එසැණ පුවත්

ආරක්ෂිත පක්ෂින් ළඟ තබාගත් අයෙක් මාට්ටු

කිලිනොච්චිය වෙළදපොලේ කරන ලද වැටලීමකදී ආරක්ෂිත පක්ෂින් තබාගෙන සිටි පුද්ගලයෙක් අත් අඩංගුවට ගත් බව කිලිනොච්චිය වනජීවි කාර්යාලය කියයි.

02 April 2023

බොහෝ ප්‍රදේශවලට අදත් වැසි

දිවයිනේ බොහෝ ප්‍රදේශවල අද (2) සවස් කාලයේ හෝ රාත්‍රී කාලයේ දී වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

02 April 2023

පියාගේ කරදර ඉවසනු බැරිව කපා කොටා මරලා

සිය පියාගෙන් සිදුවන බව කියන හිරිහැර ඉවසිය නොහැකිවූ දරුවන් තිදෙනකු තියුණු ආයුධවලින් පහර දී පියා ඝාතනය කර ඇතැයි පොලිසිය කියයි

01 April 2023

තනි රෝදයෙන් වැඩ දැමූ හතරක් මාට්ටු

තනි රෝදයෙන් සහ අධික වේගයෙන් අනාරක්ෂිත අයුරින් යතුරුපැදි පදවමින් සිටි තරුණයන් සිව් දෙනකු අද පස්වරුවේ අත්අඩංගුවට ගත් බව පිලියන්දල පොලීසිය කියයි.

01 April 2023

මගේ කාලය තුළ කාටවත් නීතිය කඩන්න දෙන්නෙ නෑ

තමා ජනාධිපති ධුර කාලය තුළ රටේ නීතිය හා සාමය කඩ කිරීමට කිසිවෙකුටත් ඉඩ නොතබන බව ජනාධිපති රනිල් වික්‍රමසිංහ මහතා පැවසීය.

01 April 2023

අන්තර්ජාලය හරහා මුදල් වංචා කළ චීන්නු 39ක් මාට්ටු

අලුත්ගම කලුවාමෝදර ප්‍රදේශයේ සංචාරක නිකේතනයක කුලී පදනම මත මාස කිහිපයක් තිස්සේ රැඳී සිට අන්තර්ජාලය ඔස්සේ විවිධ රටවල වාසය කරන පුද්ගලයන්ගේ ගිණුම්වලින් කෝටි ගණනක මුදල් වංචා කළ චීන ජාතිකයන් කණ්ඩායමක් සැකපිට අත්අඩංගුවට ගත් බව අලුත්ගම පොලිසිය කියයි .

01 April 2023

රට ගිය ඇදුරෝ 122ක් කෝටි 24 ක් පොලු තියලා

පේරාදෙණිය විශ්වවිද්‍යාලයේ ආචාර්යවරුන් එකසිය විසි දෙදෙනකු එම විශ්ව විද්‍යාලයට රුපියල් කෝටි 24ක පමණ මුදලක් ( 2022 දෙසැම්බර් 31 වනවිට) ගෙවීම පැහැර හැර ඇතැයි ජාතික විගණන කාර්යාලය නිකුත් කළ වාර්තාවක සඳහන් වේ.

01 April 2023

වෙඩිතලතිව් ජලජීවී වගාවේ කෝටි දෙකක් වතුරේ යයි

මන්නාරම වෙඩිතලතිව් අභයභූමිය ඇතුළත් හෙක්ටයාර 1491 ක පමණ භූමිභාගයක ඉදිකිරීමට යෝජනාවී තිබූ ජල ජීවී වගා කර්මාන්තපුරය ඉදිකිරීමේ ව්‍යාපෘතිය වෙනුවෙන් ව්‍යාපෘති සැලසුම් නිෂ්පාදන සැලසුම් උපදේශන සේවා හා මිනුම් කටයුතු සඳහා ශ්‍රී ලංකා ජාතික ජල ජීවී වගා සංවර්ධන සංවර්ධන අධිකාරිය 2020 වර්ෂයේදී වැය කර තිබූ රුපියල් දෙකෝටියකට ආසන්න මුදලක් නාස්තිවී ගොස් ඇතැයි ජාතික විගණන කාර්යාලය නිකුත් කළ වාර්තාවක සඳහන් වේ.

01 April 2023

බිග් මැච් එක අස්සේ අනතුරකින් සිසුන් දෙදෙනෙක් මරුට

බදුල්ල ඌව මහ විදුහල සහ ධර්මදුත මහ විදුහල අතර පැවති ක්‍රිකට් තරගය අතර පැවති වාහන පෙලපාලියක කැබ් රථයක් පෙරලීමෙන් එහි ගමන් කළ සිසුන් දෙදෙනකු මියගොස් තවත් හත් දෙනකු බරපතල තුවාල ලබා ඇතැයි බදුල්ල පොලිසිය කියයි

01 April 2023

අමරසිරි කලංසූරිය දිවි රඟ මඩලට සමුදෙයි

සම්මානනීය චිත්‍රපට සහ ටෙලිනාට්‍ය නළු අමරසිරි කලංසූරිය මහතා අද අභාවප්‍රාප්ත විය.

01 April 2023

කැළණි ගගේ නාන්න ‌ගිය 3ක් අතුරුදන්

කැළණි ගගේ නවගමුව මාපිටිගම ⁣පාලම අසල දිය නෑමට ගිය තරුණයින් සිව් දෙනෙකු අතුරින් තිදෙනෙකු සැඩ පහරට ගසා ගෙන ගොස් අතුරැදහන් ව සිටි එක් අයෙකුගේ සිරැර නාවික හමුදා කිමිදුම් ඒකකය මගින් අද (01) දින උදෑසන සොයා ගත් බව නවගමුව පොලිසිය පවසයි

01 April 2023

ආහාර ද්‍රව්‍ය ආනයන තහනම ඉවත් කරන්න

ආනයනය තහනම් කර ඇති ආහාර ද්‍රව්‍ය නීති විරෝධීව මෙරටට ආනයනය කිරීම නැවැත්වීමට නොහැකි නම් එම තහනම් ඉවත් කරන ලෙස රජයෙන් ඉල්ලීමක් කරන බවත් එසේ නොවුණ හොත් ජනතාවට තව දුරටත් වැඩි මිලට ආනයනික ආහාර ද්‍රව්‍ය මිලදී ගැනීමට සිදුවන බවත් අත්‍යවශ්‍ය ආහාර ආනයනකරුවග්ගේ සංගමයේ උපදේශක පැරකුම් අබේසේකර මහතා පැවසීය.

01 April 2023

කිරිඇල්ලගෙන් අයි.එම්.එෆ් එකට ලොකු චෝදනාවක්

රාජ්‍ය ආයතන ප්‍රතිසංස්කරණය කිරීමට ජනවරමක් නැති ආණ්ඩුවකට ජාත්‍යන්තර මූල්‍ය අරමුදල උදව් කිරීම වැරදි බව විපක්ෂයේ ප්‍රධාන සංවිධායක මහනුවර දිස්ත්‍රික් පාර්ලිමේන්තු මන්ත්‍රී නීතිඥ ලක්ෂ්මන් කිරිඇල්ල මහතා ඉරිදා ලංකාදීපයට පැවැසීය. රාජ්‍ය ආයතන ප්‍රතිසංස්කරණය කිරීමට ජනවරමක් නැති ආණ්ඩුවකට ජාත්‍යන්තර මූල්‍ය අරමුදල උදව් කිරීම වැරදි බව විපක්ෂයේ ප්‍රධාන සංවිධායක මහනුවර දිස්ත්‍රික් පාර්ලිමේන්තු මන්ත්‍රී නීතිඥ ලක්ෂ්මන් කිරිඇල්ල මහතා ඉරිදා ලංකාදීපයට පැවැසීය.

01 April 2023

දිස්ත්‍රික්ක කීපයකට තද වැසි

ඌව, මධ්‍යම, දකුණු, බස්නාහිර, සබරගමුව, වයඹ සහ උතුරුමැද පළාත්වලත් මන්නාරම දිස්ත්‍රික්කයේත් ස්ථාන ස්වල්පයක අද (1) සවස් කාලයේ හෝ රාත්‍රී කාලයේ දී වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

01 April 2023

නිධන් සෙවූ හමුදා කණ්ඩායමක් මාට්ටු

මඩකලපුව තොප්පිගල මාවඩිඕඩේ පුරාවිද්‍යා ප්‍රදේශයක ස්කෑන් යන්ත්‍රයක් යොදා නිදන් වස්තු කැණීම් කරමින් සිටී පොලොන්නරුව වැලිකන්ද රුවන්පිටිය යුද හමුදා කඳවුරේ අණදෙන නිලධාරිවරයා ඇතුළු හමුදා සෙබළුන් තුනක් සහ චීවරධාරියකු, යුද හමුදාවට අයත් ජිප් රථයක් අත්අඩංගුවට ගත් බව කරදියනාරු පොලිසිය කියයි.

01 April 2023

උද්ධමනය තවත් පහළ බසී

කොළඹ පාරිභෝගික මිල දර්ශකය මත පදනම් වූ මාර්තු මස සමස්ත උද්ධමනය සියයට 50.3 ක් දක්වා පහත වැටී ඇතැයි ජනලේඛණ හා සංඛ්‍යාලේඛණ දෙපාර්තමේන්තුව පවසයි.

01 April 2023

දේශපාලක ගෝල බාලයෝ ඕමාන් ආයෝජකයාට පහර දීලා

මීගමුව බඩල්ගම හල්පෙ ප්‍රදේශයේ පිහිටි ඇඟලුම් කම්හලකට කඩා වැදු ආණ්ඩුප පක්ෂ ප්‍රබල දේශපාලනාඥයකුගේ ගෝලයන් බව කියන කීපදෙනකු එම ඇඟලුම් කම්හල අයිති ඕමාන් ජාතික කෝටිපති ව්‍යාපාරිකයකුට සහ ආරක්ෂක නිලධාරියාට පහර දුන්නේ යැයි කියන පුද්ගලයන් තිදෙනකු අත්අඩංගුවට ගත් බව බඩල්ගම පොලිසිය පවසයි.

31 March 2023

අයි.එම්.එෆ් ගුණ දොස් බලන්න ජනපතිගෙන් කමිටුවක්

ජාත්‍යන්තර මූල්‍ය අරමුදලේ ණය පහසුකම ක්‍රියාත්මක වන ආකාරය ගැන සොයා බැලීම වෙනුවෙන් පසු විපරම් කමිටුවක් ජනාධිපති රනිල් වික්‍රමසිංහ මහතා විසින් පත් කොට ඇත.

31 March 2023

ඉන්දියාවෙන් බිත්තර තවත් ලක්‍ෂ 10 ක් එයි

ඉන්දියාවෙන් ආනයනය කළ තවත් බිත්තර ලක්‍ෂ 10 ක් කොළඹ වරායට ළගා වූ බව රාජ්‍ය වාණිජ විවිධ නීතිගත සංස්ථාවේ උසස් නිලධාරියෙක් ‘ලංකාදීප’යට පැවසීය.

31 March 2023

‘‘රට පෙරලන්න හදපු අය රටින් පැන යනවා‘‘

’’රට හැර ගිය බොහෝ වෛද්‍යවරුන් සමාජ මාධ්‍යජාල ඔස්සේ රට පෙරලන්න උත්සාහ දරපු කයිවාරුකාරයන් බව හිටපු සෞඛ්‍ය අමාත්‍ය චන්න ජයසුමන මහතා පැවැසීය.

31 March 2023

ගුවනේ නමක් තබා නියමු පියා ගුවනට සමු දෙයි

වසර 40 කට අධික සේවා කාළයක් සම්පූර්ණ කළ ශ්‍රී ලන්කන් ගුවන් සේවයේ ජ්‍යෙෂ්ඨතම ගුවන් නියමුවෙකු වන උත්පල කුමාරසිංහ මහතා සිය අවසන් පියාසැරිය කටුනායක ගුවන් තොටුපළ වෙත පැමිණෙමින් සිය සේවයෙන් සමු ගැනීමට අද (31) දින දහවල් පියවර ගෙන තිබුණි .

31 March 2023

පැල්මඩුල්ලේ නීතිඥවරිය අභිරහස් ලෙස මිය යයි

පැල්මඩුල්ල බුලත්වැල්ගොඩ නිවසක අභිරහස් ලෙස මියගොස් සිටි නීතිඥවරියකගේ සිරුර සොයාගත් බව පැල්මඩුල්ල පොලිසිය කියයි.

31 March 2023

කුඩු අංජුගේ මැනේජර් රිමාන්ඩ්

විදේශ ගතව සිට මෙරට කුඩු ජාවාරම මෙහෙයවන රත්මලානෙ කුඩු අංජු නමැත්තාගේ මුදල් පරිපාලනය සහ මත්කුඩු බෙදා හැරීමේ ජාලය මෙහෙය වූ බව කියන පුද්ගලයකු අපරාධ පරීක්ෂණ දෙපාර්තුමේන්තුවේ නීති විරෝධී වත්කම් විමර්ශනය අංශය මගින් සැකපිට අත් අඩංගුවට ගෙන අධිකරණය වෙත ඉදිරිපත් කිරීමෙන් පසු අප්‍රියෙල් මස 06 වන දින දක්වා රිමාන්ඩ් බාරයේ තබන්නැයි කඩුවෙල මහේස්ත්‍රාත් චාණිමා විජේබණ්ඩාර මහත්මිය අද (31) දින නියෝග කළාය.

31 March 2023

විදුලි බිල අඩු කරන හැටි උපයෝගිතා කොමිසම විමසයි

ඉන්ධන මිල පහත දැමීමට සමගාමීව විදුලි ගාස්තුව අඩු කළ හැකි ආකාරය පිළිබඳව කඩිනමින් දැනුවත් කරන ලෙස ලංකා විදුලිබල මණ්ඩලයට ලිඛිතව දැනුම් දුන් බව මහජන උපයෝගිතා කොමිසමේ සභාපති ජනක රත්නායක මහතා ‘ලංකාදීප’යට පැවසීය.

31 March 2023

එජාපය අනුරාපුර නිවහනට ගෙවදියි

එක්සත් ජාතික පක්ෂයේ අනුරාධපුර දිස්ත්‍රික් ප්‍රධාන කාර්යාලය අනුරාධපුර කඩපනහ දී පක්ෂ නියෝජ්‍ය නායක රුවන් විජයවර්ධන මහතාගේ ප්‍රධානත්වයෙන් අද විවෘත කෙරිණි.

31 March 2023

ජනපති ගාල්ලට කඩා පනී

ගාල්ල කොග්ගල සහ අහංගම ප්‍රදේශවල සංචාරක හෝටල්වල කටයුතු නිරීක්ෂණය කිරීම සඳහා ජනාධිපති රනිල් වික්‍රමසිංහ මහතා අද(31හදිසියේ එහි ගියේය.

31 March 2023

ලෙඩ වූ දුම්රිය රියදුරෝ එති

දුම්රිය රියදුරු උසස්වීම් සම්බන්ධයෙන් ඇති වූ ගැටලුවක් හේතුවෙන් දුම්රිය රියදුරන් ලෙඩ නිවාඩු දමා ඇති බවත් ඔවුන් මේ වන විට සේවයට වාර්තා කරමින් සිටින බවත් දුම්රිය දෙපාර්තමේන්තුවේ උසස් නිලධාරියෙක් පැවසීය.

31 March 2023

ඇමති කංචන ලෝක මට්ටමේ සාකච්ඡාවක

විදුලිබල මණ්ඩලයේ ප්‍රතිව්‍යුහගත සැළසුම්, පෞද්ගලික අංශය වෙනුවෙන් පුනර්ජනනීය බලශක්ති ව්‍යාපෘති ක්‍රියාත්මක කිරීමට මුල්‍ය සහය සහ පුනර්ජනනීය බලශක්ති ව්‍යපෘති සංවර්ධනය පිළිබඳව විදුලිබල හා බලශක්ති අමාත්‍ය කංචන විජේසේකර සහ ලෝක මට්ටමේ ආයතන රැසක නියෝජිතයන් අතර සාකච්ඡාවක් අද (31) පෙරවරුවේ පැවැත්විණි.

31 March 2023