2024 ඔක්තෝබර් මස 06 වන ඉරිදා
ඈත අතීතයේ මේ ලෝකයේ මිනිසුන් පහළ වූ යුගයේ ඔවුන්ගේ ශරීරයේ විශාල ආලෝකයක් පැවති බව කියැවෙනවා. ඒ මගින් අඳුරක් තුළ වුවත් දැකීමේ හැකියාවක් පැවතුණා. අධ්‍යාත්මික වර්ධනය වූ චිත්ත ශක්තියක් තිබුණා. පසුකාලීනව මේ මිනිසුන් තුළ කාම ආශාව ඇවිත්, ලිංග භේද හටගෙන කාන්තාව පිරිමියා වශයෙන් කොටස් වී කාම සේවනයේ යෙදීම, කුටුම්භ සංරක්‍ෂණය ආදිය සිදුවෙමින් අධ්‍යාත්මික පිරිහීමක් සිදුවුණා. මේ සමාජයේම සිටි පිරිසක් එකල සිදුවෙමින් පැවති මේ අධ්‍යාත්මික පිරිහීම දණ්ඩනය දුටු නිසා සාමාන්‍ය ජීවිතයෙන් සම්පූර්ණයෙන් ඉවත් වී වනයේ ධ්‍යාන භාවනා වැඞීම ආරම්භ කළා.
|
ප්රවීණ යෝග උපදේශක අර්ජුන වික‍්‍රමාරච්චි |
එහි ප‍්‍රතිඵලයක් ලෙස ඔවුන් තුළ විශාල අධ්‍යාත්මික ශක්තියක් ගොඩනැගුණා. අහසේ පාවී යාම, ශරීරය නොපෙනී යාම, පොළොවේ ගිලීම, පෙර ජීවිත දැකීම ආදී වශයෙන් මහා බලවත් චිත්ත ශක්තියක් ඇති පිරිස් මොවුන් අතරින් පහළ වුණා. ලෝකයේ මුලින්ම ඍෂිවරු ලෙස හැඳින්වූයේ මොවුන් තමයි.
ඒ පිරිස එදා සමාජයේ සිටි මිනිසුන්ට ධ්‍යාන වඩන්න කියලා එන්න කිව්වට ඔවුන් කවුරුවත් අද වගේම ආවේ නැහැ. එහෙම ආවේ නැති නිසා සාමාන්‍ය ජීවිතයේ සිටිමින්, කුටුම්භ සංරක්‍ෂණය කරමින් අධ්‍යාත්මික ජීවිතය සංවර්ධනය කර ගැනීම සඳහා ඍෂිවරු ක්රමයක් නිර්මාණය කළා. ඒ අනුව ශරීරය මුල් කරගත් හැඩතලවලින් ඉරියව් 84ක් නිර්මාණය කළා. ඍෂිවරු උපක‍්‍රමයක් ලෙස ඉදිරිපත් කළ මේ ඉරියව් 84 හි යෙදීම ම ධ්‍යාන වැඞීමට හේතු වුණා.
යෝග ශාස්ත‍්‍රය ලොවට බිහිවූයේ මේ හේතුව නිසාමයි. එහි වෙනත් කිසිදු හේතුවක් ගෙනහැර දක්වන්න බැහැ. ඒ කාලයේ දී හිරන්‍යගර්භ, පතංජලී, අහස්ථි, දණ්නන්තරී වැනි මහා ඍෂිවරු මිනිසුන්ගේ පැවැත්ම දෙස සානුකම්පිතව බලා තවත් ශාස්ත‍්‍ර ගණනාවක් ලොවට හඳුන්වා දුන්නා.
ආයුර්වේදය, ජ්‍යොතිෂ්‍යය, ශබ්ද ශාස්ත‍්‍රය, පැළෑටි විද්‍යාව, මන්ත‍්‍ර ශාස්ත‍්‍රය, ගණිතය ආදී විද්‍යා ඒ අතර වුණා. මේ සියල්ලටම පාදක වූ ශාස්ත‍්‍රයක් හැටියට යෝග ශාස්ත‍්‍රය පැවැත්වුණා. යෝග ශාස්ත‍්‍රයේ පවතින්නේ ආදරය කරුණාව මානව දයාව හා මනුෂ්‍යත්වය යි.
අද තියෙන සමාජයේ දකින්න නැත්තෙත් එහෙම නැතිනම් අද සමාජයට අවශ්‍ය වෙලා තියෙන්නෙත් මේ මනුෂ්‍යත්වය තමයි. තමන් අත්දකින දුක ඒ විදිහට තවත් කෙනකුට දකින්න පුළුවන් වීම අද වේගයෙන් පිරිහිලා යනවා. මිනිසුන්ගේ හදවත් රෞද්‍ර ස්වභාවයක් ගෙන තිබෙනවා. ඉතිං ඒ සමාජයේ දී අපේ අනාගත දරුවන්ට අනාගත තරුණයන්ට තව දුරටත් ජීවිතය සුවපහසුවෙන් ගත කරන්න පුළුවන් ද කියන පැනය ඇති වෙනවා.
රළුවෙන සමාජයේ ඊට වඩා රළු දරුවෙක් තරුණයෙක් නිර්මාණය වුණොත් මීළඟ පරපුර ඊටත් වඩා රළු වෙනවා. මේ ආකාරයේ ගමනක් නම් යන්නේ අපේ ගමන තවත් අවුරුදු සීයකට දෙසීයකට වැඩිය දුර යන්නේ නැහැ. මෙවැනි වාතාවරණයක් මත ඕනෑම වයසක අයකු යෝග ශාස්ත‍්‍රයේ යෙදෙනව නම් ඒ අයගේ මානසික සහනය, මානසික සුවදායක බව, සැහැල්ලූව, නිරෝගී බව අනිවාර්යයෙන්ම ඔවුන් කරා පැමිණෙනවා.
ඒ හඬ එක්තරා ආකාරයකින් දිගු දේශනයකි. අපි අසා සිටියෙමු. හිමාලයේ යෝගීන් ඇසුරේ යෝග ශාස්ත‍්‍රයේ අකුරු වියමන සොයා ගිය අර්ජුන වැඩි වශයෙන්ම අවධානය යොමු කළේ යෝග ශාස්ත‍්‍රය ප‍්‍රගුණ කිරීම ඔස්සේ ළඟා කරගත හැකි අධ්‍යාත්මික සුවය පිළිබඳවය. සැබැවින්ම අප පුන පුනා කී ආකාරයෙන්ම යෝග ශාස්ත‍්‍රයේ අරමුණ විය යුත්තේ ද එකී ශාස්ත‍්‍රය ප‍්‍රගුණ කිරීම ඔස්සේ ළඟා කරගත හැකි අධ්‍යාත්මික සුවයමය.
යෝග ශාස්ත‍්‍රය නිර්මාණය කිරීමට මුල් වුණු පතාංජලී මහා ඍෂිවරයා කියන ආකාරයට සත්වයෙක් කියලා කියන්නේ ශරීරය, සිත සහ මේ දෙක එකට බැඳ තැබෙන ප‍්‍රාණ කියන ශක්තිය යන කොටස් තුනේ එකතුවකටයි. යෝග ආසනයක් කරනවා කියන්නේ අප සතු කායික ශක්තිය පාලනය කිරීම, වර්ධනය කිරීම, මානසික ශක්තිය පාලනය කිරීම හා වර්ධනය කිරීම, ප‍්‍රාණ ශක්තිය පාලනය කිරීම හා වර්ධනය කිරීමයි.
යෝග ශාස්ත‍්‍රය ප‍්‍රගුණ කරන පුද්ගලයා පළමුව ශරීරය, සිත සහ ප‍්‍රාණ ශක්තිය යන මේ තුන පාලනය කරන්න ඕනෑ. යෝග ආසන කියලා හඳුන්වන්නේ ක‍්‍රමයෙන් මේ දේ නිවැරැුදි ආකාරයට හසුරුවන්න, වර්ධනය කරන්න පුරුදු කරන එකයි.
වර්තමානයේ ඇති වී ඇති තත්ත්වය නම් යෝග හුදෙක් ව්‍යයාම පද්ධතියක් ලෙස ගැනෙනවා. එහෙත් යෝග සෙසු ව්‍යායාමවලින් වෙනස් වෙන්නේ අනෙක් හැම ව්‍යායාමයක් ම කිසියම් කෘත‍්‍රිම බවක් තිබීමත් යෝග ව්‍යායාම එසේ කෘත‍්‍රිම බවකින් තොරවීමත් යන සාධකය පදනම්වයි. ඒ කෘත‍්‍රිම බව එන්නේ මිනිසුන්ගේ ආශාවන් හා විවිධ සිතුම් පැතුම් සමග ඒවා සාධනය කරමින්, ඒ අවශ්‍යතාවට ශරීරය සකස් කර ගැනීමට උත්සාහ කිරීම මතයි. එහෙත් එවැනි කෘත‍්‍රිම බවක් යෝගවල නැහැ.
යෝග ශාස්ත‍්‍රයේ බහුතරයක් නොදකින ගුණාත්මක හරය අර්ජුන වික‍්‍රමාරච්චි මහතා තම විග‍්‍රහයට බඳුන් කළේ ඒ අයුරිනි.
ගසක නිර්මාතෘත්වයට මඟ සදන්නේ කුඩා බීජයකි. පොළොව මත තැන්පත් වෙන බීජය සෙමින් වර්ධනය වී ලා දල්ලක් සහිත පැළෑටියක් බවට පත්වෙයි. ඒ පැළෑටිය කාලයාගේ ඇවෑමෙන් බොහෝ දේ මිනිස් වග වෙත මෙන්ම මේ අසිරිමත් සොබා දහම වෙත ද දන්දෙන විසල් වෘක්‍ෂයක් බවට පත්වේ.
මල් පිපී ගෙඩි හටගන්නා ඵල පිරුණු මහා ගස අමිල සම්පතකි.
මිනිස් සිරුර ද ෙසෙල රාශියකින් නිර්මාණය වී පවතී.
මේ ෙසෙලවල ඇතිවීම, පැවතීම හා විනාශ වීම හෙවත් ඒවායේ ස්වභාවික ක්රියාවලියට අනෙකුත් ව්‍යායාම්වලින් යම් කෘත‍්‍රිම බලපෑමක් සිදුවෙනවා. ඒ බලපෑම මත බලහත්කාරය දකින්න ලැබෙනවා.
ඇතැම් ක‍්‍රීඩාවල ඒ ස්වභාවය තදින්ම දැකිය හැකියි. එය හරියට ස්ප‍්‍රින් එකක් තද කරගෙන ඉන්නවා වගෙයි. යෝග ව්‍යායාම කියන්නේ ස්ප‍්‍රින් එක අත්හැරියාම ඉස්සෙනවා වගේ ශරීරයේ ස්වභාවික ක‍්‍රියාකාරිත්වයට, සත්වයාගේ පැවැත්මට, ෙසෙලවල ස්වභාවයට අනුකූලව ගොඩනැගුණු ශාස්ත‍්‍රයක්.
යෝග ශාස්ත‍්‍රයේ දී යෝග ආසනයක කෘත‍්‍රිම බවක් දකින්න ලැබෙන්නෙ නෑ. ශරීරයේ ස්වභාවික රිද්මයට අනුකූලව යෝග ආසන සකස් වෙලා තියෙනවා. අප හිටගෙන හිටියයි කියලා කෘත‍්‍රිම බවක් නැහැ. ඇවිද්දා කියලා කෘත‍්‍රිම බවක් නැහැ. එහෙත් අනෙකුත් ව්‍යායාම්වලදී යම් කෘත‍්‍රිම බවක් පෙනෙනවා. සොබාදහමේ නියමයන්ට අයත් නැහැ. එය සිදුවන්නේ තද බවක් ඇතිවයි.
මම එය නිදසුනකින් පැහැදිලි කරන්නම්. වෘක්‍ෂ කරා හමන සුළඟක් දෙස බලන්න. වීර, පළු අදී වෘක්‍ෂ සුළඟට ප‍්‍රතිවිරුද්ධව තදින් සුළඟත් සමග ගැටෙනවා. ඒ ගැටීම තද බව නිසා ගහේ අතු කඩා වැටී වීසි වෙලා යනවා. නමුත් නැමෙනසුළු විලෝ ගහකට සුළං හමනවිට විලෝ වෘක්ෂය ඒ සුළඟට ඉඩ දෙනවා. මෘදු බවක් ගලාගෙන යන ශක්තියක් තියෙනවා. ඒ නිසා ඒ නැමෙනසුළු විලෝ ගස විනාශ වෙන්නේ නැහැ. සොබාදහම තුළ පැවැත්මේ නියමය මේ තද බව නෙමෙයි. සොබාදහම අපේක්‍ෂා කරන්නේ මෘදු බවයි. මෘදු බව ඇති තැන විනාශයක් නැහැ. සමස්ත සොබාදහම සහ සත්වයන්ගේ පැවැත්ම දෙස ඍෂිවරු බලලා ඒ පැවැත්ම තුළ වූ අන්තර්ගත සියල්ල එකතු කරලා ඉන් කැටිකරගත් සාරයෙන් තමයි යෝග ආසන නිර්මාණය කරලා තියෙන්නේ. සොබාදහමේ විවිධ හැඩතල, සත්වයින්ගේ හැසිරීම් රටා ඉරියව් ක‍්‍රියාකාරකම් එහි අන්තර්ගතයි.
අර්ජුන වික‍්‍රමාරච්චි මහතා නිදසුන් සහිතව එය නිර්වචනය කළේ ඒ අයුරිනි. නෙත් මානයට හසු නොවන, ප‍්‍රකෘති දෑසට දකින්නට අසීරු බොහෝ දේ අසිරිමත් සොබා දහමේ ඇත. ඒ අසිරිය විනිවිද දකින්නට තියුණු නැණක් අවැසි වන්නේය. ඒ තියුණු නැණ අසිරිමත් ජීවිතයකට ද මග කියයි.
යෝග ශාස්ත‍්‍රය පිළිබඳව උනන්දුවක් දක්වන ඊට ඇළුම් කරන පිරිසක් වෙත්නම්, අපේ අකුරු ගෙත්තමට එහා සීමාවේ සටහන්ව ඇති දෑ දැනගැනීමට අසන්නට රුචි කෙනෙක් වෙත්නම් 0777980578 සහ 0775856479 යන දුරකථන අංක අප සඳහන් කර තබන්නේ ද පාඨක ඔබෙන් ලද ඉල්ලීම අනුවමය.
මතු සම්බන්ධයි.
.gif)
ජෝන් මේරි බවින්සා කියන්නේ එල්ටී.ටී.ඊ. සංවිධානයේ නායකයාව සිටි වේළුපිල්ලේ ප්‍රභාකරන් දරුකමට හදාගත් දරුවාය. ප්‍රභාකරන් දරුකමට දරුවකු හදා වඩාගත් බව දැනග
අලුත් ආණ්ඩුවේ ක්‍රියාකාරිත්වයෙන් පැහැදිලි වන්නේ, ඔවුන් ද 2015 වසරේ යහපාලන ආණ්ඩුව සිය කැමැත්තෙන්ම වැටුණු වළට වැටීම තෝරාගෙන සිටින බවයි. ජනාධිපතිවරයාගේ
ඉරානය ඊශ්‍රායලයට පහර දුන්නේය. ලොව විශාලතම ෂියා මුස්ලිම් රාජ්‍යය වන ඉරානයත්, ලොව එකම යුදෙව් රාජ්‍යය වන ඊශ්‍රායලයත් පිහිටා ඇත්තේ කිලෝ මීටර් 1,700 ක පමණ දුරක
ජන්දදායකයා මැතිවරණ ක්රියාවලියට සම්බන්ධ වීම ප්‍රජාතන්ත්‍රවාදයේ ඉතාමත්ම උසස් ගුණාංගයකි. එය නියෝජන ප්‍රජාතන්ත්‍රවාදය ක්‍රියාත්මක වීමට අත්‍යවශ්‍ය ක
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්‍රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්‍රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
2024 සැප්තැම්බර් මස 21
324
0
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්
2024 සැප්තැම්බර් මස 19
1088
4
ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
2024 සැප්තැම්බර් මස 18
379
0
ශ්‍රී ලංකාවේ ප්‍රථම වරට, ප්‍රධාන ජනාධිපති අපේක්ෂකයින් තිදෙනාගේ ප්‍රතිපත්ති ප්‍රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්‍රීසි, සිංහල ස
යෝග ශාස්ත‍්‍රයේ ආධ්‍යාත්මික සුවය
දුමින්ද Thursday, 25 July 2013 05:14 PM
මෙකේ අදහස් දාන ඔක්කොම පුතාලාට හඳ පෙන්නුවාම ඇගිල්ල දිහා බලනවා. මමත් හොඳට මේ මහත්මයව දන්නවා. කිසි කෙනෙක්ගෙන් කිසිමදෙයක් ඔහුට අවශ්‍ය නැහැ. නිහඬව සමාජ සේවය කරන කෙනෙක්. දන්න අය දන්නවා.(නදී)
ජෝන් Wednesday, 24 July 2013 07:05 AM
මම මේ කෙනාව හොඳින් දන්නවා, ඔහු දක්ෂ වුෂු සටන් කරුවෙක්. නමුත් ඔහු යෝග දන්නවද කියන එක මටත් ප්‍රශ්නයක්. (නදී)
ලන්කාපුතා Tuesday, 23 July 2013 03:28 PM
මෙන්න තවත් සක්විත්තෙක්. සමහරු අහු වේවි, කාටවත් බැනල වැඩක් නෑ (දී)
රජරට Saturday, 27 July 2013 03:40 AM
මම, හිමාලයේ ඉන්න මෙතුමාගේ ගුරුතුමා එක්කත් කතා කරලා තියෙනවා.මෙතුමා ගැන හොදින් දන්නවයි කියන ඔය පුතාල කියමුකෝ බලන්න හිමාලයේ ඉන්න ගුරු සීයාගේ තොරතුරු ටිකක් (නම ,ගම , ලිපිනය , යන පාර ගුරු පරම්පරාවේ තොරතුරු ටිකක් ) (නි)
භානුක Friday, 26 July 2013 10:58 AM
අපිට ඇත්ත මොකක්ද කියලා දැනගත්තාම ඇති.. (නි)
උහුමීය Saturday, 17 August 2013 11:17 PM
ජෝන්, දුමින්ද, මමත් මේ මහතා ගැන දන්නවා.ඔහු වුෂු සටන්කරුවෙක් තමයි.නමුත් අප කිසිම දෙයකට ඉක්මන් වීම නරකයි. (නි)
කුමාර Tuesday, 23 July 2013 11:12 PM
ලංකාපුතා ,ඔබ හරියටම හරි. ලංකාවාසී ජනතාව බුද්ධිමත් කියා දේශපාලකයෝ කියන්නේ ඔන්න ඕක තමයි. (නි)
මර්වින් Monday, 29 July 2013 12:42 PM
අර්ජුන වික‍්‍රමාරච්චි මහත්තයෝ, ඔය හිත නිවන් මගට පෙරලන්න.යෝග බාවනා වලදී හිතට එන සිතුවිලි වල ස්වභාවය බලන්න.සිතුවිලි වල අනිත්‍යය දකිනකොට රහත් වීමට අවහ්‍යය මට්ටම ළගා කලොත්, නික්ලෙස් වෙලා ඔබ නිවන් මගට පිවිසේවි. ඊට පස්සේ නිවන ගැන කියාදෙන්න පුළුවන්. (නි)