ලොව පුරා සංචාරකයන් අතර අතිශියන්ම ජනපි‍්‍රය පැරාමෝටර් කී‍්‍රඩාව ශී‍්‍ර ලංකාවට හඳුන්වාදීම පසුගියදා ගාල්ලේ දී සිදුකැරුණි. පංකාවක් සහිත යන්ත‍්‍රයක් හා පැරෂුටයක් භාවිතයෙන් අඩි 8000 ක් දක්වා ඉහළ ගුවනට නැග අහසේ සැරිසැරීමට මෙමගින් දෙස් විදෙස් සංචාරකයන්ට අවස්ථාව හිමිවේ. ස්කයි ක්ලබ් නැමැති ආයතනය විසින් මෙය ශී‍්‍ර ලංකාවට හඳුන්වාදුන් අතර මෙතෙක් දකුණු ආසියාවේ කිසිදු රටක මෙම යන්ත‍්‍ර භාවිතා නොකරන බව ද ඔවුහු පවසති. ගාල්ල නගරාධිපති මෙත්සිරි ද සිල්වා මහතාගේ ඉල්ලීමකට අනුව ගාල්ලට පැමිණි මෙම සංවිධානය යන්ත‍්‍ර දෙකක් ගෙනවිත් ගාල්ල සමනළ කී‍්‍රඩාංගණයේදී අත්හදා බැලීම් සිදුකරන ලදී. ස්කයි ක්ලබ් ආයතනයේ මෙහෙයුම් අධ්‍යක්ෂ ගුවන් හමුදාවේ විශ‍්‍රාමික වින් කමාන්ඩර් එම්.එස්.පී.හේරත් මහතා කියා සිටියේ ගාල්ල කොටුව ආසන්නයේදී අත්හදා බැලීම් සිදුකරන මොහොතේ වායුගෝලයේ කැළඹීම් තත්ත්වයක් තිබූ බැවින් නිසිපරිදි මෙම යන්ත‍්‍ර ගුවන්ගත කිරීමට නොහැකි වූ බවයි. ඔහු වැඩිදුරටත් මෙසේ කීවේය. ගාල්ල කියන්නේ සංචාරකයන්ගේ ඉතාමත්ම ආකර්ශනීය ස්ථානයක්. ගාලූ කොටුව, රූමස්සල, ගාල්ල මුහුදු බොක්ක වගේම නගරයට තදාසන්න හරිතවත් ප‍්‍රදේශය ගුවනේ සිට නරඹන්න හැකියාව ලැබෙන්නේ ගුවන් යානයක ගමන් කිරිමේදී පමණයි. නමුත් ගුවන් යානා ඉතාමත්ම වේගයෙන් ගමන් කිරීම හේතුවෙන් ඒ දර්ශන රස විදින්න බැහැ. නමුත් මේ පැරාමෝටර් ගමන් කරන්නේ පැයට කිලෝ මීටර 40 ක් වැනි වේගයකින් නිසා තම සිත් ගත් දර්ශන ගුවනේ සිට හොඳින් නැරඹීමේ අවස්ථාව සංචාරකයන්ට ලැබෙනවා. මෙය ලංකාවේ දෙස් විදෙස් සංචාරකයන් අතර ඉතාමත් ජනපි‍්‍රය වේවි. 1980 වර්ෂයේදී බි‍්‍රතාන්‍ය ජාතික මයික් බයිමි විසින් පැරාග්ලයිඩර් නැමැති උපකරණය ලෝකයට හඳුන්වා දී අතර එය 1986 වර්ෂය වන විට ප‍්‍රංශයේ ත‍්‍රාසජනක කී‍්‍රඩාවක් ලෙස මහත් ජනපි‍්‍රයත්වයට පත්ව තිබේ. ඉන්පසු මේ සඳහා යතුරු පැදි එන්ජිමකට සමාන එන්ජිමක් යොදාගෙන ඇති අතර ප‍්‍රථම විද්‍යුත් පැරාමෝටර් යන්ත‍්‍රය භාවිතයට ගෙන ඇත්තේ 2006 වර්ෂයේ ජුනි 13 වැනි දිනයේ සිටයි. දැනට ශී‍්‍ර ලංකාවට මෙවැනි යන්ත‍්‍ර දෙකක් ගෙන්වා ඇති අතර එහි එක් අයෙකුට ගමන් කිරීමේ හැකියාව තිබේ. හේරත් මහතා පවසන්නේ පැරාමෝටර් යන්ත‍්‍රය තනිවම පැදවීම සඳහා ජාත්‍යන්තර පැරාමෝටර් ධාවන බලපත‍්‍රයක් තිබිය යුතු බවයි. එමෙන්ම ඉතාමත් සෞඛ්‍ය සම්පන්නව සිටීම වැදගත් බවත් ඔහු පෙන්වාදෙයි. දකුණු ආසියා කලාපයේ මෙය මේ දක්වාම ජනපි‍්‍රය කී‍්‍රඩාවක් නොවුනත් යුරෝපයේ වගේම මැලේසියාවෙත් මේවා භාවිතා කරනවා. ඒ වගේම ශී‍්‍ර ලංකාවට පැමිණෙන සංචාරකයන් අතර පැරාමෝටර් පැදවීමේ බලපත‍්‍රය සහිත විශාල පිරිසක් ඉන්නවා. වැදගත්ම දේ තමයි මෙය ශී‍්‍ර ලංකාවේ ප‍්‍රචලිතවන විට මේ යන්ත‍්‍රවල නැගී ගුවනින් ශී‍්‍ර ලංකාවේ සැරිසැරීමේ බලාපොරොත්තුවෙන්ම විශාල සංචාරකයන් පිරිසක් පැමිණේවි. ඒ නිසා මෙය සංචාරක කර්මාන්තයේ ප‍්‍රවර්ධනය සඳහා අතිශයින්ම වැදගත් වනවා. යැයි හේරත් මහතා කීවේය. කුඩා අහස්යානාවක සිද්ධාන්ත භාවිතයෙන් කි‍්‍රයාකරන මෙහි යතුරු පැදි එන්ජිමකට සමාන එන්ජිමක් ඇති අතර එමගින් පංකාවක් කැරකැවීම සිදුවේ. මේ පංකාවේ උපකාරයෙන් ගුවන්ගත වන යන්ත‍්‍රයට සවිකැර ඇති පැරෂුටය මගින් අහසේ පාවී යාමේ හැකියාව ලැබේ. යන්ත‍්‍රය පදවන්නාට ගමන් කරන දිශාව පාලනය කිරීමේ හැකියාව ඇත. එමෙන්ම ඔහු මුහුදු මට්ටමේ සිට කොතරම් උසකින් සිටින්නේ ද යන්නත් සුළගේ වේගය, සුළං හමන දිශාව ආදී කාලගුණික දත්ත පෙන්නුම් කරන උපකරණයක් ද යන්ත‍්‍රයේ සවිකොට තිබීම එහි ගමන්ගන්නාගේ පහසුව සඳහා වෙයි. එක් අයකුට පදවාගෙන යා හැකි යන්ත‍්‍ර සහ නියමුවකු විසින් තවත් මගියකු ද රැගෙන යා හැකි යන්ත‍්‍ර ද මෙම කී‍්‍රඩාවේදී භාවිතා කරන බැවින් දෙදෙනෙකුට යා හැකි යන්ත‍්‍රය භාවිතයෙන් මේවා පැදවීමේ හැකියාව නැති අයකුට වුවද නියමුවා සමග ගුවන්ගත වීමට හැකියාව ලැබීම විශේෂත්වයකි. හේරත් මහතා පවසන්නේ මෙය ඉතාමත්ම ආරක්ෂිත කී‍්‍රඩාවක් බවයි. අවශ්‍යනම් අඩි 8000 ක් දක්වා ඉහළට යා හැකි අතර පහළට පැමිණීමේදී පැරෂුටය හේතුවෙන් පතිත වීම ඉතා සෙමෙන් සිදුවන බැවින් අනතුරු සිදුවීමේ අවදානමක් නොමැති බව ද ඔහු පවසයි. මේ පිළිබඳ අදහස් දැක්වූ ගාල්ල මහනගර සභාවේ නගරාධිපති මෙත්සිරි ද සිල්වා මහතා මෙසේ කීවේය. ස්කයි ක්ලබ් ආයතනය සමග එකතුවී මේ කාර්යය ගාල්ලෙන් ආරම්භ කිරීමට හැකිවීම පිළිබඳ මා ඉතාමත්ම සතුටු වනවා. සංචාරක කර්මාන්තයේ ප‍්‍රවර්ධනය සඳහා අපි මේ වගේ අලූත් අලූත් දේ හඳුන්වා දිය යුතුයි. සංචාරකයන්ට පමණක් නොවෙයි ගාලූ පුරවැසියන්ටත් තමන් මෙතෙක් නොදුටු ආකාරයෙන් ගාල්ල දැක ගන්න අවස්ථාවක් ලැබෙනවා. ඉදිරියේදී මෙය වඩාත් ප‍්‍රචලිත කරන්න වගේම එය විධිමත්ව පවත්වාගෙන යාමටත් අපට හැකි සහයෝගය ලබාදීමට බලාපොරොත්තු වනවා. ස්කයි ක්ලබ් ආයතනය පවසන්නේ ඉදිරියේදී කළුතර සිට අරුගම්බේ දක්වා මුහුදු තීරයේ පැරාමෝටර් කී‍්‍රඩාව පවත්වාගෙන යාමට අපේක්ෂා කරන බවයි. එමෙන්ම කුරුණෑගල, සීගිරිය, අනුරාධුපුරය, පොළොන්නරුව සහ යාපනය වැනි ප‍්‍රදේශ වලද සංචාරකයන් සඳහා පැරාමෝටර් යන්ත‍්‍ර හඳුන්වාදීම ඔවුන්ගේ අපේක්ෂාවයි. පැරාමෝටර් යන්ත‍්‍ර පැදවීම සඳහා ශී‍්‍ර ලාංකිකයන් කණ්ඩායමක් පුහුණු කරමින් සිටියි. ඉදිරියේදී ඔවුන් නියමුවන් ලෙස යොදා පැරාමෝටර් යන්ත‍්‍ර වැඩිගණනක් සංචාරකයන් බහුල ප‍්‍රදේශවල යෙදවීම ස්කයි ක්ලබ් ආයතනයේ අදහසවී ඇත. මෙය කී‍්‍රඩාවක් ලෙස ප‍්‍රගුණ කිරීමේ අපේක්ෂාවෙන් පසුවන ලාංකිකයන් වෙනුවෙන් පැරාමෝටර් ධාවන බලපත‍්‍රය ලබාදීමේ පුහුණු පාසලක් ද ඉදිරියේදී මෙරට ආරම්භ කැරෙනු ඇත. යන්ත‍්‍රයේ පිටුපස ඇති කුඩා ඉන්ධන ටැංකියට ඔක්ටේන් 95 වර්ගයේ පෙට‍්‍රල් යොදා පැය දෙකහමාරක කාලයක් ගුවනේ ගත කිරීමට මේ යන්ත‍්‍රයට හැකියාව තිබේ. ස්කයි ක්ලබ් ආයතනය පවසන්නේ දේශීය හෝ විදේශීය සංචාරකයෙක් නියමුවකු ද කැටුව ගුවන් ගතවන්නේනම් විනාඩි 20 ක සංචාරයක් සඳහා රුපියල් 7500 ක මුදලක් අයකිරීමට සිදුවන බවයි. ගාල්ලේ ප‍්‍රථම අත්හදා බැලීම වායුගෝලීය කැළඹිලි තත්ත්වය හේතුවෙන් අසාර්ථක වුවද පෙබරවාරි මස පළමු සතියේ සිට ගාල්ලේ දී පැරාමෝටර් යන්ත‍්‍ර භාවිතයෙන් ගුවන්ගත වීමට සංචාරකයන්ට අවස්ථාව උදාවනු ඇත.

සජීව විජේවීර