එසැණ පුවත්

ගංවතුරට මැදි වූවන්ට කඩිනම් සහන

ගාල්ල,මාතර,රත්නපුර ඇතුලු දිවයිනේ ආපදා තත්ව ඇතිවිය හැකි දිස්ත්‍රික්කවල විපතට පත් ජනතාව කඩිනමින් මුදාගැනීමට අවශ්‍ය කටයුතු සම්පාදනය කරන්නැයි ජනාධිපති කාර්ය මණ්ඩල ප්‍රධානී ජාතික ආරක්ෂාව පිළිබඳ ජනාධිපති උපදේශක සාගල රත්නායක මහතා ත්‍රිවිධ හමුදාවට පොලීසියට සහ ආපදා කළමනාකරණ මධ්‍යස්ථානයට උපදෙස් ලබා දුන්නේය.

14 May 2023

පොලිස් යාළුවන්ගේ මුදල් සොරා ගත් පී.සී මාට්ටු

පෑලියගොඩ දිසා රථ වාහන අංශයේ රාජකාරි කරන පොලිස් කොස්තාපල්වරයකු සතු ඒ. ටී. එම්. කාඩ්පත රහස්‍ය අංකය ද සමග සොරාගෙන රුපියල් 22,000 ක මුදලක් වංචාවෙන් ලබා ගැනීම සහ එම රථ වාහන අංශයේම රාජකාරි කරන තවත් පොලිස් කොස්තාපල්වරයකුගේ රුපියල් 3,800ක් වටිනා ජංගම දුරකථනය හොරා ගත්තේ යැයි කියන පොලිස් කොස්තාපල්වරයකු අත්අඩංගුවට ගත් බව පෑලියගොඩ මූලස්ථාන පොලීසිය පවසයි.

14 May 2023

ශ්‍රී ලංකන් රුපියල් බිලියන 165 ගිලලා

මෙම වසරේ මාර්තු මාසයෙන් අවසන් වූ මූල්‍ය වර්ෂයේදී ශ්‍රී ලංකන් ගුවන් සේවය ඇමෙරිකානු ඩොලර් මිලියන 525 (රුපියල් බිලියන 165ක් පමණ) ක පාඩුවක් ලබා ඇතැයි විදෙස් මාධ්‍ය පෙන්වා දී ඇත.

14 May 2023

දකුණට ගංවතුර

දිස්ත්‍රික්ක රැසකට ඇඳ හැළෙන අධික වර්ෂාව හේතුවෙන් එම දිස්ත්‍රික්කවල දහස් සංඛ්‍යාත පිරිසක් අපහසුතාවට පත්ව සිටින බව ආපදා කළමනාකරණ මධ්‍යස්ථානය අද (14) පස්වරුවේ පැවසීය.

14 May 2023

වාරියපොළ ද්විත්ව ඝාතනයේ තොරතුරු එළියට

මිනුවන්ගැටේ වල්පාළුව ප්‍රදේශයේ දිය වළක තිබී හමුවූ මල සිරුරු විදුලි සැර වැදීම හේතුවෙන් සිදුවූ මරණ බවට දේහයන් පිළිබදව සිදුකරන ලද අධිකරණ වෛද්‍ය පරීක්ෂණයේදී අනාවරණය වූ බව වාරියපොල පොලිසිය සදහන් කරයි.

14 May 2023

ජනක ඉවත් කෙරෙන යෝජනාව න්‍යාය පුස්තකයට

ශ්‍රී ලංකා මහජන උපයෝගිතා කොමිෂන් සභාවේ සභාපති ජනක රත්නායක මහතා එම තනතුරෙන් ඉවත් කිරීමට අදාළ යෝජනාව පාර්ලිමේන්තුවේ අලුත්ම න්‍යාය පුස්තකයට ඇතුළත් කරනු ලැබ ඇත.

14 May 2023

දරුවන් ලක්ෂ 14 කට උදේ කෑම නෑ

ශ්‍රී ලංකාවේ පාසල් දරුවන්ගෙන් තුනෙන් එකක් එනම් දාහතර ලක්ෂයකට ආසන්න සංඛ්‍යාවක් ප්‍රමාණවත් හෝ කිසිදු ආහාරයක් නොගන්නා බවවෛද්‍ය පර්යේෂණවලදී තොරතුරු අනාවරණයවී ඇතැයි ආර්ථික අර්බුදයේ බලපෑම සමනය කිරීමේ පාර්ලිමේන්තු ආංශික අධීක්ෂණ කාරක සභාවේ සභාපති, රත්නපුර දිස්ත්‍රික් පාර්ලිමේන්තු මන්ත්‍රී ගාමිණී වලේබොඩ මහතා පැවසීය.

14 May 2023

ජාත්‍යන්තර ගිනිභට දිනය සමරයි

ජාත්‍යන්තර ගිනිභට දිනය යෙදී ඇති අද (14) දිනය වෙනුවෙන් කොළඹ මහ නගර සභාවේ ගිනි නිවීමේ දෙපාර්තමේන්තුව සංවිධානය කළ විහේෂ සංදර්ශනයක් අද පෙරවරුවේ කොළඹ 7, නිදහස් චතුරශ්‍රයේදී පැවැත්විණි.

14 May 2023

බදුල්ල රෝහලට උසස් වීමක්

බදුල්ල පළාත් මහ රෝහල ශික්ෂණ රෝහලක් ලෙස උසස් කර ඇතැයි සෞඛ්‍ය අමාත්‍යංශය කියයි.

14 May 2023

ඩෙංගු අධි අවධානම් කලාප 13ක්

රටපුරා සෞඛ්‍ය වෛද්‍ය නිලධාරී කොට්ඨාස 59ක් ඩෙංගු අධි අවධානම් කලාප ලෙස නම් කර තිබේ.

14 May 2023

විරෝධයට විරෝධය - පින්කමත් කරයි

ත්‍රිකුණාමලය නගරසභා ක්‍රිඩාංගණය ඉදිරිපිට පිහිටි පුරාවිද්‍යා භූමිය අසල කුඩාරමක විරෝධතාවයේ යෙදුනු යාපනය දිස්ත්‍රික් පාර්ලිමෙන්තු මන්ත්‍රි එස්.ගජේන්ද්‍ර කුමාර් මහතා ඇතුලු පිරිස පලවාහැරිමට ත්‍රිකුණාමල දිසා ශාසනාරක්ෂක බල මණ්ඩලයේ හිමිවරුන් ඇතුලු පිරිසක් එම ස්ථානයට ළඟා වෙද්දි පොලිසිය හා පොලිස් විශේෂ කාර්ය බලකාය මන්ත්‍රිවරයා ඇතුලු පිරිස එම ස්ථානයෙන් ඉවත් කිරිමට කටයුතු කිරීම නිසා සිදුවන්නට ගිය ගැටුමක් වැලැක්වුණි.

14 May 2023

බුම්මා කල්ලියේ කතක් හෙරොයින් සමඟ දැලේ

විදෙස් ගතව මෙරට මත්ද්‍රව්‍ය ජාලය මෙහෙයවන බුම්මා කල්ලියේ ප්‍රධාන සාමාජිකයකුගේ හෙරොයින් සමඟ කාන්තාවක් පොලිස් විශේෂ කාර්ය බලකාය මගින් අත්අඩංගුවට ගෙන තිබේ .

14 May 2023

ජනපති, ජී.එල් එකට තියා කොළඹ සරසවිය සම්මාන දෙයි

කෘතිම බුද්ධිය වැනි තාක්ෂණික දියුණුව සමඟ දැනුමේ විප්ලවයක් කරා මුළු ලෝකයම ගමන් කරමින් සිටින මේ මොහොතේ ඒ සමඟ ඉදිරියට යාමට කොළඹ විශ්වවිද්‍යාලය වසර 10ක සංවර්ධන සැලැස්මක් ඉදිරිපත් කරන්නේ නම් ඊට සහාය ලබා දීමට රජය සූදානම් බව ජනාධිපති රනිල් වික්‍රමසිංහ මහතා පැවසීය.

14 May 2023

කුණාටුවකට හසුවූ ධීවරයන් 6 ක් නාවික හමුදාව බේරාගනී

බේරුවල ප්‍රදීපාගාරයේ සිට නාවික සැතපුම් 8 ක් පමණ දුරින්, ශ්‍රී ලංකාවට බටහිර දෙසින් වූ මුහුදේදී අයහපත් කාළගුණික තත්වය හේතුවෙන් අනතුරට පත් ධීවරයක් හයක් බේරාගත් බව නාවික හමුදාව පවසයි.

14 May 2023

දෙමළ පක්ෂය උපසම්පදා සැමරුම් පිංකමට විරුද්ධ වේ

සියම් දේශයෙන් ශ්‍රි ලංකාවට රැගෙන ආ උපසම්පදා විනය කර්මය ස්ථාපිත කර වසර 270ක් සපිරුනු අද (14) සියම් දේශයෙන් වැඩමවා වදාල භික්ෂුන් වහන්සේලා 50 නමකගේ සහභාගිත්වයෙන් ත්‍රිකුණාමලය නගර සභා ක්‍රීඩාංගණය ඉදිරිපිට පිහිටි පුරාවිද්‍යා භූමියේ පැවැත්විමට තිබු සැමරුම් පිංකමක් දෙමල දේශපාලන පක්ෂ විරෝධතා හමුවේ එම වැඩසහටහන අත්හිටුවා ත්‍රිකුණාමලය ජයසුමානාරාම විහාරස්ථානයට වැඩම කිරිමට එම හිමිවරුන්ට සිදුවිය.

14 May 2023

වන අලි පහර කෑ පිය-පුතු රෝහලේ

කොස්ලන්ද උඩ දියලුම ඇල්ල රක්ෂිතයේ පෙම්වතුන් යුවලක් කුඩාරමක් තුල රැය පහන් කරමින් සිටියදී පහරදී තරුණියක මරා දැමු වන අලියා ඌව මාවෙලගම ප්‍රදේශයේ දී යතුරුපැදියක යමින් සිටි පිය පුතු දෙපලකටද පහරදීමෙන් පියපුතු දෙපල තුවාල ලබා මොණරාගල සිරිගල රෝහලට ඇතුළත් කළ බව කොස්ලන්ද පොලිසිය පවසයි .

14 May 2023

පාළු නිවසක සිටි අයෙක් මරා දාලා

මුදුන්ගොඩ ප්‍රදේශයේ අත්හැර දමන ලද පාලු නිවසක තනිව නිදා සිටි 32 හැවිරිදි පුද්ගලයෙකු අද |(14)දින කිසියම් පිරිසක් විසින් පොරොවකින් පහරදි ඝාතනය කොට ඇතැයි හුරිගස්වැව පොලිසිය කියයි.

14 May 2023

ලොරි - මෝටර් රථයක ගැටී තුනක් රෝහලට

කොළඹ - මහනුවර ප්‍රධාන මාර්ගයේ අන්නාසිගලදී අද උදෑසන 7.45 පමණ කොළඹ දෙස සිට ධවනයවූ ලොරි රථයක් හා මහනුවර දෙස සිට ධාවනයේ යෙදුණ මෝටර් රථයක් මුහුණට මුණලා ගැටිමේන් මොටර් රථයේ ගමන්කළ තිදෙනකු තුවාල ලබා කෑගල්ල ශීක්ෂණ රෝහල වෙත ඇතුළත් කර ඇතැයි කෑගල්ල මූලස්ථාන පොලිසිය පැවසීය.

14 May 2023

සංචාරක හෝටලයේ පළමු මහලෙන් දරුවා බිමට

අහුන්ගල්ලේ සංචාරක හෝටලයක පළමු මහලෙන් බිමට වැටුණු දරුවකු තුවාල ලබා කරාපිටිය රෝහලට ඇතුත් කර තිබේ.

14 May 2023

ඕස්ට්‍රේලියාවෙන් ලංකාවට තෑග්ගක්

ඕස්ට්‍රේලියාවෙන් ශ්‍රී ලංකාවට ගුවන් යානයක් තෑගි කළ බව ජනාධිපති කාර්යාලය පවසයි.

14 May 2023

දැරිය පැන්න හෝටලයට නඩු

පාසල් සිසුවියක මියයෑමේ සිද්ධියට සම්බන්ධ කලුතර නගර මධ්‍යයේ පිහිටි පස්මහල් හෝටලය නීතිවිරෝධීව’’ ඉදිකර ඇති බැවින් ඊට එරෙහිව කඩිනමින් නීතිමය පියවර ගන්නා ලෙස නාගරික සංවර්ධන හා නිවාස අමාත්‍ය ප්‍රසන්න රණතුංග මහතා නාගරික සංවර්ධන අධිකාරියට උපදෙස් දුන්නේය.

14 May 2023

ආයුධ වලින් පහරදී ටික් ටොක් කරලා:8ක් දැලේ

යාපනය කන්කසන්තුරෙයි ප්‍රදේශයේදී පුද්ගලයෙකුට තියුණු ආයුධවලින් පහරදී පහරදෙන අයුරු වීඩියෝ කොට ටික් ටොක් සමාජ මාධ්‍යට දැමූ පුද්ගලයින් 08 දෙනෙකු අත්අඩංගුවට ගත් බවට කන්කසන්තුරෙයි පොලීසිය පැවසීය.

14 May 2023

රිලවුන්ට එරෙහිව තවත් අධිචෝදනාවක් බාරදෙයි

රිලවුන් කරන හානිය නිසා මෙරට බොහෝ ප්‍රදේශවල කිතුල් කර්මාන්තය මුළුමනින්ම විනාශ වීමේ තර්ජනයට ලක්ව ඇතැයි කිතුල් කර්මාන්තකරුවෝ කෘෂිකර්ම අමාත්‍ය මහින්ද අමරවීර මහතාට පැමිණිලි කළහ.

14 May 2023

සිමෙන්ති මිල පහතට

සිමෙන්ති මිල අද (14) මධ්‍යම රාත්‍රියේ සිට රුපියල් 150 කින් පහත දමන බව වෙළඳ අමාත්‍යාංශය අමාත්‍යාංශයේ උසස් නිලධාරියකු පැවැසීය.

14 May 2023

උඩදියළුමේ පෙම්වතුන්ට නවාතැන් දුන් ගයිඩ්ලා රිමාන්ඩ්

කොස්ලන්ද උඩදියලුම ඇල්ල රක්ෂිතයට අනවසරෙන් ඇතුලු වී අනාරක්ෂිත ලෙස කුඩාරමක් ගසා තරුණ පෙම්වතුන් යුවලකට අනාරක්ෂිතව රැය පහන් කිරිමට ඉඩකඩ සලසා දුන් සංචාරක මග පෙන්වන්නන් ලෙස පෙනි සිටි තරුණයන් දෙදෙනකු මේ මස 25 වන දින තෙක් රක්ෂිත බන්ධනාගාර ගත කර තැබීමට බණ්ඩාරවෙල මහේස්ත්‍රාත් කේ.ජීවරානි මහත්මිය නියෝග කළාය .

14 May 2023

නර්තන කණ්ඩායම ගමන් ගත් වෑන් රථය අනතුරක

ඓතිහාසික දෝව රජමහා විහාරස්ථානයේ පෙරහරට සහභාගි වූ නර්තන කංඩායමක සිසු සිසුවියන් රැගත් වෑන් රථයක් අද (14) අලුයම බදුල්ල බණ්ඩාරවෙල ප්‍රධාන මාර්ගයේ හාලිඇල ගණදෙවි දේවාලය ආසන්නයේ දී මාර්ගයෙන් ඉවතට පැන මාර ගසක ගැටීමෙන් නර්තන ගුරුවරයකු ඇතුලු සිසුන් 11 දෙනකු තුවාල ලබා බදුල්ල මහ රෝහලට ඇතුළත් කළ බව හාලිඇල පොලිසිය පවසයි .

14 May 2023

නෙළුවේ දරුවෝ සිව් දෙනෙක් අතරුදන්

නෙළුව දෙල්ලව මියනවතුර ප්‍රදේශයේ එකම නිවසක නතරව සිටි පවුල් කිහිපයක පිරිමි ළමයන් හතර දෙනකු ඊයේ රාත්‍රි සිට අතුරුදහන්වි ඇති බවට පැමිණිල්ලක් ලැබි ඇතැයි නෙළුව පොලිසිය පවසයි.

14 May 2023

පිටබැද්ද වෙළෙඳහලක ගින්නක්

පිටබැද්දර දෙනියාය පාරේ පිහිටි වෙළඳ සල් දෙකක් අද අලුයම ගිනිගෙන ඇතැයි පිටබැද්දර පොලිසිය පවසයි.

14 May 2023