කොළඹ වරායේ ප්රධාන සැපයුම් ගබඩාව ලෙස හැඳින්වෙන එල්.සී.එල්. ගබඩාවේ ඇතිවූ ගින්නට අදට දින අටකි. එහෙත් මේ වන විටත් මෙම සිද්ධිය පිළිබඳ වූ පරීක්ෂණවල අවසන් නිගමනයකට පැමිණීමට පරීක්ෂණ කරන පොලිස්, රහස් පොලිස් හා රස පරීක්ෂක කණ්ඩායම්වලට නොහැකි වී තිබේ. කොළඹ බස්නාහිර භාර නියෝජ්ය පොලිස්පති අනුර සේනානායක, කොළඹ අපරාධ විමර්ශන කොට්ඨාසයේ අධ්යක්ෂ පොලිස් අධිකාරි එල්.ඞී. රණවීර යන මහත්වරු ඇතුළු පොලිස් කණ්ඩායමක් රජයේ වැඩබලන රස පරීක්ෂක ජී.ඞී. ගුණතිලක මහතා ඇතුළු එම නිලධාරි මහත්වරුත් ඉතා විමසිල්ලෙන් උනන්දුවෙන් මෙම පරීක්ෂණ කටයුතුවල නියැලෙති. මෙම සියලූ කණ්ඩායම්වල දැඩි අවධානය යොමුවී ඇත්තේ රුපියල් කෝටි ගණනක් වටිනා භාණ්ඩ දවාලමින් ගබඩාවේ ඇතිවූ ගින්න වරායේ සිදුවී ඇතැයි කියන රුපියල් මිලියන ගණනක මූල්ය වංචාවක් යටපත් කිරීමේ යම් අරමුණකින් කළ කඩාකප්පල්කාරි ක්රියාවක් ද යන්නය.
වරායට පැමිණෙන කන්ටේනර් නවතා තබන ස්ථාන මාරු කිරීමේදී අය කළ යුතු මුදල් නිසි අයුරින් අය නොකර සිදුකර ඇතැයි කියන රුපියල් මිලියන ගණනක අක්රමිකතාවක් සම්බන්ධව සැපයුම් ගබඩාවේ ප්රධාන නිලධාරියකු ඇතුළු තිදෙනකුගේ වැඩ තහනම්වන්නේ මෙම ගින්න ඇතිවීමට දින දෙකකට පෙරාතුවය. එනිසා එය යටපත් කිරීමට මෙවැන්නක් සිදුකළා ද යන්න බොහෝ දෙනකුට සැක සහිතය.
මීටර් 140ක් දිග, මීටර් 40ක් පමණ පළල මෙම ගුදමේ හටගත් ගින්න පැය පහක පමණ දිගු කාලයක් පුරා පැවතුණි. මෙම ගින්න ඇතිවූ මොහොතේම එය දුටු ආරක්ෂක භටයන් එය නිවා දැමීමට එහි වූ ගිනි නිවීම් උපකරණ ක්රියාත්මක කළ ද ඒවා නිසි ලෙස ක්රියාත්මක වී නොමැති බව වරාය ආරංචි මාර්ගවලින් පැවසේ. නමුත් ගිනි නිවීමේ උපකරණ ක්ෂණිකව නිසි ලෙස ක්රියාත්මක වූයේ නම් මෙතරම් දරුණු හානියක් සිදුවන්නට පෙරාතුව එම ගින්න මැඩපැවැත්විය හැකිව තිබූ බව ද පරීක්ෂණවලදී අනාවරණය වෙමින් තිබෙන කරුණකි. එම ගින්න හටගන්නා මොහොතේ ආරක්ෂක අංශ නිලධාරින් දෙදෙනකු, අදාළ කාර්යාලයේ රේගු නිලධාරින් ඇතුළු කාර්යාල නිලධාරින් 7 දෙනකු එම ස්ථානයේ රාජකාරිවල නිරතව සිට තිබේ.
මුලින්ම එහිවූ ආරක්ෂක නිලධාරින් දෙදෙනා ගින්න දුටු මොහොතේ එය අඩි දෙකක, තුනක පමණ උසකින් යුතුව ඇවිලූන ද, ගිනි නිවීමේ උපකරණ ක්ෂණිකව ක්රියාත්මක නොවීමේ හේතුවෙන් ගින්න බුර බුරා නැගෙන්නට විය.
අනතුරුව එම ආරක්ෂක නිලධාරින් වරාය ගිනි නිවීමේ සේවයට දැනුම් දී ඔවුන් ගින්න නිවීමට කටයුතු කරන විට ගින්න අහස උසට නැෙඟමින් තිබිණ. ගින්න එසේ ක්ෂණිකව වර්ධනය වීමට එම ගුදම් බහාලූමේ වූ රසායනික ද්රව්ය උපකාරි වූයේ යැයි ද පරීක්ෂණ කණ්ඩායම්වල එක් සැකයකි. එම රසායනික ද්රව්යවලට අමතරව, බෙහෙත් වර්ග, සපත්තු, රෙදිපිළි, ප්ලාස්ටික් භාණ්ඩ, වාහන අමතර කොටස් ඇතුළු බඩු භාණ්ඩ එහි විය. කෙසේ හෝ වේවා එම දැවැන්ත ගින්න නිවාදැමීමට ගිනි නිවන රථ 8ක්, ගිනි නිවීමේ භටයන් 150ක් පමණ ක්ෂණිකව එතැනට පැමිණි අතර පැය පහක පමණ විශාල පරිශ්රමයකින් අනතුරුව ගින්න නිවා දැමිණි. නමුත් මෙම ගින්න යම්කිසි විදුලි කාන්දුවීමකින් සිදුවූවක් නොවන බව ද පරීක්ෂණ කණ්ඩායම් විශ්වාසයෙන් යුතුව අවධාරණය කරයි.
අප මේ දිවිගෙවන්නේ ලෝකයේ තාක්ෂණය ජයගනිමින් තිබෙන වර්තමානයකය. අද ලෝකය පුරාම සිදුවන බොහෝ අනතුරු පිළිබඳව පරීක්ෂණවලට අවශ්ය ඉතා වටිනා තොරතුරු එක්රැුස් කරගත හැකි තාක්ෂණික මෙවලම් විවිධ රටවල්වල භාවිත වෙයි. අද අපේ රටේද යම් තරමකට එවැනි උපකරණ පද්ධති භාවිතාවට ගැනෙන අතර සී.සී.ටී.වී. කැමරා පද්ධතිය එවැන්නකි. මෙම වරායේ ගින්න පිළිබඳව කෙරෙන පරීක්ෂණවලදී එහි සවිකර ඇති සී.සී.ටී.වී. කැමරා 32ක සටහන් වී ඇති දර්ශන පිළිබඳව පරීක්ෂණ කණ්ඩායම්වල උකුසු ඇස යොමු වී තිබෙන බව දැනගන්නට තිබේ.
මෙම ගබඩා සංකීර්ණයට අවසර නොමැතිව කිසිවකුටත් පැමිණීමට නොහැකි තරමට ආරක්ෂක විධිවිධාන යොදා තිබියදීත් කිසියම් පුද්ගලයෙක් මෙම විනාශය කළා නම් සිද්ධිය වූ දිනයේ රාත්රී 9.00න් පසු එහි ගිය පුද්ගලයා කවුද යන්න පිළිබඳව අනාවරණය කර ගැනීමට මෙම සී.සී.ටී.වී. කැමරා පද්ධතිය යම් අයුරකින් උපකාරි වීමට ද පුළුවන. එම ගින්න යම් පුද්ගලයකු හෝ පුද්ගලයින් කිහිප දෙනකු ගබඩා භූමියට ඇතුළු වී කළේ නම් බොහෝ විට මෙම කැමරා පද්ධතිවල අන්තර්ගත දර්ශන පෙළ එවැන්නකු නම් කරනු ඇත. කෙසේ වුවද තවමත් පරීක්ෂණ සිදුවෙමින් පවතින නිසා මාධ්යයට බොහෝ තොරතුරු ලබාදීම පරීක්ෂණ කටයුතුවලට යම් බාධාවක් බව ද උසස් පොලිස් නිලධාරියෙක් අපව දැනුවත් කළේය.
කෙසේ වුවද පරීක්ෂණ කටයුතුවලට අදාළ සී.සී.ටී.වී. කැමරා පද්ධතියේ ගින්න ඇතිවූ කාලපරාසයට අදාළ දත්ත වෙනස් වූයේ කෙසේද යන්න පිළිබඳව ද පරීක්ෂණ පවත්වන ආරක්ෂක අංශවල දැඩි අවධානයට යොමු වී ඇති බව ද අනාවරණය වෙයි. කෙසේ වුවද ගින්න හටගත් වේලාවත් ගින්න සී.සී.ටී.වී. කැමරා පද්ධතියේ සටහන් වී ඇති වේලාවත් විනාඩි 26කින් වෙනස් වී ඇති බව තහවුරු වෙයි. ගින්න ආරම්භ වන්නේ අලූයම 1.02ටය. එහෙත් සී.සී.ටී.වී. කැමරා පද්ධතියේ එම වේලාව සටහන් වී ඇත්තේ මධ්යම රාත්රී 12.36 ලෙසය. එහෙත් වරාය භූමිය තුළ සවිකර ඇති සියලූම සී.සී.ටී.වී. පද්ධතීන්වල වේලාව නිවැරදිව සටහන් වී ඇතත් මෙම ගින්න හටගත් ගුදමේ පමණක් වේලාව විනාඩි 26කින් ආපස්සට යාම විශාල සැක සංකා උපදවන්නකි.
සිද්ධිය හටගැනීමෙන් අනතුරුව වරාය ගිනිනිවීම් ඒකකයේ ගිනි නිවීම් රථය එම ස්ථානයට පැමිණෙන්නේ අලූයම 1.09ටය. එය අදාළ පොත්පත්වල සටහන් වී තිබේ. ඉන් අනතුරුව ගිනිනිවීමේ දෙපාර්තමේන්තුවේ රථ පැමිණ ඇත්තේ අලූයම 1.55ට පමණය. මේ අනුව යම් ආකාරයකින් වරායේ සී.සී.ටී.වී. කැමරා පද්ධතියේ දත්ත කිසිවකු හෝ විකෘති කිරීමකට ලක්කර තිබේද යන්න පිළිබඳව ද පරීක්ෂණ කණ්ඩායම්වල විශේෂ අවධානයට යොමුවී තිබේ. එනිසා එම කැමරා පද්ධතියේ දත්ත අඩංගු උපාංග කොළඹ විශ්වවිද්යාලයේ පරිගණක අංශයට පරීක්ෂණ කටයුතු සඳහා යොමුකර ඇති බව ද එම ආරංචි මාර්ග සනාථ කරයි.
සිද්ධිය පිළිබඳ පරීක්ෂණ කටයුතු කරන සියලූ කණ්ඩායම් යුහුසුළුව මෙම පරීක්ෂණ කටයුතුවල නියැලී සිටී. දැනට මේ සම්බන්ධයෙන් ලැබී ඇති තොරතුරු අනුව බොහෝ සැක සංකා ජනිත වී ඇත්තේ මෙම ගින්න කිසියම් සංවිධානාත්මක ක්රියාවක් ලෙසය. කුමන අරමුණකින් සිදුකළ ද මේවා ජාතික අපරාධයන්ය.
එම ගුදමේ වූ බහාලූම්වල තිබූ භාණ්ඩවල හිමිකරුවන් 270 දෙනකු පමණ ඒවා ඔවුන්ගේ බව සනාථ කළ හැකි ලියකියවිලි ඉදිරිපත් කර තිබේ. එම ලියකියවිලි ඉදිරිපත් නොකළ භාණ්ඩ හිමිකරුවන් ප්රමාණය 100ක් පමණ වේ. මෙම විනාශ වූ භාණ්ඩවල වටිනාකම දළ වශයෙන් මිලියන 400ක් පමණ වෙතැයි වරාය අධිකාරියේ ආරංචි මාර්ග සනාථ කරයි. අදාළ ගුදම සහිත ගොඩනැගිල්ල වසර 25ක් පමණ පැරැණි නිසා ඊට නිවැරදි වටිනාකමක් එකතු කිරීම අපහසු වී ඇති අතර සිද්ධියෙන් වූ සමස්ත හානිය ද ගණනය කර නොමැති බව එම ආරංචි මාර්ග අවධාරණය කරයි.
කෙසේ වුවද භාණ්ඩ හිමියන් මෙම භාණ්ඩ ආනයනය කිරීමේදී ඒවා රක්ෂණය කර ඇති බැවින් ඔවුන්ගේ අලාභ එයින් පියවා ගැනීමට හැකියාව සැලසෙන අතර එම භාණ්ඩ සඳහා වරාය තුළදී යම් හානියක් සිදුවුවහොත් වරාය පනත අනුව ගෙවිය හැක්කේ භාණ්ඩවල වටිනාකමින් සුළු අගයක් බව වරාය අධිකාරියේ උසස් නිලධාරියෙක් තහවුරු කළේය.
හිටපු පුරාවිද්යා අධ්යක්ෂ ජනරාල් ආචාර්ය සිරාන් දැරණියගල මහතා අභාවප්රාප්ත වී අදට (05) තෙවසරක් සපිරේ. මේ ලිපිය ඒ නිමිත්තෙනි.
ජෝන් මේරි බවින්සා කියන්නේ එල්ටී.ටී.ඊ. සංවිධානයේ නායකයාව සිටි වේළුපිල්ලේ ප්රභාකරන් දරුකමට හදාගත් දරුවාය. ප්රභාකරන් දරුකමට දරුවකු හදා වඩාගත් බව දැනග
අලුත් ආණ්ඩුවේ ක්රියාකාරිත්වයෙන් පැහැදිලි වන්නේ, ඔවුන් ද 2015 වසරේ යහපාලන ආණ්ඩුව සිය කැමැත්තෙන්ම වැටුණු වළට වැටීම තෝරාගෙන සිටින බවයි. ජනාධිපතිවරයාගේ
ඉරානය ඊශ්රායලයට පහර දුන්නේය. ලොව විශාලතම ෂියා මුස්ලිම් රාජ්යය වන ඉරානයත්, ලොව එකම යුදෙව් රාජ්යය වන ඊශ්රායලයත් පිහිටා ඇත්තේ කිලෝ මීටර් 1,700 ක පමණ දුරක
ජන්දදායකයා මැතිවරණ ක්රියාවලියට සම්බන්ධ වීම ප්රජාතන්ත්රවාදයේ ඉතාමත්ම උසස් ගුණාංගයකි. එය නියෝජන ප්රජාතන්ත්රවාදය ක්රියාත්මක වීමට අත්යවශ්ය ක
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
වරායේ ගින්නේ අබිරහස
ද සිල්වා Thursday, 06 June 2013 12:02 PM
බේරුවල පළාතේ එක්තරා දේශපාලකයෙක් 1000 සී.සී වලට වැඩි යතුරුපැදි 10 කිසිම කරදරයක් නැතුව වරායෙන් එලියට අරන් ඇවිත් , ගෝලයෝ ප්රසිධියේ ඒවා පදිනවා.(නදී)
දර්ශනී Tuesday, 04 June 2013 10:49 AM
වරායේ හොල්මන් ඉන්නවද දන්නේ නැහැ. පුදුම අබිරහස් වරායක් (නි)
ගාමිණී-සිරි Wednesday, 05 June 2013 03:24 PM
වරයා අධිකාරිය කියන්නේ රජයට ආදායමක් ලැබෙන උල්පතක්. කතාවට කියනවා නැව් වලට වතුර දුන්නත් සල්ලි කියලා. මෙය වටහා ගත් ප්රේමදාස ජනාධිපති තුමා වරාය,රේගුව, නැව් තටාංගනය ඇතුලත්ව සෑම මසකම නිල සංචාරයක් ගියා. අඩුපාඩු ,ආධායම් මාර්ග ,නාස්තිය දුෂණය ගැන සොයා බැලුවා. මේවගේ අපරාධ වැඩ එදා සිදුනොවුයේ එතුමා තදින් සිටිය නිසා.(නදී)
දයාරත්න Saturday, 08 June 2013 01:46 PM
කිසිම අභි රහසක් තියෙන්න බැහැ,, (දී)