ගබ්සා පෙති 6800 කුත්, මනස විකෘති කරනා මත්පෙති 116,465 කුත් ඔහු ළඟ තිබී රේගු බාරයට ගෙන තිබේ.
මෙලෙසින් හොර රහසේ, නීත්යානුකූල නොවනා ලෙසින් මත්පෙති සහ ගබ්සා පෙති රැුගෙන ආ පළමු අවස්ථාව මෙය නොවේ. අවසාන අවස්ථාවද මෙය නොවනා බව සැබෑවකි. මක් නිසාද යම් වැටලීමක් කර වැරදිකරුවන් අත්අඩංගුවට පත් වුවද නීතියේ බැමි මුදල් බලයෙන් කඩා දමා නිදොස් කොට නිදහස් වීමට ඕනෑ තරම් අවස්ථා ඇති බැවිනි.
ඉහතින් සඳහන් කළ සිදුවීමේ සැකකරු එක්කෝටි තිස්තුන් ලක්ෂයක් වටිනා පෙති වර්ග මෙරටට ගෙන ඒමට භාවිතා කර තිබුණේ පරිගණකයක සීපීයූ (CPU) කොටස්ය.
පරිගණකයක (CPU) උපකරණයේ ඇතුළත කෑලි සියල්ල ඉවත් කර මනාව අසුරා මෙම පෙති වර්ග මෙරටට රැුගෙන විත් ඇත්තේ කිසිවෙකුට හෝ සැකයක් මතුනොවනා පරිදිය. මීට පෙරදී ගබ්සා පෙති තොගයක් මෙරටට රැුගෙන එමින් සිටි කාන්තාවක රේගුවේදී අත්අඩංගුවට පත්ව තිබූ අතර ඇය එම පෙති සඟවාගෙන විත් තිබුණේ තම බිළිඳාගේ කිරිපිටි, ඇඳුම් අසුරාගෙන ආ ගමන් බෑගයේය.
මගී භාණ්ඩ ලෙස ගුවන් මගීන්ගේ අත් බෑග සහ ගමන් මලූවලින් මෙරටට හොර රහසේ ගෙනඑන මත්පෙති සහ ගබ්සා පෙති වර්ගවල වටිනාකම වාර්ෂිකව ගණනය කළහොත් එය විශාල අගයක් ගන්නා බව නොඅනුමානය. රේගු අධ්යක්ෂ සහ රේගු අධිකාරියේ මාධ්ය ප්රකාශක ලෙස්ලි ගාමිණී මහතා ප්රකාශ කළ ආකාරයට 2013 වසරේදී පමණක් රේගුව මගින් අත්අඩංගුවට ගත් නීතිවිරෝධී ඖෂධවල වටිනාකම රුපියල් බිලියන 16 කට වඩා වැඩිය. 2014 වසරේදීත් නීති විරෝධී ඖෂධ වර්ග මෙරටට ආනයනය කළ අවස්ථාවන් හය හත් වතාවක් වාර්තා වී තිබේ.
නීති විරෝධී ලෙස භාණ්ඩ ආනයනය කරන්නන් අතර ඉන්දියාවේ චෙන්නායි, මුම්බායි වැනි නගරවල සිට පැමිණෙන්නන් සහ පාකිස්ථානයේ කරච්චි, ලාහෝර් වැනි ප්රදේශවල සිට පැමිණෙන මගීන් ගැන වැඩි විමසිල්ලෙන් සෝදිසි කර බැලීමට රේගු අධිකාරිය විධිවිධාන යොදා තිබේ. එම ප්රදේශ අවදානම් කලාප ලෙස රේගුව නම් කර ඇත්තේ වාර්ෂිකව වාර්තා වෙන පැමිණිලිවලින් වැඩි ප්රමාණයක් එම රටවල ප්රාන්තවල සිට පැමිණෙන මගීන්ගෙන් වාර්තා වෙන බැවිනි.
රටේ පවතින නීතියට අනුව පුද්ගලයෙකු මෙරටට ඖෂධයක් ගෙන්වීමේදී සුවඳ විලවුන් ඖෂධ හා උපකරණ ආඥාපනතේ විධිවිධානයන්ට අනුව, සුවඳ විලවුන් ඖෂධ හා උපකරණ අධිකාරියෙන් බලපත්රයක් ලබාගත යුතුය.
එපමණක් නොව ආනයනය කරනා ඖෂධ වෙනුවෙන් ආනයන පාලන දෙපාර්තමේන්තුවෙන් නිකුත් කරනා ආනයන බලපත්රයක් ලබාගත යුතුය. නීත්යනුකූලව ඖෂධ ආනයනය කරනා පුද්ගලයන් මෙම අනුමැතීන් දෙකම ලබාගත යුතුවීම අනිවාර්යය. මීට පටහැනිව මෙරටට ගෙන්වන ඖෂධ සියල්ල අයත්වනුයේ නීති විරෝධී ඖෂධ ගරායටය.
එවැනි ඖෂධවල ගුණාත්මක බව, නිෂ්පාදිත රට, කාලය ඉකුත් වන දින හෝ කිසිදු තොරතුරක් ගැන වගකිව යුතු කිසිවෙකු ඇත්තේ නැත. ගබ්සා කිරීමේ පෙති, උපත්පාලන ඖෂධ සහ පාසල් දරුවන්ගේ මනස විකෘති කරනා ස්වභාවයේ ඖෂධවල තත්ත්වයද මෙපරිදිම වේ. මෙවැනි ඖෂධ මෙරටට ආනයනය කිරීම දැන් දැන් වැඩිවී ඇත්තේ ඉතාම අවාසනාවන්ත පරිදිය.
මෙලෙස ආනයනය කෙරෙනා ඖෂධ වර්ගවලට මෙරටදී වැඩි වටිනාකමක් ලැබෙන බවද වාර්තාවේ.
හොර බඩු ජාවාරමක් ලෙසට නීත්යානුකූල නොවනා මාර්ගවලින් මෙරටට ගෙන්වන ඖෂධ වර්ග ඉතා ඉක්මනින්ම බෙදාහැරීමට ආනයනකරුවන් පියවර ගෙන ඇත්තේ සූක්ෂ්ම ලෙසය. මත්පෙති වර්ග පාසල් ආශ්රිතවත්, ගබ්සා පෙති හොර ගබ්සා මධ්යස්ථානවලටත් වැඩි මිලට අලෙවි කරන අතර, ඔවුන් ඒ සඳහා මිල නියම කරනුයේ සියයට සියයක් හෝ සියයට දෙසීයක ලාභයක් තබාගෙනය.
රේගු ආරංචිමාර්ග සඳහන් කරනා පරිදි මෙරටට වැඩිපුරම ගෙන්වන මත් පෙති වර්ගය වී ඇත්තේ ”ට්රැමඩෝල්ය”. දරුවන්ගේ මනස විකෘති කරනා ඖෂධයක් ලෙසට මෙය හඳුනාගෙන තිබේ. වේදනානාශක ඖෂධයක් ලෙස රෝගීන්ට ට්රැමඩෝල් වෛද්යවරුන් විසින් ලබාදෙනුයේ දරාගත නොහැකි වේදනාවන් ක්ෂණිකව පාලනය කිරීම සඳහාය.
ඇබ්බැහිකාරක ගුණයකින් යුතු මෙම ඖෂධය භාවිත කිරීමෙන් මත් ගතිය සහ නිදිමත ගතියක් ඇතිවන නිසාම, වෛද්යවරයෙකු යම් රෝගියකුට ට්රැමඩොල් ඖෂධය නිර්දේශ කරනුයේ රෝගියාගේ වයස සහ රාජකාරි ස්වභාවය සැලකිල්ලට ගැනීමෙනි.
නොදැනුවත්වම හෝ රෝගී තත්්ත්වයක් නොමැතිව දිගින් දිගටම ට්රැමඩොල් නමැති වේදනානාශක මත් ගතියෙන් යුතු ඖෂධය භාවිතයෙන් වකුගඩු ආශ්රිත රෝග මෙන්ම අක්මාව ආශ්රිත රෝගී තත්ත්වයන්ට ගොදුරු වීමේ වැඩි ඉඩකඩක් ඇති බව වෛද්යවරු පෙන්වා දේ. මෙම ඖෂධය වරක් භාවිත කිරීමෙන් නැවත නැවත භාවිත කිරීමට සිත් ඇතිවෙන නිසාම ක්රීඩාවේ යෙදෙන්නන්ට කය වෙහෙසා රාජකාරි කරන්නන්ට මෙන්ම රියැදුරු රැුකියා කරන්නන්ට මෙම ඖෂධය වෛද්යවරුන් බොහෝ විට නිර්දේශ නොකරන අතර ගර්භනී මවකට මෙම ඖෂධ ගැනීමෙන් දරු ගැබට පවා අවදානම් තත්ත්වයක් නිර්මාණය විය හැකි බව වෛද්ය මතයයි. ”ට්රැමඩෝල්” මත් කාරක පෙත්තක් ලෙසට ගැනීමට ඇබ්බැහිවූ අයෙකුට ඉන් මිදීම පහසු නොවේ. එය කෙතරම් ප්රබල වේද කිවහොත් එම මත් කාරක පෙති නොලැබීමෙන් සියදිවි නසා ගැනීමට තරම් දරුණු සිතක් ඇතිවේ.
මෙරටට වැඩිපුරම ගෙන්වන උපත්පාලන පෙති සහ ගබ්සා පෙති භාවිතයෙන්ද අතුරු ආබාධ රාශියක් මතුවෙන බව වෛද්යවරු පෙන්වා දේ. ගබ්සා කිරීම සඳහා භාවිත කරනා ඖෂධය මෙරටදී නීත්යනුකූල නොවනා ගබ්සා කිරීමේ ක්රමයක් ලෙසට භාවිතයට ගත්තද, සැබෑවටම මෙහි ඖෂධීය වටිනාකම අනුව බොහෝ විට භාවිතයට ගැනෙනුයේ බඩවැල් ආශ්රිතව රෝගී තත්ත්වයන් ඇති රෝගීන්ට උදරගත අපද්රව්ය ඉතා හොඳින් ශෝධනය කිරීම සඳහාය.
අර්ශස් වැනි රෝගී තත්ත්වයකදී ඇතිවෙන සැරව ගෙඩි සුවපත් කිරීමටත්, ශරීර අභ්යන්තරිකව රුධිරය වහනය වීමකදී සහ දරු ප්රසූතිය ඉක්මන් කිරීමටත් ඇතැම් විට මෙම ඖෂධ වෛද්යවරු නිර්දේශ කරති. එම නිර්දේශය ලබාදෙනුයේ රෝගී පරික්ෂාවකින් පසුවය. නමුත් අවාසනාවකට අද වෙන විට මෙම ඖෂධ වැඩිපුරම භාවිත වන්නේ නීත්යනුකූල නොවන ගබ්සා කිරීම් සඳහාය.
ආනයනික ගබ්සා පෙති, නුවර, කොළඹ, ගාල්ල, මාතර, කළුතර වැනි දිවයිනේ ප්රධාන නගරවල හොර රහසේ පවත්වාගෙන යන ගබ්සා මධ්යස්ථානවල වැඩි මිල ගණන් යටතේ අලෙවි වේ.
එම ස්ථානවලින් ඖෂධ මිලදී ගන්නා වැඩිම ගැනුම්කරුවන් බවට පත්ව ඇත්තේ අවුරුදු 15 - 17 වයසේ පසුවන පාසල් දරුවන් සහ උසස් අධ්යාපනය හදාරන දැරිවියන්ය. විවාහක සහ අවිවාහක කාන්තාවන් බොහෝ දෙනෙකුද නීත්යනුකූල නොවනා ගබ්සා කර ගැනීම සඳහා මෙම ඖෂධය බහුලව භාවිත කෙරෙන බව වාර්තාවේ.
ජෝන් මේරි බවින්සා කියන්නේ එල්ටී.ටී.ඊ. සංවිධානයේ නායකයාව සිටි වේළුපිල්ලේ ප්රභාකරන් දරුකමට හදාගත් දරුවාය. ප්රභාකරන් දරුකමට දරුවකු හදා වඩාගත් බව දැනග
අලුත් ආණ්ඩුවේ ක්රියාකාරිත්වයෙන් පැහැදිලි වන්නේ, ඔවුන් ද 2015 වසරේ යහපාලන ආණ්ඩුව සිය කැමැත්තෙන්ම වැටුණු වළට වැටීම තෝරාගෙන සිටින බවයි. ජනාධිපතිවරයාගේ
ඉරානය ඊශ්රායලයට පහර දුන්නේය. ලොව විශාලතම ෂියා මුස්ලිම් රාජ්යය වන ඉරානයත්, ලොව එකම යුදෙව් රාජ්යය වන ඊශ්රායලයත් පිහිටා ඇත්තේ කිලෝ මීටර් 1,700 ක පමණ දුරක
ජන්දදායකයා මැතිවරණ ක්රියාවලියට සම්බන්ධ වීම ප්රජාතන්ත්රවාදයේ ඉතාමත්ම උසස් ගුණාංගයකි. එය නියෝජන ප්රජාතන්ත්රවාදය ක්රියාත්මක වීමට අත්යවශ්ය ක
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ගබ්සා පෙති - මත්පෙති තොග පිටින්
ලාල් විතානගේ Sunday, 30 August 2015 02:30 AM
නඩු අවසානයි. ජාති ද්රෝභීන්ට මරණ දඩුවම (නදී)
දර්ශන Thursday, 03 September 2015 07:25 AM
පාකිස්තානයේ හදනවා / තමිල්නාඩුව බෙදනවා / සිංහලයෝ වනසනවා (නි)
නන්දන සෙනෙවිරත්න Wednesday, 02 September 2015 10:49 AM
පාසල් සිසුන් විශාල ප්රමාණයක් විවිධ මානසික රෝග වලින් පෙළෙනවා. මේ පෙති එයට හේතුවක් වියහැකි. ගුරු දෙගුරු මේ පිළිබඳ දැඩි අවදානයෙන් සිටිය යුතුයි (ම)