ ප්රධාන සංවිධායක පාර්ලිමේන්තු මන්ත්රී ලක්
කුඩාවැල්ල ධීවර වරායෙන් තනි දවසේ ධීවර රැකියාව කිරීමට ධීවරයින් තිදෙනකු සමග ඉකුත් 21 දා දහවල් 1.30 ට පමණ මුහුදු ගිය ධීවර යාත්රාවක් මේ දක්වා ගොඩබිමට නොපැමිණ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ලක් දරුවෝ අවුරුදු උරුමය ලන්ඩන් ගෙනයති