කොළඹ කොම්පඤ්ඤවීදීයේ සතොස ගොඩනැගිල්ලේ හය වැනි මහලේ වීදුරු දොරකට අලාභ හානි කළ සම්බන්ධිකරණ ලේකම්වරයකුට රුපියල් එකොළොස්දහස් දෙසිය පනහක් වන්දි ගෙවන ලෙස කොළඹ කොටුව මහේස්ත්‍රාත් තිලිණ ගමගේ මහතා නියෝග කළේය.

මෙසේ වන්දි නියම වුයේ වෙළෙද ඇමැති ජොන්ස්ටන් ප්‍රනාන්දු මහතාගේ සම්බන්ධිකරණ ලේකම්වරයකු වන දොන් පීටර් නානයක්කාරටය.2012 දී එම වීදුරු දොර කඩා හානි කර තිබිණි. සතොසේ මුදල් හා විගණන අංශයේ පිවිසුම් දොරටුව පිහිටියේ ඒ මහලේය.

ඔහු ඊට හානි කළ බව සොයා ගැනුණේ ඔහුගේ ඇඟිලි සලකුණු තුනක් එහි සටහන් වී තිබීමෙනි.2013 ජුලී 31 වැනිදා එම ගොඩනැගිල්ලේ ගින්නක් හටගත් බවත් ගින්නට කලින් එම දොර කඩා ඇති බවට  කොම්පඤ්ඤවීදියේ පොලීසියට පැමිණිලි කළ බවත් අධිකරණයේදී කියැවිණි.

දෙපාර්ශවයේම එකඟත්වයෙන් සිද්ධිය සමථකට පත් විය.